![]() |
جميع استفساراتي عن رحلتي لتركيا بموضوع واحد السلام عليكم ورحمة الله وبركاته إخواني هذه أول رحلة لي لتركيا وتم الحجز يوم 18 سبتمبر لمدة 13 يوم ما رأيكم بالتقسيم للأيام حتى ابدأ بعملية حجوزات الداخلية والفنادق طبعا أحب ان تكون أغلب الايام في الشمال التركي فما رأيكم بهذ التوزيع 7 أيام في طرابزون وماحوليها من ازانجول و ايدر ( رأيكم في تقسيم هذه الأيام ) 2 بورصة 4 اسطانبول شاكر لكم اخوكم ابو عبدالرحمن |
رد: جميع استفساراتي عن رحلتي لتركيا بموضوع واحد عليكم السلام ورحمة الله وبركاته 13 يوم ما بين الشمال و اسطنبول بورصة مالها داعي لانك بزور الشمال الافضل تزيد ايام الشمال ... مثلا تخليها 9 ايام و اسطنبول 4 ايام |
رد: جميع استفساراتي عن رحلتي لتركيا بموضوع واحد اقتراح ليلتان طرابزون ليلتان اوردو ليلة ايدر او ليلتان "انا شخصيا ما عجبني السكن فيها بس غيري عجبتهم جدا" ليلتان اوزنجول اخر ليلة في الشمال ارجعوا لـ طرابون و الاربع ايام الباقية اسطنبول اهم شي تعرف ميول المسافرين معاك لو تحبون الطبيعة زيد ايام الشمال واذا تحبون المدن زيد ايام اسطنبول مجرد اقتراح ان شاء الله الخبراء ما بيقصرون معاك الله يوفقكم |
رد: جميع استفساراتي عن رحلتي لتركيا بموضوع واحد بورصة لا تصلح للزيارة بعد الشمال اقتراحي لك 3 اوزنجول 2 ايدر 4 طربزون 4 اسطنبول |
رد: جميع استفساراتي عن رحلتي لتركيا بموضوع واحد أيش الغرض من رحلتك ؟ منظار طبيعية ؟؟ 4 أوزنقول 2 طرابزون 1 ايدر 2 اوردو والباقي اسطنبول أم سياحة وأسواق ومجمعات وقصور وحدايق ؟ 5 ايام اسطنبول = ( سياحة أسواق مجمعات حدايق قصور - مطاعم ) 2 طرابزن 4 اوزنقول 2 اوردو ============ بورصة شيلها من جدولك |
رد: جميع استفساراتي عن رحلتي لتركيا بموضوع واحد شاكر للجميع تجاوبهم الغرض من الرحلة سياحة ومناظر طبيعيه وبس لا اهتم كثير بحكاية القصور والاسواق مع زوجتي وبناتي 13 سنه و3 ستوات راح ادرج جميع استفساراتي بالموضوع هذا شاكر لكم جميعا اخوكم ابو عبدالرحمن |
رد: جميع استفساراتي عن رحلتي لتركيا بموضوع واحد حياك الله ورحلة موفقة ولاتنساني من دعواتك الحلوة في السفر لأنهم يقولون دعوة المسافر ان شاء الله مستجابة المهم لا اضيع وقتك ادري انك ماراح تتذكرني لكن اسمع فكرتي:(47): توصل طرابزون وأول يوم يكون راحة في طرابزون ولايفوتك الشاطئ والجلسة على بحر طرابزون واليوم الثاني تروح ازنجول وتأخذ فيها 3 ايام ولازم تزور السلطان مراد وخذ فيها يوم لأنها روووعة وليلة في ايدر وليلة في اوردو وترجع طرابزون تنام فيها وتسافر الى اسطنبول توصل اسطنبول باقي معك 5 وهنا انا اختلف مع الاعضاء اقولك لازم تزور بوصة صدقني فيها اشياء تختلف عن الشمال وعلى الاقل انك رحت بورصة ^.^ وعاد اسطنبول كبيرة وانصحك بالسكن في السلطان احمد وتقسيم |
رد: جميع استفساراتي عن رحلتي لتركيا بموضوع واحد اقتباس:
ويكفي مساعدتك لاخوانك ونيتك لهم بالخير هذا أجر بحد ذاته فلا حرمك الله الأجر راح اخذ كلامكم واحاول امشي على مايناسب طبيعتي وميولي وراح اتواصل معاكم بالجديد شاكر لكم افضالكم ابو عبدالرحمن |
رد: جميع استفساراتي عن رحلتي لتركيا بموضوع واحد السلام عليكم رجعت مرة اخرى لاسئلتي فتحملوني لاهنتو بغيت شقق او بنسيونات جيدة واسعارها مناسبة لاسرة مكونه من 3 بالغيين وطفلة مع اهمية ان يكون الموقع ممتاز في كل من ازنجول ايدر طرابزون اسطنبول شاكر لكم جميعا |
رد: جميع استفساراتي عن رحلتي لتركيا بموضوع واحد حياك الله وخذ راحتك واسأل عن كل شي فالكل هنا بيتجاوب معك بكل ود بالنسبة لأزنجول اللي اقدر افيدك بخصوص الشقق انت ماراح تلاقي صعوبة فالأكواخ كثيرة خصوصا اللي في الجبيل اللي فوق المسجد وباقي الاماكن اعتذر لك بخصوص الشقق ماعندي اي معلومة لكن اذا تبي فنادق فإن شاء الله افيدك وبالنسبة لطرابزون انا اذكر شفت شقق حلوة حول المطار وتناسب طلبك |
الساعة الآن 04:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO