وياكم يا رب .

لو انا منكم استأجر سيارة مافيها كلام ..أوفر ..ولكم حرية التنقل بالوقت اللي تشوفوه مناسب لكم .
والسواقة أبدا لا تشيلون هم ..نفس اللي عندنا ..مافي اي اختلاف ..بس تعرفو كيف نظام المواقف ونظام الدفع بالبوابات في ايطاليا ...وستكر الخطوط السريعة في سويسرا ...وخلاص .
طلبات الاستئجار ..رخصة محلية + دولية + بطاقة فيزا ائتمانية .
وعندكم شركات كثيرة ومنها سيكست وهيرتز وبدجت ويوروب كار .



على العموم ..شبكة التنقل داخل المدن اللي راح تزوروها تراها قوية ..اما باصات او ترام او ميترو .
اما معلومة ان اليوريل باس ما يشمل التنقل الداخلي هذه انا اخذتها من مواقع اليورويل باس ...والعلم عند الله .
اذا مكتب السفر يضمن لكم هذه ..عاد فيها كلام ثاني ..لكن بصراحة انا ما جربتها .

============

بالنسبة لايجار السيارة ..شيكت على موقع سيكست لقيت السعر ب 2000 ريال تقريبا شامل اقل تغطية تأمينية .
لمدة عشرة ايام
استلام السيارة من لوقانو ..والتسليم في مطار زيورخ .


لو استلمتم السيارة من ميلان ورجعتوها في زيورخ ..السعر راح يزيد كثير ..لأن الاستلام والتسليم في دول مختلفة .
لكن تطلعو الى لوقانو ..تبعد 75 كم عن ميلان شمالا ..وتستأجرو السيارة ومنها الى سويسرا .


ادخلو على مواقع الايجار وحطو تواريخ سفركم والسيارة المناسبة وشوفو كم يطلع السعر معاكم .

وبالتوفيق