رجعت للموضوع قعدت ادوره دواره

بذكر موقفي الشبيه بموقف طوق الياسمين

بصف 4 ابتدائي كنت قاصه شعري مارينز "مادري وين ابا"

"القصة كانت ناتجة عن ضرابه مع شعري ما عرفت امشطه جبت المقص ولعبة فيه"

المهم ابلة اللغة العربية كل يوم تهزء فيني ... انتي ولد انتي ما تستحين ..الخ

صادف بيوم السبت بعد الاجازة سوين نخلة بما ان شعري قصير .. وسرت كل يوم

يا اسوي نخلة يا قرنين .. ذاك اليوم عصبت علي قالت فلانة ما تشوف من شعرج

كم مرة قلت لج البسي حجاب زي باقي البنات .. اول مرة ارد عليها قلتلها مابا البس كيفي

وصحت رجعت البيت قلت لامي قالت لو عادتها بروح لها ..

ورحنا المدرسة وجت حصتها اللي ما تسمى .. قالت اول مادخلت .... وين الحجاب

ما لبستي ما تسمعين الكلام طيب ناقصه 5 درجات .. عطوني مقص يا بنات

محد عطاها .. ارسلت بنت تجيب لها مقص .. جت وقصت شعري انفجرت بكاء

واليوم الثاني ما داومت الا وامي معاي و مسحت الارض بالمدرسة وما راحت الا لما اعتذرت لي



ليومي ذا كل ما اذكرها ادعي عليها