|
تخطيطي لرحله بين اسطنبول وانطاليا ..استفسار مساء الخير ..كل ماحبيت اسافر لابد يكون لي جولة داخل في هالمنتدى الرائع :e306: الله يسعدكم اعندي استفسار انا قد زرت اسطنبول والشمال التركي وهالمرة حابه اغير اسطنبول واضيف لها انطاليا وش ترون الانسب طيران من الرياض لانطاليا خمس ايام ثم ارجع اسطنبول ثم العودة للرياض او الرياض اسطنبول ثم اخذ طيران داخلي لا نطاليا لان لقيت السعر غالي لو مباشر والترانزيت طويل باسطنبول حسيت لو اخذ خطوط تجاريه من اسطنبول يمكن ارخص وانا احد. وقت الرحلة او تكون المحطة الاولى اسطنبول ثم انطاليا وع طول من مطار انطاليا للرياض ...وشكرا⭐ ولو تمدحون لي افضل منتجعات انطاليا اكون ممتنه ..🌸 |
اهلا بك كل الخيارات ممكنة وبالنسبة لي أميل البقاء في اسطنبول يومين ثم التوجه لانطاليا واخر يومين ثلاثة في اسطنبول بالطريقة هذي تكون الرحلة في حدود 8-10 أيام انطاليا فيها منتجعات كثير وأرى منطقة لارا هي الأميز وسبق لي تجربة منتجع شيروود وكانت تجربة موفقة تجدينها على الرابط التالي https://www.arabtrvl.com/vb/t27036-15.html هناك منتجعات فخمة على سبيل المثال أرض الاساطير .. إذا الميزانية تسمح فهو الأفضل على الاطلاق للتنويه فقط .. انطاليا في فصل الصيف تكون حارة وأسعار المنتجعات أغلى بالتوفيق |
اهلا بك انا عني ما افضل الترانزيت متعب اما البقاء في اسطنبول يومين او مباشرة لانطاليا |
الله يسعدك مشكوره |
اقتباس:
|
ممكن طيب تفيدون افضل خطوط داخليه لانطاليا:e303: |
اهلا بك كل شركات الطيران مناسبة والرحلة مدتها تقريباً ساعة ( اطلس جلوبال / اونور / التركية ) كلها خيارات مناسبة اختاري الأرخص والأكثر ملائمة لمواعيد الاقلاع بالتوفيق |
مشكورة استاذ نواف ..ولاتروحون بعيد برجع استفسر ..:14: |
بخصوص منتجعات انطاليا حصلتها مره غاليه واحنا عددنا كثير..٤كبار وثلاث اطفال اذا تعرفون منتجعات مناسبه ومجربه دلوني عليها ؟!!!!! |
اهلا بك يبدو لي رحلتك في الصيف وهذه مشكلة انطاليا بهذا التوقيت .. ارتفاع أسعار ودرجات حرارة أعتقد تحتاجوا تضحيات .. إما تبحثوا عن شقة وبكذا تخسروا الفعاليات داخل المنتجع أو تقسيم أيام انطاليا بين شقة ومنتجع أو البحث عن منتجع أرخص في منطقة كيمر ويعيبها الموقع ليست كما لارا بالتوفيق |
اقتباس:
|
اهلا بك حسب علمي نعم يمديك تستمتعي بارض الاساطير دون السكن فيه وللأسف ما عندي تفصيل حول الرسوم والشروط بالتوفيق |
اقتباس:
و الأسعار أتوقع .. الكبار 280 ليرة ... و الأطفال (4-16) 225 ليرة هنا رابط المنتجع: https://www.thelandoflegendsthemepark.com/En/ هنا رابط أسعار التذاكر: https://webstore.thelandoflegendsthemepark.com/ بالتوفيق ... |
يعطيكم العافية على رحابة صدركم ..انا زرت اسطنبول لثلاث ايام قبل وطبعا ماعطيتها حقها هالمرة ودي استمتع فيها ..سكني بيكون بشيشلي ايش نصايحكم لأمااكن تستحق الزيارة ولو كنا حابه ازور سبانجا وبورصه ايش الفرق بينهم او ايش يميزهم كيف ارتب جدولي انا بالبدايه بجلس باسطنبول كم يوم وبعدين انطاليا ثم ارجع لاسطنبول متى تشوفون مناسب ازور سبانجا وبورصه ?! انا افكر بالايام الاولى اخلي يوم لبورصه زياره بدون مبيت ولما ارجع من انطاليا ع طول من المطار (صبيحه)الى صبانجا ليلتين وارجع اسطنبول اذا تستاهل مبيت ومنطقه (يلوا) كيف اوصل لها وايش فيها وهل تستحق الزيارة ... ؟!! :e030: |
ليت تتفاعلون معي وتردون سريع لان رحلتي قربت وحابه ارب حجوزاتي ع ضوء ردودكم بارك الله فيكم |
اهلا بك وجهة نظري لا تتشعبوا كثير في زيارة المناطق لأن مدة رحلتكم ماهي طويلة وكثرة التنقلات قد تكون مرهقة وخصوصاً لو عائلة شخصياً أميل لسبانجا أما بورصة ويلوا يمكن تأجيلها لرحلة شتوية وتقدروا تستأجروا سيارة من مطار صبيحة وتنطلقوا لها وفي حدود ساعة توصلوا بالتوفيق |
اشكر تفاعللك استاذ نواف احنا جلستنا بتركيا 14يوم انت تشوف بورصه ماتستحق الزيارة الا بالشتاء اذا من رايك نزور سبانجا ع طول من المطار ونرجع لا سطنبول ولا نجلس فيه يومين ؟ وايش الفنادق المفضله فيها ؟!! |
بخصوص صبنجه ممكن افضل مكان للسكن فيها انا راح اجلس يوم واحد فيها ؟! ومقدرة تفاعلكم :26: |
اهلا بك في سبانجا كان لي تجربة فندق موتالي لايف وتقدري تشوفي تفاصيل التجربة على الرابط التالي .. وأكيد فيه بدائل أخرى افخم وأجمل وأغلى https://www.arabtrvl.com/vb/t34477-10.html بالتوفيق |
| الساعة الآن 12:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO