|
بعض الاستفسارات لرحلة قريبه لتركيا افيدونا السلام عليكم ورحمة الله وبركاته حبيت اسال عن الجو بالنسبه لشهر شعبان كيف بيكون بتركيا !! بالضبط راح تكون مغادرتي قبل الاختبارات بيومين والعوده مع نهايتها ثاني شي الافضل كيف تشوفون توزيع الايام مابي تنقلات كثير وتكفي مدينتين اسطنبول وطرابزون مثلا او نزيد مدينه العدد 2 بالغين وثلاث اطفال هل 15000 كافيه لكل شي بدون تذاكر السفر والوصول والعوده يكون من مطار واحد افضل واذا ممكن ترشحون لي فنادق او منتجعات مطله ع البحر وشكرا جزيلا مقدما علئ ماتقدمونه للكل الف شكر وانتظار افاداتكم |
رد: بعض الاستفسارات لرحلة قريبه لتركيا افيدونا وعليكم السلام بداية شعبان توافق نهاية مايو الجو ممتاز ربيعي لطيف بالنهار وباد بالليل يعني تحتاج جاكيت هذا بالنسبة لإسطنبول اما الشمال طربزون واوزنجول راح يكون ابرد و خليك على اسطنبول وطربزون واوزنجول وتوزيع الايام على حسب اهتمامكم هل تحبون الطبيعة والاجواء الهادية او المدن وبالنسبة للميزانية على حسب اختيار الفندق لان في تركيا لهم نظام معين لإقامة الاطفال بعضعم يحسب لك مبلغ يومي للأطفال فوق سن معين اما المصاريف اليومية لشخصين بالغين تقريباً 500 ريال يومياً تزيد او تنقص قليلاً |
رد: بعض الاستفسارات لرحلة قريبه لتركيا افيدونا كم عدد الايام بالظبط عشان الخبراء يساعدوك اكثر فى توزيعها شهر 5 مناسب جدا لزيارة الشمال 15000 ممكن تكفيك فنادق ومصاريف فى حدود 12 يوم بدون طيران داخلي سفرك بيكون فى غير موسم الاجازات ممكن تلقى اسعار جيدة للحجوزات |
رد: بعض الاستفسارات لرحلة قريبه لتركيا افيدونا الله يسعدكم ويعطيك العافيه ما قصرتوا بسرعة الاستجابه والرد مبدئيا الرحلة حتكون 13 يوم بدون يومي السفر والعوده تزيد او تنقص يوم من تاريخ 4 شعبان اللي يوافق 4/5/2015 وبالنسبه للاماكن باسطنبول افضل مكان يكون قريب من كل شي واقدر استغني عن السياره والتكاسي واستخدام المواصلات العامة هناك اما طرابزون وغيرها يهمني يكون مكان هادئ ومريح وياليت لو مطل على بحر الواحد وده يغير جو مضبوط ويريح كم يوم من شقا الدوام والحياه وافضل يكون فيه اماكن للاطفال بحكم اعمارهم 8 سنوات و4 سنوات وسنه ونص حاليا جالس ابحث على حجوز الطيران وتقريبا لقيتها مابين 4800 الى 5500 تقريبا لعدد 5 اشخاص كيف سعرها برأيكم !!! وياليت ترشحون لي فنادق حتى اشوفها واختار من بينها ولو يتكرم احد منكم يحط لي جدول لعدد 13 يوم اهم شي مايكون فيه تنقلات كثير ودي ارتاح بالمكان الواحد ع الاقل 4 /3 ليالي تقريبا بحكم معي اطفال كم تقريبا حتكون اسعار الطيران الداخلي وفيه طرق ثانيه غير الطيران الداخلي ودي اجرب عباره وقطار يعني الواحد يغير بحكم انك جاي ع طياره وبترجع ع طياره فالتغيير مطلوب وكويس وشاكر ومقدر لكم تعاونكم وحرصكم الله يجزاكم كل خير ما نستغني عن اي احد فيكم هنا بالمنتدى يقدر يفيدنا كلكم على العين والراس وما تقصرون |
رد: بعض الاستفسارات لرحلة قريبه لتركيا افيدونا 4 شعبان يوافق 22 مايو بالنسبة للفندق مهم يكون قريب من محطة المترو عشان التنقلات ممكن تسكن في السلطان احمد او تقسيم وسعر التذاكر الدولية اشوفه حلو والفنادق بإمكانك تتطلع على قسم الفنادق و بالنسبة للتنقل من اسطنبول لطربزون لافضل والاريح الطيران لان المسافة 1000 كم اذا حاب تجرب العبارة ممكن تروح لبورصا بالعبارة لكن بما انك رايح للشمال مافيه داعي لبورصا |
| الساعة الآن 12:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO