|
حايس بجدول تركيا السلام عليكم ورحمة الله وبركاته ان شالله يوم 14 يونيو مسافر تركيا الى 30 يونيو الهبوط مطار انقرة والعودة مطار انقرة ابي جدول طبعا من 14 الى 15 في انقرة راحة ابي الشمال التركي اذا امكن اسطنبول كم تكفي الشمال التركي بس ما ابي ارهق نفسي بطيران لان معاي اطفال وشكرا |
ما راح يقصرون معاك الاخوان |
|
السلام عليكم ورحمة الله وبركاته وعليكم السلام و رحمة الله و بركاته ان شالله يوم 14 يونيو مسافر تركيا الى 30 يونيو ان شاء الله الهبوط مطار انقرة والعودة مطار انقرة جميل ابي جدول طبعا من 14 الى 15 في انقرة راحة :62: ابي الشمال التركي اذا امكن اسطنبول لا داعي لذهاب الى اسطنبول دام انك في انقره وهي اقرب نسبيا الى الشمال تاخذ سيارة من مطار انقرة طبعا تكون عندك رخصة قيادة سارية المقعول وفيزا كردت كارد تاخذ سيارة تذهب بها الى سامسون ومن سامسون طريق الساحلي الى طربزون لاسفر طيران ولا غيره الطريق بنفسه متعه اما ان تواصل الى سامسون او تذهب بعض القرى و المدن الجميله كماهي في تقاريري السابقة مثل التي وضعتها اختي زهرة كم تكفي الشمال التركي قد ماعندك اجازة لان الشمال التركي مدن وقرى كثيره بس ما ابي ارهق نفسي بطيران لان معاي اطفال مافي ارهاق طيران وقت العودة ترجع العكس طربزون اوردو ممكن تستريح في اماسيا بدل سامسون كنوع من التغيير ثم الى انقرة وشكرا العفو |
https://www.arabtrvl.com/vb/t21772.html وتحقق الحلم إلى الشمال التركي .. اذا اتحب تطلع على تقريري .. نفس خطتك نزلت في انقرة و اتجهت الى طرابزون طلعت من انقرة إلى اماسيا إلى بارشمبا إلى اوردو إلى طرابزون و العودة من طرابزون إلى سامسون إلى انقرة و كل مدينة تقول الزود عندي .. ارسم خطتك بشكل كامل و بنعاونك على السكن و التفاصيل باذن الله بالتوفيق |
ليش ما تنزل في طرابزون هو اقرب مطار للشمال التركي |
السلام عليكم ورحمة الله وبركاته ما قصرتوا يا اخوان الله يكتب لكم الاجر اسف لاني ما دخلت بسبب مشاغل الدنيا الله يكفينا شرها ما اقدر امشي مسافات بعيدة بسيارة لان معاي اطفال كم اجلس في الشمال التركي انا نفسي اروح اسطنبوال عشان ترفية الاطفال فقط ماني عارف كيف اقسم الجدول هل انقرة يوجد فيها امكن ترفيهيه بأمكاني الغاء اسطنبول سوالي كم سعر الفيزا التركيا هل سعرها واحد في الموقع والمطار التنقل في انقرة هل هو سهل تنصحوني استأجر سيارة او الميتروا سوالي الاخير لو الغيت اسطنبول الشمال التركي كم اجلس فيه هل يوجد أمكن ترفيه للطفال وسامحوني بجد سامحوني |
بنسب لأجار السيارة تنصحواني استأجر في مطار طرابزوان او عن طريق الموقع يوم العيد صباح انا في مطار طربزوان بإذن الله سبحانه وتعالى |
انقرة مشهورة بتركيا بانها العاصمة السياسية و مدينة الموظفين و الجهات الحكومية .. رغم ذلك فيها اماكن جميلة و ارياف لا بأس بها اكواريم و حدايق و مولات و متاحف تحتاج لاستكشاف وتنقيب و التقارير عنها قليلة و ماظن هالشي مناسب لك مع الاطفال خطة السير الي كتبتها لك ماتتجاوز ساعتين الى 3 من مدينة الى اخرى و ممكن تحجز طيران داخلي و تروح طرابزون مباشرة .. سامسون مناسبة جداً للأطفال الصغار .. تبعد 3 ساعات من طرابزون مروراً بمدينة اوردو توكل على الله خذ سيارة من انقرة وانطلق للشمال التركي بتستمتع بالطريق و المحطات متوفرة نظيفة ومرتبة كل ماتعبوك الاطفال خذ لك استراحة و شاي تركي :24: |
انقرة فيها ملاهي والعاب جميله وتحتاج بحث بنسبة الى السيارة بتوصل طربزون في العيد لازم لازم حجز مسبق من الموقع لانه وقت زحام التنقل في انقرة هل هو سهل تنصحوني استأجر سيارة او الميتروا بتاكسي او سيارة ايجار احسن سوالي الاخير لو الغيت اسطنبول الشمال التركي كم اجلس فيه هل يوجد أمكن ترفيه للطفال وسامحوني بجد سامحوني بنسبة الى الالعاب في الشمال في المولات فيه العاب حلوة مثل حلبه السباق وغيره وغيره من الاماكن واوزنجول فيها العاب ومغامرات التجديف في ايدر و الزحلافيه الحبال بين النهر و غيره وهناك مدينة العاب مؤقته في الصيف قريبه من ايا صوفيا طربزون |
| الساعة الآن 05:02 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO