السلام عليكم ورحمة الله وبركاتة

سبحان الذي سخر لنا هذا وماكنا له مقرنين وانا الى ربنا لمنقلبون

ياحلو هذا الدعاء



اللهم لك الحمد عدنا من سفرتنا الجميلة وكان ودي لو انها ماخلصت امريكا شي عجيب صحيح


الموعد كان بتاريخ 15 جولاي وسفرتي كانت بتاريخ 27 جولاي وهذا ماسبب لي بعض القلق لقصر المدة

طبعا بما انها اول مرة اصدر فيزا سياحية لامريكا ففضلت يسويها لي مكتب وياخذ لي الموعد على الا اغامر واتعب نفسي بتعبئة الابلكيشن عبر النت والسعر ب 150 للجواز الواحد + 600 ريال قيمة الفيزا يتم دفعها ببنك سامبا الامريكي


في البداية كنت محضر جميع المطلوبات من بدري واخذت موعد قبل 15 قبل رمضان بيوم يعني قبل السفر بشهر لكن طلع من حضي ان السستم عندهم تعطل في هذا التاريخ وعلي ايجاد موعد اخر ولم اجد قبل 15 جولاي اي قبل السفر فقط ب 12 يوم


وتوكلت على الله ورحت المقابلة مع الاهل في رمضان الساعه 10 الصبح الموعد


دخلنا كالمعتاد بعد التفتيش الصالة واخذ رقم انتظار والذهاب لتسليم الاراق في البداية وتعود وتجلس مكانك لين يجي رقمك وينادونك وتدخل للمقابلة طبعا بعد سماع اسمي ورقم والكبينة الي يتم فيها المقابلة دخلت الا هالشقراء الشمحوطة الامريكية الي قابلتنا بابتسامه وقامت تسولف شوي مع المدام بعد اخذ الجوازات فقط لاغير وسالت بنتي الصغيره عن دزني لاند بعد علمها اننا رايحين لاورلاندو وكانت بصراحه لطيفة جدا ومحترمة اسألتني وين تشتغل وعلمتها وقالت لي اخر سفره سافرتها وين وماسمعتها عدل احسبها تقول متى بتسافر صدق لا قالوا كلن على همه سرى قلت في 27 السفره الا هي تضحك وتأشر على الفيزا البريطانية فهمتها وقلت يس رحت العام الماضي لندن

واسمع احلى كلمة منها قالت حبيتك ههههه امزح قالت مبروك كنقروليشن ابروف

المهم اني قلت لها ترا رحلتنا قريبة بعد كم يوم والعيد قريب ومافيه دوام لكم قالت دونت وري ات ويل بي ردي ارقد وامن

وعطتني ورقة مكتوب فيها عنوان ارامكس الخبر الي بجنب الموفنبيك وقالت شيك بكرة قلت ابشري ومشينا وفعلا والله ماجا بعد الفطور واشيك عن طريق موقعهم ببرقم الطلب الا واقرا اشود يعني مصدرة

وافتح موقع ارامكس من بكره واشيك الا والله مكتوب 3 جوازات ردي تو بيك اب يعني جاهزه للاستلام الا جوازي مو موجود عليه ردي فقط انه وصل لديهم المهم اني رحت لهم العصر واعطية ارقام الجوازات والارسالية من القنصلية ويجيبها كلها الاربع جوازات والحمد لله الفيزا موجودة والامور تمام ولله الحمد


اي سؤال او خدمة انا حاضر ومن اسهل الفيز الي اصدرتها في حياتي هي الفيزا الامريكية