|
ماذا تقترح برايك يوم العيد في اسطنبول او سبانجا وبورصة السلام عليكم لدينا جدول مقسم النزول قبل العيد بيوم في اسطنبول هل تقترحون نستأجر سيارة من المطار ومباشرة للسكن في سبانجا وبورصة وبولو ومن ثم العودة بعد عدة ايام في اسطنبول ومنها العودة لارض الوطن ام ان العيد في اسطنبول ممتع ونخلي النزول والسكن في اسطنبول وبعدين بعدها نطلع للمدن المذكورة وعقبها نرجع لاسطنبول للعودة لارض الوطن انا اخاف تكون اسطنبول يوم العيد زحمة خاصة اننا راح نستخدم المواصلات العامة وش رايكم |
وعليكم السلام إستفسارك جاء في وقتهــ , ايضاً انا محتار هل ابقى في فترة العيد في أسطنبول ام اذهب سبانجا هل الحياة تتوقف وخاصة المواصلات العامة في يوم العيد أم بستمر وضع على ماهو عليه ^_^ لكن ما اتوقع في يوم العيد أن اسطنبول خيار سيء :(153): انتظر اجابة من سبق ان حضر ايام العيد هناك . |
وعليكم السلام من رأيي انا افضل الاقتراح الاول اكيد اسطنبول بتكون زحمه ماراح تخف الزحمه الا بعد ماينتهي موسم الاجازه او بالخريف عالاغلب المواصلات بتكون زحمه بالعاده في الاعياد تكون بنص القيمه |
اهلا بك أتذكر نزلت اسطنبول في آخرأيام العيد وكانت المواصلات العامة شوي مزحومة .. إذا شباب تمشي الأمور أما لو عائلة بتكون مزعجة نوعاً ما بالنسبة للمناطق خارج اسطنبول فيه نقطة حاول تتأكد منها .. إن الأتراك يستثمروا فرصة الإجازات ويتوجهوا لزيارة المناطق الريفية خارج اسطنبول فبالتالي ترتفع أسعار السكن هناك نوعاً ما .. فياليت تراجع بوكينق وتشوف كيف وضع السكن قبل تروح بالتوفيق |
يعني نصيحتك اخوي نواف لمسـافر منفرد ما يفوت أسطنبول وقت العيد وين افضل مكان للسكن يكون قريب للحدائق العامة انا سكنت في تقسيم وشيلشي اكثر من مرة وصار عندي تشبع منها ماجربت اسكن في سيركجي كاريكوي السلطان احمد ؟ وكيف الطريق من مطار صبيحة الى سبانجا هل هو سهل لاني افكر استاجر سيارة لأول مرة من مطار صبيحة محتار والله ^_^ |
اهلا بك اخوي ابو بلال اللي كنت أقصده إن المواصلات العامة في العيد تكون صح مزحومة ولكن بالنسبة للأفراد ماهي مشكلة لأنك شخص واحد ما تشيل هم أحد معك طالما تشبعت من السكن في شيشلي وتقسيم جرب في سيركجي بحكم قربها من حديقة جولهانة وبعض المعالم الأثرية وساحة السلطان أحمد ولكن حاول تدقق في اختيار السكن لأن الواضح لي أن الكثير من الفنادق هناك شوي مستهلكة ولكن بتلاقي خيارات نظيفة المسافة من مطار صبيحة لسبانجا أكيد أفضل وأقرب من مطار اتاتورك لسبانجا .. احتمال توفر وقت في حدود 45 دقيقة .. أما الوصول لسبانجا فالطريق سريع ومريح ما فيه أي مشاكل .. فقط اتبع قوقل ماب وبتوصل لمبتغاك بالتوفيق |
اقتباس:
لا والله عائلة كبيرة عشان كذا نهرب من الزحمة الله يعطيك العافية ماقصرت |
اهلا بك اخوي سلطان بالنسبة للعائلة الكبيرة ما أنصحك بالمواصلات العامة سواء في العيد أو خارج وقت العيد لأنها متعبة والأهم لن تحقق الوفر المرجو أما بالنسبة للأفراد مثل أخونا أبو بلال فهي مناسبة له جداً في أي وقت عموماً اسطنبول مدينة مزحومة طيلة العام فلا تتوقع إنك بتروح في فترة وبتكون غير مزحومة ولكن إن صح التعبير في بعض الفترات يتكدس الناس في الأماكن العامة فتكون الزحمة أكثر وأوضح بالتوفيق |
اقتباس:
الله يسعدك يعني حتى في اسطنبول ماتنصحنا نستخدم المواصلات العامة الافضل نستأجر سيارة على ذلك راح نحتاج فان+ سيارة متوسطة مو مشكلة السعر لكن مشكلتنا بالمواقف ويقولون الشوارع زحمة ونبتلش بالمواقف خاصة اذا رحنا السلطان احمد وحولها وين نوقف السيارات عددنا 12 شخص معنا اطفلين وكبار سن اثنين هل تنصح نستأجر سيارتين او نكتفي بالمواصلات العامة في اسطنبول ونسكن مثلا في فاندق سيكرجي امام محطة الترام واذا تنصح نستأجر سيارة وش افضل منطقة للسكن للي معه سيارة |
بما انكم عائله كبيره ماشاءالله 12 شخص معكم طفلين وو كبار بالسن اريح لكم في اسطنبول تستأجرون سياره ل12 شخص مع سائق سيركجي اختار جيد قريبه من اماكن سياحيه وو حدايق بعض الاماكن مو محتاجه سياره |
| الساعة الآن 02:11 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO