|
مغامراتي البحريه في الكروز MSC للأراضي النروجيه العرب المسافرون الرحلات البريه والبحرية بسم الله الرحمن الرحيم :fbdz: يسعدني صباحكم ومساكم وبالحب نلتقي وياكم في رحلة يديد ومغامره يديده والسموحه اني تأخرت في التقرير واليوم قلت بنزل لو مقدمه صغيره عشان أحط عمري في الامرالواقع وابدأ التقرير :(101): الجزء الأول :fbdz: مقدمه رحلتي هاي لاكانت ع البال ولا ع الخاطر من قبل شهور وانا أستعد واجهز لرحلة الصيف واللي كانت بتكون ولاول مره الى أمريكا بدينا بحجوزات التذاكر والسكن والسياره وجهزت المعلومات المطلوبه ... الخ وفي شهر 6 صدمنا بوعيسى وقال سفرة الصيف بتتكنسل نهائي بسبب ظروف عمله :(38): وبعد تفكير ومناقشات قررنا انه انا والبنات نسافر أي بلد لو حتى 10 أيام وبوعيسى والاولاد يظلون في البيت :yolks0020: ورغم انه البنات كانوا متضايقين انه حلمهم في أمريكا مابيتحقق الا انه فكره انه نحن بروحنا هاي أسعدتهم :(35): الحين عاد هداوه دخلت في حوسه ، مب عارفه وين نسافر ودي ببلد يديده وفي نفس الوقت أقدر أدبر حالي فيها مع البنات وانا أبحث وأفكر تذكرت رغبتي في زيارة النرويج وفكرت نسافر النرويج ولكن اذا سرنا بروحنا بتكون صعبه لازم نسير عن طريق شركه سياحيه لأنه الاماكن المعروفه عندهم تبعد عن اوسلو بالساعات وعقب تذكرت سالفة الكروز ويلست أبحث وأدور عن كروز يودينا للاماكن اللي ابا أشوفها من النرويج .. يلست أدور تقارير تساعدني بس ماحصلت ولقيت مره رد من الردود لمشرفنا qa6ar911 وفيه كان يتكلم عن الكروز فحسيت انه عنده فكره عن الكروزات وع طول راسلته وبفضله عرفت ارتب اموري :(34): فكل الشكر والعرفان لخويي ومشرفنا القدير أبو سعد :(114): والصدفه انه هو كان في نفس الوقت يفكر برحله بالكروز والحين عندكم تقريرين دسمين مني ومن بوسعد وكل واحد منا أختبر شركه مختلفه من شركات الكروز وكل واحد منا جرب بلدان مختلفه فالفايده ان شاءالله بتكون كبيره لكم :(35): وهذا تقرير مشرفنا القدير بوسعد... |
أسعد الله صباحك إن شاء الله كانت الرحله سنعه وقيموا البنات تخطيطك أنه 10\10 منتظرين التفاصيل |
هلا والله بهداوة تقاريرك مرااجع ومستحيل تتفوت ماشاء الله تبارك الله أحبك وايد جدا اوي واستمتع بتقاريرك |
تم تأكيد حجز المتابعة وعلى الناقل (هداوه) ابلاغنا بأي مستجدات |
كان عطيتينا لو صورة نفك بها الريق :(39): يالله معليش نحجز مقعد وننتظر بداية التقرير |
شكرا |
اكيد في مقعد لي ,,, لو سمحت كلنا شوق لمتابعة تفاصيل رحلتك منتظرينك |
الحمد لله ع السلامة يالغالية توني دريت من تويتر انج نزلتي التقرير نترياج بكل حمااااس لا تبطين علينا سفرة حريمية بحته .. بنشوف الاكشنات |
فديييتكم والله شو هالتفاعل الحلو الله لايحرمني منكم ومن محبتكم :(114): اقتباس:
اقتباس:
وصباااحك يافيصل يانجم هالمنتدى سنعه أوي والبنات شا ركوني في كل شي ، يعني خططنا مع بعض الله يحفظهم ويخليهم لي هم واخوانهم وابوهم فالك طيب دام انه بدينا ابشر بكل التفاصيل ومابترك فتفوته اقتباس:
اقتباس:
فديييتج حبتج العااااافيه وانا أحبج واحبكم كلكم وهذا من حظي الحلو اقتباس:
اقتباس:
من عيوني بس ما أوصيكم ع المشاركات والتفاعل اقتباس:
اقتباس:
ههههههههههههههههههههه يقول المثل لاتاكل قرصك ني هههههه ابشر بالصور الكثيره بس حبه حبه اقتباس:
اقتباس:
هلا بالحب :(149): اللهم آمين ولج بالمثل وان شاءالله بتستمتعين بكل التفاصيل شرات ما استمتعنا اقتباس:
اقتباس:
أكيد لك مقعد وع الدرجه الاولى بعد وانا اشتاقيت لتفاعلكم ويايي ولتجمعنا اقتباس:
اقتباس:
الله يسلمج حبيبتي والله تويتر مسويلي شغل :(56): من عيوني الحين بجهز الجزء الثاني ع انغام أم كلثوم عشان يكون بمزاج عالي أحلى مافي سفرتنا انها للصبايا بس :(56): |
يا سلام عليك يا ام عيسى صاحبة الافكار الجهنمية يا حلات السفر مع البنات بدون عذااااااااااال عليكم بالف عافية ويالله حمستينا نبي نشوف صور وايد وتفاصيل دقيقة لا تصيرين بخيله عطيني كم صورة على السريع نتشوق اكثر متابعينك لا تطولين علينا ،، |
عااااشوا المجنداااات والله سفراتهم خفيفه المجندات من غير رياييل انا حجزت لي كرسي عند المخرج يم الدريشه |
ياهلا ومرحبا ام عيسى ملكه التقارير كنت منتظر تقريرج بفارق الصبر لان ادري ان راح يكون مرتب وقنبله الموسم:(41): هههه العفووو لا شكر على واجب ماسويت شي واااجب :(114): منتظرين التقرير والصور بفارق الصبر متابعين عن قرب معاج :(39): |
يسعد أوقاتك يارب ياأحلى أم عيسى التقرير اللي كنت أنتظره وياسلام أنتي والبنات لوحدكم أحلى شي أنا كل سفراتي مع أمي لوحدنا لها ذكريات حلوة الله يخليلك إياهم يارب ويحفظهم بعد تقريرك أنتي وقطري شكلها بنعمل كروز خاص بالعرب المسافرون متابعين معاك اليوميات الكروزية اللي بتأكيد بتكون جميلة |
شكلنا موعودين بتقرير من العيار الثقيل وبعد هذي المقدمة الرائعه بانتظار تفاصيل التقرير والصور بس لاتطولين علينا وسجليني من المتابعين |
اقتباس:
ياهلااااا ومرحبااااا توني من كم يوم راجعه من معشوقتج بانكوك كلهم يسلمون عليج :yolks00660: هيه والله كانت مغامره وسفره جميله ونحن بروحنا تحسين الحياه غير الله يعافيج حبيبتي يلا اليوم بنزللكم جزء يديد وشوية صور اقتباس:
:(127): :(127): :(127): المجندات انجزوا المهمه بنجاح :(89): هههههههههههههه أهم شي مابتطلعين من المخرج لين نخلص رحلتنا اقتباس:
اقتباس:
ياهلااااا والله باللي نورني :(125): لو أدري انك تترياه جان نزلته بدري بس انا كنت اترياك تخلص انته قبل ماعليك زود يابوسعد بدون مجامله تقريرك في منتهى الروعه تستاهل الشكر لأنك فعلا ماتقصر ويا أي حد ماشاءالله عليك والله يسعدك ويوفقك يارب ايه خليك قريب :(114): اقتباس:
اقتباس:
وفديتج ويسعدني صباحج ومساج حبيبتي اللهم آمين ويخليج امج ويطول بعمرها وان شاءالله بتبقى في ذاكرة بناتي من الذكريات الجميله لا لا بنسوي أنا والقطري كروز بروحنا وبنأجره ع اعضاء المنتدى :200: اقتباس:
اقتباس:
ياهلاااا ومرحبا ملاييين منورنا يا أبو أحمد ان شاءالله ما أطول ومتابعتك تسعدني :(125): |
الجزء الثاني معلومات عن الكروزات :kbk: فيه الكثير من الكروزات اللي تسير رحلات لكثير من بلدان العالم وكل شركه من هاي لها اسطول من السفن بأشكال واحجام ومسميات مختلفه ع حسب الوجهه ومن هاي الكروزات * نرويجيان Norwegian Cruise Line (NCL) - Kreuzfahrten * رويال كاريبيان Welcome to Royal Caribbean International * شركه دزني كروز Disney Cruise Line | Official Website * كوستا كروز Vacation Cruise Packages, Cruise Travel Deals, All Inclusive Cruise Holiday * شركه msc http://www.msccruises.com/gl_en/ * برنسيس كروز Cruises – Cruise Vacations – Princess Cruises ستار كروز Star Cruises كريستال كروز CRYSTAL CRUISES ريجنت سيفن كروز All Inclusive Cruises | Luxury Cruise | Regent Seven Seas Cruises لوفتنر كروز Lأ¼ftner Cruises - River Cruises on Europe’s most beautiful waterways سيلفرسي كروز Experience All-Inclusive Ultra-Luxury Cruises | Silversea كونراد كروز Cruise Vacations | Luxury Cruises | Cunard Cruise Line هولند أمريكا كروز Cruises, Cruise Ship Deals, Travel Cruises - Holland America Line * الكروزات اللي معلمتنهم بنجمه * هاذيل أكثر معروفات أما رحلتنا كانت ع كروز MSC أسم سفينتنا Splendida MSC Splendida - MSC Cruise Ship - Cruise Liner - MSC Cruises Fleet وهذا موقع ممكن عن طريقه تحجزون من وكلاء السفر لجميع الكروزات Cruise Deals - Discount Cruises Travel, Cruise Ship Deals, Cheap Offers, Vacations & Packages كروز MSC http://i1050.photobucket.com/albums/...psu1zjdo34.jpg عندها اسطول ومنتشره في بحار مختلفه ولها أحجام وأشكال ومسميات مختلفه وتقوم برحلات لعدة اماكن وبلدان مختلفه في وقتنا كانت لها رحلتين تنطلق من هامبورغ لنفس الاماكن وبنفس المده يعني الرحله الاولى كانت من تاريخ 12 / 8 الرحله الثانيه كانت من تاريخ 23 / 8 والكابتن مره سولفنا وياه وخبرنا انه في شهر 12 بتكون عندنا في دبي انتوا تقدرون تعرفون من موقعهم من وين تنطلق وووين تسير فيديو تتعرفون من خلاله ع سفينتنا Splendida https://www.youtube.com/watch?v=vGOZHaJdVYk معلومات تفصيليه عن سفينتنا :kbk: http://i1050.photobucket.com/albums/...psbmkhnaxh.jpg http://i1050.photobucket.com/albums/...psclde5dnl.jpg http://i1050.photobucket.com/albums/...ps9cqd5dyo.jpg السفينه تستوعب 4363 مسافر اما طاقم العمل فعددهم 1730 موظف وعامل عدد الكبائن فيها 1637 كبينه منها 43 لذوي الاحتياجات الخاصه عدد الطوابق وتوزيعاتها http://i1050.photobucket.com/albums/...ps8p35uyyp.jpg هاي شخابيطي ع الصوره :(60): http://i1050.photobucket.com/albums/...psnixz3vrq.jpg 18 طابق منها 14 طابق للمسافرين وانا هناك ماشفت الدور 18 ولاكان هالرقم في المصاعد اللي نركبها لانه هالدور مخصص للناس اللي حاجزه غرف السويت يعني للـ VIP :(7): وهاي صور من النت الدور 18 وعباره عن مسبح خاص واستراحه وكوفي وغيره من خدمات مميزه http://i1050.photobucket.com/albums/...psyhmfup6f.jpg http://i1050.photobucket.com/albums/...psamiq2sg8.jpg http://i1050.photobucket.com/albums/...psq6xnkjsv.jpg http://i1050.photobucket.com/albums/...psw2qav8xk.jpg ومن الادوار 8 الى 13 كلها غرف مختلفه انواع الغرف انواع الغرف المتوفره في السفينه بعطيكم من أقل مستوى لأعلى مستوى 1-الغرف الداخليه وهاي مافيها لاشباك ولابلكونه والصراحه شفتها ع الطبيعه وجميله ولاعليها غبار ، واللي بيسكنها يقدر يطلع متى مابغى ويلس برع ويتفرج ع البحر هاي الغرفه اسمها INSIDE عندهم منها 294 غرفه وتكون الاسره عباره عن دبل وممكن تطلبون اضافه سريرين مفرد وهاي الاسره تكون معلقه في السقف مجرد تنسحب وتفتح عند الطلب فيها طبعا حمام خاص وتلفزيون وكل الغرف في السفينه مكيفه فلاتحاتون هالشي http://i1050.photobucket.com/albums/...pslzaljxgc.jpg http://i1050.photobucket.com/albums/...psh6orzyrb.jpg http://i1050.photobucket.com/albums/...psfval4twv.jpg شوفوا السرير الاضافي كيف نازل من السقف هذا من تصويري http://i1050.photobucket.com/albums/...psqyv0oren.jpg 2- النوع الثاني من الغرف هي لها طله ع البحر بشباك واسمها OCEAN VIEW وهاي منها 93 غرفه وسريرها دبل وممكن اضافة سريرين مفرد حسب الطلب http://i1050.photobucket.com/albums/...psufwerdoj.jpg نفس المخطط السابق بس هي بشباك http://i1050.photobucket.com/albums/...psfval4twv.jpg 3- هالنوع يسمونه غرف البلكونه Palcony هاي شرات غرفتنا منها 1143 غرفه وفيها سرير دبل وكنبه تتحول سرير لشخصين http://i1050.photobucket.com/albums/...psfxazmufp.jpg http://i1050.photobucket.com/albums/...psfygmmxh8.jpg http://i1050.photobucket.com/albums/...psfy4re3qb.jpg http://i1050.photobucket.com/albums/...psav6lrqwp.jpg 4- غرف السويت واسمها SUITE منها 36 غرفه فيها بلكونه كبيره ومطل أجمل وتكون الغرفه أكبر وأوسع وفيها كنبه تتحول الى سرير لشخصين http://i1050.photobucket.com/albums/...psxqmkr11i.jpg http://i1050.photobucket.com/albums/...ps1xxdzv0s.jpg طبعا كل ماعلى المستوى كل ماكانت المميزات أفضل 4- غرف الديوكس سويت DELUXE SUITE ومنها 66 سويت وطبعا تكون كبيره وفيها كنبه تتحول لسرير لشخصين وكنبه كبيره ثانيه وما أدري اذا تتحول الى سرير ولا لا بالاضافه لك المميزات الثانيه من التيلفون والتيلفزيون والميني بار والمكيف والحمام http://i1050.photobucket.com/albums/...pszbl373vx.jpg http://i1050.photobucket.com/albums/...psnzqevrwv.jpg 5- هاي النوع من الغرف هي خاصه للعوائل واسمها EXECUTIVE & FAMILY SUITE وعندهم من 3 سويتات ولكن مافيها بلكونه انما شباك كبير أو باب سلايدنج بالاضافه انه فيها صاله منفصله عن غرفة النوم وفيها كنبه تتحول الى سرير وكل الخدمات فيها http://i1050.photobucket.com/albums/...psfdmyysxg.jpg http://i1050.photobucket.com/albums/...psvfcfkm3m.jpg 6- وآخر نوع من الغرف هي الرويال سويت ROYAL SUITE وعندهم بس اثنين واحد كان مالي بس تنازلت عنه ههههههه فيها بلكونه كبيره وكل شي فيه موجود والسويت كبير والحمام كبير وفيه بانيو http://i1050.photobucket.com/albums/...psoutlvnvs.jpg http://i1050.photobucket.com/albums/...psn6qgfztg.jpg http://i1050.photobucket.com/albums/...psmjgf0yfd.jpg دوخت :(40): باجر ان شاءالله نكمل الجزء الثاني تصبحون ع خير :(125): |
تفاصيل تهمنا عن الشركه والغرف بدايه موفقه |
متابع معك التقرير |
تعودنا على تقاريرك المميزة وبصراحة كل تقرير اجمل من اللي قبله اعتقد هذا التقرير حيكون مشوق ورائع من خلال البداية الجميلة والمعلومات الكاملة حتى الان |
بداية ممتازة وصف الغرف مميز لو الاسعار للغرف متابعينك |
يا سلام يا ام عيسى خوووووووووش تفاصيل والحمد لله على سلامتك ترا خلاااااااااااص طلقت تايلند والمعشوقه الكبيرة هي ماليزيا انا بعد من شهر رجعت من تايلند استاسنا والله لكن تبقى زيزا غيييييييييييير اريح وأرقى يالله بانتظار صور من ايدياتك لا تطولين علينا اختك - قصة حب |
اقتباس:
وان شاءالله بعطيكم كل اللي اقدر عليه وأعرفه من المعلومات اقتباس:
حياك الله أخويي اقتباس:
قلبي الصغير لايتحمل هذ الكلام الجميل :(60): ان شاءالله اكون عند حسن ظنكم فيني اقتباس:
اقتباس:
الاسعار صعبه اعطيك ياها لانه يختلف من ناحية الوقت اللي بتسافر فيه ومن ناحية الجهه اللي بتختارها ومن ناحية نوعية الغرفه والمده اللي بتختارها ، فتقدر تعرف السعر من موقعهم وان شاءالله انا بعطيكم السعر اللي دفعناه في هاي الرحله بس عقب اقتباس:
الله يسلمج ياعسل زيزا حلوه بس توتو أحلى وغير ههههههههههههههه اليوم ان شاءالله بنكمل الجزء 2 |
لا زلنا متابعين السفينه وأقسامها كل الشكر |
اكيد راح نتابع كل التفاصيل المطاعم راقية جدا و ديكوراتها مميزة |
يا سلااااااام سفره بنات أكيد بتكون ممتعه يعجبني في تقاريرك الشرح العام في بداية التقرير تعودنا عالتميز الدائم منك متابعين |
الله عليك ام عيسى اكيد بيكون تقرير مميز ماشاء الله الكروز كبيره وديكوراتها فخمه وغرفها مناسبه وتفاصيل رائعة متابعين |
مساءالورد والفل والياسمين ماتنامووش اليوم سهره صباحي استنوني :yolks00250: |
اقتباس:
العفو أهم شي تعجبكم السفينه مثل ماعجبتنا واليوم ان شاءالله الجزء الاخير من التفاصيل اقتباس:
اقتباس:
السفينه واىد راقيه وجميله عالم ثاني مانعرف عنه الكثير للاسف اقتباس:
اقتباس:
هيه والله أحلى شي انه بروحنا وبوعيسى متوقع بنتضايق أو بنمل ولكن فاجأناه بالعكس :bleh: تصدقين هاي التفاصيل هي اللي أزمتني وأخرت تقريري ماكنت عارفه كيف بدخل بالتقرير وافكار كثيره كانت مخربطه في راسي لين اهتديت لفكرة الاجزاء لين الحين كله معلومات وصور والقادم أحلى لما نخش في اليوميات والمغامرات :(56): اقتباس:
اقتباس:
ياهلا والله باللي نورنا ان شاءالله القادم أحلى وأحلى |
نتابع ... تكملة الجزء الثاني من تفاصيل سفينتنا :kbk: محلات التسوق يتوفر في السفينه 8 محلات للتسوق متوزعه ومتنوعه بالاضافه الى الاكشاك او البسطات اللي يعرضون فيها منتجاتهم من اللبس والعطور وغيره كأنه سوق شعبي بس بدون أكل http://i1050.photobucket.com/albums/...psgjbg8iv1.jpg http://i1050.photobucket.com/albums/...psyal4hjxe.jpg http://i1050.photobucket.com/albums/...psmvlczmma.jpg http://i1050.photobucket.com/albums/...psanxnwiva.jpg http://i1050.photobucket.com/albums/...pscj0zc6f7.jpg صالون للتجميل مختلط http://i1050.photobucket.com/albums/...psl3wy1dgz.jpg http://i1050.photobucket.com/albums/...pscigbugn2.jpg النوادي والجيم وجلسات الريلاكس والاسبا متوفره في السفينه وعددها 6 متنوعه http://i1050.photobucket.com/albums/...psm7qq1wo7.jpg http://i1050.photobucket.com/albums/...psn3poga1g.jpg http://i1050.photobucket.com/albums/...psfdzebkjg.jpg http://i1050.photobucket.com/albums/...psytjied0q.jpg http://i1050.photobucket.com/albums/...psmronwz8r.jpg http://i1050.photobucket.com/albums/...psh3zlqcex.jpg http://i1050.photobucket.com/albums/...psbtsnen43.jpg سطح السفينه حلو التمشي عليه وخصوصا وقت الغروب http://i1050.photobucket.com/albums/...psmstrywlk.jpg http://i1050.photobucket.com/albums/...psvcv6u6df.jpg اللوبي في هالمكان يكون الرسبشن ويلسات ودايما اييبون عازفة بيانو أحلى مافي المكان هي السلالم أرضيتها مرصعه بالكريستال http://i1050.photobucket.com/albums/...psvdstkgps.jpg http://i1050.photobucket.com/albums/...psboaxtruf.jpg http://i1050.photobucket.com/albums/...psqat8jhiy.jpg http://i1050.photobucket.com/albums/...pslq8trgge.jpg http://i1050.photobucket.com/albums/...psgwykrcad.jpg http://i1050.photobucket.com/albums/...psr5hbuqzt.jpg http://i1050.photobucket.com/albums/...ps7mbprocb.jpg http://i1050.photobucket.com/albums/...psrmf94ems.jpg http://i1050.photobucket.com/albums/...psiomrk0xr.jpg غرفه خاصه للسيجار للاسف نسيت أدخل وأصور من داخل http://i1050.photobucket.com/albums/...psry6muewt.jpg http://i1050.photobucket.com/albums/...ps23mekyzp.jpg مركز صحي للعلاج يعني مستشفى صغير ، الصراحه مادخلته مره احتجت ومارحت أماكن الترفيه هي كثيره ومتنوعه في السفينه 1- حمامات سباحه متنوعه منها داخليه ومنها خارجيه http://i1050.photobucket.com/albums/...psmstuctlg.jpg http://i1050.photobucket.com/albums/...psljsky3nl.jpg http://i1050.photobucket.com/albums/...pski3w3yc1.jpg http://i1050.photobucket.com/albums/...ps6wjbdwke.jpg http://i1050.photobucket.com/albums/...psxmvrsthp.jpg http://i1050.photobucket.com/albums/...psdy9prf3r.jpg http://i1050.photobucket.com/albums/...psdy9prf3r.jpg http://i1050.photobucket.com/albums/...psurkp5dlx.jpg http://i1050.photobucket.com/albums/...psuahlenm8.jpg http://i1050.photobucket.com/albums/...psahzuilc3.jpg http://i1050.photobucket.com/albums/...psrn38s9lw.jpg http://i1050.photobucket.com/albums/...psypoitwjn.jpg http://i1050.photobucket.com/albums/...ps4kjjbnom.jpg http://i1050.photobucket.com/albums/...psjo8ilujd.jpg http://i1050.photobucket.com/albums/...psmkedgvan.jpg http://i1050.photobucket.com/albums/...pspehlsmpr.jpg 2- ملعب تنس أرضي http://i1050.photobucket.com/albums/...psojqlbuzv.jpg 3- سينما 4D http://i1050.photobucket.com/albums/...psedesyvov.jpg http://i1050.photobucket.com/albums/...pshp2yymn5.jpg http://i1050.photobucket.com/albums/...pszacg8awr.jpg 4- سيارة فيراري أوفورميلا نسيت الاسم وتلعبون بطريقة 3D 5- نوادي متنوعه للاطفال والمراهقين http://i1050.photobucket.com/albums/...psgdgwmkns.jpg http://i1050.photobucket.com/albums/...psyssfkioi.jpg 6- ديسكو أكثر اللي يرقصون فيه هم الشواب هههههه http://i1050.photobucket.com/albums/...pseibzmqcv.jpg http://i1050.photobucket.com/albums/...psahbiyyyb.jpg 7- صالة البولينج http://i1050.photobucket.com/albums/...pshkdpdwjv.jpg 8- صالات القمار والسموحه بس هذا موجود ولازم تعرفونه http://i1050.photobucket.com/albums/...psc3x11x5c.jpg http://i1050.photobucket.com/albums/...psueue0otn.jpg 9 - Art Gallery في هالمكان يصورونكم اذا تحبون ويعلقون صورتكم واللي يحب يشتريها http://i1050.photobucket.com/albums/...ps1ga0zjhx.jpg 9- مكتبه http://i1050.photobucket.com/albums/...psw3yuctsd.jpg http://i1050.photobucket.com/albums/...psba7frghe.jpg http://i1050.photobucket.com/albums/...psdkp0ekhf.jpg 10 - مسرح وتقريبا يوميا تقام عروض http://i1050.photobucket.com/albums/...ps8zu7y4rg.jpg http://i1050.photobucket.com/albums/...pszaa6pbeu.jpg http://i1050.photobucket.com/albums/...psftofjo6u.jpg http://i1050.photobucket.com/albums/...pscsuot9k3.jpg 11- العاب اكترونيه برسوم http://i1050.photobucket.com/albums/...pscdapass9.jpg http://i1050.photobucket.com/albums/...pspnf93fdv.jpg 12 - صاله بجانب المسبح وفيها تنس طاوله والعاب ثانيه وهاي الالعاب تكون بفلوس وبالايجار يعني مب كلشي ببلاش http://i1050.photobucket.com/albums/...ps95fyrrlu.jpg هذا جداول لكل طابق وشوفيه الطابق 4 من السفينه http://i1050.photobucket.com/albums/...psvnzg6o3f.jpg الطابق 5 http://i1050.photobucket.com/albums/...pswa8ahjoz.jpg الطابق 6 http://i1050.photobucket.com/albums/...psfyl8os8o.jpg الطابق 7 http://i1050.photobucket.com/albums/...pshaz5xzap.jpg الطابق 14 http://i1050.photobucket.com/albums/...psm5ruszis.jpg الطابق 15 http://i1050.photobucket.com/albums/...psjwnqfrmx.jpg الطابق 16 http://i1050.photobucket.com/albums/...psuh4jpf2j.jpg الطابق 18 وهو خاص لغرف سويتات http://i1050.photobucket.com/albums/...psqxpdb7cj.jpg هاي الاماكن مخصصه للـ VIB http://i1050.photobucket.com/albums/...psjzrtkanh.jpg وهذا مخطط السفينه للمصاعد وهي اللي باللون الأخضر ووين ما أنا مسويه بالقلم سهم هنيه موقع غرفتنا http://i1050.photobucket.com/albums/...psekchuegi.jpg وأي معلومات اضافيه بتحصلونها في موقعهم تصدقون اني وانا أعد التقرير اشوف أماكن في السفينه ماشفتها وانا هناك :(50): عافانا الله دومي جيه أعرف المعلومات أكثر يوم أسوي التقرير بالنسبه للاسعار أنا ماتطرقت للاسعار لأنه الاسعار تختلف حسب نوع الغرفه وعدد المسافرين والوجهه فما أقدر أخبركم عن الاسعار ولكن عقب بخبركم كم طلع علينا اما انطباعي عن السفينه وسلبياتها وايجابياتها بنخليها عقب أسويلكم تشويق:(34): سامحوني لرداءة بعض الصور لانها من النت بس الصور العدله والحلوه من تصويري:(141): تابعوني في ... الجزء الثالث وتفاصيل حجززاتنا :kbk: |
وصلنا لزبده التقرير منتظرين ما قصرتي |
مبدعه يا ام عيسى الكروووز عجيبه صج ديره متكاملة [emoji108][emoji108] انا الي الرويال اذا انتي تنازلتي عنها[emoji23][emoji23] وااو مكان المساااااج عجييييب احلى شي اتجابلين البحر ولا احلى [emoji122][emoji122] والله الكروزات عجيبه ان شاءالله اروح ألاسكا ولا البهامس بالكروز[emoji120] ما راح اطلع من المخرج لازقه لا تحاتين [emoji23][emoji23] Sent from my iPhone using Tapatalk |
ماشاءالله رحله بناتيه كروزيه عجيبه :(3): الكروز فخم وو راقي متكامل حتى المكتبه ما نسوها :(94): بس جم يوم قعدتو بالكروز ؟ وو هل خدمات الكروز مثل السينما وو نوادي وو السبا تدخلينها معه رسوم :(57): |
ماشاء الله مدينة متنقله هالسفينه :) |
تفاصيل مذهلة داخل السفينة كيف ممكن نعرف ايش اللي ضمن التذكرة و ايش الاضافي على السعر مثل صالات البولينج الفيراري مجانية ؟؟ التقرير يزداد اثارة لو محملة الصور على سيرفر المنتدى مشان المسابقة ,, اظن فالك طيب |
عيشتينا الأجواء قبل الانطلاق وشوقتينا للتالي بصراحة حتى الان تقريرك وتقرير الأخ أبو سعد غير وجهة نظر الكثيرين عن رحلات الكروز وانا منهم وبتصور لو ان شركات الكروز تعرف مدى جمال تقاريركم وتاثيرها في نفوس المتابعين لطلبت مساعدتكم في مهمة الترويج لها في المنطقة العرببة باانتظار المزيد |
والله مع هالخدمات داخل لكروز الواحد ما يفكر يطلع منها |
يسعدني صباحكم ومساكم تصدقون كنت متضايجه من موضوع ومعصبه وعاقده حواجبي :(48): بس بعد ماقريت ردودكم ردت الابتسامه لويهي وهديت :(141): فعلا تفاعلكم وايد يسوي تاثير ايجابي في نفوسنا اقتباس:
اقتباس:
بعدك وين الزبده ده نحن لسه بنقول بسم الله :(94): اقتباس:
اقتباس:
فعلا مدينه متكامله يعني اليلسه فيها تكفي ههههههههههههههههههههه خلاص بنخش وياج في الرويال اووووه روعه مكان المساج صبروا بعدني ماعطيتكم صوره عدله هاي الا مقتطفات الصور العدله بتييكم الله يحققلج مناج يارب يامحلاتها من لزقه هذا من حظي الحلو :(125): اقتباس:
اقتباس:
هيه والله بناتيه وكلها قلوب :(149): ان شاءالله في الجزء الياي بتحصلين رد ع أسئلتج واسئلتكم هاي تساعدني أحط النقاط المهمه في الجزء الياي اقتباس:
فعلا كلامك صحيح اقتباس:
اقتباس:
ان شاءالله بجاوبكم في الجزء الياي واسدحوا كل اسئلتكم تر اها مهمه لي عشان يكون تقريري واضح بالنسبه للمسابقه والله هالموضوع فكرت فيه ولكن عقب تراجعت عنه لاسباب خاصه اقتباس:
أشكرك من قلبي هيه والله وناخذ منهم كومشن بدال مانسويلهم دعايه ببلاش :(90): يلا الموضوع عند بوسعد هاتلنا الروس الكبيره نستفيد منها ههههههههه |
يعطيك ألف عافية يارب شرح مفصل ومتكامل لأنواع الغرف بس السرير اللي ينزل من السقف ما عجبني تحسي كأنك معلقة في الهواء :200: بانتظار بقية التفاصيل وخط سير الرحلة وهل الأكتفتي اللي في الكروز ممكن تخليكي ماتطلعي منها إذا رست على أحد الموانئ ؟! متابعين معاك |
مساالورد عليكم جميعا بحاول أنزل جزء يديد واذا ماقدرت أكمله اليوم بنزله باجران شاءالله اقتباس:
اقتباس:
الله يعافيج حبيبتي أنا شرانج ماعجبني اللي ينزل من السقف الحمدالله نحن كان نظامنا غير ممكن اذا حبيتي تظلين في السفينه وكان في ناس تظل وخصوصا الكبار في العمر بس أحس حرام توصلين منطقه وماتنزلين تتمشين فيها |
| الساعة الآن 06:09 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO