|
مساعده دوختني المواقع السلام عليكم لي اسبوعين قلبتها براسي لين دخت مالقيت حل كل ما اجد حل تطلعلي مشكلة انا رحلتي 13 يوم ان شاء الله 6 ايام اسطنبول من اليوم السابع ليوم 13 ملخبط ابي ازور بورصة وصبنجا وابانت لكن مشكلة المواصلات بعد تفكير قررت احجز سيارة لكن واجهت مشاكل من في الاستلام والتسليم وضعت عدة مسارات وكلها فيها مشاكل مسار 1 : استئجار سيارة اسطنبول الجزء الاسيوي -بولو ليلتين -صبنجا ليلتين - بورصة ليله - تسليم السيارة بورصة . عيبها ياخذ رسوم مسار واحد تقريبا 300 ريال مسار ٢ : استئجار سيارة من الفاتح وركوب ميناء ياني كابي - بورصة ليله -بولو ليلتين - صبنجا ليلتين ثم العودة لبورصة - تسليم السيارة باسطنبول وعلى المطار مسار 3 : طلوع رحلة يوم واحد لبورصة وفي يوم اخر ركوب باص الى صبنجا واستئجار سيارة من صبنجا ليلتين - بولو ليلتين -تسليم السيارة في صبنجا - العودة مع الباص لاسطنبول مع العلم لم يسبق لي استئجار سيارة دخلت على موقع رينتال كارز طلعت الاسعار مختلفه من صبيحة واتاتورك والشركات مختلفه خصوصا تماتيك ديزل اتمنى مساعدتي واذا لديكم اقتراح مسار يالليت تنورونا |
اخوي انا افضل انك تحجز سيارة من مطار صبيحة وتسلمها لنفس المطار وتقدر من خلالها تزور سابنجا وبولو وبورصة وافضل موقع رينل كار والسيارة افضل تكون ديزل انت متى راح يكون موعد رحلتكم وكم شخص انتوا؟ |
بارك الله فيك نحن شخصين الذهاب 8 ابريل ان شاء الله والعودة 13 ابريل العصر مبدئيا كلها مطار اتاتورك لاجل وقت الرحله ممتاز |
وعليكم السلام مثل ماقال الأخ عادل اركب الباص من تقسيم الى مطار صبيحه الشخص ب 15 ليره واستأجر السياره من مطار صبيحه واتجه الى جسر عثمان غازي الجديد ورسوم عبور الجسر 65 ليره واحتفظ بالتذكره معاك وانطلق الى يلوا وبورصه وفي الرجوع اتجه الى بحيرة ابانت وصبانجا وفي نهاية الرحله في طريق العوده بيكون طريقك على مطار صبيحه رجّع السياره واركب الباص الى تقسيم 15 ليره للشخص :72: |
طيب بارك الله فيكم مطار اتاتورك ارخص بالاجار وفيه خيار اتوماتيك وديزل ورحلتي العصر هل تقصدون ارجع السيارة الصباح واتوجه الى مطار اتاتورك يمديني او زحمة |
اقتباس:
لا تخلي فرق بسيط يعكر ترتيبك الايجار لن يتعدى 100 - 120 ليرة باليوم واذا رحلتك العصر زي ما تفضلت انت بنفسك ليش ترجعها الصبح يعني بتقعد بالمطار من الصبح للعصر !!! دامك ماخذها من اتاتورك ورحلتك من اتاتورك فاحزم اغراضك وتعال مرة وحدة على الضحى يعني تكون في حرم المطار قبل الرحلة 3-4 ساعات وترا شهر ابريل تبدا الرحلات في تزايد ويبدا موسم اسطنبول .... الخ تحياتي أرسلت بواسطة iPhone بإستخدام Tapatalk |
الله يجزاكم خير جميعا والله زدت حيره اللي فهمت منكم استاجر من صبيحة واطلع يلوا وبورصه وابانت وصبنجه وارجعها الصبح لصبيحه لاني استلمها الصبح وبالمترو على اتاتورك صح كذا ليش فضلتوا مطار صبيحه على اتاتورك علما ان المغادرة ان شاء الله من اتاتورك |
اقتباس:
اذا تبي تستاجر لا محالة اجل خذها من اتاتورك والبعض اشار لصبيحة لسهولة التنقل مو زي الطريق من اتاتورك يبي لك حبوب ضغط وسكر [emoji16][emoji16][emoji16] تحياتي أرسلت بواسطة iPhone بإستخدام Tapatalk |
انت ماذكرت في سؤالك انك مسافر في نفس يوم تسليم السياره ولا رحلة العوده من مطار اتاتورك لذلك كان اقتراحي ان اسهل لك واريحك من الزحمه والاختناقات المروريه لاني ركزت على سؤالك الاول وما انتبهت لمشاركتك الثانيه وبعد التوضيح خلاص استاجرها من مطار اتاتورك وسلمها هناك عصراً عند الرحله . |
الخيار الاول استلمها من اتاتورك واسلمها في اتاتورك طبعا ما ادخل اسطنبول داخل فقط عبارة بالروحة لبورصة وعبارة بالرجعه ميناء ياني كابي الخيار الثاني صبيحة ويصير بعد التسليم ركوب المترو لاتاتورك رايكم |
لا اخوي ما فيه مترو بين صبيحة واتاتورك الطريق بعيد جدا وبالزحمة ممكن ياخذ معاك 3 ساعات بالسيارة الافضل تخلي الذهاب والعودة من اتاتورك انتبه ميناء يني كابي ليس كل الاوقات ينقل سيارات الافضل التاكد من موقعهم بس ليش ما تقعد على الاقل يوم في اسطنبول؟ |
انا رأي انك تسوى استلام السيارة من الفندق الى انت ساكن فية فى اسطنبول تستلم السيارة وتخلص رحلاتك فى بورصة وصبانجا وبولو وتسلمهم السيارة فى مطار اتتاروك قبل رحلتك ب 3 او 4 ساعات يعنى الاستلام فى الفندق والتسليم فى المطار |
الله يوفقكم جميعا كويس نبهتوني على مترو صبيحه يعني الافضل احجز من مطار اتاتورك واسلمها قبل الرحله بيوم صح كذا |
اقتباس:
انت بتسلم السيارة قبلها بيوم وتطلع تاكسي للمطار وقت الرحلة نفس الشيء سلم السيارة في المطار وانت مرتاح دامك في كلا الحالات دافع والله يوفقك لا تشتت عمرك وانت توك ما سافرت امورك كلها بالسليم و رح انبسط واستمتع وفالك التوفيق أرسلت بواسطة iPhone بإستخدام Tapatalk |
الله يعافيك اخوي اكسير بس اخاف من زحمة الطريق للمطار لان اذا كذا اصل ان شاء الله ميناء ياني كابي الساعه 10 ورحلتي الساعه 3 العصر يكفي الوقت |
الوقت كافي ان شاء الله تقدر تزور مول فلوريا القريب من المطار اذا كان عندك وقت |
https://www.arabtrvl.com/up/uploads/...9890878221.jpg شرايك في هذي الخطة يومين بورصة تزور جبل اولوداغ و القرية العثمانية و ابرز معالم بورصة يوم في اسكيشهير تشوف هذي المدينة الجميلة المظلومة سياحياً يومين في بولو تزور بحيرة ابانت و بحيرة غولجك و ميدان بولو مروراً بمدينة موديرنو التاريخية و يومين في سبانجا تزور معشوقية و محمودية و بحيرة سابنجا او تنقص يوم في سبانجا و تزيد في اسكشهير اذا عجبتك بالتوفيق |
اقتباس:
|
اقتباس:
و من بورصة لاسكيشهير ساعتين ايضاً من اسكيشهير إلى بولو 3 ساعات من بولو إلى سابنجا ساعة و من سبانجا الى اسطنبول ساعتين الطرق كلها سريعة و مخدومة محطات نظيفة و مطاعم وشي مرتب |
اقتباس:
بالنسبة لسكن في بورصة والمناطق الاخرى افضل احجز من بوكينق ولا ادور بنفسي اذا وصلت ان شاء الله الرحلة 14 ابريل |
اذا شفت السعر مقبول في بوكنق احجز منه .. لكن يمكن يقيد حركتك مثلا انت حجزت 4 ايام في بورصة و بعد يومين حسيت انها كفاية فبتضطر تجلس احسن حل ابحث عن افضل الفنادق من ناحية السعر و التعليقات في المواقع و احفظهم في قوقل ماب و لين رحت هناك روح لهم بدون حجز مسبق لو لقيت الاول فل مستحيل يكون الثاني فل بعد .. و البدائل متوفرة .. بالتوفيق اكتب لنا تقرير عن زيارتك :3: |
السلام عليكم و عليكم السلام ورحمة الله و بركاته مسار 1 : استئجار سيارة اسطنبول الجزء الاسيوي -بولو ليلتين -صبنجا ليلتين - بورصة ليله - تسليم السيارة بورصة . عيبها ياخذ رسوم مسار واحد تقريبا 300 ريال ليش ماتخلي التسليم و الاستلام من مطار صبيحة وترجع الفندق بتاكسي مثلا او بعد بورصة تسكن في فنادق قريبه من مطار صبيحة الي هو مطار اسطنبول الاسيوي او اذا كان مسارك اصلا ذهاب واياب الى المطار الاسيوي مسار ٢ : استئجار سيارة من الفاتح وركوب ميناء ياني كابي - بورصة ليله -بولو ليلتين - صبنجا ليلتين ثم العودة لبورصة - تسليم السيارة باسطنبول وعلى المطار خذها من مطار اسطنبول ورجعها مطار اسطنبول اتاتورك بما انك بترجع على مطار اتاورك لو تقصد انك ماتبي تستعملها في اسطنبول فقط في الرحلات الخارجيه ترجعها بالاتفاق مع المكتب الى الفندق او المطار مره اخرى وترجع بتاكسي مسار 3 : طلوع رحلة يوم واحد لبورصة وفي يوم اخر ركوب باص الى صبنجا واستئجار سيارة من صبنجا ليلتين - بولو ليلتين -تسليم السيارة في صبنجا - العودة مع الباص لاسطنبول لو تخلي تركيزك على مطار معين افضل تاخذ السيارة وترجعها بعد مايكون معك رقم المكتب تشوف امكانية تسليم السيارة في فندق او من مطار الى مطار مع العلم لم يسبق لي استئجار سيارة باين عليك متخوف كثير لا يوجد مشكله ان شاء الله امورك طيبه دخلت على موقع رينتال كارز طلعت الاسعار مختلفه من صبيحة واتاتورك والشركات مختلفه خصوصا تماتيك ديزل قد يكتب لك في اخر اللحضات انه لايوجد اوتوماتيك ويعطونك منول ضع هذا في الاعتبار لذلك لاتربط نفسك بهذا الشي دع الخيارات اكثر ليونه للتتوفر لك خيارات اكثر |
| الساعة الآن 09:11 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO