|
متلهفه لها .... لكن !!! السلام عليكم و رحمة و بركاته ... اخواني و اخواتي الافاضل عندي استفسار مهم جدا وودي فعلا تساعدوني فيه ومتخوفه منه كثير وهو هل طرابزون منطقة جبلية جدا ام هضبه .. وهل هناك تأثير على كبار السن و الذي لديهم مشاكل في القلب ام لا ؟ واذا هي مناسبة تقترحون اي منطقه في طرابزون اسكن فيها مع عائلتي ... ؟ فعلا الكل من افراد اسرتي متشوق ان يذهب الى طرابزون لما يحكى عن جمالها الساحر افيدوني اخواني واخواتي .. فأنا في انتظار ردودكم ولكم فائق الود والاحترام |
وعليكم السلام ورحمه الله وبركاته بالنسبة لي لاتزال طرابزون غااامضة لاني لم يسبق لي زيارتها ، والاعضاء مايقصر نواكيد راح يفيدونك |
اقتباس:
يعطيك العافيه |
طرابزون على الساحل واذا تبي تروح للمناطق القريبة منها اغلبها في المرتفعات ممكن يوصل الأرتفاع عن سطح البحر 1200 متر انا ما اقدر افيدك بالأمور الطيبه |
اقتباس:
هل هناك مناطق مماثله لجمال طبيعتها بس ارتفاعاتها ماتكون شاهقه تكون معقوله |
وعليكم السلام مدينة طرابزون مثلها مثل باقي مدن تركيا فيها مولات وو اسواق شعبيه بازارات .. الخ اتوقع الي تقصدينه قرية اوزنجول اهي تبعد عن وسط مدينه طرابزون تقريبا ساعه ونص وو الطريق لها سهل 🚗 شفت سياح خليجيين كبار السن هناك في اوزنجول ممكن تبقون بالقريه وو لا تصعدون المرتفعات 😊 شوفي تغطيات باليوتيوب عن وسط مدينه طرابزون وو اوزنجول وو شوفي اذا تناسبكم 😌 وو شكراً 🌸 |
شوفي يالغالية طرابزون حلوة لكبار السن لانة مهدئ للاعصاب ومريح ويحبها كبار السن لاكن عليكي بتجنب زيارة المرتفعات مثل حيدر نبي و زيقانا وهامسكوي وبحيرة السمك لانها متعبة للعائلة ومن واقع تجربة عندك السكن في طرابزون و اوزنجول مافيها مرتفعات تخوف ولا فيها صعوبة للمشي توكلي على الله وروحي وانبسطي مافيها اي خوف بشرط الابتعاد عن المرتفعات الي كتبتها وباقي امورك سهالات جدا جدا وبخصوص السكن في طرابزون يعتمد على ميزانيتك انتي الي تقدرين تحددين السكن فية سكن غالي وحلوو ومرتب وفخم وفية المتوسط والسعر متوسط اما الرخيص ابتعدي عنة لانة دمار وانتي رايحة تتمشين وتنبسطين وافضل مكان عندك في السنتر كلة اسواق ( شبة شعبية ) ومقاهي ومطاعم ومحلات واهم شي تتفقين مع شركة سياحية توفر لكي السكن وسائق يكون معاكي كامل الرحلة واذا تحبين تختارين السكن بنفسك عندك بوكينق شوفي الي يناسب ميزانيتك واهم شي شوفي اراء نزلاء الفندق ومرئياتهم |
اقتباس:
يعطيك العافيه |
اقتباس:
بس حبيت اعرف ايش الاماكن السياحيه غير اللي ذكرتها اني اتجنبها .. في اماكن نقدر نروحها نستمتع فيها و اما بخصوص الفنادق ممكن ماعليك امر ترشح لي فنادق ب ٤ نجوم وقريب من السنتر اذا قدرت واكون شاكره لك |
اقتباس:
شوفي يالغالية السكن في اوزنجول حلوو للعائلة وكبار السن خاصة الي حول البحيرة مافيها اي تعب او مرتفعات او مشقة او خوف وعندك افضل فندق كموقع عند البحيرة فندق عنان كالديسلر خطوات بسيطة وانتي عند البحيرة ربع دقيقة مشي ومحيط الفندق كلة كوفيهات ومطاعم والحركة فيها الى الساعة 12 في الليل انا عن تجربة مع العائلة انبسطو في هذا الفندق وتقدري تزورين ديمر كابي من اوزنجول حلوة وهي الي تغذي بحيرة اوزنجول بالموية طرابزون عندك السكن اذا ميزانيتك حلوة ومقتدرة تقدري تاخذي فندق زورلو غراند عند السنتر مباشرة وحلو مصنف 5 نجوم تقدري تستاجرين فية واذا ميزانيتك ماتسمح بسبب ارتفاع السعر شوفي اي شقق فندقية حولة تناسبك واخر يوم او يومين نصيحة مني استاجري في فندق رمادا طرابزون ( نصيحة من قلبي ) خلي هذا الفندق اخر يومين من السفر لانة تتعبين وانتي تمدحين فية وهو مباشر على البحر الاسود والجلسة في هذا الفندق تسبب لكي هلوسة فكرية من المتعة والاستمتاع بمنظر البحر والمسبح واحجزي الغرف المطلة على البحر وانتبهي تاخذين الغرف المطلة على الشارع وعلشان تستمتعين بطرابزون عندك خصصي يوم كامل لايدر تروحين لها في الصباح وترجعين على العشاء ومنها تزورين وادي الرياح على الطريق ممتع جدا عبارة عن نهر جاري وجلسات جانبية مع الرافتينق بس خذي كوب شاهي واطلقي لنفسك العنان في التفكير وبعد زيارة وادي الرياح روحي على الطريق لمزرعة العم مصطفى فهي ممتعة جدا جدا جدا فوق الوصف وفيها شلالات واحواض سمك كبيرة وجميلة وبعد المزرعة بربع ساعة راح توصلين لايدر واستمتعي بطبيعة وبجنة الله في ارضة باقي الايام خصصيها لمزارع الشاهي وخصصي يوم للافطار في بوزتبة مرتفع مطل على كامل طرابزون ( المرتفع غير خطير والارض مزفلت وغير وعر ومريح ) وبتحصلين مطاعم كل الي عليكي انك تختارين طاولة يكون المنظر فيها حلو واستمتعي بالهواء النقي مع الفطور المشرق وعندك برضة بحيرة سيراجول في طرابزون ممتعة وحلوة وجميلة ومريحة وهادئة وفيها مطاعم على البحيرة اختاري الي يناسبك لا اوصيك جربي الحلا السوتلاش من اي مطعم قسم راح تدمنين علية ليل ونهار |
سبق سافرت تركيا ورحت طربزون بس صراحه ماتستاهل تنحط بجدول الرحله مافيها لااسواق ولاحركه ولامطاعم متنوعه وهدووء تركيلا هي اسطنبول وانطاليا فقط |
| الساعة الآن 01:34 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO