|
استفسار عن استئجار السياره .. بسائق ام بدون الاخوه الاعزاء مبارك عليكم الشهر وكل عام والجميع بالف خير 🌹 استفساري يتعلق باستئجار السياره بمشيئه الله راح اسافر الى طرابزون بعد شهر من اليوم وراح اقضي جميع المده وهي 15 ليلة في الشمال التركي .. حنا عددنا 7 كبار و 2 اطفال .. حجزت سياره من موقع كار ينتل تتسع ل عدد 9 اشخاص بمبلغ 300 ريال فاليوم بدون السائق .. ولقيت عرض من شركه تقدم سائق مع السياره بمبلغ 325 ريال من غير الوقود ... ومبلغ 425 ريال بالوقود .. ايهم ترونها مجدي من جميع النواحي .. علما بان معي عدد 3 كبار فالسن وهذي الزياره الاولى لتركيا وللشمال التركي تحديدا .. |
خذ السيارة بدون سواق بتحس بمتعة وحرية بعكس لما تكون ملتزم بسواق |
المشكله اخوي من الناحيه الماديه احسها ما تفرق ومن ناحيه الخصوصيه اتفق معك لكن العايله كبيره واحس نفسي بجيب العيد لو اخذتها من دون سواق ليس تقليلا في نفسي لكن اخاف اضيع فالشمال التركي |
على حسب اخوي انت ذاهب للشمال التركي في مكان واحد او تتنقل كل يوم اذا تتنقل كل يوم افضل سيارة خاصة انت قودها السياقة سهلة فقط ابتعد عن المرتفعات مثل بحيرة السمك وسكرسو عطني الاماكن الي تبي تزورها وانا اقولك عن وضع الطرق |
الأمور سهله جداً بالقياده من وجهة نظري سياره بدون سائق افضل لكـ |
اهلا بك الفرق تقريباً 1875 ريال لكامل الرحلة .. فالأمر يعود لك إذا تشعر إن الفرق غير مؤثر في ميزانية الرحلة فلاشك استئجار سيارة بسواق أريح ولا تشيل هم لا طرق ولا قوقل ماب ولا سيارة تتعطل لا سمح الله .. وهذي ميزة إن الشخص يركز بالكامل في الرحلة ولا يشيل هم القيادة أما استئجار سيارة بنفسك بتوفر المبلغ اللي ذكرته لك وفيها ميزة الخصوصية وما تحس أحد غريب معكم بالرحلة حاول تشاور اللي معك بالرحلة وتشوف راحتهم وبعدها اختار القرار الأنسب لك بالتوفيق |
اقتباس:
|
وفيه استفسار برضه بخصوص الصرف الى الليره هل تنصحون اصرف من الان الى ليره خصوصا ان الليره التركيه اليومين هذي سعرها طاح شوي وهل اصرف مبلغ كبيير والا انتظر شوي |
اهلا بك الحقيقة سعر الصرف هاليومين مغري فما يمنع تصرف نصف المبلغ والباقي قبل السفر بأيام نقطة أخرى .. طالما بتبقى 15 يوم بالشمال فيفضل تحاول تغطية أماكن أكثر من الثلاثة المشهورة بالتوفيق |
| الساعة الآن 10:27 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO