ناويين نسافر لندن اول فبراير لأول مرة ونبي مساعدتكم - الصفحة 3

شاميستاك · 13-01-2015, 09:27 PM

قطر 911
ماااقصرت وجزاك الله كل خير واعطاك الصحة والعافية ياارب

كل المعلومات الي خبرتني فيها فادتني كثير وبتفيد غيري

وباذن الله ولا يهمكم بسويلكم تقرير من أروع التقارير وهذا واجبي
وحاليا جالسة ارتب واجهز للسفرة ويارب تتسهل

بخصوص الفيزا لبريطانيا انا عمانية من السلطنة ولما دخلت الموقع عرفت انه ممكن اقدم للفيزا الالكترونية قبل سفري عالاقل ب 48 ساعة واسم الفيزا electronic visa waiver
EVW
وباذن الله رح اسويهم اون لاين بعد حجز التذاكر لان محتارين بين الطيران القطري والعماني والفندق بشكل مؤكد لان بعد محتارين كالعادة

عذايب قطر

متى ناويين السفر الحين ولا بالصيف ؟

ربي يوفقكم ويسهل سفرتكم

وجهات أوروبية · 13-01-2015, 09:47 PM

ويجزاج بمثله ان شاء الله
والله يعافيج
والله ونعم بأهل عمان كلهم منوره الله يسلمج
الحمدلله انها تفيدج وتفيد الجميع ان شاء الله ربي يكتب لج ولنا الاجر

ههههههههه ايوه هذا الكلام منتظرين التقرير بأحر من الجمر

صح كلامج بخصوص الفيزا
بس ارجو التدقيق في هالموضوع وهالملاحظه
قبل السفر 48 ساعه وليس يومين
صحيح 48 يومين
لكن المطلوب قبل الرحله بـــ 48 ساعه

يعني مب ان تسوين الفيزا بالليل وسفرتج بعد بكره الصبح
يكون الوقت كذا اقل من من 48 ساعه عن وقت الرحله

واذا عندج استفسارات اكثر عن الفيزا ترى الاخوان كلهم مايقصرون راح يساعدونج بقسم التأشيرات
واخص بالذكر مشرفنا الغالي الغردقاوي

استفسارات فيزا بريطانيا UK VISA

تأكدي من بياناتكم الشخصيه صحيحه بدون اخطاء
وحجز الطياره ورقم الرحله لازم صحيح
والفندق لازم يكون حجز صحيح
يعني لازم تتأكدين من المعلومات كلها

بخصوص الفنادق ليش ماحجزتو مترددين بشنو عشان اقدر اساعدج !!!

بالنسبه للطيران شوفو الارخص لكم واستخيري
وشوفي خيارات الدايركت والترانزيت يعني كل ها الاشياء
و ممكن تعطينا تاريخ السفر نشوف خيارات الاسعار

عذايب قطر · 14-01-2015, 08:29 AM

هلا وغلا اختي ( شاميستاك ) وهلا بأهل عمان والسلطنة
اختي ان شاءالله بعد اسبوع جيه السفر انا احب اسافر أوروبا في البرد والثلج بس لندن قليل فيها تساقط الثلوج
هو تغيير يعني بس اخاف من زحمة العرب والخليجين لانه ما يخلون أحد في حالة
واختي انبهج ع حاجة لا تردون ع اي عربي او اجنبي سألكم اي حاجة وانتي ماشين، لانه مالهم أمان
احنا في فيينا صار معانا موقف وماراح انساه من الخوف والله واظن قلت من قبل حق اخونا قطر 911 وهو مايقصر كان معانا طوال السفرة
يعني اي حاجة احنا في الخدمة وان شاءالله اشوفج
هههههه دامج بتسافرون ان شاءالله اول شهر فبراير عيل بنلتقي
وانا وزوجي بعد أول مره بنسافر لندن الني رايحه من قبل بس من زمان أيام العزوبية

احنا حجزنا في فندق كيمبرلاند وطيران الاماراتية والطيران من دبي كالعادة

تحياتي لكم
عذايب قطر

وجهات أوروبية · 15-01-2015, 09:08 PM

حاضرين اختي عذايب
انا ملازم لكم في سفراتكم هههه

تروحون وترجعون بالسلامه ان شاء الله

تحيااااااااااتي

شاميستاك · 16-01-2015, 10:47 PM

عذايب قطر

هههه ان شاء الله نتقابل الله يوفقكم ويارب تستانسوون
قطر 911

الطيرلن القطري طلع ارخص طيران بين خطوط الطيران وطبعا ماعليه كلام .. مارحت فيه قبل بس الكل يمدحه

بالنسبة للفنادق
لما قريت الريفيوز تبع الهيلتون في موقع بوكينج فهمت ان الاثاث قديم والغرف ضيقة
ولما بحثت اكثر شفت ان فيه شقق فندقية اوسع من الفنادق و ارخص من الهيلتون والريفيوز حلوو بس هي تبعد عن سنتر لندن ب 2 كيلو متر كذا او 3 كيلو متر ولاقيت بعد فنادق حلوة بس مو قريبة من الاكسفورد والهايد بارك والاجور رود .. يعني بالباص مسافة 10 دقايق كذا لتوصل هالاماكن

الحيييين ابي اعرف هل عادي نسكن بعيد اشوي ونعتمد عالباص ولا احسن ووسط هالاماكن الي نقدر نروح لهم مشي مثل الهيلتون والماربل ارتش والثيسل ماربل ارتش ..

من فضلكم .. اذا عارفين فنادق او شقق فندقية ممتازة واهم شي امان ونظافة ومجربة ... خبروني اساميها اذا ماعليكم امر .. اعتذر لازعاجكم ..

شاميستاك · 16-01-2015, 10:58 PM

قطر 911

بالنسبة للفيزا ايه قريت ان اي خطأ في البيانات او الاسماء او الحروف .. ممكن يرجعونا وماندخل بريطانيا .. عاد انا شايلة هم الفشلة اذا رجعنا اكثر من كنسلة الرحلة
لكذا براجع المعلومات الف مرة وخاصة اني انا الي بسوي الفيز
بس جد مريحة وريحتنا من مشوار السفر لمسقط لعمل الفيزا

وجهات أوروبية · 17-01-2015, 12:51 AM

اقتباس : المشاركة الأصلية كتبت بواسطة شاميستاك

عذايب قطر

هههه ان شاء الله نتقابل الله يوفقكم ويارب تستانسوون
قطر 911

الطيرلن القطري طلع ارخص طيران بين خطوط الطيران وطبعا ماعليه كلام .. مارحت فيه قبل بس الكل يمدحه

اي اختي الطيران القطري حلو اذا ارخص توكلو على الله
ترا من مسقط ارخص من عندنا احنا دبل عليكم هههه
اعرف واحد قطري يحجز بزنس دوحه مسقط ويرجع الدوحه تنرازيت وبعدها اوروبا صج تب لكن مرات يحصلها بفرق نص السعر اقل ههههه

بالنسبة للفنادق
لما قريت الريفيوز تبع الهيلتون في موقع بوكينج فهمت ان الاثاث قديم والغرف ضيقة
ولما بحثت اكثر شفت ان فيه شقق فندقية اوسع من الفنادق و ارخص من الهيلتون والريفيوز حلوو بس هي تبعد عن سنتر لندن ب 2 كيلو متر كذا او 3 كيلو متر ولاقيت بعد فنادق حلوة بس مو قريبة من الاكسفورد والهايد بارك والاجور رود .. يعني بالباص مسافة 10 دقايق كذا لتوصل هالاماكن

اي الهلتون عمارتين جنب بعض القديمه والجديده
القديمه الغرف صغار والاثاث قديم
والجديده السنه الى راحت سكنت فيه بصراحه روعه روعه
برسل لج على الخاص رقم تتصلين فيه بلندن
وبقولج شنو اتقولين له بالضبط

بخصوص الشقق الي تقولين عنها اتوقع حصلتيها في منطقه مدينه لندن west of london او المنطقه الي جنبها West India Quay هالمنطقه سكنيه بحته كلها ابراج والمكان هادي ونظيف وهادي معظم السكن هناك شقق فندقيه منها شقق الماريوت
بس الناس ماتسكن كثير هناك لان مافي شي جنبكم
ومسافه لين توصولون لين اكسفورد والماربل ارش
يعني بالتاكسي تقريبا 20 دقيقه لين اكسفورد تقريبا
اذا ماعندج مشكله بالمشاوير احجزي هناك بعطيج مثلا شقق شوفي الاسعار حلوه

1- Marlin Apartments Canary Wharf

Booking.com: ط´ظ‚ظ‚ Marlin Apart Canary Wharf - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط©

2- Circus Apartments By BridgeStreet

Booking.com: ط´ظ‚ظ‚ Circus By Bridgestreet - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط©

3- شقق بريميير لندن

Booking.com: ط´ظ‚ظ‚ ط¨ط±ظٹظ…ظٹظٹط± ظ„ظ†ط¯ظ† - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط©

وفي كثير غيرهم وفنادق راقيه في انديا كي
مكانها على الخريطه بالنسبه شارع اكسفورد وماربل ارش ولندن اي وبغ بن

العاب

الحيييين ابي اعرف هل عادي نسكن بعيد اشوي ونعتمد عالباص ولا احسن ووسط هالاماكن الي نقدر نروح لهم مشي مثل الهيلتون والماربل ارتش والثيسل ماربل ارتش ..

هذا يرجع لكم ولرغبتكم في ناس تفضل تسكن قريب من كلشي يكون جنبها
وفي ناس ماعندهم مشكله بالمشاوير اهم شي سكن نظيف وهدوء وسعر حلو

من فضلكم .. اذا عارفين فنادق او شقق فندقية ممتازة واهم شي امان ونظافة ومجربة ... خبروني اساميها اذا ماعليكم امر .. اعتذر لازعاجكم ..

اي اختي
في ثلاث شقق بالمايفير
ثنتين يمكن اسعارهم تكون عاليه اشوي
والثالثه سعرها اعتقد معقول

1- شقق غراند ريزيدنسيس باي ماريوت

Booking.com: ط´ظ‚ظ‚ ظپظ†ط¯ظ‚ظٹط© 47 ط¨ط§ط±ظƒ ط³طھط±ظٹطھ - ط؛ط±ط§ظ†ط¯ ط±ظٹط²ظٹط¯ظ†ط³ظٹط³ ط¨ط§ظٹ ظ…ط§ط±ظٹظˆطھ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط©

2- آسكوت مايفير لندن

Booking.com: ط´ظ‚ظ‚ ط¢ط³ظƒظˆطھ ظ…ط§ظٹظپظٹط± ظ„ظ†ط¯ظ† - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط©

الثالثه ارخص منهم تابعه لكلاريدج في المايفير
اذا تبغينها ممكن اجيب لج رقم المؤجر

اما اذا تبغين شقق ارخص موجوده ومعظمها تتأجر من الاخوان العرب الغنيين عن التعريف هههههه

يعني في شقه في اجور رود اسمها Forset Court
ويسمونها ومعروفه هناك اسمها عماره البيانو
ممتازه جدا وفيها سيكورتي 24 ساعه
بس تتأجر عن طريق الجماعه في لندن
او بعض المكاتب في النت ممواقع حجز شقق في لندن

Forset Court, W2, London property for rent

الرد فوق باللون الاحمر

الحين شوفي هالمشاركه وفكري لين نوصل ونشوف رغبتج
عقب نقدر نختار شقق ونقارن بسهوله

وجهات أوروبية · 17-01-2015, 12:58 AM

اقتباس : المشاركة الأصلية كتبت بواسطة شاميستاك

قطر 911

بالنسبة للفيزا ايه قريت ان اي خطأ في البيانات او الاسماء او الحروف .. ممكن يرجعونا وماندخل بريطانيا .. عاد انا شايلة هم الفشلة اذا رجعنا اكثر من كنسلة الرحلة
لكذا براجع المعلومات الف مرة وخاصة اني انا الي بسوي الفيز
بس جد مريحة وريحتنا من مشوار السفر لمسقط لعمل الفيزا

اي اختي لازم تكون بياناتج دقيقه وصحيحه
الاسم نفسه بالجواز
التذاكر ورقم الرحله والوقت والترايخ لازم بالضبط
والفندق وكل البيانات الثانيه

اي اكيد هو اريح بوايد بس اهم شي الدقه

اما بالنسبه للي يتردد على لندن كثير للحين موجوده الطريقه القديمه ويعطون من 6 شهور الى 10 سنوات

بالتوفييق ان شاء الله

شاميستاك · 17-01-2015, 07:30 PM

قطر 911

قريت الرد وتمعنت فييييييييه وماشاء الله حسيت انك عايش بلندن

وحبيت اننا نسكن الهيلتون .. حسيت له مميزات الموقع البيرفكت وسعره معقول واذا انضافت جودة المكان يكون ممتاز

.. هل ارسل لهم في بوكينج رسالة طلب اسكن في المبنى الجديد ؟

وجهات أوروبية · 17-01-2015, 07:49 PM

اقتباس : المشاركة الأصلية كتبت بواسطة شاميستاك

قطر 911

قريت الرد وتمعنت فييييييييه وماشاء الله حسيت انك عايش بلندن

وحبيت اننا نسكن الهيلتون .. حسيت له مميزات الموقع البيرفكت وسعره معقول واذا انضافت جودة المكان يكون ممتاز

.. هل ارسل لهم في بوكينج رسالة طلب اسكن في المبنى الجديد ؟

جعلج تسلمين ههههه
لا ماعشت فيها ولا درست بس اتردد لها
وان شاء الله حاليا قاعد اجهز تقرير كبير عن لندن
الله العلم متى يجهز

اي الهلتون حلو بس نفس ماقلت لج اي مبنى يعطونكم ماراح ترتاحون

انا عندي حلين

اليوم برسل لج رقم الي بلندن وانا بكلمه وبسأله عن المتوفر عنده
هو باكستاني وعنده مكتب
ونتعامل معاه كثيررر
ياخذ غرف كثيره من الفنادق ويدفع لهم بسعر مميز وهو يعيد تأجيرها

والسنه الي راحت في وحده هناك بعد تعاملت معاها هي الي عطتني الغرفه المميزه بسعر مميز ولا خذت فلوس مني الا اخر يوم
حتى الرجال ماراح ياخذ فلوس منج الا لين تسكنين وبعدها بكم يوم تعطينه ناس مضمونه ان شاء الله

لاتكلمين البوكينغ ولا تحجزين
لان بوكينغ دورهم فقط يخاطبون الفندق لكن ليس بالضروره انهم يجبرون الفندق يعطونج بالبرج الثاني
فقط يخبرونهم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لأول مرة نسافر الى اوروبا .. مساعدتكم في بعض الاستفسارات	حسام الفهد	البوابة السياحية	6	21-06-2015 03:12 AM
نسافر معكم من جديد	obaid1970	أخبار واعلانات الأعضاء	17	04-06-2015 10:41 PM
3 شباب ناويين على اندونيسيا	the patriot	بوابة اندونيسيا	10	27-05-2015 02:54 AM
محتارين وين نسافر!	Leen	البوابة السياحية	19	08-03-2015 07:40 PM
لأول مرة	أبو عبدالعزيز	بوابة اندونيسيا	5	12-02-2015 03:28 PM