شبكة و منتديات العرب المسافرون - رحلتي جـزر المالديف

السلام عليكم ورحمة الله وبركاته

سفرتي الي جزيرة مالديف تعتبر اول سفره لي الي الجزيرة الخيالية

المهم . .

شلونكم ؟ http://www.qatarshares.com/vb/images...es/biggrin.png

وبما ان اللي ياخذ اجازة ويقعد في الدوحة هو غلطان واكبر غلطان . .

فقررت وبكل تأكيد أني اسافر . .

طيب هممم وين نروح وين نروح وين نروح . . .

اها !!

المالديـــف . . !!

المالديف كانت في بالي من فترة طويلة . . يمكن قرابة السنتين . . لكن كنت انتظر الوقت المناسب . . والوقت المناسب يعني بعد الزواج . . لان المالديف كما كان يبدو . . وكما اقتنعت عند ذهابي لها . . ما تنفع إلا للمتزوجين . . اما العزاب عندهم مشيرب والكورنيش يتصورون فيه ابرك http://www.qatarshares.com/vb/images/smilies/tease.gif

بدات في البحث والتحري عن الفندق المناسب . .

ومن وجهة نظري اهم شي في المالديف هو ان الفندق يكون مناسب . .

قولوا ليــــش ؟؟

اها قلتوا ليش . . لأن المالديف . . لمن لا يعرفها . . .هي عبارة عن مجموعة كبيرة من الجزر . . وكل فندق ماخذله جزيرة لوحده . . فالفندق هو الجزيرة والجزيرة هي الفندق . . وهذا يعني ان ماعندك لا تقول بروح اتعشى شوارما اليوم . . ولا باروح اتمشى في بطيخ ستريت . . ولا في سوق . . وهذا اهم شي http://www.qatarshares.com/vb/images/smilies/nice.gif

100 % من وقتك انت مربوط بالفندق . . بمطاعمه وبأنشطته . .

عملية البحث كانت اكثرها على موقع السفر المفضل لدي

Reviews of vacations, hotels, resorts, vacation and travel packages - TripAdvisor

الصراحة هذا الموقع - توب - يتيح لك البحث عن الدول والفنادق والمطاعم والمعالم السياحية . . وانا شخصيا ً قبل ما اروح اي فندق اجيك عليه في ترب ادفايزر لانك تجد تقارير عن الفندق . . وصور التقطها النزلاء السابقين . . وهذا يعني انك تشوف صور حقيقية بعيدة عن تلميع وتفتشيب موقع الفندق الرسمي . . وتاخذ معلومات حقيقية ومجرّبة عن الفندق وفخامته ونظافته ومستوى الخدمة . .

المهم . .

في النهاية وقع الاختيار على فندق كونراد رانجالي Conrad Rangali . .

وهو الفندق الذي كان يعرف زورا ً وبهتانا ً وسابقا ً باسم هيلتون رانجالي . .

اسباب اختياري لهذا الفندق كثيرة . .

- الفندق يقع على جزيرتين . . وهذا يعني ان مساحته دبل مساحة الفنادق الاخرى . .

- الفلل المائية منتشرة على كل مكان ف الجزيرتين . . بينما في اغلب الفنادق الاخرى الفلل المائية كلها مصفوفة عند بعض . . وهذي ميزتها انك تحس بخصوصية أكبر . .

- المطاعم متنوعة في الفندق ( سبعة مطاعم )

- في موقع تريب ادفايزر . . تقريبا ً فوق 90 % من التقارير كانت تمدح الفندق . . وهي ما وجدتها في غيره من الفنادق . .

- في استطلاع للموقع . . حصل لسنتين على التوالي على ( افخم فندق / منتجع في العالم )

وفي الفندق خمس انواع من الغرف . .

Beach Villa

فلة شاطئية . . او شاليه بالاصح

Deluxe Beach Villa

فلة شاطئية مع حمام سباحة خاص . . بس تراه صغير . .

Water Villa

وهذي اللي حجزت فيها . . فلل فوق الميّه . .

Superior Water Villa

مادري شالفرق بينها وبين العادية !

Spa Water Villa

تتبع سبا الفندق . . وهي الأكبر حجما ً لوجود غرف خاصة للمساج فيها . .

Deluxe Water Villa

هذول فيهم جاكوزي . .

أسعار الغرف تبدأ من 3300 ريال في الليلة للبيتش فيلا حتى 5800 ريال للديلوكس ووتر فيلا . .

طبعا ً هناك أيضا Sunset Water Villa وهم فلتين كل وحده لها مسبحها الخاص المحفور في البحر . . وارضيتها زجاج . . وغرفتين نوم .. وفيها بلاوي وحركات . . لكن كل شي بحسابه طبعا ً !!

المهم توكلت على الله وحجزت ووتر فيلا عادية من عند السفريات لمدة 4 ليالي . .

انزين كأني قاعد ابربر وايد بدون صور . .

خلونا نبتدي أول شي هذي صور من الطيارة قبل هبوطنا صباحا ً في مطار العاصمة مالي . .

http://farm4.static.flickr.com/3279/...1981dd7025.jpg

http://farm4.static.flickr.com/3003/...5b9be250b4.jpg

بالمناسبة . . حسب كتيّب الفندق . . 99,66 % من مساحة المالديف هي من المياه . . والنسبة الضئيلة الباقية هي الجزر !!

http://farm4.static.flickr.com/3062/...b8d4aa1955.jpg

http://farm4.static.flickr.com/3127/...77b7e88fe2.jpg

وصلنا بحمد الله ورعايته إلى المالديف . . ومثل ما تشوفون المطار صغير ومجكنم وما كان فيه ذيك الحزة غير طيارتنا وطيارة إماراتية . . ولا في باصات ولا هم يحزنون انزل وامش لين المبنى . .

خلصنا اجراءات الجوازات وخذنا شناطنا وطلعنا . .

اتلفت يمين يسار . .

وين اللي مفروض ينطرنا من الفندق ؟؟

جا واحد مالديفي اصلي وكلمني قائلا ً : انت يالاخو . .

انا : هاه . .
. . . ويش تمبى ؟؟

هو : وين رايح انت ؟؟

انا : كونراد رانجالي . .

هو : شفت هالكاونتر ؟؟ روح هناك . .

انا : مشكور وما تقصر . .

لمهم مشينا خطوتين لين الكاونتر وفجأة نقز جدامي واحد في صورة عمو علاء الدين بس على جينز . .

هو : انت مستر السلطان ؟؟

انا : هيه . .
. . . ويش تمبى ؟؟

هو : حياكم الله في المالديف . . نورتونا . . هاك هذا الفاوتشر عطه للفندق ؟؟

وراح عمو علاء الدين وجاء مندوب الفندق . . وتم يتأسف لين ما قال بس على انه خلانا ثانيتين ننطر . . المهم خذنا بو الشباب للباص . . ومن الباص الى مطار التاكسي المائي . . وتحديدا ً إلى قاعة الفندق الخاصة . .

http://farm3.static.flickr.com/2307/...03a9ea5f7e.jpg

وطلب منا تعبئة اوراق التشيك ان والانتظار لين موعد الطيارة المائية . .

مع العلم . . بأن كونراد هو المنتجع الوحيد اللي عنده قاعة انتظار . . اما باقي الفنادق فلابد لنزلائها انهم ينطرون في الحر والرطوبة http://www.qatarshares.com/vb/images/smilies/tease.gif

وعلمنا هناك بوجود ساعة فرق بين العاصمة مالي وبين المنتجع . .

http://farm4.static.flickr.com/3192/...f5f8859476.jpg

المهم نطرنا حوالي هاه ربع ساعة ثلث ساعة . . لين ما جانا ابو العريف مرة ثانية . . وقالي حياكم معاي . .

http://farm4.static.flickr.com/3004/...cb4acc5d0c.jpg

طيارة الفندق الخاصة اللي ما ركبناها . .

http://farm4.static.flickr.com/3003/...d86f3a948a.jpg

تكاسي المطار http://www.qatarshares.com/vb/images/smilies/nice.gif

http://farm4.static.flickr.com/3037/...f1fd89ab6f.jpg

استعداد للانطلاق

http://farm4.static.flickr.com/3022/...e9063d9e41.jpg

آخر فخامة من الداخل . . مراوح وكراسي جلد والطيار حافي !!

ويلاحظ من الصورة ان مافي غير الكبلز والمتزوجين http://www.qatarshares.com/vb/images/smilies/secret.gif

http://farm4.static.flickr.com/3287/...0168242c88.jpg

http://farm4.static.flickr.com/3074/...10eede1fb3.jpg

صورة لمنتجع آخر من الجو . . اعتقد ان ما خاب ظني هو فندق تاج اكزوتيكا

وصلنا إلى الفندق . .

وهو عبارة عن جزيرتين موصولين بجسر . . وفي وسط الجسر منطقة الاستقبال والمغادرة للطائرات المائية . .

ما ان نزلنا من التاكسي بعد رحلة ممتعة وحارة استمرت حوالي 45 دقيقة . .

.

مشينا ورا زاهر على الجسر حتى وصلنا لوبي الفندق . . وكان الخبر السعيد ( سوينا لكم ابجريد لـ Spa Water Villa) . .

المهم جلسنا وجابوا لنا عصير مادري شلون شكله . . اظن جوز الهند وشي معاه . . وبالاضافة الى عسكريم ليمون . .

وبعدها بخمس دقايق جانا الاخ زاهر محملا ً بالاوراق منها خريطة الفندق ، وتأكيد حجز بعض المطاعم و، وورقة بالانشطة والرحلات وغيرها . . وعقب ما خلص من هذرته جزاه الله خير خذنا على ظهر سيارة الجولف الصغيرة إلى محل إقامتنا الميمونة لليالي الأربع القادمة . .

نترككم الآن مشاهدينا مع جولة في الفلة المذكورة . .

http://farm4.static.flickr.com/3109/...877138192e.jpg

فيلا 403 من الخارج . .

http://farm4.static.flickr.com/3137/...f6305feed6.jpg

منظر على البحر من الفيلا . .

http://farm4.static.flickr.com/3176/...4da813f7ba.jpg

البتاع اللي هوّه . .

http://farm4.static.flickr.com/3204/...346a2dcdc1.jpg

واستقبال كان بالغيوم . . أولا ً . .

http://farm4.static.flickr.com/3202/...9b975f3f98.jpg

والرعد ثانياً ( طبعا ً ما يبين في الصورة *j13* )

http://farm4.static.flickr.com/3146/...c409614fe7.jpg

والأمطار ثالثا ً . .

وبالمناسبة . . بعد ما حجزت ودفعت كل شي . . اكتشفت ان شهر يونيو ( اللي سافرنا فيه ) فيه أكبر معدل لهبوط الأمطار في المالديف . . يعني شي مب شي *34* . .

http://farm4.static.flickr.com/3209/...6c3f91850a.jpg

البتاع الثاني بتاع البتاع . .

http://farm4.static.flickr.com/3269/...86ddf95eab.jpg

الفيلا المجاورة لفلتنا . . كانت خالية طوال فترة اقامتنا هناك . .

http://farm4.static.flickr.com/3172/...8023c950cd.jpg

هذا البحر ولا بلاش . .

http://farm4.static.flickr.com/3062/...b0fc71d260.jpg

الفيلا المجاورة لنا . .

http://farm4.static.flickr.com/3178/...6665bdfd3f.jpg

الدري مباشرة من الفيلا ع البحر . .

لكن صراحة كانت في مشكلتين . .

الاولى . . المنطقة تحت الفيلا مباشرة كانت كلها صخور . . لذلك صعب الواحد ينزل بدون ما يلبس شي في ريله . .

الثانية . . وهذي ع عموم المنتجع . . بعد الساعة 3 العصر تقريبا ً السباحة تصير مستحيلة وخصوصا ً عند الفيلا بسبب الأمواج والتيارات القوية . .

http://farm4.static.flickr.com/3214/...a114603b3f.jpg

قبقوب . . كان ينخش تحت الدري . . بس صار رفيجنا بعدين . .

صور الفيلا من الداخل . .

http://farm4.static.flickr.com/3128/...29cd105915.jpg

http://farm4.static.flickr.com/3203/...abed53c06a.jpg

http://farm4.static.flickr.com/3145/...1cfa395d0a.jpg

http://farm4.static.flickr.com/3051/...8349aca6f7.jpg

http://farm4.static.flickr.com/3286/...b9fe454bee.jpg

http://farm4.static.flickr.com/3131/...a4ec6a2cfc.jpg

http://farm4.static.flickr.com/3132/...1f302a005b.jpg

http://farm4.static.flickr.com/3208/...7a7cf5f667.jpg

المبيد لزوم القضاء على بعض الكائنات غير المرغوب فيها *64*

http://farm4.static.flickr.com/3109/...1ddd06b001.jpg

لايف جاكيت عشان محد يجيب العيد . .

http://farm4.static.flickr.com/3243/...fc339d049d.jpg

يتبع

عدة الغطس . . تاخذها من مركز الغوص مجانا ً طول فترة إقامتك . . والصراحة اجمل مافي المالديف بالنسبة لي كان الغطس ومشاهدة الألوان والأشكال البديعة والعجيبة الغريبة من ( السمش / السمج / السمك ) . .

بعد ما اخذنا خمدة بسيطة بعد وصولنا لكمن ساعة . .

كان بالطبع اول شي نسويه هو اخذ لفة حول الجزيرة الرئيسية . .

http://farm4.static.flickr.com/3122/...a716bf5e3b.jpg

Spa Water Villas

http://farm4.static.flickr.com/3061/...d57eeebc5d.jpg

برضه Spa Water Villas

http://farm4.static.flickr.com/3075/...9517ecaae1.jpg

الجسر اللي يربط الجزيرة بالفلل . .

http://farm3.static.flickr.com/2288/...d4a67ebddc.jpg

جانب من الجزيرة الرئيسية . . وفي الخلفية الجزيرة الأخرى . .

http://farm4.static.flickr.com/3286/...34b2e66e5c.jpg

لزوم التفهي . .

http://farm4.static.flickr.com/3057/...8e4117ea36.jpg

فرص لا تقدر بثمن *64*

http://farm4.static.flickr.com/3171/...89123aa37d.jpg

فلان مر من هنا . .

http://farm4.static.flickr.com/3044/...17ccd9da3e.jpg

العواصف قادمة . . كما يبدو http://www.qatarshares.com/vb/images/smilies/mad.png

http://farm4.static.flickr.com/3152/...7526ff2d84.jpg

قواقع

http://farm4.static.flickr.com/3043/...f8281be3d3.jpg

أشجار جوز الهند منتشرة في كل مكان . .

http://farm4.static.flickr.com/3070/...94970deddd.jpg

قباقب *28*

http://farm4.static.flickr.com/3080/...1c99e6647d.jpg

الدوني ( لنج مالديفي محلي ) . . وفي الخلفية الجسر ومنطقة استقبال التاكسي المائي . .

http://farm4.static.flickr.com/3076/...421733325e.jpg

هذا المكان اللي يشرح الصدر . .

http://farm4.static.flickr.com/3081/...b965608363.jpg

وينسيك حفر الدوحة وزحمتها *64*

http://farm4.static.flickr.com/3063/...b66992fa08.jpg

دوني آخر . . يستخدمونه في نقل الضيوف من الجزيرة إلى الجزيرة الاخرى والعكس . .

http://farm4.static.flickr.com/3076/...e196f7e52c.jpg

نقل المواد التموينية . . واحد من اسباب غلاء المالديف ان كل شيء ينقلونه بالبحر . . يعني تكلفة اضافية . . عاد هذا كلامهم مادري صج ولا عيارة . .

http://farm4.static.flickr.com/3251/...e0dab02692.jpg

ممرات وسط الجزيرة . .

http://farm4.static.flickr.com/3188/...66701affd8.jpg

كوفي شوب . . وبار . .

http://farm4.static.flickr.com/3051/...c0908797b9.jpg

مركز الرياضات المائية . .

المووجووود والماااموجوووود تلقاه هنانه . .

بس بيني وبينكم أجرنا سكوتر وحسينا التجربة هممم . .

لان المنطقة اللي تقدر تتحرك فيها محددة وما تقدر تتخطاها . .

فيعني . . مب مكانه *64*

http://farm4.static.flickr.com/3257/...98d014f819.jpg

مطعم Atoll Market

بوفيه الفندق . .

فيه بوفيه مالديفي . . هندي . . ياباني . . إيطالي . .

الأكل بصراحة كان لذيذ فيه . .

http://farm4.static.flickr.com/3288/...3d6abd3fb0.jpg

جلسة في الكوفي شوب . .

