![]() |
مسافر لاول مره للشمال التركي .. استفسارات تحتاج اجوبه السلام عليكم ورحمة الله وبركاته : باذن الله قررت اسافر الى الشمال التركي تحديدا في 26 يونيو 2018 الى 16 يوليو 2018 واتمنى الفزعه منكم في ترتيب جدول سياحي مناسب لعدد 2 بالغين و2 اطفال طبعا ابي اجلس كامل المده في شمال تركيا وقررت احجز رحله مباشره بدون ترانزيت لقيت عرض على الخطوط التركيه من جده الى طرابزوان والعوده كذلك بسعر 2550 ريال للكبار وسعر 2050 ريال للطفل الواحد ... وش رايكم بالسعر ؟؟ بخصوص الفنادق هل احجز من الان خصوصا ان بوكينق اغلب العروض على حجوزات غير مسترده ؟ ماهي افضل الفنادق في اوزنجول وطرابزون تحديدا ؟ كذلك الحال بالنسبه للسياره هل احجز من الان وماهو افضل موقع ثقه ؟ اتمنى الرد ولكم كل الشكر والتقدير |
اهلا بك اخي .. شيء جيد التخطيط بشكل مبكر وخصوصاً أن سفرك سيكون في وقت الذروة السياحية بالنسبة لتذاكر الطيران كل ما تحجز بدري بيكون السعر أفضل ولكن يقابل هذه الميزة حالة توتر من أي ظروف شخصية تعيق السفر لا سمح الله بالنسبة لحجز السيارة أرى أن لا تستعجل ولكن قبل السفر بشهر تدخل على موقع ( رينتال كار ) وتشوف الأسعار وتحجز من خلالهم بالنسبة للفنادق فانصحك في هذه المرحلة تقرأ التقارير في الصفحات الأولى من البوابة وخصوصاً التي غطت الشمال التركي وبتلاقي من ضمن التقرير تجارب الأعضاء بالتعليق والصورة على كل فندق سكن فيه لدي ملاحظة بسيطة .. لا أجزم ولكن أخشى أن تخصيص رحلتك بالكامل ( حدود 3 أسابيع ) للشمال التركي يكون فيها نوع من الملل وفي نفس الوقت تضييع لفرصة مشاهدة مزيد من الاماكن في تركيا تستحق الزيارة .. عموماً هي ملاحظة وليست تغيير قناعة قيبقى القرار الأخير لك وبالتوفيق |
طبعا الفنادق بهذه الفترة تكون اسعارهاا مرتفعة الافضل تحجز من غير الدفع يعني تخلي الدفع عند الوصول مع الغاء مجاني |
اقتباس:
بخصوص اسعار الطيران بحكم خبرتكم هل ترى ان السعر مناسب ام كون متبقي على الرحله قرابه ال 5 اشهر .. يعني هل تتوقع ممكن القى عرض افضل خصوصا ان الرحله مباشره وبخصوص موضوع ان تخصيص المده للشمال التركي بالكامل انا اعشق االارياف والطبيعه والست من هواة الاسواق والمدن الصاخبه والمزدحمه لذا مثلكم يستطيع المساعده على تنظيم برنامج سياحي لا يكون ممل خصوصا ان الشمال التركي غني بالاماكن المتعدده .. شكر للمرورك مره اخرى .. خالص تحياتي |
اقتباس:
المشكله زي موقع بوكينق اغلب تم حجز 30 % من فنادق اوزنجول مثلا ولايوجد خاصيه الالغاء المجاني كل فنادق اوزنجول حجوزاتها باسعار غير مسترده يعني تحجز وتجي مرحبا ماتجي لاي ظرف كان لاقدر الله راحت فلوسك .. خالص تحياتي |
هل من مجيب ؟؟؟ احتاج برنامج وهل سعر الطيران مناسب ؟ |
اهلا بك .. حسب علمي ان الطيران المباشر من جدة لطرابزون يكون في فترة الصيف واعتقد الوحيدة هي التركية ولست متاكد ولكن الافضل ادخل على موقع ( سكاي سكانر ) او موقع ( فلاي ان ) واكتب المعلومات واختيار طيران مباشر لاجل تتاكد فيه شركات طيران ثانية غير التركية .. بالنسبة للسعر فغالبا سياسة التسعير تبدا بالارخص ثم تتزايد مع الوقت فبالتالي لو اكتشفت ان الخطوط التركية هي الوحيدة لخط سيرك فنعم هذا ارخص سعر لانه الوحيد ويتزايد مع الوقت ... بالنسبة للشمال التركي زرته مرة واحدة وليس لدي خبرة كاملة فيه ولكن بكتب لك المناطق المشهورة المفترض تغطيتها في رحلة ثلاثة اسابيع ( طرابزون / اوزنجول / ايدر / ريزا / اردو / سامسون ) واذا حبيت تضيف معهم باطومي في جورجيا على الحدود مع الشمال التركي .. زرت طرابزون واوزنجول وايدر ريزا واعتقد تكفيهم 10 ايام ولكن حاول تقرا تقارير اكثر واكثر وتستفيد من تجارب الاخرين وبالتوفيق |
اذا كان ودك بفندق على البحيرة انت مضطر الى الدفع واذا لا تستطيع ان تحجز مباشر من الفندق لكن قبل هذا كله حجز السيارة هو الاهم لانه اذا كان لديك سيارة تستيطيع السكن باي مكان حتى لو كان بعيد |
الله يعطيكم العافيه (نواف ومشرفنا القدير ) .. ماقصرتو |
أهلاً أبو إيلان ... بدايةً .. تاريخ رحلتك تعتبر ( قمة الموسم السياحي ) غلاءً وزحمةً .. المدة كثيرة ع الشمال .. إما تقلل المدة أو تضيف اسطنبول مع الشمال ... بالنسبة لحجوزات السكن .. بوكينق يفي بالغرض لكن لا بد يكون ( الإلغاء المجاني ) تحسباً للظروف .. حجز السيارة .. لديك شركات بدجت ،، آفيس ،، يوروكار ... حجز مباشر من مواقعهم .. شركات عالمية موثوقة ومحترفة .. ولديهم مكانب في مطار طرابزون .. وربي يوفقك .. |
شكرا جزيلا اخي المميز كتكات طيب لو قللت المده الى 15 يوم ابغى برنامج تفصيلي بمعنى توزيع الايام وياليت اذا مافيها ازعاج ودي اعرف افضل الشقق في اوزنجول وكذلك طرابزون لانه احتمال العدد يزيد الى 7 كبار و 2 اطفال وبخصوص حجز السياره دخلت على موقع كارينتل وحصلت سياره عائليه 7 مقاعد لكن سعرها اليومي جدا غالي يصل الى 450 ريال يوميا .. وش رايكم احجزها والا اخذها مع السائق اوفر ؟ اسف على كثرت الاسئله ولكم كل الشكر |
أهلا أبو إيلان ... بالعكس .. لا تذهب إلا وكل استفساراتك اطرحها هنا ... تواجد الجميع هنا لنقل التجارب وطرح الخيارات وعرض الخبرات ... وماتفعله من حرص ومتابعة وترتيب واستفسارات .. مؤشر بإذن الله لنجاح رحلتك ... قلت لك في ردي السابق ... رحلتك في ( قمة الموسم السياحي ) لذلك لاتستغرب من هذه الأسعار ... رأيي والأمر لك ... أن تستأجر سيارة تقودها بنفسك ... ثق بأنه قرار يتبعه إيجابيات كثيرة .. سعر آجار السيارة أشوفه في حدود المعقول ... لإن في هذه الفترة كما أعرف ( تنفد أغلب السيارات الكبيرة ) الأهم أن تتأكد من وجود مكان مناسب لأمتعتكم .. عددكم ماشاء الله كبير .. لذلك البعض يأخذ سيارة أكبر من العدد من أجل الأمتعة .. بالنسبة لموضوع السكن في أوزنجول .. أغلب المساكن هناك متقاربة المستوى .. الأهم إذا معك كبار سن حاول ما تأخذ سكن يحتاج صعود ( مرهق ومجهد ) وأغلبها عبارة عن شقق بغرفة و2 و3 غرف .. هناك القرية والأجواء تنسيك مستوى السكن .. بالنسبة لطرابزون ... مليئة بخيارات السكن ( فلل فنادق شقق ) تعتمد ع ميزانيتكم .. الأهم ابتعد عن الميدان .. زحمة وضيق شوارع ومستوى سكن متدني .. بالنسبة لتوزيع الأيام .. هناك المثلث الذهبي للشمال كما يسمونه ..( طرابزون ، أوزنجول ، إيدر ) وهناك من يضيف لهم مدينة ( أوردو ) ... أفضِّل هذه الخيارات لوضع مسار رحلتك .. وبالتوفيق ... |
استدراكاً .. لآجار السيارة ... إذا كنتم تستطيعون تقسيم عددكم بسيارتين ( صغيرتين ) ربما يكون خياراً مثالياً لكم .. احسبها صح وقرِّر مايناسبك .. |
الله يبيض وجهك اخوي كتكات ويجزاك خير تقريبا الرحله خلاص 15 يوم تم تقسيمها على النحو التالي : 5 ايام اوزنجول 4 ايام ايدر 6 ايام طرابزون معي عدد 4 كبار فالسن لذا خليتها قد الامكان استرخاء والتمتع بالطبيعه وعدم الاكثار من التنقل حجزت فيلا في اوزنجول اسمها cinner villa حجزت فيلا في ايدر في فندق هاشم اوغلو حجزت شقق في طرابزون اسمها ذا لايف سويسس والسياره حجزت من رينتل كار بسعر ممتاز 4900 ريال لمده 15 يوم سياره كبيره لعدد 9 اشخاص .. الله ييسرها .... |
السياره بالرغم من انها كبيره لكن بجرب متعه القياده بنفسي |
أهلاً بك ... جميل مافعلته ... وخيار السيارة موفق جداً .. بالعكس القيادة هناك ممتعة ... تجنّب الأماكن المرتفعة ذات الطرق الضيقة والمنعرجات الحادة .. سؤال يالغالي ... هل الأيام 15 أم الليالي ؟؟؟ تراها تفرق حبيبنا .. علشان يكون التقسيم صحيح .. وآيدر قرية جميلة جداً لكن يكفيها ليلتين كحد أقصى .. وتأكد يالغالي من السكن هل هناك صعود أم لا .. ( ضروري جداً ) وراح أحاول اتأكد بنفسي إن سمح وقتي :) |
اقتباس:
الله يسعدك اخوي الكريم ماقصرت على اهتمامك وهذا ماهو غريب على مميز مثلك بخصوص الأيام عدد 15 ليله واليوم السادس عشر العودة بمشيئة الله الى جدة (26 يونيو-11 يوليو) وملاحظتك بخصوص قرية ايدر راح اخذها فالاعتبار لكن وش الخيار البديل اللي تشوفه ؟ لو ترتب لي جدول اكون ممنونلك اذ انت تشوف ايدر لا تستحق اكثر من يومين مع الاخذ فالاعتبار ان معي كبار فالسن كذلك الحال بالنسبة لاوزنجول لازم تكون فالبداية اول (5 ايام) حجزي دفعت المبلغ وهو غير مسترد قلت اتوكل على الله وان شاء الله ربك يسرها (مغامره اظطريت لها كون العدد كبير والسعر ممتاز) بخصوص فندق هاشم اوغلو في ايدر الحقيقة لا اعلم هل هو مرتفع ام لا فعلا كلامك في محله لكني بحثت عن هذي النقطة في تعليقات المسافرين لايدر في كل الفنادق لم اجد اجابه توضح هالشي فإذا تشوفلي فندق مناسب خصوصا من ناحيه هل هو مرتفع ام لا اكون شاكر ومقدر ... خالص تحياتي لك |
اقتباس:
وعليكم السلام و رحمة الله و بركاته اقتباس:
السعر جيد جدا خاصة انه مباشر بخصوص كل الرحلة في الشمال التركي جدا ممتاز ولربما يظهر انه ممل ولكن لو اصبح عندك جدول مرتب لن يكون ممل ويجب ان يشمل مناطق اوسع من اوزنجول وايدر و المناطق الاعتيادية اقتباس:
الفنادق في طربزون افضل وممكن الحجز اليها بضع ايام وذهاب و العودة يعني نقطة انطلاق طربزون اوزنجول طربزون ايدر وهكذا اقتباس:
كذلك في فندق جديد ملاصق لمحطة بنزين لايحضرني اسمه الان روعه روعه عموما الارتباط بفندق فتره طويله لاانصح به اقتباس:
انصحك بما ان المدة طويله ان ترتب نفسك تسكن طربزون وتنطلق من طربزون الى اوزنجول من الصباح الى المساء كذلك سلطان مراد ايدر ذهاب وعودة حيث الانهار ومغامرات التجديف وغيرها و الحبال المعلقه ثم ترجع الى القريب منك التي ذكرتهم من قبل بحيرة سيراجول وحيدر نبي في يوم صوميلا القلعة مع الكورنيش او مول فوريوم طربزون مول او جواهر مول هومسكوي وزيقينا والمغارة شخصيا لاانصح بها احسها بعيده وتكتفي بهومسكي و الكوفيات و الطبيعة وبما ان لديك وقت كثير تشد الرحال الى اوردو 3 ساعات وتختار لك فندق مناسب وتشوف التفريك في اخر رحله لي رحت سكنت في ريدسون بلو وذهبت بسيارة و ليس بتفلريك ويمكنك فعل العكس اوردو جميله و ولايه كبيره ممكن تذهب الى بارشمبا يايلا حيث الطبيعة و المناظر التي لاتمل وهناك فندق جديد ممكن السكن فيه او تاخذ جوله صباحية حتى العصر وترجع اوردو تجلس يومين في اوردو وتزور مثل هذي المناطق في تقرير 2015 وغيره ذكرت تفاصيل كثيره وممكن تكمل المشوار الى سامسون الفسيحة الرائعه و السكن في الشيراتون فندق نظيف و رخيص مولات و حدائق جدا روعه اوردو و سامسون قد لاتحتاج الى حجز مسبق لان لايوجد ظغط عليها او تحجز قريب على الرحله يكون مرتب نفسك و جدولك ومنها تطلع على اماسيا و العودة الى طربزون او منطقة قريبه و السلام عليكم و رحمة الله و بركاته |
اونجول لو 50 يوم ما تمل من عندها بس حذاري انك تطلع لمرتفعات شكرسو او بحيرة السمك |
يعطبك العافية اخوي ماجد وماقصرت لكن الجدول تغير الى 15 يوم من (26 يونيو-11 يوليو) والتذاكر قصيتها وخلصت والعدد ارتفع الى 7 كبار (4 كبار فالسن) و2 أطفال كما ذكرت في مراسلتي مع الاخ كتكات اللي ماقصر وجميع الاخوان |
اقتباس:
شكرا على مرورك الجميل اخ عادل شكر سو حسب معلوماتي المتواضعة اللي اخذتها من هذا المنتدى الرائع انها متشابهه الى حد كبير مع مرتفعات السلطان مراد لذا راح اكتفي بمرتفعات السلطان مراد ان شاء الله بحيره السمك احسها وناسة طبيعه على بحيره على جبال تكسوها الثلوج وتوقيت الرحله في اواخر يونيو .. هل في هذا التوقيت يصعب الوصول اليها ؟ |
اقتباس:
تذهب الى اوزنجول وتشوف الجو لو كان صحو تكمل لو كان مطر او ضباب خلك في اوزنجول طريقها التفافات كثيره ومتعب صحيح صتصل الى مكان جميل ولكن فيه مناطق اجمل وارحب كما ذكرت في موضوعي عن بحيرة السمك |
اقتباس:
وروح - - وتحصل ناس كثير يروحون لها اطلع وراهم والطريق واضح بس يبي لك تكون منتبه ومركز في القياده خاصه بمرتفعات الشمال التركي |
أهلاً أبو إيلان ... هاشم أوغلو آيدر .. موقعه ممتاز - جانب الجامع والحمامات التركية وله إطلالة مباشرة ع النهر .. الأهم أنه ليس في مكان مرتفع السيارة تقف جانبه .. وكذلك بالنسبة لفندق أوزنجول .. يقع في بداية القرية وقريب من البحيرة والجامع .. المهم في القيادة ( المرتفعات ) كن حذراً وبتركيز جيد ... |
اقتباس:
الله يعطيك العافيه اخوي ماجد والله يجزاك خير |
اقتباس:
يزيدني شرف مرور الكبير الفراهيدي على استفساراتي وهذا بحد ذاته يكفيني ان شاء الله متوكلين على الله والله يسسرها |
اقتباس:
يعجز لساني عن شكرك اخي كتكات واسال الله العظيم ان يكتب ذلك في ميزان حسانك لكن ذكرت سابقا ان ايدر حدها يومين وانا حاجز (4) ايام طيب لو خليتها يومين مثل ماتفضلت يتبقى يومين وين اقضيها علما باني معي كبار فالسن فهل الاقامة يومين ومن ثم الانتقال الى موقع جديد مجدي من ناحية هالنقطه .. يعني ممكن اجلس (4) ايام واتخذ من ايدر نقطة انطلاق الى مواقع تراها مناسبه .. اكرر واقول (من القلب شكرا لك ) |
والله اخوي في مدنية جميلة قريبة من ايدر اسمها ارتيفن ايضا ايدر بها قلعة وبعض الجسور العثمانية والشلالات انا اشوف بحكم معك ناس كبار الافضل البقاء والاستجمام في ايدر ولا تتعب نفسك والي معاك |
اقتباس:
حبيبي أبو ايلان ... الكل هنا بالخدمة .. كلام مشرفنا الجميل عادل .. معقول .. كبار السن أحياناً كثر التنقل مرهق .. أو توزيع اليومين مابين طرابزون وأوزنجول .. قرأت عن منتجع اسمه ريدوس ( لم أجربه ) يقع بالطريق بين طرابزون وآيدر ربما يكون خياراً .. أتمنى أحد الأحبة يعطي رأياً ( عن تجربة ) لهذا المنتجع .. |
الله يعطيكم العافيه جميعا كلامكم عن ايدر خلاني اعيد النظر فيها جذريا اشغلتكم باستفساراتي لكن تحملوني شوي ترتيب المناطق من الان يترتب عليه ترتيب الفنادق وودي انهي هالموضوع بدري خصوصا ان سفرتي ان شاء الله راح توافق الصيف وتم قص التذاكر من جده الى طرابزون مباشره لذا وش رايكم وانتم اهل للراي في التالي : 5 ايام في اوزنجول 1 يوم في ايدر 3 ايام في اوردو أو سامسون (اللي ترونه مناسب ) 6 ايام في طرابزون اوزنجول غير قابله للتعديل كوني حجزت الفندق بحجز غير مسترد ايدر الفنادق غاليه عن طريق بوكينق بالرغم اني حجزت مع خاصيه الالغاء في فندق هاشم اوغلو لو وصلت هناك في هالتوقيت هل ممكن احجز تحت عيني او قد لا اجد فندق ؟ بالتسبه لاوردو وش رايكم فيها وماهي اهم النشاطات فيها ولو اخلي الانطلاق لها من ايدر كم ساعه بينها ؟ كذلك الحال بالنسبة لسامسون ؟ الاستفسار الاخير متعلق بالسياره هل موقع رينتل كار يقبل الفيزا مسبقة الدفع بالرغم اني حجزت ودفعت عربون وتم خصم العربون ودخلت على شروط الحجز في الموقع ولقيت ان الفيزا يجب ان تكون غير مسبقة الدفع يعني لو الفيزا تغطي مبلغ التامين هل يمشونها ؟ الله لايهينكم ارجو التكرم علي بالرد ... ولكم كل الشكر |
أهلاً أبو ايلان ... تقسيمك ( وجهة نظري الخاصة ) مميز ... آيدر .. قرية صغيرة جداً .. وخيارات السكن متوفرة .. لكن في الصيف ( ما أضمن لك ) خصوصاً معك عدد كبير .. لذلك اترك حجزك كما هو في ( هاشم أوغلو ) أوردو .. لم يسبق لي زيارتها .. كموقع هي بالاتجاه المعاكس لأوزنجول .. بمعنى أن طرابزون تتوسط بينهما .. ربما الأحبة يفيدوك أكثر .. كذلك موقع ( رينتال كار ) لم أجربه مسبقاً ... دائماً حجوزاتي مباشرة من مواقع الشركات .. رغم أن سمعة الموقع جيدة ... ولكن لا أعرف تفاصيله وشروطه ومدى التزامهم بها .. بالتوفيق يا أبو ايلان ... والجميع معك خطوة بخطوة .. حتى وقت صعود الطائرة :) |
عفواً ... ألاحظ باستفساراتك يا أبو ايلان ... أنك تذكر الحجوزات بالأيام ... والأفضل بالليالي ... لإنها أدق بمعرفة التواريخ والتقسيم ( مثال بسيط ) ذكرت أوزنجول 5 أيام ... وهذا يعني ( كحسبة ) 4 ليالي واليوم الخامس تغادر .. |
الله يسعدك اخي المميز كتكات خلاص شورك وهدايه الله خليت الحجز في ايدر (ليله واحده) في فندق هاشم اوغلو باقي اوردو نسمع راي البقيه فيها من ناحيه النشاطات والسكن ان امكن وكذلك الحال بالنسبه لموضوع الفيزا مسبقه الدفع(الراجحي تسوق) وبخصوص الايام اقصد فيها عدد الليالي اعتذر عن ذلك الله لا يحرمك الاجر اخي المميز كتكات ... وفقك الله |
السلام عليكم ..عذرا لدخولي المفاجئ في موضوعك ولكني لم استطع كتابة موضوع جديد..كنت اود الاستفسار عن فندقي اسكوك ومانيسول أولد سيتي ايهما افضل من حيث النظافة ثم الموقع..وجزاكم الله خيرا |
السلام عليكم ورحمة الله رأيي من رأي مشرفنا بما إنكم عائلة كبيرة ما شاء الله، و معاك كبار في السن (الله يحفظهم لك)، أشوف ان متعتكم في الرحلة بالاستمتاع بالأجواء العائلية. الخلاصة: إرجع لجدولك السابق 5 أوزنجول 4 إيدر 6 طرابزون وخل تركيزك من الان على الاماكن السياحية اللي تبون تزورونها في هذي المناطق وماحولها فقط، بحيث تروحون بالسيارة وترجعون للفندق، حتى لو المكان السياحي يبعد 100 كيلو بتنبسطون في الطريق الى زيارته، أفضل من إنك تطلع من فندق إلى فندق، بتخلص رحلتكم وأنتو تفكون و تجمعون شناطكم. أتمنى لكم رحلة سعيدة Sent from my iPad using Tapatalk |
أوردو سكنت في فندق انيمون جميل جدا تمشي الي بدايه الانطلاق الي التلفريك بمحاذاه الشاطئ السنتر كان فيها حركه لكن ما تمشيت كثير مطل بوزتبه هو اللي يطلع له التلفريك جميل أنصح بزيارته يوجد فعاليات منها الطيران ومطاعم وفندق بالأعلي من سلسه راديسون بلو فيزا مسبقه الدفع الراجحي استخدمتها لم أجد أي ملاحظات تحت الخدمه |
الساعة الآن 05:34 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO