|
ترانزيت في اسطنبول السلام عليكم ورحمة الله وبركاته والله ترددت كثير قبل طرح استفساري من كثرة مواضعي واستفسارتي انحرجت اطرح استفساري بس عاد مالنا بعد الله الا اخواننا في العرب المسافرون انا رحلتي من جده الى طربزون وترانزيت ساعه وخمس وعشرين دقيقه(1:25) وانا اول مره في حياتي اسافر برا واصلا الطياره ماركبتها الامره وحده وكانت الى ابها انا زي ما قلت رحلتي من جده الى طربزون وترنزيت ساعه وشوي في اسطنبول والعفش بستلمو في طربزون والفيزا من النت والبورندق حق جده اسطنبول و اسطنبول طربزون بقصو من جده هل تختيم الجوازات يكون في اسطنبول مطار اتاتورك او في طربزون واذا في اسطنبول هل ياخذ وقت لاني بحثت في النت يقولو يمكن ياخذ حول الساعه حسب الزحمه او الترانزيت لهمر ممر خاص لتختيم الجواز لان الوقت احسه قصير واخاف تفوتني الرحله يريت تردو عليا بتفصيل وشاكر لكم مقدما |
وعليكم السلام ورحمة الله وبركاته مدري شقول لك بصراحة لكن اتوقع من شبه المستحيل اللحاق برحلة طرابزون خلال وقتك حاول تغييرها باي شكل وتجلس لك يوم ع الاقل ف اسطنبول عني افضل هذا الحل وهناك الكثير يجعلون وقت الترانزيت من ثلاثة الى اربع ساعات وأحيانا يتأخروا وما يلحقوا رحلاتهم فالطيران ممكن تتوقع اي شيء لتأخره فحياة الركاب وسلامتهم مهمة كظروف جوية او عطل طاريء او اي شيء اخر المهم هذا رائي الغير ملزم لك وأتمنى لك سفرة سعيدة ميسرة يارب |
اقتباس:
انا اصلا مسا الرحله جده طربزون طربزون اسطنبول اسطنبول جده من اطلس قلوبل بس من جده الى طربزون ترانزيت في اسطنبول وانا كلمت المكتب الي احجزت من عندو يقول براحه تلحق |
هلابك اخوي ابوعزوز اذا كان حجزك حجز واحد فقط جدة - طرابزون - جدة ماعندك مشكلة ابد... بغض النظر عن رحلتين اسطنبول في الذهاب من جدة والعودة من طرابزون لانها ترانزيت وهم المسؤولين عن الركاب المواصلين معهم في الرحلة حتى لو بدلو الطيارة الا اذا كان حجزك حجزين منفصلين حجز دولي جدة - اسطنبول - جدة ثم حجز داخلي اسطنبول - طرابزون - اسطنبول هذا يبيله مالا يقل عن 3 ساعات احتياط سوا في الذهاب او في العودة وانت ادرى بحجزك بس الي فهمته ان حجزك واحد جدة - طرابزون - جدة من ناحية التختيم دخول وخروج اكيد هم حاسبين حسابهم سواء كان في اسطنبول او في طرابزون والعكس مع العلم ان الركاب ماهو بكلهم وجهتهم وحدة فيه ركاب يمكن ينزلون في اسطنبول سواء في الذهاب او في العودة |
عليكم السلام والله يابو عزوز مطار اتتورك مطار مزدحم دائماً والتختيم ياخذ وقت الشي الاخر ما تضمن ان الطائرة تقلع في وقتها لذلك انا اشوف ان الموضوع فيه مغامرة والوقت ما يساعد |
اهم شي في جدة يحطون لك شورت ترانزيت و اولوية نقل عفشك تكون اسرع ان شاء الله تكفي انزل بسرعة من الطيارة و اتبع ارشادات الترانزيت و الافضل اركب سيارة غولف لان المطار كبير دام حجز واحد مسؤولين عنك تلحق الطيارة لا تخاف |
اقتباس:
انا الي الي طلبته من اطلس قلوبل جده طربزون في 3/7 وطربزون اسطنبول في 11/7 و اسطنبول جده في 17/7 الموجود في ورقه الحجز جده اسطنبول اسطنبول طربزون طربزون اسطتبول جده اسطنبول وكلها برقم حجز واحد اعتقد انها ما تطلع مباشره من جده الى طربزون |
اقتباس:
ذا ما اقلعت في وقتها هما يتحملو |
اقتباس:
اش يعني شورت ترانزيت من جده انا عشفي بستلمو في طربزون والبوردنق حق جده اسطنبول و اسطنبول طربزون باخذوه من جده |
والله ياجماعه بديت اقلق يعني ممكن ما الحق رحلة طربزون طيب انا رحلتي ولي طلبته منهم جده طربزون وهما بينزلو ترانزيت في اسطنبول هل اغير الحجز مع العلم انه فيها فلوس ياليت تفيدوني يعني انا بنزل من الطائره الى الجوازات وبعدين الصاله الداخليه يعني بدون عفش والبوردنق موجود والفيزا موجوه يعني مع هذا كله يمكن ما الحق وذا ما لحقت هما يتحملو والا انا |
اهلا بك حسب علمي ان مثل هذه الرحلات تكون المسؤولية كاملة على الطيران لأن الحجز واحد .. والخطوط السعودية تسويها لما تحجز لمكان وتكمل رحلتك على خطوط ثانية بقية رحلتك بشرط يكون الحجز كامل من الخطوط السعودية نصيحتي لك تتصل او تزور مكتب اطلس جلوبال في جدة وافهم منهم كل التفاصيل والمطلوب منك من لحظة سفرك من جدة حتى توصل طرابزون بالتوفيق |
اقتباس:
انا حجزي كان من مكتبهم في جده واتصلت على الموظف الي حجزت من عنده يقول براحه تلحق بس خليك مع الناس بس سمعت ان مطار اتاتورك زحمه جدا وممكن تطول في الجوازات وبعدها انتقال للصاله الداخليه بديت اخاف ان الرحله ممكن تروح علي |
اهلا بك انا كان قصدي انك تساله عن كل التفاصيل بحيث ما تمشي مع الناس ويكون اللي تمشي وراهم اصلا محطتهم النهائية اسطنبول مثلا تساله عن العفش هل بمجرد تسليمه في مطار جدة مالك علاقة فيه الا بطرابزون ؟ هل اذا وصلت مطار اتاتورك توقف بالجوازات ام هناك مدخل خاص بالمواصلين ؟ واعتقد بل متاكد اني قد شفت مدخل خاص للمواصلين فبالتالي وين بيكون تختيم الجوازات ؟ كل هذي الاسئلة التفصيلية الافضل تفهمها من الموظف من جدة .. الموظف يؤكد لك انك بتلحق على اساس انك فاهم الخطوات ومتمرس بالسفر الترانزيت .. فعشان كذا روح له وقول له فهمني بالتفصيل لاني اول مرة بحياتي اسافر بهذي الطريقة ولا ابغى يضيع وقتي بالاسئلة وخصوصا الجماعة هناك ما يفهمون لا عربي ولا انجليزي بالتوفيق |
ياجماعة الخير الرجال كلامه واضح هو حاجز جدة طرابزون ذهاب واياب ومن الطبيعي جدا ان يكون حجزه ترانزيت عن طريق اسطنبول لان مافيه دايركت في الحالة هذي الخطوط مسؤولة مسؤولية كاملة بتوصيل الركاب لوجهتهم الاخيرة مع عفشهم مهما كانت الظروف وتتحمل مصاريف الاقامة لكل الركاب لو اقلعت الرحلة الثانية بدونهم وتعوضهم باقرب رحلة ممكنة وفي حالة اخونا ابو عزوز اموره طيبة والدليل البوردنق باص حق الرحلة الثانية من اسطنبول الى طرابزون يستلمه من جدة قبل اقلاع الرحلة الاولى من جدة الى اسطنبول *** الي يقول مايمديك الوقت ضيق هو حجزه حجز واحد فقط جدة - طرابزون - جدة - توقف 1 (اسطنبول) الا اذا كان حجزه حجزين منفصلين جدة - اسطنبول - جدة هذا حجز واحد اسطنبول - طرابزون - اسطنبول هذا حجز ثاني في الحالة هذي معكم حق ان الوقت ضيق اصلا المفروض لا يقل عن 3 ساعات احتياط اما ابوعزوز اموره ان شاء الله في السليم فلا تقلقونه |
شوف ابوعزوز... مثل ماقال الاخ نواف بالظبط ورحلتك من اسطنبول الى طرابزون بتلحق عليها باذن الله بس تاكد بعد ماتنزل في اسطنبول وينك رايح لاتمشي في الطريق الخطاء اسال عن طرابزون اكيد بيكون فيه يافتة لوحة المواصلين الى طرابزون مثلا او بيكون فيه شخص يوجه الركاب اهم شي كن متاكد انك ماشي في الطريق الصح |
اقتباس:
العفش بستلمو في طربزون حسب كلام الموظف البوردنق حق اسطنبول طربزون باخذو من جده انا الي ابغى افهمو هل الترانزيت الى طربزون بيكون لهم مسار خاص في الجوازات او بيكون الجميع سوا في مكان واحد |
اقتباس:
انا علشان تفهم علي انسى مساله الترانزيت انا حجزي جده طربزون بقغد فيها 8 ايام ومن طربزون الي اسطنبول بقعد فيه 6 ايام وبعدين من سطنبول ال جده وكلها برقم حجز واحد المشكله اطلس قلوبال ما عندها دايركت من جده الى طربزون علشان كذا فيها الترانزيت نفس المسار هذا موجود في الخطوط التركيه دايركت بس اغلى من اطلس جلوبال 3000 ريال بنسبه للموجودين معي |
اقتباس:
يعني ترانزيت قصير في اسطنبول (فترة تحويل الرحلة قصيرة) دايما برحلات االترانزيت في مطار دولتك تقولهم فاينل ديستينيشن طرابزون يعني وحهتي الاخير طرابزون ساعات تصير زحمة على التخنيم كلم الموظف المسوول ان ماعندك وقت وراح يعديك السرى |
اقتباس:
بس قصدي لما اكلمهم في جده ان عندي شورت ترانزيت اش بيعملو ليا في مطار اتاتورك وهل الموجودين في مطار اتاتورك متفهمين في مثل هذي الحالات لان الي اسمعو انو فيهم دفاشه وممكن مايفهم عليا يعني الي افهمو ان الكل يروح نفس مكان تختيم الجوازات حتى الي عندهم ترانزيت او الترانزيت لهم مسار خاص |
اقتباس:
في مطارات اوروبا عادة تلاقي موظفين قبل ضابط التختيم و تشرح له في تركيا حاول تحصل لك موظف لان نادر ماتشوفهم وفي خطة جربها اطلب خدمة ويلجير حتى لو ماتحتاجها تدخل من سرى الفاست تراك بسبب صاحب الكرسي المتحرك |
ان شاءالله تلحق انت لما تنزل من الطيارة في مطار اتاتورك لا تروح الجوازات مالك خص فيها روح اتبع مسارات للترانزيت ويكون معاك البوردنق من اسطنبول لطربزون فيه رقم البوابه انت روح سيدا للبوابه ومنها تطير لطربزون وهناك تختم الجواز لدخول تركيا في طربزون بس |
اقتباس:
ما عليك تختيم جواز في اسطنبول ابدا انت تروح لبوابتك اللي بتوديك لطربزون وهناك يختمون جوازك اول ماتنزل من الطياره في اسطنبول تلاقي اشخاص واقفين يساعدون الركاب اسالهم قول لهم عن رقم البوابه وانك ترانزيت بيفهمونك ويودونك او يأشرون لك على المسار |
اقتباس:
مثل ماتفضلت به ام حسين ازيد نقطة وهي... رقم الصالة ورقم البوابة تلاقيه موجود في البوردنق باص حق الرحلة الثانية الي بتستلمه في جدة :58: |
اقتباس:
انا استفسرت من المكتب الموجود في جده وفعلا اول ما انزل مطار اسطنبول اسال عن الممر او البوابه الخاصه للرحله الثانيه بس التختيم بيكون في اسطنبول |
ماني عارفه بالنسبه للتختيم ليش باسطنبول وانت ترانزيت اذا ختمت من بوابة المسافرين راح تدخل لمخرج المغادرين فشلون بتروح لبوابة الدخول مره ثانيه ؟ افيدونا مااعتقد التختيم في اسطنبول ميه ميه راح يطلعونك بعد التختيم الى بوابة الخروج والاحسن بعد تسال اول ماتنزل من الطياره عن بوابة الترانزيت اللي قلت لك بتكون البوردنق اللي من اسطنبول لطرابزون توه دخل ولدي علي وسألته كان عنده رحلة من الكويت لاسطنبول مطار صبيحة ترانزيت لمطار بدروم يقول بس يشيكون على الجواز من بوابة الترانزيت مثل باقي الترانزيت لخارج البلد فقط وليس لدخول البلد يعني انبع مسار الترانزيت وبوابتك هناك يشيكون على جوازاتكم بس |
معروف التختيم في الترانزيت ام حسين انا كان مطاري سيخبول و فرنكفورت كذا مرة اختم فيهم مع ان وجهاتي جنيف و ميونخ |
انا حاجز ترانزيت ساعتين الله يستر :24: |
ماقصرتو كلكم ماشاء الله .. انا وضعي بكون العكس وماحبيت افتح موضوع جديد .. اذا وصلنا مطار اتاتورك وبعدها بكون عندنا رحله لميونخ على طيران ثاني .. - شنو الاجراءات اللي نسويها .. ويعطيكم العافيه كلكم:e304: |
| الساعة الآن 12:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO