مطاعم الكويت الشعبية

lemonde · 22-08-2015, 06:41 PM

السلام عليكم

مساء الخير للجميع
وتحية خاصة لام حسين
وكل اهل بوابة الكويت

مثل ماهو واضح في العنوان
حبيت اسأل عن المطاعم اللي تقدم الأكل الشعبي الكويتي الأصيل

شفت كم تقرير هنا لبعض المطاعم

مثل:
فريج صويلح
زوارة
خنين
كوشنة
الروشنة

لكن مدري شايف مطاعم فاخرة اقرب منها الى شعبية
.
.
.
.
.

في زيارتي لاي بلد احب اجرب اكل البلد الشعبي اكثر من المطاعم الفاخرة

ف...... هل من الممكن تدلوني على اجود المطاعم الشعبية ( ما يهمني الديكور بقدر الجودة وأنه يكون فعلا شعبي) وعادي تراني آكل أي شي ما رد ميت ولا تلوع كبدي

شاكر لكم وممتن مقدما

أبن السلطنةمعجبون بهذا.

فيصل · 22-08-2015, 07:17 PM

وعليكم السلام

ينقل للاستفسارات

وحبيت أقولك عاش من شافك

fanda · 22-08-2015, 07:27 PM

وعليكم السلام

انه جربت فريج صويلح ، بزة، زوارة، بيت دكسون
وكلهم عجبني أكلهم وديكوراتهم بعد

lemonde · 22-08-2015, 07:29 PM

هلا
هلا ابو خالد
هلا بالباشا الكبير

ع راسي والله ابو خالد

شافك من عاش حبيبي

ادري مقصر يابو خالد بحق المنتدى واهله

لكن .......
مدري شاقول

انا رجال زووووووووووووووول

lemonde · 22-08-2015, 07:32 PM

اقتباس : المشاركة الأصلية كتبت بواسطة fanda

وعليكم السلام

انه جربت فريج صويلح ، بزة، زوارة، بيت دكسيون
وكلهم عجبني أكلهم وديكوراتهم بعد

شكرا لك مشرفتنا الكريمة

لكن مدري اشوفهم ديكورااااااااااااات وفخامة

هل اكلهم شعبي كويتي اصيل

والا .......؟؟؟؟؟؟

OLGA · 23-08-2015, 09:53 AM

كل المطاعم الي ذكرتهم اكلهم حلو وو اكلات كويتيه وو ديكوراتهم فخمه لانهم بأماكن فخمه
معنه فريج صويلح وو بيت ديكسون مو فخمين ديكوراتهم تراثيه وو في وايد مطاعم تقدم اكلات كويتيه
المطاعم الشعبيه القديمه ممكن تلقاهم بالمباركيه وو هاذا واحد منهم اختنا ابرار حاطه عنه تقرير ..

http://www.arabtrvl.com/vb/t2213.html

lemonde · 23-08-2015, 09:37 PM

شكرا اختي olga
الله يعطيك العافية

اللي واضح لي الى الان ان كويتين المنتدى حقين مطاعم رزة وفخمة

ما هم اكيييلة صح

lemonde · 23-08-2015, 09:40 PM

طيب الله يعين باروح غصبا عني المطاعم اللي ذكرتوها

ممكن كرما تعطوني اسماء الأكلات الشعبية المفضلة لديكم

ولو تكون الاسماء مع وصف مختصر او صورة اكون شاكر وممتن

OLGA · 23-08-2015, 11:38 PM

انا صراحه مو من الاكيليين وو الاغلب اروح مطاعم ايطاليه وو يابانيه
واهني بالمنتدى اشوف البنات بعد اغلب مطاعمهم يروحون تركي وو ايطالي وو امريكي وو مطاعم كويتيه الفخمه ع قولتك

اكلات شعبيه عندك مجبوس دياي او لحم شبيهه بالكبسه عندكم
مطبق زبيدي وو مطبق هامور اغلب الكويتيين يفضلون الزبيدي
المربين عيش عليه ربيان
مموش ربيان
تشريب
قبوط مثل عجين محشي بلحم وو بالمرق

عاد الباجي خلهم مفاجأه لي رحت المطعم ان شاء الله تشوف اكثر لوول .. بس هذيل الحين ابالي

توبليرون · 24-08-2015, 02:09 PM

اهلااااا بليموند
ههههه حياك الله اخوي وحي الله من زارنا ونور البوابة

شوف معاي
مجبوس الدياي
ودايما مع المجابيس يكون الدقوس
دقوس الطماط

مجبوس اللحم

مطبق الزبيدي
وهذه طبختي عاد

مرقوق

قبوط

مربين عيش وربيان

وهذه حلونا رانغينه جربه

روح مطعم زوارة بالافنيوز

ويمه مطعم كافيه بزه

وتلاقيهم في مكان اسمه السوق

ديكورات هالقسم كلها قديمة قريب من كيدزانيا
وراح تلاقي لوحات تدليك على المكان

مطعم الشمم بالمباركيه راح يعجبك
وروح جربه اول واحد
وبعدين روح الكشخيين

Umhusoonأرسلت بواسطة i بإستخدام Tapatalk

MOBARKIمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مراكز التسوق الحديثة و الشعبية المشهورة فى العاصمة سراييفو	أبوعبدالله (الاسفار )	بوابة البوسنة	22	22-04-2017 03:21 AM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM
أشهر وأشهى الأكلات الشعبية في العالم	أبوعبدالله (الاسفار )	عام	24	24-03-2015 09:00 AM