|
استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 بِسْم الله الرحمن الرحيم السلام عليكم ورحمة الله وبركاته ابارك للاخوة الأعضاء عودة المنتدى الرائع الذي اسأل الله ان يجزي القائمين عليه اكمل الجزاء ندائي في هذا الموضوع للاخوة الخبراء في تركيا واعلم تمام اليقين انهم لن يقصرو معي كما فعلو سابقا في سفرتي الماضية لماليزيا حيث أني حديثة عهد بسفر واستفدت كثير من نصائح الخبراء لدي بعض الاستفسارات من خلال قراءتي للمواضيع اجد ان السفر الى تركيا غير واضح بعكس ماليزيا تمام ( هذا ما اشعر به)😔😔 قررت السفر بعد إرادة الله في شهر ستنمبر بحول الله شخصين فقط وانا المسؤولة عن كل شي مثل السابقة اولا ارغب ان تكون السفرة 15يوم كيف يتم تقسيمها لا تقصرو معي أرجوكم بين الشمال التركي وبورصة ويلوا ثانيا الشمال التركي يحتاج للسيارة وزوجي يرفض القيادة هو متردد في حياته ويشيل هم كثير فاحتاج لسيارة مع السائق ووجدت شركات كثيرة تحجز لي فنادق ومواصلات انا احتاج فقط السيارة بسائقها وابغى احجزها قبل الذهاب لأَنِّي انوي الذهاب للشمال اولافماذا تنصحوني بهذا الخصوص وكم تقريبا التكلفة للشمال التركي عامة اعلم أني اطلت عليكم فسامحوني وخذوني بحلمكم وصدركم الواسع ثالثا بالنسبة للسكن في استنطبول قرأت عن منطقة السلطان وتقسيم لكن ارى ان منطقة تشيشلي اجمل فما رايكم بهذا الموضوع وكيف أستطيع الذهاب الى بورصة ويلوا تحتاج كم يوم ولا اذهب لك واحده على حده من الميناء اخيراً افكاري غير مرتبه وبقية لدي الكثير من الأسئلة لكن راحت عن بالي الان إجمالا تكلفة السفر الى تركيا من غير الطيران الدولي والداخلي كم تتراوح يعني هل تكفيها 25الف ام لا شاكرة ومقدرة لكم جميعا 😃😃😃😃 |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 أين الأعضاء هل من مجيب ؟؟؟؟ |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 حياك مدام أكتب لك وأنا كلي نوم وراجع لك بحول الله الصباح 15 يوم مناسبة لو زادت أفضل لو كنتوا من محي الطبيعة أنصح ب 12 في الشمال وآخر 5 أيام في إسطنبول شوفي هالموضوع راح يوضح لك الصورة http://www.arabtrvl.com/vb/t1153.html يلوا وبورصة مالها داعي بعد الشمال والسواق يكلف من 100-120 دولار يوميا بدون الوقود والسيارة تكلف في حدود 140-160 ريال يوميا الخطة للشمال 3 طرابزون وما حولها 3 أوردو يومين لآيدر وأخر 3 أو 4 أيام لأوزنقول ومنها للمطار في إسطنبول أنصح بفندق يورو ستار أو فندق هيتاي لو كنتوا من محبي السكن على البسفور بالتوفيق |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 وعليكم السلام ورحمة الله وبركاته حياكي في بوابتنا واختيار وقت السفر في شهر سبتمبر حلو وماشاء الله خبيرنا ماقصر اعتمدي تقسيم الاخ ماجد والقيادة في الشمال متعة لا تفوتوها وبالنسبة للسكن السلطان احمد قريبة من المتاحف والاثار والبازارات والناس تحبها لانها منطقة متكاملة وكمان توفر الترام فاي اللي يوصل لأغلب الاماكن السياحية ولكن شيشلي كمان منطقة هادئة وقريبة ع المترو وافضل فندقين فيها الهيلتون وراديسون بلو الميزانية حددوها بعد ماتشوفوا موضوع السيارة وفندق اسطنبول ونتمنالك رحلة ممتعةواي استفسار جاهزين وسامحينا على التأخير أرسلت بواسطة iPhone بإستخدام Tapatalk |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 حياك مرة ثانية مدام وشكرا لمشرفتنا على درها الوافي والشافي بخصوص الميزانية في الغالب أنا أقول إنّه 1500-2000 يوميا مناسبة جدا لشخصين تشمل السكن والتمشيات والمواصلات التذاكر زي ما ذكرتي والتسوق غير داخل في الحسبة وخلينا نقترض إنه 25000 على 1500 الحد الادنى راح يكون معاك 17 ليلة صافية بإذن الله ثانيا كيف تم تقسيم ال 1500 ؟ بشكل متوسط يوميا السكن خارج إسطنبول في الغالب من 400-700 إلا في حالة النوفوتيل طرابزون فهو غالي حبتين لكن خلينا نمشي على حكاية ال700 مضافا لها 250 قيمة السيارة مع البنزين هذي قريب ألف ريال والباقي ( 500 ريال ) تمشيات ومطاعم لشخصين كما ذكرت ممكن تقل أو تزيد بحسب نوعية السكن والمطاعم وكثرتها في إسطنبول السكن المناسب في حدود 700-900 والباقي تمشيات ولذلك 1500 مناسبة جدا وإنتي راح تتحكمي في الميزانية بعد ان تختاري الفنادق بعناية بالتوفيق |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 شكرًا اخ ماجد وفتاة الدمى والله يعطيكم العافية ولا يحرمني من امثالكم معليش لدي بعض الاستفسارات بخصوص الشمال التركي هل اجد في المطار شركات مع السائق توفر المواصلات ام تنصحوني احجزها من هنا وجدت شركة لميس مختصة بالشمال فقط لكن احد الإخوة اللي عمل له برنامج من قبلهم أفادني باني يتوجب علي دفع إقامة السائق والله يعلم مكيالين تفيدوني بهذه النقطة بالذات اخ ماجد لا أتصور ان أظل في الشمال مدة عشر ايام قد تكون ثمان او سبع ليال كيف أقسمها وبخصوص الطيران الداخلي كم يكلف واي مطار نروح عليه معليش انا متوترة شوي ظروف عمل وتخطيط للرحلة تنصحوني احجز الطيران الدولي الان ولا انتظر شوي شيكت اليوم الشخص عالتركيك 2200. شاكرة ومقدرة تعاونكم مقدما والله يفرج همكم ذي ما تساعدوني وتساعدو غيري |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 ارفعو موضوعي الله يسعدكم |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 ممكن تجدي غرضك بالمطار ولكن الاسعار راح تكون مضاعفة جدا اول مرة اسمع انك تتحملي اقامته بس لا تستعجلي ان شاء الله احد يفيدك بارقام سائقين في الشمال التركي خلي الشمال ٨ ايام وقسميها يومين طرابزون ٣ ايام اوزنجول يومين اوردو يومين آيدر و ٧ ايام اسطنبول الطيران الداخلي مو غالي تقدري تشوفي طريقة الحجر على شركات الطيران التركي في موضوع الاخ ماجد حسب وقت الحجز المناسب اللي تلاقيه راح تقدري تحددي المطار سواء اتاتورك او صبيحة كل ماحجزتي بدري كل ما كان افضل عندك الخطوط اسعارها جدا مناسبة الله يسعدك يارب ونتمنالكم رحلة ممتعة أرسلت بواسطة iPhone بإستخدام Tapatalk |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 صباح النور أوكي راح نقول إنه صعب عليك تجلسي كل هالمدة في الشمال خلينا نقسم البرنامج كالتالي: 3 طرابزون وما جولها 2 آيدر 3 اوزنقول ومنها للمطار مباشرة المجموع 8 وآخر 7 أيام في إسطنبول في الشمال السكن راح يكلفك تقريبا كالتالي نوفوتيل طرابزون بحدود 600 ريال تقريبا لليلة مع الفطور غرفة مطلة على البحر ( إحجزي بدري لإن عليها عرض حاليا ) كاشكار في آيدر بحدود 750 ريال لليلة مع الفطور أوزنقول أي موتيل مو مشكلة والأسعار بحدود 400-600 ريال فقط السيارة راح تكلفك مع السائق بدون ديزل بحدود 120 دولار يوميا ( 450 ريال ) وبخصوص سكنه راح تتحملونه أنتم ( حدود 100 ليرة فقط يوميا ) طبعا هذا فقط في آيدر وأوزنقول ، لإنه سكنه في طرابزون في الغالب راسلين لمزيد من المعلومات بهذا الخصوص الطيران الداخلي لو قدرتي تحجزي رحلة داخلية على نفس الخطوط التركية راح يكون ممتاز يعني حجزك يكون الرياض مثلا - طرابزون ( ترانزيت في إسطنبول ) طرابزون إسطنبول إسطنبول الرياض وأخيرا في أسطنبول السكن في فندق يورو ستار مثلا وسعره في حدود 700-800 يوميا إحسبيها وشوفي هل توفي معاك ولا لا بالتوفيق |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 شكرًا لك من قدم النصيحة والإرشاد بصراحة على موضوع السواق يبغى لي اشوف الميزانية وأحسبها بصراحة الأسعار كذا يبلغها حسبه معينه وناحية الفنادق بعد فندق يور ستار رائع وسعره تمام الغرفة ضيقة نوعا ما هل هناك فنادق افضل منه اهم شي قريب الخدمات والمترو عشان المواصلات العام وشاكرة ومقدرة لكم ادري تعبتكم معي لكن متشتت ذهني نوعا ما والأماكن اللي تنصحوني بزيارتها في استنطبول كافيهات ومطاعم بازارات |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 اشكر جميع أعضاء المنتدي فردا فردا |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 الله يجزيكم الف خير بدأت بتحديد التوقيت للسفر وعدد الأيام ١٤يوم لكن بقي علي فنادق الشمال التركي أتمنى منك المساعدة طبربزوان الأغلب يرشح النوفتيل واحد اخر حديث اسمه ثري بيرل يمدحو الاثنين ما رايكم اهم شي قربه من خدمات بقي ازنجول وايدر وهل ايدر تستحق المبيت بها ليله او لليتين او الاكتفاء بزيارتها ليوم واحد فقط ازنجول الفنادق اللي قريبه للبحيرة انا حسب المواضيع التي اقرأها الأغلب يحبذ الإقامة في فنادق مطله ولا اعلم هل الامر يستدعي ذلك ام لا |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 ارفعو موضوعي الله يرفع شأنكم |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 هلا فيك إن شاء الله خبراء الشمال يفيدونك |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 حياك وش صار على تقسيمك ؟ شو البرنامج الللي قررتيه وموعد السفر متى ؟ |
رد: استفسار وخدمة من الأخ ماجد الفهد وفتاة الدمى وزهرة نيسان ولا يهون البقية؟؟؟😔😔😔 اهلًا بالاخوة الأعضاء يعطيكم العافية بحول الله السفر يكون ١٢ستمبر الى ٢٦ ستمبر اذا الايام كثيرة قولو عادي عشان أخفف بعد من الميزانية هههه البداية سبع او ثمان ايام بالشمال كيف اقدر أقسمها واحتاج اعرف الفنادق او الأكواخ حسب رايكم وخبراء الشمال وجزاكم ربي خير |
| الساعة الآن 11:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO