![]() |
رد: لا حرمني الله سمائك تركيا الحلقة السابعة عن اسطنبول ... عن العشق والهوى وصلنا مطار أتاتورك وأخدنا تاكسي من المطار ب50 ليرة، طبعا احنا عارفين وين فندقنا بالزبط لأنه لما وصلنا فى بداية الرحلة مرينا على المنطقة نتأكد من الموقع. حجزنا فندق اورينت اكسبرس Orient Express Hotel من بوكينج لمدة 4 ليالي، الفندق يقع بين جولهانه وسيركجي على الشارع ا لرئيسي على خط الترام يعني من محطة ترام جولهانه مشي 3 دقائق. سواق التاكسي للأسف ما عرف الشارع اللي ممكن يوقف فيه قدام الفندق مع أنه أبو معن كان يدله بس عاد تركي وركب راسه المهم انه وقفنا على الزاويه واضطرينا نمشي مسافة 5 دقائق تقريبا بالشنط. وصلنا على فندقنا الرائع الصور جبتهم من النت http://www5.0zz0.com/2014/11/11/17/680266749.jpg http://www5.0zz0.com/2014/11/11/17/322387035.jpg واستقبلنا هذا الموظف الرائع جدا طبعا كل من يعمل فى الفندق بيحكي انجليزي وفى موظفة رائعة رائعة ما شاء الله عليها بتحكي عربي وانجليزي وفرنسي اضافة الى لغتها التركية. http://www6.0zz0.com/2014/11/01/17/975315338.jpg اعطونا غرفتنا بالدور السابع وحاطين صحن فواكه وصحن حلقوم ضيافة يييييييي أنا ما قلتلكم اليوم ذكرى زواجنا ال 31 اللهم اجعلني قرة عين لزوجي واجعله قرة عين لي طبعا أنا تواصلت معهم وخبرتهم لترتيب الأمور وترتيب عشاء مرتب يليق بالمناسبة طلعنا على الروف على مطعم امبات Imbat Resturant قعدنا وعلى يمينا مسجد السلطان أحمد وأيا صوفيا وعلى يسارنا برج غلاطه ضيفونا عصير وبعدها جابولنا العشاء الرائع http://www12.0zz0.com/2014/11/01/16/816389774.jpg http://www12.0zz0.com/2014/11/01/16/680678895.jpg http://www12.0zz0.com/2014/11/01/16/143679529.jpg http://www12.0zz0.com/2014/11/01/16/478113223.jpg وبعدها جابولنا هذا الحلو اللذييييييييييذ جدا جدا اللي ما حدا يسألني شو اسمه لأني مش عارفه ضيافه برضه من عندهم http://www12.0zz0.com/2014/11/01/16/482804244.jpg المطعم كان ماشاء الله فل ولا طاولة فاضية لأنه المطعم بالحجز وعندهم فترتين للعشاء من 7 – 9 أو 9:15 – 11:15. كان فيه جنسيات مختلفة أمريكان على ألمان على فرنسيين على مكسيك على أتراك واحنا العرب الوحيدين. قضينا وقت رائع جدا جدا ونزلنا غرفتنا ونمنا على طوووووووول. تصبحوا على خير وأشوفكم قريبا في يوم جديد من أيام اسطنبول عن العشق والهوى |
رد: لا حرمني الله سمائك تركيا الحلقة الثامنة أصبحنا وأصبح الملك لله والحمد لله ولا اله الا الله وحده لاشريك له لك الملك وله الحمد وهو على كل شيء قدير مطل الغرفة في النهار http://www6.0zz0.com/2014/11/01/17/553285595.jpg نزلنا فطرنا وكان فطور ممتاز ومتنوع ما شاء الله http://www8.0zz0.com/2014/11/01/17/610385511.jpg http://www12.0zz0.com/2014/11/01/16/553109111.jpg http://www12.0zz0.com/2014/11/01/16/315877320.jpg http://www12.0zz0.com/2014/11/01/16/313440665.jpg http://www12.0zz0.com/2014/11/01/16/369466429.jpg http://www12.0zz0.com/2014/11/01/16/808936490.jpg وهاي صحني http://www12.0zz0.com/2014/11/01/16/172260104.jpg طلعنا شربنا قهوة على الروف نفس مكان اللي تعشينا فيه امبارح بس كانوا عم ينظفوا المكان وما فرقت معنا قعدنا وشربنا القهوة لأنه الجو كان خييييال آيا صوفيا على يمينا http://www12.0zz0.com/2014/11/01/16/295480569.jpg برج غلاطة على يسارنا http://www8.0zz0.com/2014/11/01/17/288392335.jpg شوفوا هاي الصورة وشوفوا ما أشطرني، مسجد السلطان أحمد وآيا صوفيا على زجاج الروف وأنا عم بصور ببرج غلاطه تخيلوا كل هاد من موبايلي جالاكسي S5 كيف لو معي كاميرا بروفيشنال كان كسرت الدنيا بصوري http://www.sfari.com/forums/images/smilies/13.gif طبعا ما تصدقوني لأني ما لي خص بالتصوير ولا بفهم فيه والصورة هاي طلعت بالصدفة معي :yolks0020: http://www10.0zz0.com/2014/11/01/17/844167383.jpg |
رد: فندق(Orient Express Hotel) سيركجي .. اسطنبول من أروع فنادق إسطنبول يكفي تعامل وتعاون الموظفين الرائعين، أضافة الى موقع الفندق الرائع بين جولهانه وسيركجي واحساسك انك في وسط عبق التاريخ. شعور رائع جدا |
رد: فندق(Orient Express Hotel) سيركجي .. اسطنبول فندق جميل واطلالة رائعة تسلم يدك ام معن |
رد: فندق(Orient Express Hotel) سيركجي .. اسطنبول الفندق مرتب وتقريرك مفصل بس لو تتكرمي بذكر الأسعار ونوع الغرفة تقيمك للفندق من حيث المرافق والخدمة والافطار تسلم ايدك اختي ام معن |
رد: فندق(Orient Express Hotel) سيركجي .. اسطنبول اقتباس:
وايديك أخي العزيز مباركي شكرا جزيلا لحضورك الجميل |
رد: فندق(Orient Express Hotel) سيركجي .. اسطنبول اقتباس:
شكرا كتير لمرورك أخي طارق أنا كاتبه كل المعلومات في تقريري الأصلي (لاحرمني الله سمائك تركيا) بس ولايهمك الفندق ممتاز من ناحية الموقع والتعامل والنظافة، الإفطار كان جيد جدا ومتنوع والخدمة ممتازة من جميع النواحي. أخدنا الليلة ب 160 دولار وطبعا في أوقات بيكون أرخص من هيك بس لأنه احنا تأخرنا في الحجز فكان غالي شوي. أنصح فيه بقوة |
رد: فندق(Orient Express Hotel) سيركجي .. اسطنبول ما قصرتي شكرا لنقل الجزء هنا ما قصرن مشرفاتنا |
رد: فندق(Orient Express Hotel) سيركجي .. اسطنبول والله المشرفات فعلا رائعات وما قصروا |
رد: فندق(Orient Express Hotel) سيركجي .. اسطنبول عقبال ال100سنة وانتم مع بعض فعلا موقع الفندق رائع والاطلالة ولا اروع وعشاء رومانسي جميل تتهنوا |
الساعة الآن 05:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO