السلام عليكم

امس بديت اخطط اول شي قلت بحجز في ديزني بعيد عن الازعاج لاني بجلس يوم واحد فقط

فحجزت عبر موقع Booking

Park & Suites Prestige Val d'Europe

بمبلغ 84 يورو واحد

واليوم حجزت شالية في هولندا بجيثرون ب 160 يورو يوم واحد

اللي حصل كالتالي :

وصلتني رسالة اليوم على جوالي

بأنه تم استقطاع مبلغ 84 يورو لحساب APPART'CITY

ولما جيت ابحث عن هالأسم لقيته نفس الشركة المالكة للفندق اللي في ديزني

ارسلت رسالة لخدمة العملاء في Booking للتأكيد انه نفس الشركة .


مافي دقايق الا جاتني رسالة ثانية

بأنه تم استقطاع مبلغ 147.54 يورو لحساب شركة BLABLACAR

بحثت عن هالشركة لقيتها حق سيارات اعتقد ايجار

وبعدها بثواني توصلني رسالة ثالثة

بأنه تم استقطاع مبلغ 199.90 لحساب CAMPANILE
وبحثت عن هالأسم وطلع فندق في باريس


المهم قلت الحق علي نفسي واتصلت على البنك

قلت اللي حصل قال كل الثلاث عمليات من ظاهره له من فرنسا

وعمل ايقاف مؤقت للرسالة


طبعاً ارسلت لموقع Booking لان هالبطاقة مااستخدمها واول استخدام امس وهي محدودة

وقلت له بعد حجزي من موقع للفندق الأول ب 84 يورو حصلت عمليات اختلاس على نفس بطاقتي لنفس الدولة ، وذكرت هل البيانات كاملة مع الرقم الخلفي للبطاقة يذهب للعاملين بالفندق اللي حجزت منه



مدري وش حضي مع الفرنسيين هذا ثاني اختلاس يحدث لي .. قبل عامين حصل اختلاس 800 يورو محل ملابس وكلمت البنك وتم ايقاف البطاقة وصدرو لي بطاقة جديدة ورجع لي المبلغ ، وش فيهم الفرنسيين كذا


الحين مافي وقت اوقف بطاقتي ومااستخدمها ، يازين موقع امزون بالبطاقة الام الغير محدوده والحمدللله مايحصل اختلاس ولا شي ، الحين توهقت البطاقة وموقفه ومنتظر رد شركة booking والبنك مايرد علي استفسارتي نايمين الشباب ،

حتى renlcar يقول تحط وديعة مجمدة في بطاقتك 2000 يورو لايجار السيارة ، واليوم اتصل عليا من خدمة العملاء لديهم واحد عربي وقلت له 2000 يورو وديعه مجمدة نص مبلغ البطاقة راح ماينفع كذا ، قال خلاص بخليها لك 650 يورو وديعه بس تدفع 9 يورو عن كل يوم زيادة حدود 300 ريال زيادة عن عدد 8 ايام ، وجلس يفتي لي يقول عشان السيارة قيمتها غالية ، لو من السيارات العادية تدفع 1000 يورو لان هم وسطاء والسيارة اللي بتوفرها شركة سيكت ، قلت له طيب يورب كار هل نفس القصه وديعه بمبلغ كبير قال ايه .. المهم اني محتار وقلت احكي لكم وتفيدوني ..


افيدوني بعد هالقصه اللي حكيتها عن امر الاختلاس والبطاقة


وعن امر ايجار السيارة والوديعة


وشكراً لكم