اخواني الله يعطيكم العافيه على وقفتكم معانا من البدايه

الحمدلله بفضل الله ثم نصايحكم خلصنا امورنا

حجز الفنادق والتذاكر والتاشيره خلصنا منها
ابغى مشورتكم بالمصروف والسياره

رحلتنا كالتالي
جنيف ليله
انترلاكن 4 ليالي
انسي ليله
باريس 5 ليالي
ونرجع جنيف ليله لان الذهاب والعوده من جنيف

حجزنا الفنادق والتذاكر ودفعنا واخذت الفنادق مع الفطور
سياره ايش افضل موقع تنصحونا فيه ابغى شي اقتصادي بسعر معقول
المصروف معانا 25 الف ريال باخليها مصروف اكل ودخول اماكن سياحيه هل هي كافيه يعني تقريبااا 1000 ريال باليوم يعني 230 يورو تقريباا هي هي كافيه ؟؟؟؟؟؟؟؟

السياره من جنيف واسلمها بانسي وبالقطار من انسي لباريس ومن باريس ل جنيف ياليت احد يقولي عن اسعار تذاكر القطار ومن فين اخذها واسماء المحطات

واذا فيه اي ملاحظه تفيدنا ياليت تقولون لنا ويعطيكم الف عافيه

السلام عليكم .

الله يوفقكم بسفرتكم

بس مستغرب من سالفة انكم تروحون باريس من أنسي ..ليه مو من جنيف ؟؟ ..على الاقل لو اخذتها من محطة القطار ..تسلمها في محطة القطار نفسها ..وتروح عنك سالفة المبلغ الزيادة لاستلام وتسليم في اماكن مختلفة .
الا اذا كان الايجار من فرنسا ارخص يعني .
من وجهة نظري واللي اتعامل معها دايما شركة سيكست ..واغلب الاعضاء يفضلون هيرتز .
اهم شي اذا لسه ما حجزت تشيك على التالي :
الاستلام من مطار جنيف القسم الفرنسي والتسليم في نفس الموقع
الاستلام من مطار جنيف القسم الفرنسي والتسليم في أنسي
الاستلام من محطة قطار جنيف والتسليم في نفس الموقع

وشوف المناسب لك .

على العموم اذا المخطط خلاص جاهز ...ان شاء الله يكون تمام .


المصروف اذا كان 1000 ريال في اليوم لشخصين ...جدا كافية ..من غير تسوق طبعا .


بالنسبة لحجز التذاكر ..ممكن من نفس محطة القطار ..وممكن من عن طريق النت باتباع الخطوات التالية :

http://www.arabtrvl.com/vb/t503.html


وبالتوفيق

شخصيا افضل الذهاب الى باريس والعودة الى جنيف عن طريق الطيران الاقتصادي (ايزي جت)

اذا تم الحجز من الحين بيكون السعر مناسب وربما ارخص من القطار


بالنسبة للسيارة، اتعامل دائما مع يوروب كار لسهولة الاجراءات والسعر المناسب خصوصا في مبلغ التأمين المسترد

الخيار الثاني سكست ، مع ملاحظة أن مبلغ التأمين يساوي قيمة الايجار

هيرتز ، تعاملت معهم مرة واحدة في ميلان وكانت من غير تخطيط وحجز

تعاملهم ممتاز لكن سعرهم غالي، ممكن لأني ما كنت حاجز

تعب تطلعو من انترلاكن وتروحو انسي عشان ليله وبعدها باريس ومن باريس لجنيف واذا بالقطار اعتقد راح يكون هناك تبديل القطار اكثر من مره فكره الاخ فوق حلوه بالطيران