أصعب .. أطرف ... موقف لك في مطار !!

أم ريمه · 15-09-2015, 03:23 PM

اقتباس : المشاركة الأصلية كتبت بواسطة توبليرون

هههههههه يا حلو هالمواقف طبعا مو بوقتها الا بعد فتره تصير
ذكرى حلوة
أكره موقف عندي لما كنا في مطار دبي
رايحين مبجر وقصينا البوردينق وعطونا رقم البوابه وهي اول بوابه ١٠١
على اليمين رحنا وقعدنا وتمشينا والعالم مافي احد ابد لا موظفين ولا شاشات مفتوحة
ورجعنا بعد ما تعشينا ونفس الشي
والناس قاعدين بره
والموظفين مافي احد ومابقى شي على الاقلاع وما فتحوا البوابه
قالو العيال بنشوف الشاشات
ومافي شي
وراح اسئلوا كاونتر والا يقولون لهم البوابه رقم ١٣٤
ويت بنتي وقالت يلا ترى مغيرين البوابه
ورحنا وانا عصبت من اول بوابه لآخر بوابه شيمشيني هالطريج
العيال راحواا وانا ووحده من البنات نمشي
وكل ما اوقف واحد من عربات الغولف ما يركبنا بس تلاقي عندهم هنود
وبالغصب وقفت واحد مو راضي يوقف بس معاه بعد موظف وقف لي
وقال اي بوابه وانا اتحلطم شنو هذا ليش ما يعلنون عن التغيير وليش وليش
ووشفت ولدي راجع لنا قلت حق الريال وووقف اركب يمه خخخخ
ووصلنا وانا ادخل البوابه ومعصبه عليهم
والناس تطالعني
المهم دخلونا الممر للطياره والا طلع باص
والله وكيلكم يمشي فينا الباص يمكن ربع ساعه ويوصلنا للطيارة وهي تدرون وين قريبه من البوابه ١٠١
وانا طبعا مو ساكته اتحلطم ليش وليش ولااا بعد مرجعينا كل هالمسافه ليش ما دخلونا الباص من هني خخخخخ
علشان جذيه ما احب المطارات الكبيره
يعطيكم العافيه

والله غلطانين يخلونج تمشين الشرهه عليهم ما عرفوج هههههههههههههههههه

مثلج انا لكني ما احب المطارات الكبيرة و لو ان كل ما كبر المطار كبرت السوق الحرة فيه

بس مرات اكون رايحة المطار مواصلة من غير نوم او تنرازيت و تلقين يشحطونج ابعد بوابة في آخر العالم
كثير صادفتني هالحركة بمطار قطر الجديد

شكرا على طرح موقفج
و ننتظر مواقف ثانية بعد

توبليرون و ابو حسن 9 معجبون بهذا.

توبليرون · 11-10-2015, 02:05 PM

اقتباس : المشاركة الأصلية كتبت بواسطة أم ريمه

والله غلطانين يخلونج تمشين الشرهه عليهم ما عرفوج هههههههههههههههههه.

اي غصبا عليهم يعبروني لأني بفضحهم بالمنتدى
والله حق الهنود ربعهم يمشونهم واحنا لآ

مثلج انا لكني ما احب المطارات الكبيرة و لو ان كل ما كبر المطار كبرت السوق الحرة فيه

ما تهمني السوق الحرة ....يا حلو المطار الصغير من الشارع للطيارة ....شوفي فرنسا والمانيا ...والله كل مجموعة طيران لهم تيرمنال خاص صغير...والأسواق موجودة ...انا رايحة مسافرة بتسوق هناك وراجعة متسوقة وخالصة شبي بالسوق الحرة بعد

بس مرات اكون رايحة المطار مواصلة من غير نوم او تنرازيت و تلقين يشحطونج ابعد بوابة في آخر العالم
كثير صادفتني هالحركة بمطار قطر الجديد

شكرا على طرح موقفج
و ننتظر مواقف ثانية بعد

اي والله شحططة ولا لما تكونين رايحة اول وحدة المطار والبوابة
وما يبلغونج بالتغيير ودي جذيه

ابو حسن 9معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~~ تلك هي البرازيل .. ما أصعب وداعها والرحيل .. ~~	dam10	بوابة امريكا اللاتينية	117	26-02-2020 02:13 PM
موقف طريف فى السفر .. كلما طريته ضحكت !!!	أبوعبدالله (الاسفار )	البوابة العامة	150	31-07-2018 04:16 PM
مطار المدينة المنورة الجديد ( مطار الامير محمد بن عبد العزيز)	نديم الصبر	بوابة الحرمين الشريفين	17	27-05-2016 08:52 PM
يا جماعه انحطيت في موقف ومتحيير ابي مساعدتكم	حسين شبيب	بوابة النمسا	6	21-05-2015 11:32 PM
مسافر من أبو ظبي, أين أحصل على موقف للسيارة؟	أبو حسين	بوابة الامارات	6	08-05-2015 09:11 AM