قمة روشرز مطل جميل على بحيرة ليمان (بحيرة جنيف ) وسهل الوصول لها .

اما الجلاسيير ..لأن فيها زحليقة المواسم الاربعة ...فاعتقد ما راح تناسبكم ..لكن المنطقة اللي فيها واسمها قشتاد حلو التمشي فيها .
وممكن اضافة لوزان والتمشي على شاطئ الاوشي الجميل ...مجرد اقتراح يعني .




شلال الجسباخ ..اللي انتشر مؤخرا صوره وصور الفندق اللي مطل عليه ...سهل الوصول ...بس اغلب الانشطة يبيلها مشي .
كنت برشح لكم شلال التروميل باخ ..لكن فيه درج وصعود وكذا .




مطل البفنستج موجود في جريندلوالد وجميل ...والطلعة بالتلفريك ..والنزول اما بالتلفريك او مشي او بالزحليقة .


مطل الهاردرلكم تطلعون له بالفونكلير ..عربة يعني ..ومافيها اي صعوبة .
بحيرة البلاوسيه جميلة وسهلة ..ومطل عليها فندق عنده جلسات حلوة وفهيا كمان العاب اطفال .


ممكن اضافة زيارة قمة شيلثورن والمطعم الدوار بيز جلوريا ...ومن خلالها الصعود بالتلفريك تمرون على قرية مورين .


انصحكم بشراء السويس هاف فير كارد اذا كانت زياراتكم لقمة اوروبا وقمم اخرى .


ممكن زيارة المايستري بارك ..قريبة من انترلكن .


يعني اغلب الانشطة راح تكون سهلة بالنسبة لكم وماهي بعيدة .


اذا كان عندكم لبس في اي نشاط ممكن تبحثو عنه بالنت او اليوتيوب ..وتشوف الاراء اللي عليه ..او على الطبيعة .



وبالتوفيق