|
أنطاليا أو الشمال التركي السلام عليكم ورحمة الله وبركاته الله يعطيكم العافيه على مجهودكم في هذا المنتدى المميز فشكراااا لجميــع الأعضاء باْذن الله ناوين هالصيفيه نروح تركيا وبما ان هذي المره الثالثه فحابين نغير عن اسطنبول سفرتنا في تاريخ 21 يونيو تقريبا 10 ايّام للحين ماقررنا ولاحجزنا طيران والسبب محتارين مابين طرابزون وأنطاليا أبغى رأيكم في المدينه اللي فيها فعاليات اكثر ووناسه مولات ملاهي وأماكن تناسب الأولاد ترفيه اكثر أتمنى وصلت الفكرة وشكرااااا |
انطاليا اعتقد بالصيف حاره والافضل تتاكد |
من ناحية الترفيه انطاليا اكيد منتجعات والعاب مائيه ممتازه بس الجو حار عكس الشمال اجواء ممتازه جداً وأمطار في المرتفعات فيه مول فورم و مول جواهر فيها العاب وكذلك اوزنجول |
اهلا بك منتجعات انطاليا فيها ترفيه رائع لا يمكن مقارنتها بالشمال التركي الذي يعتمد على الطبيعة في المقام الأول ولكن في المقابل توقيت زيارة انطاليا في الصيف غير مثالي لحرارة الأجواء وارتفاع أسعار المنتجعات يبقى القرار لك بالتوفيق |
هذي المشكلة الشمال التركي حسب مافهمت انها طبيعه وجو وطبعا احنا بعد سفرتنا لجورجيا العام قررنا نتريث كانت السفر سريعة وبدون تخطيط مسبق لان ماتوقعناها كذا ممله مع ان أجواءها وطبيعتها جميله بس تصلح للكشته اكثر هل هي نفس جورجيا ؟؟ أنطاليا أشوفها مناسبة درجة حرارتها مرتفعة والواحد مايبغى ينتقل من حر الى حر وشفت منتجعاتها لقيتها غاليه محتاريييييين طيب في مدن تجمع بين الاثنين غير اسطنبول في تركيا |
مرحبا دانه أتأخرتوا في الحجوزات فاتوقعي الاسعار مرتفعة بما انكم تبون ترفيه اكثر فاعتفد انطاليا انسب ، اذا حجزت فندق فيه فعاليات مثل العاب مائية ما بتحسين بالحرارة ، بالعكس في البرد بيكون صعب السباحة ، هذا غير ان عندك المدينة القديمة و الشلالات. اما طرابازون فهي ريفية اكثر ، يعني ممكن اتسيرون الجبال و المول الصغير اللي عندهم و الشواطي بس. اذا نويت على انطاليا ، بعطيج اسماء الاماكن اللي ناوية ازورها ، انا بعد سايرة نهاية يونيو / بداية يوليو. اذا حبيت منطقة ثانية ، انصحك مقاطعة كوجالي، الجو فيها رائع و فيها الكثير من الترفية و فيها الطبيعة. ابحث عنها اكثر و اطلع على تقارير الاخوان ، بتحصلين معلومات كافية ان شاء الله ، و اي خدمة حاضرين. |
مثل ماقالوا الاخوان الترفية والفعاليات في انطاليا لكن الجو حار |
الله يعطيكم العافيه وجزاكم الله خير ماقصرتو جميعا استفدت من معلوماتكم اختي مونامور ياليت تفيدني بالمعلومات اللي عندك وإذا تعرفين فنادق اسعارها متوسطه |
سؤال اذا اخذت سياره بسائق من اسطنبول او أنقره ورحت لانطاليا هل التكلفة اقل من الطيارة ؟؟ وكيف المدن اللي بينهم ؟؟ لو بغينا نجلس يوم او يومين |
اقتباس:
العفو دانه واجبنا نفيد بعض بس انت ما حددت ، تبين معلومات اكثر عن اي منطقة بالضبط انطاليا او كوجالي؟؟؟ |
ارشح انطاليا حياة وفعاليات بس اهم شي المنتجع انا سكنت في سي لايف فاملي جيد جداً وفي منطقة جبلية تطلعينها بتلفريك |
اقتباس:
كنت اقصد أنطاليا أحنا اللحين حجزنا باْذن الله في 21 يونيو على (أنقره )وبنجلس فيها ليله او ليلتين ومنها نفكر نستأجر سياره على (أنطاليا )3 ليالي وليلتين في كاليسي وبنرجع على اسطنبول 3 ليالي كذا 10 ليالي مدة سفرتنا ( 21 يونيو - 1 يوليو أن شاء الله )الوصول مطار أنقره والمغادرة مطار اسطنبول الحجوزات قابله للتغيير وش رأيكم بأنقرة تستاهل الاقامه فيها ؟؟ وأتمنى إنكم تعطوني اقتراحاتكم في السكن لأنقرة وانطاليا وكاليسي وهل بين أنقره وانطاليا واسطنبول وانطاليا مدن تسوى الواحد يجلس فيها المعذره منكم كثرت اسئله بس الأسعار من جد مرتفعة ونبغى تحجز |
اقتباس:
|
بانطاليا ارشحلكم منطقة لارا جميلة جدا وهادية بكاليشي اغلب الفنادق متشابهة |
اقتباس:
مرحبا دانه ، اسمحيلي ع التأخير، ما عندي فكرة كبيرة عن انقرة ، ما سرتلها الا قبل عشرين سنة و يا الوالد الله يحفظه. أختي ترا زيارتي لانطاليا بتكون في يونيو 2018 و هذي اول مرة بس من كثر ما قريت تقارير الاعضاء و خاصة الاخ Gunner استويت خبيرة فيها تقريباً ، شوفي رابط الموضوع تحت و اللي تعبت لين ما حصلته:26: https://www.arabtrvl.com/vb/t19793.html بالنسبة للسكن في انطاليا ، انا حاجزة في الفنادق التالية و هذا بعد بحثت في Trip Adviser و بعد ما حجزت و الغيت و حجزت لين ما استقريت على هاي الفنادق: 1. فندق رويال سيجنيوس في انطاليا ،كنت حابة احجر في ارض الاساطير و اتصلت بالشركة اللي ترتب الحجوزات فيه ، بس كانت اسعارهم مبالغ فيها و اشطرتوا علي حجز اقل شي 3 ايام فالغيت الفكرة. 2. شقق بي ام كيه سويتس: عبارة عن شقق دورين. |
اقتباس:
احنا حجزنا في * أنقرهroyal Anka hotel ليله غرفه عائليه ب 270 ريال مع الافطار * في أنطاليا فندق سو اند اكوا بارك 3 ليال مع الافطار غرفه عائليه مطله على البحر ب 3672 ريال * ليلتين في كاليشي فندق بلو سي غاردن * غرفه عائليه مع وجبتين ب 660 ريال * 4 ليالي في اسطنبول فندق السلطان عصام ارتاكوي شقه بغرفتين نوم مع الافطار * ب 1335 ريال طبعا الحجوزات الالغاء مجاني تقريبا المجموع ل 10 ليال 6000 ريال بالنسبة فندق رويال سيجنيوس طلع علي 8200 غالي واحنا نبغى نوفر في الفنادق عشان صرفيتنا اليوميه تكون أفضل وش رأيكم بالفنادق اللي حجزناها ؟؟؟؟ اذا احد سكن فيها هل هي نظيفه ؟؟ وموقعها قريبه من الأماكن السياحية ؟؟ |
اقتباس:
مرحبا دانه، بالنسبة لفندق سو اند اكوا بارك ما بقول انه نظيف او لا . انا حجزت بكذا فندق في انطاليا بس بعد ما دخلت على التريب ادفايزرز غيرت. نصيحة ، لأي فندق ادخلي trip advisor و شوفي كل الصور و اقري كل التعليقات عشان اتعرفين يناسبج او لا. رويال سيجنيوس حصلته افضل بديل لأرض الاساطير ، الله تعالى اعلم يوم برد من تركيا بخبركم :yolks00520: |
ألغيت حجزي في فندق سو اند اكوا بارك شفت التعليقات في trip advisor وحجزت فندقين ليبرتي هوتليز لارا ب ٤٨٠٠ شامل الافطار و منتجع بورتو بيلو في كونيالتي ٤٢٠٠ شامل الوجبات لثالث ليالي وش تنصحوني فيه ؟؟؟ وإذا فيه فندق غيرهم بحدود هالمبلغ ياليت تقترحون علينا فيه ؟؟ والطيران الداخلي بين اسطنبول وأنطاليا هل أحجز من اللحين أو بدري ؟؟ |
اقتباس:
احجزي من الحين ، عشان تظمنين الاسعار الحلوه و توافر الرحلات في الاوقات اللي تناسبكم |
اولا اشكر جميع الأعضاء ثانيا احنا هونا من أنطاليا لسببين الطقس والاسعار باْذن الله قررنا على الشمال التركي طيران العربيه الشارقه طرابزون ذهاب وعوده ب 12000 * هل بنلقى أرخص او السعر مناسب ؟؟ تاريخ 22 يونيو — 2 يوليو الجدول بيكون ليلتين طرابزون 3 ليالي جاملهمشين 3 ليالي اوردو ليلتين اوزنجول 10 ليال المشكلة الأسعار مرتفعة مخططنا الى أنطاليا كلفتنا الفنادق 6500 والشمال التركي 8000 معقول طيب ليه دايم نسمع انها أرخص ؟؟؟ |
التكلفه للشمال التركي ٢٠ الف مابعد وصلنا |
اقتباس:
|
ا |
سؤال ..واجابات من الأعضاء الكرام..جدا مفيدة.. |
| الساعة الآن 01:49 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO