خلصنا الابتدائية ودخلت المتوسطة
طبعا انا في الابتدائي كنت اعتبر من المتميزين بس مو من المتوفقينمرة
يعني تخرجت الابتدائي بـ 91 او 92 مااذكر بالضبط
لكن دخلت المتوسط وفي وقتنا كان دراسة الإنجليزي ماتبدأ معنا الا من أولى متوسط
فطبعا اخوي كان ينصحني احرص على الانجليز ويعلمني ان الإنجليزي هو المستقبل
وماكان يقصر معي يعني كان يحضر لي الدرس اللي بناخذه بكرة وكان يحاول يشرح لي معاني الكلمات وكيف نطقها
ولله الحمد مستواي في الانجليز ممتاز بفضل الله ثم فضله

المهم انا كنت كل يوم اداوم وانا محضر الدرس وحبيت مادة الانجليز لدرجة اني اغلب وقتي اتبطح على القناة السعودية الثانية
عشان اشوف فلم او اشوف برنامج بالانجليز ولا ادري وش يقولون بس أحاول اخطف يعض الكلمات
المهم جاء هاك اليوم وانا ماحضرت الدرس ويمكن تكون اول مرة اداوم ماحضرت ومالمعلم كان حاط ثقته فيني دائم انا اللي أشارك معه
وفيه بعض الطلاب حاقد علي عشاني احسن منه << احم احم وخروا عني
المهم كان الدرس فيه شي عن الدجاج ويطلب منا نعرف مامعنى كلمة دجاجة بالانجليز
فالمدرس سأل وش معنى كلمة دجاجة وكالعادة ما احد رفع يده الا انا
المهم الأستاذ اخذ وقفه وصار يهزأ في الطلاب << طبعا انا اسمي محمد
يقول دائم ما اسأل سؤال الا ومحمد رافع يده وهو اللي يشارك معي
هو دائم يجي محضر الدرس وانا دائم انصحكم انتم توكم في بدايتكم حاولوا تهتمون بالانجليز
وصار ينصح ويمدح فيني
المهم قال يالله قوم يامحمد جاوب وعلمهم وش معنى دجاجة
انا طبعا ماحضرت الدرس بس اعتمدت على معلومه خذيتها من جدي راح اذكر لكم الموقف
المهم كان جوابي ان معنى دجاجة وزويز
قال المدرس وشو رجعت بكل ثقة قلت وزويز
الأستاذ طالع فيني شوي ثم رجع وتكلم قال:
محمد انثبر واجلس على كرسيك لا والله اجيك امسح بوجهك الأرض << انا هنا انصدمت
ويرفع صوته انثبر
وفجأة الفصل ينقلب من جو الهدوء الى جو ضحك بشكل جنوني
يضحكون علي بعضهم والله يضحك بحقد
انا طبعا جلست واحس بجسمي كله يتنمل من الفشيله ههههههههههه
المهم صرخ عليهم الأستاذ وسكتهم وقال انتبهو للدرس على الأقل احسن منكم
وبعد فترة طالعت على يميني واشوف الطالب يطالع فيني وميت ضحك وعاض على غترته << وانا أقول في خاطري خلاص اسكت الله لايوفقك
خلوني ارجع واعطيكم الموقف اللي خذيت منه المعلومة من جدي ان معنى الدجاجة وزويز
انا ادري ان جدي زمان كان يشتغل مع أرامكو
واشتغل معهم مايقارب شهر او اقل وتعلم من الانجليز يمكن يس ونو فقط
وانا فكرت ان جدي بلبل انجليز هههههه
ومرة حنا نتغدا وكان غدانا دجاج سألته ياجد وش معنى دجاجه
فطبعا جدي الله يطول بعمره على طول صرف من عنده اسمها وزويز
وانا اعتمدت العلومة ووثقتها وحطيتها في قاموسي العلمي انها وزويز هههههههههههه


الحمد لله رب العالمين والصلاة والسلام عليكم ورحمة الله وبركاته

موقف بالمتوسط

اول يوم لي باول متوسط داومت بدون عبايه ومسويه قرنين

انا اكبر الابناء والاحفاد ولسى الكل يعاملني على اني طفله

البنات ضحكوا عليا والمدرسه رفضت تطلعني بآخر الدوام بدون عبايه

وزويز خخخخخخ
يا حليلكم

اقول لكم موقف وانا مدرسة
كنت امر على البنات بشوف الواجب
بنات الصف الثالث ابتدائي
وقعدت اهاوش البنت لان الدفتر شخابيط ورسومات ومافي حل
والبنت ساكته ههههه
والا تود علي بعد التهزيئك
ابله هذا مو دفتري دفتر فلانه هههه فلانه زميلتها اللي
جنبها خخخخخخ
قلت لها وليش ما قلتي من الاول
ورجعت احلل التهزيئة للبنت الثانيه
خخخخ بس تفشلت صج

خخخخخخخخخخخخخخخخخخخخ

طفل ما لقيت تضرب المثل الا ع الاستاذ ياخي العن اي حد غيره ...

::::::::::::::::::::::::::::::::::::::::::::::::

هولمز ردك من هنا الى يوم الدين مسمر خخخخخخخخ

:::::::::::::::::::::::::::::::::::::::::::::::

الحربي ديما المدرس يفكر ان التلميذ الشاطر عبقري عنده حل لكل شي

::::::::::::::::::::::::::::::::::::::::::::::::


طفل اما اسم الدجاجة وزويز خخخخخخخ الله يحفظ جدك

::::::::::::::::::::::::::::::::

ام حسين نفس الموقف صار معاي بس مو ع شخابيط لا الحل كان واحد .. وزميلتي هي اللي ناقله الجواب

:::::::::::::::::::::::::::::::

مواقفي كثيرة ....... واحد منهم قريب لموقف طوق الياسمين ...

انتهى دوامي لرجعت البيت ان شاء الله بشارك معاكم

شكرا اخوي طفل ع الموضوع الحلو و احلى شي ايام الدراسة

رجعت للموضوع قعدت ادوره دواره

بذكر موقفي الشبيه بموقف طوق الياسمين

بصف 4 ابتدائي كنت قاصه شعري مارينز "مادري وين ابا"

"القصة كانت ناتجة عن ضرابه مع شعري ما عرفت امشطه جبت المقص ولعبة فيه"

المهم ابلة اللغة العربية كل يوم تهزء فيني ... انتي ولد انتي ما تستحين ..الخ

صادف بيوم السبت بعد الاجازة سوين نخلة بما ان شعري قصير .. وسرت كل يوم

يا اسوي نخلة يا قرنين .. ذاك اليوم عصبت علي قالت فلانة ما تشوف من شعرج

كم مرة قلت لج البسي حجاب زي باقي البنات .. اول مرة ارد عليها قلتلها مابا البس كيفي

وصحت رجعت البيت قلت لامي قالت لو عادتها بروح لها ..

ورحنا المدرسة وجت حصتها اللي ما تسمى .. قالت اول مادخلت .... وين الحجاب

ما لبستي ما تسمعين الكلام طيب ناقصه 5 درجات .. عطوني مقص يا بنات

محد عطاها .. ارسلت بنت تجيب لها مقص .. جت وقصت شعري انفجرت بكاء

واليوم الثاني ما داومت الا وامي معاي و مسحت الارض بالمدرسة وما راحت الا لما اعتذرت لي



ليومي ذا كل ما اذكرها ادعي عليها

من المواقف الجميلة

بصف اول ثانوي بحصة الرياضيات جانا موجه اردني

كانت منبه علينا ابلة عزة "مصرية" محد يرفع ايده غير فلانه وعلانه لما يسأل الموجه

اما اذا هي سألت كل الصف يرفع ايده ولا بتنقصنا درجات .. المهم

كل ما سالت رفعنا و انا انا ابلة انا ... جا دور الموجه يسأل محد رفع ايده

غير اية "مصرية" و سميرة "اماراتية" و نسيبة "سودانية"

الموجه قال نزلوا ايدكم انا بختار ع كيفي ... والمصيبة اختار مين اختار عناقيد

وانا اصلا ماني فاهمه شي من المنهج .. قالي قومي انتي شو اسمك .. اسمي

اطلعي ع الصبورة حلي .. امشي وانا ميته خوف لو غلطت بتذبحني المصرية

ولا الموجه ما علي منه دقايق ويروح وما عاد اشوفه ...

حلي المعادلة التالية ... يالله كيف احلها اصلا شو القانون

قعدت افكر افكر وايدي ترجف وهو يقولي حلي لا تخافين

وابلة عزة تأشر لي بايدها " ما عليه حسابج بعدين"

فجأة نزل علي الوحي حليت المسألة بدون قانون والحل كان صح 100%

سألني الموجه كيف حليتيها قلت بس اكيد غلط وشرحت له قالت انتي ممتازة

عزة حطيلها 3 درجات ... ولاول مرة ابلة عزة تقولي انتي هايلة خخخخخخخخ

"بالعادة كل يوم تقولي اتنيلي انتي بالقائمة السودة واللهي واللهي هرسبك "

بارك الله فيك 🌹👍

سبحان الله وبحمده .. سبحان الله العظيم ..