|
اول سفره خارج المملكه لتركيا سلام عليكم ورحمة الله وبركاته اسعد الله صباح الجميع بكل خير بالبداية حاب اشكر جميع الاعضاء المتواجدين هنا اقسم بالله معلومات ثررريةً وقسمة يشكرون عليها انا بإذن الله نويت السفر لتركيا وتعتبر هاذي اول سفره لي خارج المملكه😅 فحاب لوتكرمتوا اخذ المعلومات والنصائح منكم سفرتي باذن الله في بداية ابريل او نهاية مارس لمدة 13 يوم تقريبا طبعاً السفر بالزوجه والبنت فافضل الاماكن الي ممكن ازورها هناك (افضل القرئ الريفيه عن المعالم) هل تنصحوني استئجار سياره او اطلع قروب سياحي في طرابزون تحديداً واسف ان طولت عليكم ولكم جزيل الشكل والتقدير |
ممكن تزور انطاليا و طرابزون يعني خلها 3 طرابزون 3 انطاليا 6 اسطنبول و يوم منها بورصة خذ لك في طرابزون سيارة و سايق يوميته 400 ليرة مع البنزين يوديك و يلف فيك على راحتك |
اهلا بك اخي القرني .. ما ذكرته الاخت منيرة مقترح وبحاول اعطيك مقترح ثاني .. طالما إنك اول مرة تسافر خارج السعودية فانصحك تكون رحلتك متأنية وما فيها تنقلات كثير حتى تقدر تعطي كل شيء حقه .. اقترح تختصر رحلتك على اسطنبول وانطاليا ولا يمنع إذا حبيت تروح يوم لبورصة أو سبانجا ولكن حاول تغطي اسطنبول بالكامل وتعطيها حقها .. بالمناسبة توقيت رحلتك هو نفس توقيت رحلتي في عام 2017 فالأجواء تكون رائعة واحتمال تلحقوا على موسم زهرة التوليب بتشوفها منتشرة في اسطنبول بالحدايق العامة لكن هذا يرجع لبرودة الجو فكل ما تاخرت الرحلة في ابريل تظهر اكثر حاول تقرأ تقريري في الصفحة الأولى ( الرحلة الربيعية للاراضي التركية ) لان توقيت الرحلة كان بنفس توقيت رحلتك فهذا يعطيك انطباع أفضل بالتوفيق |
اقتباس:
الله يعطيك العاافيهً لكن كم تقريباً تحتاج من مصاريف غير الفنادق والطيران (13 يوم) |
اقتباس:
لكن حسب المعلومه الي عندي ان السواقين غالين فاقترح ع احد الاخوان استاجر سياره بطرابزون ممكن تطلع ع 1350 7 ايام |
اكيد الافضل استاجار سيارة بطربزون ولكن في حالة عدم الاستاجار بالإمكان الاعتماد على الرحلات الجماعية من المكاتب المنتشرة بالميدان وبإمكانك الاستفادة من التقارير الحديثة بخصوص هذا الموضوع. |
اقتباس:
طرابزون يستاجر سيارة ويروح فيها وين مايبي 100 الايجار اذا طار في توقيته تحياتي أرسلت بواسطة أوكسير بإستخدام Tapatalk سبحانك اللهم وبحمدك أستغفرك وأتوب إليك |
وعليكم السلام مايقصرون الاعضاء وو التقارير غنيه بالمعلومات 🇹🇷 الجو في ابريل حلو ربيعي في اسطنبول وو موسم توليب 🌷 بس في مارس وو بداية ابريل ممكن يكون للحين في ثلوج بالشمال وو ع الجبال 😊 وو اكيد تأجير سياره في طرابزون افضل وو اريح لكم ☺ قررو اي مناطق بتروحون لها عشان تسوي الجدول 😁 |
أهلاً أحمد ... اختيارك لتركيا .. موفق بلد جميل وسياحة عائلية بامتياز .. الشمال التركي ربما الأجواء لن تكون مناسبة برد وثلوج ... مقترح الرائع ( نواف ) ممتاز .. وبالنسبة للتكاليف من يحددها ( نظرتك وقناعتك ) يستحق أو لا يستحق وفي هذا الأمر ( الناس أجناس ،،، ولولا اختلاف الأذواق لبارت السلع ) عليك بالبوابة وقراءة التقارير بتأني وتسجيل كل ماتميل له رغباتك ورغبات أسرتك .. في النهاية ستجد نفسك أمام خطة سير نهاية مطافها نجاح بإذن الله .. |
شهر 4 يعني الربيع و تركيا كلها حلوة في الربيع سواء رحت الشمال التركي او جلست في اسطنبول و ما حولها في اسطنبول محد ينصح بالسواقة لانها متعبة مع الزحمة و قلة المواقف لكن خارج اسطنبول افضل انك تسوق بنفسك و الأماكن سهلة و شوارعهم تشبه شوارعنا اذا بتروح للشمال ممكن تخصص 6 أيام لطرابزون يعني توصل اسطنبول ترتاح اول يوم و تنطلق لطرابزون ثاني يوم لين سابع يوم و تبقى لك 6 أيام في اسطنبول تروح فيها اشهر الأماكن مثل السلطان احمد و تقسيم و البسفور و المتاحف و الحدايق وممكن تاخذ سيارة اول يوم تروح لبورصة 3 أيام ثم لسبانجا و بولو 3 أيام مناطق طبيعية و جميلة تبعد عن اسطنبول ساعتين او 3 بالكثير , و التنقل سهل بقوقل ماب ثم ترجع السيارة للمكتب و تكمل رحلتك في اسطنبول .. بالتوفيق |
اقتباس:
السفر بإذن الله بيكون يوم 18 مارش يعني شهر ثلاثه فخايف ما استفيد من الجزء الشمالي لاني فريت انه ممكن يكون المناطق كلها ثلوج هنا |
إذاً ممكن تطبق الخطة الثانية تاخذ سيارة و تروح لسابنجا تجلس فيها يومين تزور نتركوي و جبل كارتبة و معشوقية و بحيرة سابنجا و تاخذ يومين لمدينة بولو تزور بحيرة ابانت و بحيرة غولجك و ميدان بولو ممكن تزور منتجع نادي فناربخشة و المكان الي يعجبك و ترتاح فيه اجلس فيه اكثر أغلب الأماكن لا تحتاج حجز مسبق روح و الي يعجبك اسكن فيه خيارات السكن كثيرة و متاحة أو إلى بورصة و يلوا و فيهم الكثير من الأماكن https://www.arabtrvl.com/vb/t29876.html هذا موضوعي بخصوص الأماكن الي ذكرتها لك يوجد أماكن اخرى انا لم أزرها في اسطنبول القرية البولندية في الجزء الأسيوي غابات بلغراد في الجزء الأوروبي ربما تعجبك كطبيعة و ممكن تروح لها وترجع في نفس اليوم |
هلا اخوي انا متلك سافرت لاول مرة وكانت شهر اكتوبر 2017 الماضي وكان بدية نزول التلج ع مرتفعات اوزنجول وشي رووووعه انصحك لاتروح الا نهاية مارس لا الان التلج مغطي في اغلب مدن تركيا السيارة استاجر سيارة السياقة هناك متعه اقصد طرابزون لفيت فيها لين وصلن المنفد الجورجي ولمدة 6 ايام باقل من 500 ريال اما اسطنبول ماااانصحك الا التكاسي او مواصلات النقل العام والاعضاء هنا مايقصروون |
اول شيء سفرة موفقة ان شاء الله تستمتع فيه بالنسبة ليه جدول حلو لك اول 3 ايام في اسطنبول تزور فيها جزيرة الاميرات مضيق البيسفور بالسفينة تزور مطعم المدينة كل مشاهير العرب زاروه تزور مطعم نصرت تزور تقسيم جميلة تقسيم في النهار تزور جامع السلطان احمد وفيه تلفريك نسيت اسمه تطلعه يوريك اسطنبول من منطقة مرتفعة روعة بشكل خورافي فيه المدينة الصغيرة عبارة عن مجسمات مباني صغيرة تشوفها ناسي اسمها الان والله بعدين تروح يلوا يومين يلوا مشهوره في حماماتها وتزور بورصا يومين وتطلع بالاتفريك وانت راجع مر على صبنجا صبنجا روعة روعة شيء لايوصف جميلة الجلسات فيها والنهر لو حاب تسكن فيها كمان افضلك والباقي خليه في اوزنجول 4 ايام تروح بالطيران الداخلي وترجع اخر يومين اسطنبول |
| الساعة الآن 10:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO