|
DOGA hotel اوزنجول السلام عليكم ورحمة الله وبركاته حجزت التذاكر ع طيران الاتحاد لشخصين الذهاب: يوم الاحد الموافق 12/4/2015 العودة: يوم الخميس الموافق 23/4/2015 قسمت المدة حيث تكون الفترة الاول في الشمال لمدة 5 ليالي والمدة المتبقية 6 ليالي في اسطنبول يومان طرابزون يوم ايدر يومان اوزونجول 6 ليالي اسطنبول "تقسيم" الفنادق بعد مشاورة المراقبين والمشرفين تم اختيار الاتي: اوزنجول دوقا موتيل ليلتان بسعر 665 درهم رابط الفندق من بوكينق :(149): |
رد: رحلتي الى الشمال التركي واسطنبول بالصور والفيديو 11 ليلة السلام عليكم ورحمة الله وبركاته فندق دوقا ... اخترته لان ابو تالين الله يذكره بالخير نزل فيه بعد ما شاف كذا مكان ولانه ذكر انه اجدد موتيل بالمنطقة .. يعني لسه الشراشف نظيفة http://www.arabtrvl.com/vb/images/Smilies/%2847%29.gif وذكر ان مطعم الموتيل بمكان ثاني يبعد عنه شووية "ما قصر بالوصف ابدااا جزاه الله خير" المدخل الرسبشن فيه بنت اسمها مريم خدومة جدا جدا والصبح شاب سوري نسيت اسمه من هنا ع الغرف الغرفة لـ 2 بالغيين و طفل انا الطفل هههههههههههههههههههههههه الغرفة جيدة جدا احلى ما فيها الاطلالة و نظيفة :201: توقعت مستوى النظافة اقل الحمد لله طلعت غلطانه سبحان الله انقشع الضباب في دقايق احلى اطلالة دورة المياه الله يعزكم وهذا الكوفي شوب اول ما تدخل رحنا نتغدى ميتين من اليوع وقفنا ورحنا مشي للمطعم 7 مبنى هو مطعم الفندق قلنا يلا بنجربه امبين انهم موتيلات يديده المطعم بسيط جدا جدا جدا فاصوليا وفيها قطع لحم للوالد و شيش طاوق وانا جبن وريش وكانت جيدة جدا احلى شي حاطين ماش "بطاطس مهروسة" 53 ليرة فقط يا بلاااش ع المغرب نزل الوالد الكوفي شوب و طلب قهوة جابوا قهوتين .. ذقتها طبعا ما عجبتني كالعادة بالعافية الفنجانين للوالد :200: بــ 8 ليرات اعتقد دمتم بحفظ الرحمن |
رد: رحلتي الى الشمال التركي واسطنبول بالصور والفيديو 11 ليلة السلام عليكم ورحمة الله وبركاته ثاني يوم في اوزنجول صحينا بدري صلينا ولبسنا وخلصنا وكانت الساعة 7 يعني باقي ع وقت الريوق ساعة كاملة " وقت الريوق من 8 الى 11 " قلنا نلف شوي بالمنطقة نستكشف الين يفتح المطعم رحنا المنطقة اللي تطلع لها من عند الجامع يت الساعة 8:15 رحنا للمطعم " مطعم دوقا" الريوق مجاناً مع الإقامة يلسنا عند الدفاية وكان اختيار مش ولا بد برد حر برد حر مرضنا :205: طبعا بما انه موتيل فالريوق محدود جدا .. ما عجبني رديت صحني مثل ما هو وطلبت لي ريوق مادري شو يخبز .. قاله الوالد ابا من اللي سويته قال لا ما نبيعه :(155): :bleh: كيف مادري!! وصل طلبي .. شكشوكة وثاني طلب كان منقوشة جبن ابا هوت شوكليت ما عندهم ..... اصلا درت كل مكان بـ اوزنجول ما لقيت حد يسويه :busted_red: فطلبت نسكافيه ..... استغفر الله ما ينشرب " حسبه بدال الشاي لان مع الريوق كوب شاي 1 لكل شخص مجاناً" طلبي ما عليه كلام لذيذ والسعر حلووووو لفينا حولين البحيرة الجهة المقابلة للفندق ... استلمت القيادة يا فرحة قلبي :(35): وبعدها دخلت الكوفي شوب مال دوقا موتيل طلبت شوكليت موس بــ 8 ليرات فتحت الواتس كتبت للوالد .. انا تحت بالكوفي انزل اول ما تنش شوي الا وجاي الحبيب شبعان نوم :203: وقعد يشرب شاي و ع الواتس الين اذن المغرب صلينا و طلبنا تغير الغرفة لان اول يوم ابوي لحظ تسريب بدورة المياه عزكم الله السقف يخر ماي .. اول شي انا اتصلت وطلبت يا يشوفون الموضوع محد رد علي ..... بعد نص ساعة رجعت اتصلت ولا حياة لمن تنادي قالوا تعديلات .. طيب نحن شو ذنبا السقف يخر علينا يعني :(48): ابوي قم اتصل انت رجال بيحسبون حساب لكلامك طيب شو اقول ما اعرف اكلمهم .. قعدت احفظه كلمتين لما ردوا نساها هههههههه علق ع Water leak Water leak Water leak change room المهم وصلت القضية صعوبة في التعامل معاهم شوي ويت مريم غيرت لنا الغرفة عطونا اللي جنب غرفتنا ع طول وهذي صورة الغرفة اليديدة الاطلالة دمتم بحفظ الرحمن |
رد: DOGA hotel اوزنجول ماشاء الله تبارك الله بحثت عن هالفندق ( دوقا موتيل ) ولم أجده لا مع الموتيلات ولا مع الفنادق فهل من توضيح بارك الله فيكِ |
رد: DOGA hotel اوزنجول هو موتيل اخوي وهذا رابطه اممممممممم شيكت ع الرابط قبل ما احطه لك وشفت انه غير متوفر ... انشال من بوكينق ... ليه ؟! ؟؟؟ الله العالم http://www.arabtrvl.com/up/uploads/a...7902965811.png شكرا ع المرور اخوي سعود 5 دمت بحفظ الرحمن |
رد: DOGA hotel اوزنجول مازلت أدخل موضوعك من فترة الى فترة ازداد شوق لأزنجول وأيامها الحلوة انا رحت لها ايام الشتاء وباقي ادور للفرصة اروح لها في الصيف عشان ما انحرم من روووعة خضرتها انا قررت اخذ ابوك معي علميه اني عازمه رحلة خاصة انا وهو بس ماشاء الله عليه جوه روووعة ومايقول للخوي لا هذا الخوي اللي ندوره في السفر :(41): |
رد: DOGA hotel اوزنجول اقتباس:
هالشي يسعدني جدااا :(127): وانا اشتقت اروح لها بس بالصيف ابا اشوف الفرق :(41): خخخخخخخخخخ وينه يسمعك بس .. هو حالف ما يطب تركيا مفروض سفرة اختي هالخميس و اقترحت نروح معاها ع طول قال ابوي والله ما اروح لو شو ما صار ههههههههههه شكرا ع المرور اخوي والله يكتب لكم سفرة قريبة دمت بحفظ الرحمن |
رد: DOGA hotel اوزنجول الفندق رائع والجلسه فيالبلكونه مع الإطلالة الرائعه على البحيره تشعرك وكأنك في إحدى حكاوي ألف ليله وليله تسلم إيدك |
رد: DOGA hotel اوزنجول |
http://www.arabtrvl.com/vb/picture.p...ictureid=37627 ^ لا اله الا الله .. علشان هالمنظر بأخذ الفندق حتى لو خدمته سيئة والمضاربة من صبح لأخر الليل ههههه الله يعطيك العافية |
| الساعة الآن 12:46 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO