المشاركة الأصلية كتبت بواسطة Mr.Hamad (المشاركة 370462)

مساء الخير والسلام عليكم



حبايبي واخواني هذي اول سفره بروح فيها بقضي شهر العسل لمدة سبع ليالي في اسطنبول الحمد لله رتبت الرحله بكل شي حجز طيران فنادق وعارف وين بروح وشنهو الاماكن السياحيه

- راح اسكن اربعة ايام في تقسيم كيف المنطقه وضعها من ناحية الامان الى كم الساعه المفترض اتوقف بالخروج من الفندق معا الاهل؟
امان وتقدر تطلع باي وقت ونفس ما قال اخوي نواف لا تدخل الازقة ولا تتكلم مع اي شخص يعرض عليك اي شي

-ونفس الشي بنسبه لشيشلي الى كم الساعه اتوقف بتجوال خارج الفندق؟
باي وقت اخوي الوضع امان

-سمعت من الافضل اني اتنقل بالجواز معاي بكل مكان وكرت العايله هل اكتفي بنسخه او صوره في الجوال؟
صورة من الجواز فقط ولا تستعمله باي شي فقط في المطار وشراء شريحة واحفظه في خزنة الفندق

-كيف وضع برنامج Bi taksi هل اهو يستحق الثقه وهل امان حاله حال اوبر لاني مخطط يكون هو وسيلة النقل الاساسيه حتى من المطار الى الفندق.
برنامج ممتاز التاكسي ليس مشكلة في تركيا لكن خل مكان مبالغ صغيره
يعني التاكسي يقول 20 تعطيه 20 لا تعيطه شي اكبر ويرجعلك عمله مزوره او يبدلها
وقوله 20 خله يشوفها قبل لا يمسكها
البرنامج ممتاز يحسب لك قيمة المشوار
يعني حتى لو ذهبت مع تاكسي ثاني تكون عارف القيمة
ودائما اتفق على المبلغ قبل الصعود ولا تستخدم العداد

شنصايحكم بشكل عام وشنهو المواقف الي ممكن تصير واتفادها وبعض المعالم السياحيه الاحسن اجتنابها بذاهب لها؟
كما اخبرتك فوق انتبه من التاكسي والناس الي تعرض عليك اي خدمة حتى ولو مجانا
ولا تتدخل باي شي ولا تتكلم مع اي شخص حول الدين والطائفة والسياسة والدول والاخرى

-معزم اني اروح قروب لمدة يوم في سبانجا عندي كم رقم مكتب سياحي اذا تعرفون مكاتب سياحيه موثوقه ورحلات مصرحه افيدوني.



شكرا للجميع