|
مساعدة ، تركيا في شهر مايو السلام عليكم الاخوه الاعزاء :61::61: عزمت السفر باذن الله لتركيا مع بداية شهر مايوا 2018 من خلال قرائتي للكثير من مقالات الخبراء امثالكم عن تركيا وعن جمالها ..:18::18: الا آنني مازلت محتار في تقسيم الأيام :28: كون رحلتي ستمتد ل 14 ليلة .. وستكون برفقة زوجتي وطفلتي بعمر 11 شهر.. اريد تقسيم الرحله بين اسطنبول وما يجاورها والشمال التركي... :e338: لذا ارجوا منكم المساعده في اقتراح الاماكن المناسبه وتقسيم الايام ...:e204: حاليا اخطط لقضاء 6 ليالي في اسطنبول وما يجاورها و 8 ليالي في الشمال ولكنني متردد من برودة الجو على ابنتي ..:50: ولكم مني جزيل الشكر مقدما :e32a: |
هلابك اخوي ايمن تسافرون وترجعون بالسلامة *** بالنسبة لشهر مايو من افضل الشهور واروعها خصوصا في الشمال الاجواء ربيعية والارض خضراء ومزهرة والجليد ذايب ومتحول الى شلالات ومن اروع مايكون اختيارك للتوقيت موفق فيه بالنسبة للشمال بتكون الاجواء معتدلة الى براد نوع ما في النهار وفي الليل بتكون باردة يلزمكم ملابس شتوية في جميع الاحوال بالنسبة للطفلة ان شاء الله ماعليها خلاف مع تدفئتها اما تقسيم الايام حسب اختيارك 6 ايام اسطنبول و 8 ايما للشمال على النحو التالي 3 ايام اوزنجول (1-2-3) 2 يومين آيدر (4-5) 3 ايام طرابزون (6-7-8) 6 ايام اسطنبول (9-10-11-12-13-14) فيها زيارة بورصة يوم وترجع وزيارة سبانجا يوم وترجع انا اشوف كذا انسب لان كثرة التنقلات ممكن تكون متعبة لكم اذا حبيت الاقامة في مدينة من ضواحي اسطنبول مافيه مانع بس الافضل تخليها زيارات يومية يوم البورصة مثلا ويوم السبانجا ويوم الجزيرة الاميرات وعندك 3 ايام لاسطنبول نفسها *** وبيفيدونك باقي الخبراء باذن الله وبالتوفيق ان شاء الله |
ماقصر اخونا مخاوي البر |
لاحظ اخوي ايمن اني في ترتيب الايام خليت الشمال اولا ثم اسطنبول اخر شي لان كذا هو الافضل ودايم اعمل هذي الطريقة لاي دولة اسافر لها وعندي رحلة داخلية لمدينة ثانية ابديها الاولى ثم ارجع للمدينة الاخيرة ليش لان اغلب الناس ماينتبهون للنقطة هذي ومن وجهة نظري اعتبرها مهمة لانك لو بغيت تقعد في اسطنبول اول ثم تروح للشمال وبعدين ترجع لاسطنبول صار عندك 3 ايام كلها وصول وهي يوم وصولك لاسطنبول ويوم وصولك للشمال ويوم وصولك لاسطنبول مرة ثانية ومن المعروف لايام الوصول ان نصها يضيع في السفر بس لو خليت الشمال اولا يصير عندك يومين وصول بس الي هي يوم وصولك للشمال ويوم وصولك لاسطنبول وبالتالي وفرت يوم كامل بتستفيد منه وخل التعب مرة وحدة هذا اذا فيه تعب... الدعوى اصلا تمشي ووناسة وبالتوفيق ان شاء الله |
اهلا بك لا إضافة بعد مداخلات اخونا مخاوي البر ما شاء الله اعطاك ترتيب من أجمل وأبدع ما يكون بالتوفيق |
اقتباس:
أشكرك أخي العزيز مخاوي البر على سرعة الرد واثراء الموضوع باقتراحك ولا غنى لنا عن نصائحكم وخبراتكم ..:14: |
مازالت عندي بعض ااستفسارات ..:e114: وصول الطائره لمطار أتاتورك س 6 مساء في هالحال هل من الأفضل الاقامه في اسطنبول هذه الليله والتوجه بعدها الى طرابزون او الحجز رحله داخلية في نفس اليوم الى طرابزون ؟ وكم من الوقت احتاج لانهاء اجراءات الدخول لتركيا ثم التوجه للطيران الداحلي ؟ وايضا هل تنصحون باستئجار سياره واستلامها وتسليمها في مطار طرابزون للشمال التركي او الاتفاق مع سائق خاص؟ وبخصوص اسطنبول ماهي افضل طريقه للتنقل ؟ اوبر او التاكسي او المواصلات العامه وهل مناسبه لعربة الطفل ؟ و عند الذهاب لبورصا وسبانجا ما هي المواصلات المفضله ؟ ومنكم السموحه على الاطاله في الاسئلة ولكم مني جزيل الشكر :e030::e030::e030: |
اخوي بما انك تصل الى اسطنبول الساعة 6 الافضل البقاء بفندق قريب من المطار وفي صباح اليوم التالي تذهب الى طرابزون اكيد الافضل تحجز سيارة وتقودها بنفسك بخصوص الشمال التركي اول ما توصل تذهب الى اوزنجول ولا نحجز اي فندق كل الحجوزات خلها مباشره من الفندق لا انصحك بالذهاب الى بورصة وسبانجا بعد الشمال التركي لانهم ما راح يعجبونك نهائيا وثانيا معاك طفلة اشوفها صعبه تروح وترجع بنفس اليوم وثالثا لان بورصة تحتاج اكثر من 5 ايام لتغطيتها وسانجا يومين اقل شي اسطنبول فيها اماكن كثيرة واذا تبي انصحك بشي روح انطاليا واقعد بمنتجع كم يوم وحاول تنقص من الشمال واسطنبول وفيه طيران مباشر من طرابزون الى انطاليا طبعا انطاليا راح يكون الجو صيف عكس الشمال واسطنبول |
انا بعطيك ملاحظة وحدة بس انت حتروح لتركيا باجمل شهر للسياحة بها شهر مايو. رحلة سعيدة. |
أهنيك على اختيار أفضل شهر للسفر برايي تاخذ فندق في اسطنبول ليوم الوصول واليوم الثاني تروح لطرابزون سابانجا ومعشوقية وحتى بورصة مالهم داعي من بعد طبيعة الشمال |
| الساعة الآن 10:36 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO