https://s.yimg.com/qn/up/travel/b/f/...55d37286dd.png





نكمل مع الأعضاء الحلوين



يومنا الأول





وصلنا الفندق بعد لفة بسيطة من التاكسي



ودق عليهم تلفون والا احنا عند الفندق......بره مو مبينة اللافته له



عمارة بين العمارات



وهذا حجزنا شوفوه قبل لا نحط صور الشقة





قسمت لكم الورقة بالتصوير علشان يبين



العنوان والايميلات والاحداثيات





https://s.yimg.com/qn/up/travel/5/2/...f8075e5561.jpg





الحجز والسعر





https://s.yimg.com/qn/up/travel/c/8/...7bfb6827d4.jpg



عطيناهم كاش 4500 ليرة تركية...عاد مو تقولون وايد



قارنو السعر مع سعر بوكينغ









وصف الشقة





https://s.yimg.com/qn/up/travel/a/9/...8a469f0222.jpg







كرت الفندق







https://s.yimg.com/qn/up/travel/d/a/...eab940897f.jpg







الواي فاي مجاني





https://s.yimg.com/qn/up/travel/4/7/...72f97eaac4.jpg







مدخل الفندق من الريسبشن الصغير







https://s.yimg.com/qn/up/travel/8/b/...9b20e20dd5.jpg





الريسبشن ......قصدي طرف منه



ما شاءالله انترس منا





https://s.yimg.com/qn/up/travel/4/b/...d7b554d4a6.jpg







ارفف المكتب البسيط المرتب





https://s.yimg.com/qn/up/travel/d/a/...eab940897f.jpg







لوحة خلف المكتب







https://s.yimg.com/qn/up/travel/0/9/...a2bc56df23.jpg



















شاف الولد الموجود التشيك ان ودخلنا الشقة بالدور الثاني من المبنى الداخلي



يعني نمر بالريسبشن ومن داخل ندخل على مبنانا





في مصعد للادوار الموجودة في المبنى الاول خلف الريسبشن مباشرة



وهو مبنى الغرف اعتقد





وام حسين صار لها مشكلة ما اقدر اصعد درج https://s.yimg.com/qn/cdn/images/spo...es/new/018.gif ....صعد بوحسين



يشوف الشقة ما عجبه الوضع ناداني......صعدي يا ام حسين لازم تشوفين



https://s.yimg.com/qn/cdn/images/spo...es/new/008.gifhttps://s.yimg.com/qn/cdn/images/spo...es/new/008.gifوهذه الشقة .....صعدت



الغرفة الاولى





https://s.yimg.com/qn/up/travel/5/0/...cdac5279cb.jpg







https://s.yimg.com/qn/up/travel/e/a/...559a007f30.jpg







تكرمون الحمام الوحيد





https://s.yimg.com/qn/up/travel/d/8/...0112e38c69.jpg









https://s.yimg.com/qn/up/travel/d/3/...a1bed80f88.jpg







المطل





https://s.yimg.com/qn/up/travel/d/b/...c473cb6fee.jpg







ماصورت من الصالة الا هذا العيال كانوا قاعدين



فيها صوفا بد لنفرين



https://s.yimg.com/qn/up/travel/8/7/...16361ac678.jpg







وهذا المطبخ





https://s.yimg.com/qn/up/travel/7/a/...407b9820a5.jpg







https://s.yimg.com/qn/up/travel/c/f/...41ee50045a.jpg







وهذه المشكلة



في الممر ووحدة بس مافي غيرها





https://s.yimg.com/qn/up/travel/6/1/...f6e40c6371.jpg







مشكلة تكييف واحد والجووو حار





وبالممر





قلنا حق الولد ...قال خل اتصل بالمسئول





والا المسئول يانا وقال في شقة ثانية تحت بالدور الاول



قلنا حلوو نص المشكلة انحلت.....دور واحد كم درية تمام.....فتح الشقة الثانية وراحو الربع



انا انطرهم شيقولون وانزل لان اخاف يرجعون يصعدوني



قالوااا تعااالي



نزلت والا رحمة الله من الهوااا البارد نزلت علي



قلت الله هذا التكييف مو فوق......طلع في هالشقة وحدتين تكييف وحدة بغرفة نوم



والثانية بالصالة





قلت لهم انتو اشرايكم الكل وافق.......وطلع المسئول شاب حليوو وحبوب



قال موافقين علشان نكتب العقد.....قلنا اوكي



وعطانا خريطة وحط عليها اشلون نوصل لميدان تقسيم...وبعض الاماكن





نشوف الشقه الجديدة ما تختلف عن الثانية الا انها تكييفين وبالطابق الاول.....





غرفتي ...انا ودانة





https://s.yimg.com/qn/up/travel/8/6/...c216452d42.jpg





اخذتها علشان هذه





https://s.yimg.com/qn/up/travel/f/4/...2bf7c708e3.jpg





الغرفة الثانية للبنات...بدون تكييف



بس يوصل لهم البراد لان ابيبان الغرف كلها فاتحينها وقت النوم





https://s.yimg.com/qn/up/travel/0/d/...0476641eae.jpg





الصالة لابوحسين ويوسف



مالحقت اصورها من النثرة اللي صارت خخخخخخ





https://s.yimg.com/qn/up/travel/f/5/...5c253e7a67.jpg





الممر وتلاحضون على اليمين باب الصاله اللي حجمها حجم الغرفتين مع بعض





وجدامنا غرفة البنات....اليسار غرفتنا....وتكرمون باب الحمام السحاب



ووراي باب الشقة....ويساري المطبخ





تكرمون الحمام



https://s.yimg.com/qn/up/travel/1/5/...cdafbc7989.jpg







المطبخ





https://s.yimg.com/qn/up/travel/6/6/...d1a0842baf.jpg







طاولة اكلنا هههههههههه





https://s.yimg.com/qn/up/travel/9/b/...0e056ba23b.jpg





لا لا هذا مطعم الريوق في الفندق دايما نمر منه





نلاقيهم يتريقون .....انا ماحجزت ريوق فندق لانهم يبون يتريقون بره كل يوم في مكان







https://s.yimg.com/qn/up/travel/8/4/...82ec125e0b.jpg







وهذه باقي طاولات المطعم وشايفين الريال احنا هني نمر لمبنانا





وفي باب ثاني ما يفتح الا بمفتاحكم......او تفتحونه من داخل يعني الفندق آمااااااااااان وهذا اللي شفناه







هذا الله يسلمكم المسئول عن الفندق......الطريف انه دانه سألته شيصير لك الممثل الفلاني





قال لها عمي......قالت يا سلام نقدر نشوفه قال لها خل اشوفه انا بالاول



واشوفها تضحك قلنا لها شالسالفة



طلع انها عرفت من اسم العايلة والفندق اعتقد للممثل مثل ما قالت





اسمه تلاقونه على كرت الفندق اسمه اران.......ماي فريند لكل واحد من العايلة بس يشوفنا





https://s.yimg.com/qn/up/travel/0/8/...ba57f11d02.jpg



لوحات بالاسقبال



https://s.yimg.com/qn/up/travel/4/7/...76213fa042.jpg





هذا باب الدخول والخروج بنطلع



https://s.yimg.com/qn/up/travel/3/b/...5858cb44af.jpg







الدخول للفندق بس شافونا تقريبا الساعه 8,30 وعلى ما استقرينا على الشقة



الساعة 10 وراح يوسف مع دانه جابو لهم ريوق ....وانا من شفت البرك طبيت معاهم



واكلنا وهني ما صورت......نمنا لحد الساعه 3 تقريبا وبعدين طلعنا



ندور الغدااااا جعناااااا

عقب ما ريحنا وصلينا الظهر والعصر جمع تقديم



طلعنا ندور شارع الاستقلال



بنتي تقول تعالو مايبيله تاكسي وانا قلت لهم روحو انتو وانا بعد هالمشي



ما أقدر.......شوفو وين مشيت





https://s.yimg.com/qn/up/travel/4/4/...bd29a7c554.jpg





شايفين السهم فندقنا......وهالطريق الصاعد لحد ما نوصل للشارع اللي تمر عليه سيارات



المسافه صغيره اوكي بس تقطع القلب والظهر....خاصة انا مع الديسك



ماني قادرة امشي.....ناخذ تاكسي يوصلنا للميدان والعيال بعد اخذوا ....كل 3 بسيارة







وتصبحون على خير .....للجزء اليديد لليوم الثاني