|
6 ليالي في اسطنبول !؟ وزعوها معي واحتاج مشورتكم❤ السلام عليكم ورحمة الله اللهم صلي وسلم على نبينا محمد وبما ان الكتاب واضح من عنوانه بستفسر كم استفسار واتمنى احصل اجابه دقيقه لاني محتار باشياء كثيره مثل انسب سكن وكم يوم وباي منطقه وابداء باي منطقه فالسؤال حنا 3 شبااااب كنا بنطلع اندونيسياء وصارت ظروف وتغيرت الوجه وجزمنا على اسطنبول تاريخ السفر من 6-7-2018 الى 12-7-2018 س / انسب توزيع ل 6 ايام في اسطنبول ؟ ومايمنع تضيفون بورصه يومين ضمن الجدول ؟ س/ بحكم ان سعر الفتادق غالس وحنا 3 اشخاص احتاج سكن شقق فندقيه في منطقة السلطان وفي تقسيم وش تنصحوني فيه ؟ واهم شي ان الشقق او الفندق في منطقه حيويه وكل شي اروح له على رجولس زي مايقولون 😂 س/ المواصلات وش تنصحوني فيه ؟ والمترو وش يخدمني فيه تقريباً ؟ س/ صرف العمله من وين ووش الافضل ؟ س/ معليش كثرت الاساله عليكم بس خاطري اسافر وانا مرتاح ولا اشيل هم تضييع الوقت فاتمنى تساعدوني بجدول السفره ياهل الخبره قد ماتقدرون وبارك الله في الحميع وجزاكم الله الف خير |
اهلا بك الاماكن السياحية في اسطنبول متنوعة وتخضع لميولكم ولكن كزيارة أولى أرى تغطية المعالم الشهيرة والتي يغلب عليها الطابع الأثري يوم .. ( جامع السلطان أحمد / آيا صوفيا / توب كابي ) يوم .. ( متحف بانورما فتح القسطنطينية / منطقة فلوريا ) يوم .. ( منطقة أيوب / تلة بيرلوتي / مينيا تورك ) يوم .. ( جزيرة الأميرات / ارتكوي ) يوم .. ( الاستقلال / حديقة اميرجان ) يوم .. ( بورصة أو سبانجا ) السكن في اسطنبول ماهو غالي وخصوصاً لو كنتم شباب ويهمكم في السكن النظافة فقط .. والأفضل لكم منطقة سيركجي .. وبتلاقي خيارات في بوكينق رائعة ورخيصة واحجزوا يوم واحد فقط ثم مددوا من الفندق نفسه إذا ناسبكم وبسعر أقل من بوكينق المواصلات لثلاثة شباب ترام ومترو وباصات فهي الأوفر والانسب لكم صرف العملة تقدر تاخذ معك دولار وتصرفه هناك ليرات ولكن احرص على المقارنة ما بين عدة أماكن وإذا مدينتكم فيها صرافين فالأفضل تصرف منها وتروح لتركيا بالليرة بقي أن أقول لك بأنه تبقى على رحلتكم حوالي 3 أيام .. فالجهد المطلوب منك مضاعف جداً للتجهيز للرحلة وجمع المعلومات بالتوفيق |
ما قصر اخونا نواف |
ياحبيبي والله يا نواف عزالله ماقصرت وبارك الله فيك بس تمنيت لو فيه مجال ذكر اسم فندق او الافضل شقق فندقيه بموقع حيوي وفيه اغلب الخدمات لاني شيكت على المنطقه اللي قلت لي عنها وكان اسعارهم غاليه شويتين وسوالي الثاني بخصوص بوصه وسابنجاء الافضل والاوفر اني اسكن فيهم يوم او يومين او اطلع لهم من اسنطبول وارجع بالليل ؟ |
اقتباس:
فيكم الخير والبركه ويشفرنا نسمع نصائحكم من خلال خبرتكم وتجاربكم لكن عندي كم سؤال لك وللجميع - سفرتي 6 ايام يعني الافضل 3 الايام الاول اسطنبول واليوم الرابع بورصه والخامس سبانجا والسادس اسطنبول عشان اتجهز للعوده ؟ او تشوف فيه تقسيمه افضل من كذا عشان المعالم السياحيه واولويتهم وترتيب زيارتهم ؟ السرال الثاني : المواصلات لو بعتمد على اوبر بكل شي تتوقع يكون مكلف وفيه ضياع للوقت بسبب الزحمه والا اقسم المشاوير على الترام والمترو و اوبر ؟ علما تني ماجربت التزام والمتزوا ابداً في اسطنبول |
من رأيي كل الايام تكون باسطنبول يوم تروح لسابنجا بورصه جوها حار بالصيف وو محتاجه اكثر من يوم بالنسبه للمواصلات اكيد اذا بتعتمد على اوبر بيكون مكلف اكيد الاوفر لو تعتمد ع مواصلات العامه تقرير عن المواصلات راح يفيدك https://www.arabtrvl.com/vb/t9306.html |
اقتباس:
استخدم المترو والترام والعبارات بخصوص التاكسي قبل الصعود اتفق على السعر ولازم يكون عندك عملات صغيره للدفع عشان تضمنهم |
اقتباس:
طيب مافيه تطبيق بديل زي اوبر وشرط يكون مسموح فيه بتركيا ؟ |
اقتباس:
بارك الله فيك يالغالي وشورك مبروك ان شاء الله لكن اذا ابطلع لبورصه بحكم اني مازرتها قبل السوال : وش انسب واسهل طريقه لبورصه ؟ يعني فيه مكتب معين في تقسيم او منطقه السلطان امره ويضبط لي الذهاب والعوده والسكن اذا باخذ يوم ومثلا مكتب يقدم عروض او خدمات اخرى ؟ |
اقتباس:
https://www.arabtrvl.com/vb/t7690.html وو انا مع رايي اخوي عادل انك تلغي بورصه من الجدول محتاجه وقت بس اذا مصر عليها حطيتلك قبل عن الشركه المعلنه بالمنتدى تقدر تتواصل معاهم يرتبون لك رحله وو ابتعد عن مكاتب تقسيم 😊 https://www.arabtrvl.com/vb/t27257.html |
| الساعة الآن 03:13 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO