بارك الله لكما وبارك عليكما وجمع بينكما في خير
الله يوفقكم ويرزقكم الذرية الصالحة
الشباب ماقصروا ابد بس لي راي وهو ان العريس وضعه غير عن غيره ... يعني كثر المشاوير تهد الحيل سواء بالسيارة او النقل العام وتصير اخر اليوم مكسر وتعبان ... لو شفت لك كم مكان حلو وما تكثر بحيث انك تستمتع بوقتك اكثر بدون تعب وسائل النقل ... مجرد رأي ... والله يهنيكم

الله يعافيكم جميع

أنا أخذت فره بمواقع الاجار واستغربت ؟؟؟
دخلت موقع بدجت الرسمي ولقيت سيارة من دون التأمين سعرها بـ2300
ثم دخلت موقع بوكينق ولقيت نفس السيارة ومن بدجت دون تأمين سعرها بـ 1580
وينفس الموقع بوكينق لقيت نفس السيارة من سيسكت دون تأمين سعرها بـ 1350فررررق بالسعر وفرق كبير فما ادري وش الرأي ؟؟
هل اخذها عن طريق بوكينق وهل حجزهم أكيد وثقة او لا ؟؟

تعقيبا على كلام اخوي ابو عبدالله

انا من وجهة نظري انك تحجز السيارة شامل التأمين من الموقع .. لانه عن طريق الموقع كل شي موضح ونسب التحمل والاسعار وكل شي
اما في حالة خليت التأمين وقت استلام السياره فيحاولوا يعرضوا عليك التأمين الشامل ويحاولوا يقنعوك فيه
والواحد يبي يعرف كلالتفاصيل وانواع التأمين حتى لو كان ناوي ياخذ تأمين شامل

ومنها تكون عارف كم المطلوب منك بالضبط وماتتفاجأ بسعر التأمين العالي الي يعرضونه عليك هناك

تعقيبا على كلام اخواني

الموقع الوسيط عادة لا يوضح كل تفاصيل التأمين مع شركة الايجار الرئيسية ، ولكم ما حدث مع شركات التأجير في طرابزون كما شاهدنا

لذلك شخصيا أفضل الحجز من الموقع الرئيسي للشركة مثل يوروب كار - سكست - هيرتز وغيرها حتى لو بتكلفة اضافية

انا باخذ من الشباب كل واحد نقطه ...
- انت احجز من الوسيط اللي سمعته زينه ...وارفض التأمين اللي يعرضه لك في الموقع ... وخذ التامين من المكتب عند استلام السيارة
rentalcars.com قد وهقوني مع انتربرايز واجروني سيارة ميب موجوده معهم عندهم اصلا في لندن ....
- تقدر تحجز من الوسيط برخيص وتاخذ التأمين عند استلام السيارة ... وفي المكتب يشرحون لك كل شي عن التأمين اللي بتاخذه وايش يشمل ومقدار التحمل ... بس لاتاخذها بدون تأمين ... لان كل شي يحاسبونك عليه وبغالي جدا جدا و جدا بعد والتامين على السيارة وضد الغير طبعا ....
- لايشغل الموضوع ذهنك مره تراه سهل