صــور إضافية للفيلا ليلا ً . .

http://farm4.static.flickr.com/3185/...ff56e43a07.jpg

http://farm4.static.flickr.com/3021/...571eee59d2.jpg

http://farm4.static.flickr.com/3225/...2a4497ab02.jpg

http://farm4.static.flickr.com/3213/...5be4e73172.jpg

http://farm4.static.flickr.com/3082/...eeae75d905.jpg

http://farm4.static.flickr.com/3106/...6a046f9846.jpg

http://farm4.static.flickr.com/3094/...26b093e457.jpg

http://farm4.static.flickr.com/3068/...bdd2f279ee.jpg

http://farm4.static.flickr.com/3285/...09a5b5a06e.jpg

http://farm4.static.flickr.com/3152/...2b97a3b5ed.jpg

http://farm4.static.flickr.com/3217/...69cfceb182.jpg

النجوووم كما تبدو في سماء المالديف http://www.qatarshares.com/vb/images/smilies/smile.png

في اليوم الثالث كان لدينا موعد لرحلة صيد خااااااصة لمدة خمس ساعات . .

تبدأ من الساعة السابعة صباحا ً . .

وتنتهي في الساعة الثانية عشرة ظهرا ً . .

طبعا ً كلمونا الرسبشن وقالوا ترا كل شي بنجهزه لكم الفطور والغدا وصيدكم بنطبخه لكم ع العشا . .

قلنا والله تمام وشغل عدل . . *101*

قمنا في اليوم الموعود وع الساعة 7 كنا موجودين في لوبي الفندق . .

http://farm4.static.flickr.com/3131/...4d5fafae37.jpg

وامامنا الجماعة يجهزون اليخت . .

شوي ولا يجيني واحد . .

هو : مستر السلطان ؟؟

انا : هيــه أنا . .
. . . ويش تمبى ؟؟

هو: محسوبك الكابتن يوسف . . كابتن يختكم الخاص لهذا اليوم . . حياكم ويانا . .

تفضلنا مع الكابتن يوسف . . وركبنا ذاك اليخيت الحلو . . واقتصدنا في تصويره على اعتبار ان بنصوره ( بعدين ) . .*j11*

http://farm4.static.flickr.com/3139/...19ffed4d20.jpg

الكابتن يوسف والاخ مساعده . .

http://farm4.static.flickr.com/3293/...62a2c508da.jpg

جزيرة صغيرة تابعة للفندق يقومون برحلات خاصة لشخصين اليها . .

http://farm4.static.flickr.com/3089/...80d9b97e7e.jpg

طائرة مائية . .

http://farm4.static.flickr.com/3170/...6c246bf960.jpg

وكمان طائرة مائية . . *101*

http://farm4.static.flickr.com/3147/...cc0ec122f3.jpg

الكابتن يوسف . . جائنا وبعد ان غادرنا متسائلا ً . .

هو :شلونكم مع دوار البحر ؟؟ *64*

انا : همممم مادري http://www.qatarshares.com/vb/images...s/rolleyes.png

هو : شرايكم تاخذون الحبة . . ترا اليوم الموج عالي واكيد بتحسون ان راسكم يعوركم . .

انا : يالله ما نقول لا . .

هو : بس ترا بتاخذ ساعة على ما يبتدي مفعولها *64* . . لكن ان بدا راسك يدور . . خلاص انسى !

سوينا مثل ما قال . . وخذنا الحبة . . لكن المفاجآت بدت بعد فترة قصيرة جدا جدا . .

http://farm4.static.flickr.com/3029/...db8f5b31a1.jpg

شوي الحبيب قام يدخل في المحيط . . وكل ما يدخل . . كل ما يعلى الموج . .

لحد الحين كل شي تمام . .

وجابوا لنا الفطور البسيط . .

http://farm4.static.flickr.com/3048/...eb6df9d714.jpg

هاه اهني شوي بديت احس . . كأن راسي يعورني ؟؟

المهم رحت لهم مكان ما مثبتين السنارة . . طلعت السالفة كلها ان الواحد اجر الخيط وبس . . عاد انه صاد *34*

ومع مرور الدقائق . . يزداد الراس انتفاخا ً . . والكبد لوعة . .

حتى إذا ما وصلنا إلى هذه اللقطة . .

http://farm4.static.flickr.com/3029/...74f37b2196.jpg

مسكتها . .

صورتها . .

سلمتها لهم . .

هني . .

قعدت . . . وأشرت ليوسف . . ترا خلاص !!

فاشار لي بسبابته إلى الماء . .

ثم . .

بووووووووووووووووووووووووووووووووووووووووووووووووو وووووووع

اقدر اقول وبكل فخر . . إني ربما اكون العنابي الوحيد الذي ترك ( بصمته ) في المحيط الهندي . . بالمناسبة كان وردي نظرا لاني كلت روب بالفراولة . .

المهم الجماعة شكلهم متعودين ع المنظر . . جابوا لي ماي وفوطة مبللة . .

وحسيت بتحسن نسبي . . وتم اصطياد السمكة الثانية . .

http://farm4.static.flickr.com/3127/...aaf6ffa080.jpg

لكن هني بدت الأمواج تتلاطم ( وفي رواية تتطاطم ) . . واحنا يمين ويسار . . ومع كل ميلان لليخت احس ان مخي يطلع من راسي ويرجع مرة ثانية . .

حتى حانت الحزة اللي لا مفر منها . . .

بووووووووووووووووووووووووووووووووووووووووووووووووو ووووووووووووع

هني . . قلت مالت عليكم وعلى اللي يبي يستانس وياكم . . ردوني الفندق يالله . .

المهم . . رجعنا الفندق . . والرحلة من خمس ساعات صارت ساعة ونص فقط . .

بعد العودة من الرحلة كان لابد من أخذ قسط من النوم لمعالجة الصداع الشديد . .

اما بقية النهار فقضيناه في التمشي . .

http://farm4.static.flickr.com/3295/...b9e0abd8b5.jpg

http://farm4.static.flickr.com/3241/...764c821605.jpg

http://farm4.static.flickr.com/3039/...51bb407af4.jpg

والتفهي *64*

http://farm4.static.flickr.com/3061/...1d6537c98d.jpg

http://farm4.static.flickr.com/3033/...4000786338.jpg

http://farm4.static.flickr.com/3208/...16b4e40bb2.jpg

مطعم فيلو Vilu ع الجزيرة الثانية

http://farm4.static.flickr.com/3239/...cfc07b355f.jpg

الدوني يقوم برحلة بين الجزيرتين . .

http://farm4.static.flickr.com/3085/...1cbdc4d8d6.jpg

الفلل المائية العادية . .

من الأماكن اللي يتميز فيها منتجع كونراد المالديف . .

احتواءه على المطعم الوحيد في العالم والموجود بالكامل تحت الماء . .

عاد هل هو فعلا ً المطعم الوحيد مادري بس هم يقولون هيك . .

الحجز للمطعم هذا واسمه

إيتا

Ithaa

يجب أن يتم باسبوعين على الاقل حتى تضمن وجود طاولة لك . . لان المطعم صغير ولا يضم سوى 8 طاولات . .

لكن على حظنا في يومنا لم يكن هناك سوى اثنين اجانب ( زوج وزوجته ) فقط . . يعني خذنا راحتنا إلى حد ما

http://farm4.static.flickr.com/3031/...eb99a708fb.jpg

مدخل المطعم

ثم صور المطعم من الداخل

http://farm4.static.flickr.com/3060/...800c70fd2a.jpg

http://farm4.static.flickr.com/3171/...974fd2e9f3.jpg

http://farm4.static.flickr.com/3248/...1f9f30232d.jpg

http://farm4.static.flickr.com/3252/...5d06be5f40.jpg

http://farm4.static.flickr.com/3179/...d49dca7f08.jpg

http://farm4.static.flickr.com/3163/...ff2f2d967d.jpg

http://farm4.static.flickr.com/3207/...e27c65a916.jpg

http://farm4.static.flickr.com/3200/...669f1423ef.jpg

المطعم هذا فيه مينو واحد فقط . . ولا يمكن أن تختار سوى الطبق الرئيسي بين السمك او الستيك . . اما الباقي فغصبا ً عليك تاكله . .

http://farm4.static.flickr.com/3040/...5c2301d214.jpg

أولا ً . . شاي مالديفي بالاعشاب . .

http://farm4.static.flickr.com/3145/...5db38f7750.jpg

اختياركم من الخبز . . هنا خبز بالموز وخبز بالفلفل الحار . .

http://farm4.static.flickr.com/3133/...362598b19d.jpg

المقبلات . .

http://farm4.static.flickr.com/3216/...34c435f178.jpg

الشوربات

http://farm4.static.flickr.com/3069/...868438d40f.jpg

طبق اللوبستر . . كان عجيب !!

http://farm4.static.flickr.com/3278/...2508a684d0.jpg

الرئيسي . . الستيك

http://farm4.static.flickr.com/3011/...07360eaf62.jpg

الرئيسي . . السمششششش

http://farm4.static.flickr.com/3199/...ebb0c2e71f.jpg

السويت . .

http://farm4.static.flickr.com/3224/...0a727fefee.jpg

وفي النهاية . . أعطونا هذه اللؤلؤة كتذكار من المطعم . .

يتبع

في الليلة الأخيرة لنا في المالديف . .

قدمت اقتراح بأن نذهب للتمشي في الجزيرة الثانية لان ما رحنا لها . . وبالمرة نتعشى هناك . .

طبعا ً كنت ابي اروح هناك لغرض في نفس يعقوب *64*

http://farm4.static.flickr.com/3221/...e89c30a548.jpg

في الطريق إلى الجزيرة الثانية . .

http://farm4.static.flickr.com/3175/...b7836a8af5.jpg

فلل السبا كما تبدو من بعيد . .

http://farm4.static.flickr.com/3281/...2ae40cf76d.jpg

فلل مائية عادية . .

http://farm4.static.flickr.com/3059/...7565712ac5.jpg

مطعم فيلو . .

http://farm4.static.flickr.com/3184/...d348ef2f39.jpg

همممم

http://farm4.static.flickr.com/3032/...f586548a73.jpg

اممممم

http://farm4.static.flickr.com/3107/...187f916c7d.jpg

Over Water Spa

الخاص بالجزيرة الثانية . .

http://farm3.static.flickr.com/2073/...31efb33e56.jpg

Superior Water Villa

http://farm4.static.flickr.com/3164/...7ef17cb61c.jpg

. .

http://farm4.static.flickr.com/3061/...d079d655d2.jpg

. .

http://farm4.static.flickr.com/3049/...36739f8ee7.jpg

أما هذيلا فينطبق عليهم قول محمد عبده : ( وانا تلقاني بكل شارع وسكة . . امشي في ظلك واحساسي معاك )*64*

http://farm4.static.flickr.com/3132/...1fae5130ee.jpg

بس تراهم أليفين . .

http://farm4.static.flickr.com/3034/...8d6ce07440.jpg

وما يعضون . .

http://farm4.static.flickr.com/3216/...cc91cc63f4.jpg

رايح فييييييييييين

http://farm4.static.flickr.com/3081/...d88f5fd1f2.jpg

. .

http://farm4.static.flickr.com/3225/...34db575975.jpg

. .

http://farm4.static.flickr.com/3269/...44b76ccf2a.jpg

. .

http://farm4.static.flickr.com/3211/...7d6106ddab.jpg

. .

http://farm4.static.flickr.com/3072/...aa47cc1768.jpg

خفاش *64*

. . المهم عقب ما خذنا جولتنا حول الجزيرة . . ودقت الساعة السابعة والنصف تقريبا ً . .

وبينما نحن نتمشى . . كما كان يبدو . . على غير هدى . . واذا برجل متشح بالسواد يخرج إلينا . .

ويناديني قائلا : مستر السلطان ؟؟

انا : هيه انا . .
. . . ويش تمبى ؟؟

هو : محسوبك حبيب . . فولو مي بليييييز . .

وتبعنا الاخ الحبيب حبيب . . إلى هذه المفاجأة الصغيرة . .

http://farm4.static.flickr.com/3293/...b45f717f54.jpg

هذي الله يسلمكم الفندق يضبطها لك . .

ممكن تختار جلسة ع الارض او طاولة . .

وتختار المنيو : لحم ودجاج أو سي فود . .

حركات يعني *64*

http://farm4.static.flickr.com/3147/...d43a891bbc.jpg

http://farm4.static.flickr.com/3015/...05542c55ea.jpg

http://farm4.static.flickr.com/3130/...dbcbba994d.jpg

افا وشو ذيه http://www.qatarshares.com/vb/images/smilies/eek.png

لالا . . هذا مشروب نفس البيبسي بس على توت وفراولة ومادري ايش . . الصراحة طعمه كان خيالي . .

وع هالطاري . . ميزة المالديف بسكانها المسلمين انك ما تحتاج في كل زاوية وفي كل مكان تأكد على مسالة الخمور . . فهم يتولون هالشي بنفسهم . .

وفي هذا المقام أيضا . . احب انبه إلى نقطة مهمة لمن يحب تجربة هذا العشاء . .

وهو . .

http://farm4.static.flickr.com/3100/...facf770a05.jpg

( عفوا ً إذا كانت الصورة مب واضحة ) . .

بس مع غروب الشمس . . راح تجد جيوش من القباقب وقد خرجت من مخابئها . .

ورغم ان القباقب تخاف وتشرد بمجرد ما تحس ان انسان يمشي من بعيد . . لكن وجودها قد يعطي احساس بعدم الراحة *28*

بعد انتهائنا من العشاء اللذيذ . .

اخذنا جولة تصويرية في اللوبي وما حواليه . .

http://farm4.static.flickr.com/3182/...bc13fc00b0.jpg

اللوبي . .

http://farm4.static.flickr.com/3081/...ef676f68ce.jpg

اللوبي واماكن التفهي المميزة . .

http://farm4.static.flickr.com/3284/...2cd08b5f09.jpg

مدخل الجزيرة . .

http://farm4.static.flickr.com/3097/...0af12d87e2.jpg

الجاليري . .

حيث يوجد محل مجوهرات ومحل تذكرات . . وفي الطابق الثاني قاعة للاسترخاء . .

وعذرا ً لإعوءاء الصورة ( اي ميلانها ) . .

http://farm4.static.flickr.com/3279/...6f6792a5a7.jpg

اللوبي من زاوية أخرى . .

http://farm4.static.flickr.com/3208/...c00a774426.jpg

المدخل . .

http://farm4.static.flickr.com/3272/...72228499b2.jpg

مركز الرياضات المائية . .

http://farm3.static.flickr.com/2246/...747fc3a175.jpg

الجسر . . وعذرا ً مرة أخرى لميلان الصورة . .

وهكذا . .

في اليوم التالي .. شارفت رحلتنا السعيدة على النهاية . .

http://farm4.static.flickr.com/3091/...205dc5298b.jpg

واقتربنا من وداع كونراد المالديف http://www.qatarshares.com/vb/images...s/rolleyes.png

http://farm4.static.flickr.com/3125/...87d2a3df36.jpg

بتاعات للأذن عن ضوضاء الطائرة المائية

http://farm3.static.flickr.com/2107/...5ae559df10.jpg

الطائرة اللي بتقلنا للمطار . .

http://farm4.static.flickr.com/3176/...9d63fce567.jpg

باي باي . .

وهذي صور منوعة من الطريق للمطار

http://farm4.static.flickr.com/3155/...e7e6cde499.jpg

http://farm4.static.flickr.com/3138/...143b2b5567.jpg

http://farm4.static.flickr.com/3240/...1a692436af.jpg

http://farm4.static.flickr.com/3042/...3fb60298cb.jpg

http://farm4.static.flickr.com/3034/...bf36114f10.jpg

صور للعاصمة مالي ومدرج المطار . .

http://farm4.static.flickr.com/3083/...13801df785.jpg

http://farm4.static.flickr.com/3165/...5df4f2e89e.jpg

http://farm4.static.flickr.com/3180/...8240e26deb.jpg

وهذي آخر صورتين لمدخل مطار مالي . .

http://farm4.static.flickr.com/3154/...d2e1de58c2.jpg

http://farm4.static.flickr.com/3282/...8a75648517.jpg

وهكــذا وصلنا لختام هذا التقرير المصـور عن رحلة أخوكم السلطــان للمالديــف . .

الخلاصة . .

البلد جميل جدا ً . . ومثل ما يقولون . . جنة الله في ارضه . .

بكل تأكيد يصلح بالدرجة الأولى للمتزوجين واللي رايحين شهر العسل . . اما بالنسبة للعزوبية فتنفع لمجانين الغوص والسباحة لان ماشاء الله الطبيعة البحرية عندهم شيء خيالي . .

بالمناسبة . . التقرير هذا ما اعتبره كامل لاني لم اتمكن من تصوير البحر والغطس وهي المتعة الأولى هناك . . لكن على الاقل ان شاء الله تكونت لديكم فكرة . .

بالنسبة للفندق . . 10 / 10 . . وإذا فكرت اروح مرة ثانية بكل تأكيد ساذهب مرة أخرى لكونراد . .

ان شاء الله يكون التقرير حاز على إعجابكم . .

وأي استفسار أو سؤال أنا حاضر . .

تحياتي للجميع . .

أخوووكم / سحيم السليطي

</B></I>