|
اذا كنت بتستاجر سياره في تركيا... السلام عليكم ورحمة الله وبركاته باختصر الموضوع وابغى تعليقكم اذا كنت تبغى تستأجر سياره في تركيا ... بكل تاكيد راح تدخل على موقع رينتال كار بس موقع رينتال كار يعتبر وسيط مثل بوكينج وغيره من المواقع ( وضح المقصود؟؟) اذا اخترت السياره من رينتال كار بتشوف اسم الشركه اللي بتاخذ انت منها السياره ادخل على موقع الشركه الاصلي وشف بكم السياره انا شفت فيه فرق في السعر على (رينتال كار) سعر السياره لمدة 6 ايام اغلى من الموقع الاصلي للشركه اللي هي (ويندي كار) فرق معي 200 ريال تقريبا في المجموع وشفت موقع ثالث اسمه (سيركل كار هير) عنده نفس السياره ارخص من الموقع شركة ويندي وشفت نفس شركة سيركل كار هير عنده سيارات اغلى من موقع رينتال كار يعني رينتال كار عارض سياره عند شركة سيركل كار هير بسعر ارخص من انك تدخل على موقع الشركه نفسه الزبده اذا حصلت سياره على اي موقع ابحث عنها على المواقع الثانيه جرب رينتال كار وجرب مواقع السيارات الثانيه شف الفرق وشف اللي يصلح لك وتوكل على الله |
وعليكم السلام ورحمة الله وبركاته شكرا لك ممكن يكون التأمين شامل مع أني أفضل دائما التأمين تأخذه من نفس الشركه بدون الوسيط |
تنبيه جميل. شكرا |
وعليكم السلام ورحمة الله وبركاته شكرا ع النصيحة بومريم رغم استبعادي للشركات الوسيطة كلها ف تركيا او غيرها من الدول استأجر من الشركة نفسها ولو زاد المبلغ واروق دماغي هذه طريقتي والله يوفقك |
اهلا بك اخوي رائد اشكرك على هذا التنبيه الجميل .. وفعلاً حاولت المقارنة في آخر رحلة ما بين رينتال كار وموقع الشركة مباشرة ولكن وجدت رينتال كار هو الأرخص ولكن أكيد ماهي قاعدة .. لهذا كل مرة بكرر المقارنة والمهم نحن كسياح لا نركن لبديل واحد فلابد نجتهد في المقارنة بين البدائل ومثل ما تفضلت الوفر اللي حصلت عليه يستحق وبنفس الوقت ما كلفك أي مجهود بالتوفيق |
الله يجزاك خير عـ التنبيه فعلا المفروض نجرب اكثر من خيار وانشوف الي يناسبنا واتفق مع محب طيبة ونريح انفسنا نتعامل مياشرة مع شركة التاجير بدون وسيط وبالتوفيق ان شاء الله |
احسنت وليس مهم السعر ؟؟ صحيح ان الكل يرغب بأقل التكاليف المهم هو المصداقيه في التعامل وعدم الكذب واللف والدوران والمماطلة وسبق للسفارة في تركيا ان حذرت السياح من بعض الشركات التي تستغلهم انا شخصياً لا أؤمن بالمواقع الوسيطه في استئجار السيارات تحياتي أرسلت بواسطة iPhone بإستخدام Tapatalk |
نفس الاسلوب المتبع عندي، حتى مواقع وبرامج حجوزات الطيران والفنادق لابد ان يتم البحث عن افضل الاسعار ومقارنتها بغيرها.. والأهم من هذا الحذر من مواقع الإحتيال وقرائه تفاصيل ومعلومات المركبه والشروط المترتبه على حجزها. |
. . بارك الله فيك كلام عين العقل شخصيا وفي تركيا تحديدا ما أفكر في غير قارينتا Garenta وأعتقد لو تدري إدارة الشركة كيف اتكلم عنهم وامدحهم في كل مناسبة كان عطوني عمولة ومشوا لي راتب :) الشركة تركية طبعا وهي في رأيي ومن خلال الكثير من التجارب أفضل وبكثير من معظم الشركات العالمية والمعروفة - هذا ليس تقليلا من غيرها ، بس تكلمت كثير عن مشاكل تأجير السيارات بتركيا وغرابيلها - بالصور... شرح طريقة تأجير السيارات في تركيا من موقع رينتال كارز rentalcars ماجد الفهد أسعارهم أغلى شوي مو كثير شروطهم واضحة الوديعة ترجع لك بسرعة النظام عندهم واضح جدا جدا تخيلوا فقط ، حجزت سيارة عندهم لمدة يومين توماتيك ديزل متوسطة بحدود 250 ليرة ، ولما وصلت عندهم ( عندي عضوية ) طلب البطاقة والجواز والرخصة أخوكم ناسي الرخصة في السعودية على غير العادة الرجل رفض بكل أدب وقال لا أستطيع ، هذي صورة الرخصة يابن الحلال ، أرسلها لك بالإيميل وكذا قال ، كل بياناتك عندنا لكن النظام يمنع السيارات عندي واجد ومتوفرة لكن لو وقفتك الشرطة لأي سبب وما حصلت معاك الرخصة ، راح تخالفك أولا وراح تعطيني غرامة لأني أجرتك ! صحيح عصبت شوي وتغير مخططي بالكامل بس الحمد لله ، تفهمت إنه مثل هالمواقف دليل على قوة نظام الشركة وأن المسألة ليست شخصية أو مزاجية بحسب الموظف أختم بانه حجزي دوما عن طريق موقعهم https://www.garenta.com.tr/ ( موقعهم بالتركي لكن أستخدم ترجمة الصفحة بقوقل بالإنجليزي تجيك تمام ) واللي حاب يشوفها بالعربي برضه لا مشكلة https://www.arabtrvl.com/vb/picture....ictureid=64015 الطريقة هنا https://www.arabtrvl.com/vb/picture....ictureid=64016 https://www.arabtrvl.com/vb/picture....ictureid=64017 https://www.arabtrvl.com/vb/picture....ictureid=64018 الله يحفظكم ،،،، |
جزيت خيرا أخي الكريم جزيت خيرا أخي الكريم |
| الساعة الآن 09:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO