مرحبا بالجميع وبصراحه انا ما ادري نسيت هل ذكرت هالسالفه بالمنتدى الاول قبل اغلاقه او لا
في صيف ٢٠١١ كنا مقررين السفر لسويسرا والمانيا بحمد الله
كانت من الرحلات الجميله اللي ننتظرها واجتهدت كثير بالتقصي عن كل شي طبعاً من خلال المنتدى الجميل العرب المسافرون الله يذكرهم بالخير بعض الاعضاء لازال موجود والباقي الله يحفظهم
المهم كان موعد الرحله الاربعاء والوصول فرانكفورت
زوجي جاب التذاكر والحجوزات وقالي الموعد الخميس
اول مره ما افتح التذاكر واشوف الموعد والوقت الخ
اعتمدت على كلامه
وصحينا صباح الخميس وتوجهنا لمطار الملك خالد
والامور عاديه على اساس الاقلاع ١٢ الظهر
للآن اقول وش هالبرود اللي جاني ما قعدت اشوف التذاكر واحورف فيها ... عادمدري وش احورف ذي المهم مشوها لي
جلسنا بالانتظار والشنط بالسير عشان التحميل هههه
تأخرزوجي وكان معي بنتي الصغيره الاحقها اخاف تضيع
رحت لمه قال ارجعي شوي واجي
تأخرنا
بعدين جاء وقال يلا يلا رحلتنا على جنيف
قلت ايش جنيف هذي انت غلطان حنا على فرانكفورت قال
الرحله طلعت امس وفاتتنا
وموظف الكاونتر قال عادي جنيف اختها وقريبه منها روحوا لها وخذوا قطار لفرانكفورت وخلاص / اشوا انها اختها مو توأمها
انا هنا لا استطيع شرح وضعي واطفالي وحالة الذهول التي اعترتني - لغه عربيه
قلت يا ابن الحلال لازم نعرف كم تبعد وكيف ننتقل وووو الخ
قال يلا يلا يلا -- هنا صرنا طاش ماطاش
وش اللي يلا يلا
قال الرحله باقي نص ساعه وتقفل مافيه وقت
قسم بالله كأنه حلم
ركبنا ذيك الطياره الصغنونه ونصها فاضي اكيد الناس سافرا للتوأم
وان اهوجس شاللي صار وش هاللخبطه والخرابيط
الرحله امس وحنا تونا نجي اليوم
الفيزا المانيه وبننزل سويسرا
كم تبعد وكيف بيكون السكن وطريقة الانتقال وووووو
واللي زاد الطين بله اللي معنا بالطياره ما احد يفتحرالنفس
الطياره صغيره والمطبات الهوائيه قضت على ماتبقى من اعصابي
وصلنا ولله الحمد ووزعوا علينا تحذير من السرقات في جنيف للآن انذكر ذاك الموظف الناس تسأله وشو هذا وكذا وانا اقول وانا بوادي ثاني
والحمد لله عدينا الجوازات ماقال شي شاف الفيزا وسألنا كم يوم هنا وهناك الخ
طلعنا من المطار وش نسوي
اكمل لكم بعدين آسفه انشغلت