بلاكبول ( رأيي بصراحة )

ابو عبدالله · 02-09-2015, 03:41 PM

السلام عليكم
- اول شي استهدوا بالله وتعوذوا من ابليس واللي ضايق صدره يقفل الموضوع لا يفرغ حرته فيني
طبعا كلنا نتعب في البحث والتجهيز للسفر ومعروف ان السفر يرهق ميزانية الكثير منا ( السفر بصراحه مكلف للكثيرين ) وغالبا هي سفره واحد في السنه والبعض كل سنتين او اكثر ...
- كل واحد ينقل الصورة بمنظاره وحسب رأيه واكيد اكيبد اكيد انه ماتعنى وتعب وصور وسوى تقرير الا انه يبي يفيد المسافرين الاخرين سواء يوجهم لمكان او يحذرهم من اخر او يفيدهم بمعلومه او يشرح لهم آلية معينة الخ ...
في سفره لي لماليزيا اللي كانت 16 يوم اعتقد الى الان احس اني اكلت مقلب مدته ( 3 ايام ) وما الوم احد فيه لان الجميع مجتهد .....بس ادين لهم بالشكر والفضل لجمال 13 يوم اخر ...
الاسبوع هذا رحنا لمانشستر ( تمت التغطيه في سناب شات العرب المسافرون ) ويمكن اسوى تقرير عنها لان رحت معها لويندرمير ايضا ....
بلاكبول ... صداها في اذني ... وضجيج جمالها يملأ رأسي ... وحسرة عدم رؤيتها تحرقني ان لم ازرها وانا سأكون بالقرب منها ....
عقدت العزم بالمبيت ليلة فيها ولعلها تكفيها من ( 3 ليال ) ...
ولكن رغبتي في زيارة البحيرات ايضا طاغية ... فأنا طماع ... فجشع المسافر في كثرة التنقل لا يعدله شيء ...
وصلنا مانشستر وكان الحجز مبدئيا ليلتين ...
لا اخفيكم ان شوقي الى بلاكبول افسد علي شي من متعتي في مانشستر ....
قضينا اليوم الاول في مانشستر ...
اليوم الثاني ومن ( النجمه على قولة اخوانا المصريين ) انطلقنا بسيارتنا الى بلاكبول ووصلناها بعد ساعة وكانت المواقف متوفرة بكثرة ..... واخذنا تذكرة مواقف لمدة 3 ساعات ...
لكن الصدمه والصدمه والصدمه .... لا بل هو حادث شنيع مزق كل الاشواق والاماني الجميله ... فالحسناء انقلبت ساحره والجميله سقط قناعها ...
رأيي بتجرد ( اكرر انه رأيي الشخصي )
مدينة اقل من عادية ، مجرد متنفس لمانشستر وماحولها لمشاهدة البحر ربما ( اشك انهم يجون لها )
الاسواق ( مانشستر اجمل بكثير ففيها ترافورد سنتر من اكبر مولات اوربا )
intu Trafford Centre | Manchester Shopping
الالعاب :
لايوجد شي ( يستاهل العنوه ) و التون تاورز ( مدينة الالعاب المشهورة ) تبعد ساعه ونصف عن مانشستر ( نفس المسافه تقريبا )
https://www.altontowers.com/

- اقصد بالنسبة لي حرام لما يجي واحد او عائلة دافعين ومتكلفين ( فيزا ، تذاكر طيران ) اقول لهم رحوا بلاكبول ...
بلاكبول قرية ساحليه اخذت اكبر من حجمها بكثير واشوفها مثل مدينه قريبه منا اسمها ( كلاكتون ) سبق زرتها وفكرت اسوي تقرير عنها بس ( وش اقول ) وشكل هذا نمط كثير من القرى الساحليه هنا ...
- انا هربت منها الى وندرمير مع حسرة على الـ ( 3 ) ساعات + ساعة المشوار لها ...

- اذا كنت غلطان لاتقسون بالرد علي واعتذر سلفا عن كلامي اللي مارح يعجب يمكن كثيرين ... بس تبقى اذواق وتجارب ... والمهم ان الواحد يكون مبسوط في سفره ويختار اللي يناسبه هو بعينه موب اللي ناسب احد اخر ...

MOHANAD · 02-09-2015, 04:58 PM

وعلكيم السلام ورحمة الله وبركاته

الحمدلله على السلامه وواضح من سناباتك انكم استمتعو فالسفره
وعساها دوم ان شاء الله

وبالفعل اتفق معك ان بعض الاشخاص يرفع ويمدح فمحل معين لدرجة انك تقول بزيد كمان يوم زياده ضمن المخطط من درجة الحماس الي تجيك وانت تقرا مدحه

ويوم تروح فالواقع تاكل مقلب اليم
وهذا الشي يمكن يرجع لعدة اسباب
الاذواق مو واحد
اختلاف حالة السفر سواء شخص لحاله او معه عائلته او مع اصدقائه
وكل نوع له نكهه خاصه
ولا تنسى الفتره الي يكون السفر فيها
فبكذا الشخص يوصف المكان على هواه الشخصي

وهواه اكيد غير هواك وتختلف الاذواق هنا والبعض ياكل مقلب من الناحيه هذي

وبالنسبه لي اخذ مدح الشخص بعين الاعتبار وبعدها انا شخصيا اقرر المده الي بقضيها فالمكان

واظن الاراء قريبه من بعض كنت اسمع فبلاكبول واشوف تقارير بس الي يتضحك دايم بمنظوري الشخصي انها عاديه جدا ومانشستر افضل الفرق بحر

ولقناعتي بكلامي للحين ما زرتها وافضل مانشستر وليفربول عليها

ويالله شد حيلك حبتين يا ابو عبدالله ونبي تقرير جامد حتى عن بلاكبول

الصور الي فالسناب جميله جدا واكيد لديك المزيد

تحياتي لك

|القحطاني| · 02-09-2015, 08:46 PM

كلامك صحيح .. والتغطية في السناب كانت رااائعة

ورأيك الشخصي يحترم .. بصراحة ما اعرف شيء عن هالمكان اصلا

ننتظر تقريرك وصور هالمكان ونشوف ايش اللي ما عجبك يا بوعبدالله ههههههه

لكني اتفق معك والاخ مهند في كل ما قلتوا

مشكور

والله يعطيك العافية

Sent From Samsung Galaxy S6

فارس الجبيل · 02-09-2015, 11:00 PM

اشاطرك الرأي ابوعبدالله

بريطانيا كلها لندن ومانشيستر وغيرها عليه السلام هذا الي يصلح لنا حنا كعرب

صحيح ان بريطانيا دولة عريقة وضاربه في القدم لين الله شاف لها لذلك لها طابع خاص ورونق خاص يرضي جميع الأذواق من محبين للطبيعة وللتاريخ لذلك اغلب القرى والمدن الي في بريطانيا لها قصة مع التاريخ كالبحيرات مثلا كانت متنفسا للعوائل الأرستقراطية في القرن الثامن عشر والتاسع عشر والآن لو نجيها احنا نقول ياحسرة وش فيها غير كم قلعة وبحيرة وبطة وكم مبنى وشارع لكن هم يعتبرونها شي كبير وكل مبنى له قصة وتاريخ

بلاك بول كبرايتون وويلز ويورك وبرمنجهام لاتتخيل انها وااااو شي لايوصف لاعادية طبيعة انجليزية بحتة وتاريخية اكثر من كونها عصرية مع ذلك هي مدن حضريه وعرفوا كيف يدمجون التاريخ بالحاضر ولا ماشفت هالصناعة الي عندهم والتقدم يكفيك انها كانت الامبراطورية التي لاتغيب عنها الشمس

فيصل · 03-09-2015, 02:22 AM

وعليكم السلام

وجهه نظرك نحترمها اكيد
حقيقه أنا مع أنا ننقل للمسافر وجهه نظرنا ودوما الأختلاف صحي علي الأٌقل الشخص أن حصل ما لا يرضيه يكون مقتنع

كل الشكر لك يا خبير

ابو عبدالله · 03-09-2015, 01:31 PM

اقتباس : المشاركة الأصلية كتبت بواسطة MOHANAD

وعلكيم السلام ورحمة الله وبركاته

الحمدلله على السلامه وواضح من سناباتك انكم استمتعو فالسفره
وعساها دوم ان شاء الله

وبالفعل اتفق معك ان بعض الاشخاص يرفع ويمدح فمحل معين لدرجة انك تقول بزيد كمان يوم زياده ضمن المخطط من درجة الحماس الي تجيك وانت تقرا مدحه
- كثير منا اذا حبينا اسرفنا وانا من النوع اللي كذا للأسف .. بس احاول اشوف وش يحب قبل اعطيه رأيي وين يروح
ويوم تروح فالواقع تاكل مقلب اليم
وهذا الشي يمكن يرجع لعدة اسباب
الاذواق مو واحد
اختلاف حالة السفر سواء شخص لحاله او معه عائلته او مع اصدقائه
وكل نوع له نكهه خاصه
ولا تنسى الفتره الي يكون السفر فيها
فبكذا الشخص يوصف المكان على هواه الشخصي
- تمام عليك كلها مقاييس ممكن تقلب السفره
وهواه اكيد غير هواك وتختلف الاذواق هنا والبعض ياكل مقلب من الناحيه هذي

وبالنسبه لي اخذ مدح الشخص بعين الاعتبار وبعدها انا شخصيا اقرر المده الي بقضيها فالمكان
- المشكلة احيانا مالك الا تتوهق وتسكت لان ودك بالمكان من زين الوصف ...

واظن الاراء قريبه من بعض كنت اسمع فبلاكبول واشوف تقارير بس الي يتضحك دايم بمنظوري الشخصي انها عاديه جدا ومانشستر افضل الفرق بحر
- جدا عاديه والوقت في غيرها افضل بكثير
ولقناعتي بكلامي للحين ما زرتها وافضل مانشستر وليفربول عليها

ويالله شد حيلك حبتين يا ابو عبدالله ونبي تقرير جامد حتى عن بلاكبول
- الحيل لك عليه هاليومين
الصور الي فالسناب جميله جدا واكيد لديك المزيد
- سعدت بحضورك هنا وفي السناب كان لك حضور جميل ... الف شكر لدعمك الدائم

تحياتي لك

اقتباس : المشاركة الأصلية كتبت بواسطة |القحطاني|

كلامك صحيح .. والتغطية في السناب كانت رااائعة
- اهلا وسهلا ... دايم يعجبني حضورك في المنتدى وجمال اسلوبك
ورأيك الشخصي يحترم .. بصراحة ما اعرف شيء عن هالمكان اصلا

ننتظر تقريرك وصور هالمكان ونشوف ايش اللي ما عجبك يا بوعبدالله ههههههه
- شف.. ترا الصور من اكذب ما رأيت ... يعني المكان الرائع تطلعه اقل والعادي تطلعه اجمل ... يعني رحت شفت صور بقوقل للمكان واقول معقوله انا رحت هنا !!!
لكني اتفق معك والاخ مهند في كل ما قلتوا

مشكور

والله يعطيك العافية
الله يعافيك ... وشكرا لحضورك ... وسير علينا دايم
Sent From Samsung Galaxy S6

اقتباس : المشاركة الأصلية كتبت بواسطة فارس الجبيل

اشاطرك الرأي ابوعبدالله
- يا سلام عليك مشرفنا
بريطانيا كلها لندن ومانشيستر وغيرها عليه السلام هذا الي يصلح لنا حنا كعرب
- انا حتى مانشستر خلاص شفتها وما اظن اروح لها ثانيه ... بس عشاق الكره وضعهم اكيد غير ... بس لندن غير
صحيح ان بريطانيا دولة عريقة وضاربه في القدم لين الله شاف لها لذلك لها طابع خاص ورونق خاص يرضي جميع الأذواق من محبين للطبيعة وللتاريخ لذلك اغلب القرى والمدن الي في بريطانيا لها قصة مع التاريخ كالبحيرات مثلا كانت متنفسا للعوائل الأرستقراطية في القرن الثامن عشر والتاسع عشر والآن لو نجيها احنا نقول ياحسرة وش فيها غير كم قلعة وبحيرة وبطة وكم مبنى وشارع لكن هم يعتبرونها شي كبير وكل مبنى له قصة وتاريخ
- البحيرات انا خاق معها مرررررررره ... وناوي لها نية ... جلست كم ساعه فيها واحس اني اسحب على وجهي وانا اطلع ... فيها مقدار من الجمال والراحه عجيبه ...

بلاك بول كبرايتون وويلز ويورك وبرمنجهام لاتتخيل انها وااااو شي لايوصف لاعادية طبيعة انجليزية بحتة وتاريخية اكثر من كونها عصرية مع ذلك هي مدن حضريه وعرفوا كيف يدمجون التاريخ بالحاضر ولا ماشفت هالصناعة الي عندهم والتقدم يكفيك انها كانت الامبراطورية التي لاتغيب عنها الشمس
- كلام خبير وجميل ...فعلا مدن للسكن مو للسياحة
الله يعطيك العافيه مشرفنا وشكرا على وقتك اللي عطيتني اياه

اقتباس : المشاركة الأصلية كتبت بواسطة فيصل

وعليكم السلام

وجهه نظرك نحترمها اكيد
حقيقه أنا مع أنا ننقل للمسافر وجهه نظرنا ودوما الأختلاف صحي علي الأٌقل الشخص أن حصل ما لا يرضيه يكون مقتنع
- هلا ابو خالد .. فعلا وكلام حلو والمجاملة في السفر وانها كانت كلها زينه وما توهقنا بشي موب حلو وممكن يخرب على ناس اخرين ...
كل الشكر لك يا خبير

العفو ابو خالد وحياك ربي

شاكر لكم مروركم العطر وحواركم الجميل ...
- يقال بأن التغيير في المكان جميل حتى لو كان للأسوأ .. احيانا ( تطلع من البيت ، اثاث وتكييف وثلاجات ونعم ربي حولك ) وتروح للبر وتستانس اكثر ...
شكرا الله لكم عطاءكم وحضوركم ...

AHMEDOOV · 06-09-2015, 12:47 PM

رايك يجب ان يحترم ولكن لاننكر الاجتهاد عند بعض الاشخاص لكن الحماس الزايد مشكله ،،
انا طالع ويندرمير في 23 سبتمبر و بتكون باااارده جدا ،، بما انك زرتها هل تنصحني بها في هذا الوقت لان بجلس فيها يومين بحول الله قبل السفر من مطار مانشستر ،،

و شاكرين لك تعقيبك على بلاك بول

Sent from my iPhone using Tapatalk

توبليرون · 06-09-2015, 03:35 PM

ماراح اتكلم
بس بقول لولا الأذواق لبارت السلع

بلاكبول حلوووووة وتشرح الصدر
وغير الشارع الرئيسي اللي فيها
ومدينة ملاهي بليتشر بيتش
هناك حديقة ستانلي والبحيرة اللي فيها
وهناك البرج
انا اعتبر بلاكبول مدينة الترفيه للعائلة
رحت لها ٣ مرات حبيتها واذا عندي فلوس اشتري بيت فيها
الأسواق رحت للسوق مره وحدة بس
باجي المرات خلاص نكتفي باسواق لندن ومانشستر
بلاكبول للترفيه
التون تاورز ما حبيتها لان من كل لعبه ولعبه ساعة مشي
ما احب الاماكن الكبيره على غير سنع
مشي مشي مشي ما يخليك تشتهي تلعب
بس البليتشر بيتش الالعاب عند بعض والعاب حلوة وفيها اقدم قطار موت خشبي

وبوعبدالله تقول لي ٣ ساعات اعتقد ما فريتها كلها

وخلاص
اعتقد فشييييت خلقي الحين هههههه
يابو عبدالله لولا الاذواق لبارت السلع
انا معاك ان مانشستر احلى ولندن احلى واحلى
بس بلاكبول حلوة لا تهضم حقها بس وانت مفترها ٣ ساعات فقط
يعطيك العافية
نبييييي صور

ابو عبدالله · 08-09-2015, 01:57 AM

اقتباس : المشاركة الأصلية كتبت بواسطة AHMEDOOV

رايك يجب ان يحترم ولكن لاننكر الاجتهاد عند بعض الاشخاص لكن الحماس الزايد مشكله ،،
انا طالع ويندرمير في 23 سبتمبر و بتكون باااارده جدا ،، بما انك زرتها هل تنصحني بها في هذا الوقت لان بجلس فيها يومين بحول الله قبل السفر من مطار مانشستر ،،

و شاكرين لك تعقيبك على بلاك بول

Sent from my iPhone using Tapatalk

حياك الله ... فعلا الحماس الزايد مشكلة وانا اخاف اني اثرت حفيظة عشاق بلاكبول ...
ويندرمير اذا انت من اللي يحبون الطبيعة وراعي كشتات ومشي فعز الله انك تبي تنبسط مررره ... وبالنسبة للبرد فانا يوم اروح الاسبوع الماضي كان جوها حلو مره ولابسين صيفي ... بتنبسط من المناظر ومن الريحه والهواء المنعش ...بس الله يرزقكم جوا حلو ومايكون هوا .. واذا انت متردد تروح او لا فهي ترا مشوار ساعه ونص تقريبا بالسيارة من مانشستر وفيها محطة قطارات ( تروح اول النهار وترجع اخره ) بس انصح يكون معك سيارة لانها ماتصلح بدون سيارة عشان تتمشى زين وتوقف بالطريق لان فيه اماكن كثيرة تستحق التوقف لوجود اطلالات رائعه وجدا مميزة وان كان يعيب الطرق هنا عدم وجود مواقف عند هذه الاماكن بس مجرد انك تقفل القارمن هناك وتمشي بلا وجهة محددة هو نعيم واحساس جدا حلو فالجمال لايفارقك مقرونا بالنظافة ... انا رحت تمشيت بدون احداثيات او توصيات وعقدت النية على العودة لها لوحدها - بس ترا لازلت اؤكد ان المنطقة ريفية يعني من الساعه خمس العصر( قبل المغرب بثلاث ساعات يمكن ) يبدون يقفلون محلاتهم ...المنطقه جميله مررره ( بالنسبة لي من جنان الارض ) وحسافه اللي يروح قريب منها مايمر عليها

اقتباس : المشاركة الأصلية كتبت بواسطة توبليرون

ماراح اتكلم
واللي تحت وشو !!
بس بقول لولا الأذواق لبارت السلع
- اكيد وانا قايل انه رأي شخصي لي
بلاكبول حلوووووة وتشرح الصدر
وغير الشارع الرئيسي اللي فيها
ومدينة ملاهي بليتشر بيتش
هناك حديقة ستانلي والبحيرة اللي فيها
- بالنسبة لي ماراح اضيع يوم من ( 14 ) يوم هي برنامج اكثر المسافرين لبريطانيا عشان حديقة في اقصاها ، والملاهي صار نفس ستايل اكثر المدن الساحليه في بريطانيا ..
هذا موقع كونسيل بلاكبول وفيه عن الحديقة
https://www.blackpool.gov.uk/Residen...spx#ad-image-0
مافيه شي ( وااااو ) يستاهل العنوه
وهناك البرج
انا اعتبر بلاكبول مدينة الترفيه للعائلة
- اكثر الترفيه الموجود في الشارع الرئيسي حقهم موجود بلندن وعند بعض بعد مثل ( الاكواريوم ومدام توسو ودنجوان ) ولندن احسن باشياء ثانيه زياده عليهم غير اني اتوقع فروع لندن افضل واكبر
رحت لها ٣ مرات حبيتها واذا عندي فلوس اشتري بيت فيها
- الله يهنيكم ويسعدكم ويرزقكم ماتمنيتوا ،الواحد وش يبي في هالدنيا الا انه يكون مبسوط في المكان اللي يحب مع الناس اللي هو يحب ...
الأسواق رحت للسوق مره وحدة بس
- اسواقهم عادية ومانشيستر احلى الف مره
باجي المرات خلاص نكتفي باسواق لندن ومانشستر
بلاكبول للترفيه
التون تاورز ما حبيتها لان من كل لعبه ولعبه ساعة مشي
ما احب الاماكن الكبيره على غير سنع
مشي مشي مشي ما يخليك تشتهي تلعب
بس البليتشر بيتش الالعاب عند بعض والعاب حلوة وفيها اقدم قطار موت خشبي

وبوعبدالله تقول لي ٣ ساعات اعتقد ما فريتها كلها
- احنا ضاق خلقنا منها
خصوصا ريحة الخيول طالعه ومسويه جو والالعاب اغلبها عاديه وموجوده بقرية قريبة من عندنا اسمها كلاكتون ومافيها شي مميز والوقت جالس يمشي بدون متعه تذكر بالنسبة لنا على الاقل ( والا المنطقه مليانه ناس ) وطلعنا للبحيرات وزاد الطين بله لان تحسفنا حتى على الـ 3 ساعات اللي قضيناها في بلاكبول
وخلاص
اعتقد فشييييت خلقي الحين هههههه
وانا اخذت راحتي بعد
يابو عبدالله لولا الاذواق لبارت السلع
انا معاك ان مانشستر احلى ولندن احلى واحلى
- انا لو احد بيقول لي اترك لندن واجي لمانشستر بقول له لا صعبه المقارنه مررره فكيف لو بيقول لي اترك لندن واجي بلاكبول ... لندن تخرب اللي بعدها الا البحيرات ولها ناسها طبعا
بس بلاكبول حلوة لا تهضم حقها بس وانت مفترها ٣ ساعات فقط
- ماهضمتها حقها بالعكس انا اطلبها 3 ساعات وساعتين مشوار الروحه والرجعه يعني 5 ساعات لو كانت في البحيرات او مانشستر كانت احسن بس الحلو في الموضوع بالنسبة لنا انها سقطت من الخريطه عندنا وبنوسع لكم فيها
يعطيك العافية
نبييييي صور

ان شاء الله بحط صور ولعلي القى صور لكلاكتون بعد

الف شكر لجميل حضوركم ومشاركتكم ... واعتذر كاني زودتها شوي
بس الموضوع ماخذ طابع هجوم ودفاع بس بشكل ودي

توبليرون · 08-09-2015, 02:33 AM

اقتباس : المشاركة الأصلية كتبت بواسطة ابو عبدالله

الف شكر لجميل حضوركم ومشاركتكم ... واعتذر كاني زودتها شوي
بس الموضوع ماخذ طابع هجوم ودفاع بس بشكل ودي

الحمدلله انه بشكل ودي
مثل ما ذكرت لك لندن لا يعلى عليها
وتصدق وايد يروحون لندن يقولون شنو يعجبكم فيها
يا اخوي مثل ما قلت لك لولا الاذواق لبارت السلع
انا لو توديني بر بدون اي ترفيه بس قعده وسوالف
يمكن تكون عندي وناسه حدها على حسب الناس اللي معاك
وعلى حسب نفسية الشخص بذاك الوقت

واحنا بانتظار كل ما تكتب عن بريطانيا ككل
بس متعنا بالصور
وعلى فكرة فيديوات السناب والصور روووعه
وربي يحفظ عبود واخته ويوفقكم بالبعثة