السلام عليكم ورحمة الله وبركاته,,,

عندي سفر بإذن الله بعد أسبوع إلى تركيا

موعد الوصول إلى اسطنبول الساعة 1 ظهراً (مطار صبيحة) طيران ناس , وحجزت رحلة على طيران بيجاسوس الساعة 4:25 دقيقه عصراً يعني بعد الوصول بمشيئة الله بـ 3 ساعات هل هذا الوقت كاف لأخذ العفش وتسليمه للطيران الداخلي وقص البوردنق ؟

مع العلم بأن هذه هي المرة الأولى لزيارة تركيا ومطاراتها


السؤال الثاني بخصوص السيارة والسكن هل أفضل أني أحجز من بوكنق أو أحجز هناك مباشرة أوفر ؟

اشوف ٣ ساعات كافيين بالاخص اذا بمطار صبيحه يكون اقل زحمه من اتاتورك
السياره اشوف لو تحجز قبل السفر اضمن وو شوف اهني بيفيدك بالحجز ان شاء الله

http://www.arabtrvl.com/vb/t7447.html

اذا بتروح الشمال لو تحجز حق اول ليله وو تمدد بعدين بيكون اوفر وعلى نظرك اذا ما عجبك المكان ممكن تغير

هلابك مع انه مو واضح متى تاريخ سفرك عشان نفيدك فيي الزحمة
وبخصوص الحجز تعتمد على الموسم اذا بتسافر في الشتاء او في تاريخ مافيه زحمة فأنا انصحك انت تحجز من هناك
لأن الاسعار ارخص وتقدر تطلب الاستقبال ويعطيك غرف نظيفة ووسيعة وبأسعار مناسبة
وهذا الشي انا جربته في سفرتي
كنت ادور في بوكنق واحصل الغرف الكبيرة اسعارها عالية
بس حجزت عن طريق الاستقبال وخذيت غرف لها اطلاله ولها مساحة حلوة وبسعر اقل من بوكنق

والسيارة الأفضل لك تحجزها عن طريق الانترنت كما هو موضح في الرابط اللي ارسلته لك اولغو
ونصيحة خذ سيارة ديزل

بالنسة لاوزنجول لا تحجز سكن

أفضل لك تختار بنفسك اللي يعجبك وتكاسرهم على السعر
انا جيت تقريبا مثل وقتك يعني وقت دراسة وكنت حاجز بالبوكنق تقريبا ب 400ريال ولقيت بنفس المواصفات هناك ب 140ريال
وقته تمنيت أنا ما حجزت بالبوكنق لكن البوكنق ينفعك إذا سافرت بوقت موسم وزحمة

والسيارة احجز من الشركات العالمية مثل يورب كار وبدجت وايفيس


والمدة بالمطار كافية ثلاث ساعات ومطار صبيحة ما فيه زحمة زي اتاتورك

ما بعد كلام الصبايا والشباب كلام



الله يقويك ويسعدك

اللهم امين

بارك الله فيكم وألف شكر لكم