السلام عليكم اخواني واخواتي

ارجو مساعتي في برنامجي

بيكون انا وزوجتي وابنتي اقل من 5 سنوات

وصولنا سويسرا ن شاء الله بيكون في 25 سبتمبر الظهر ع مطار جنيف الساعه 11:30 ومنها باسلتم السيارة من المطار وبنذهب بها الى انترلكن لكن ماعندي الاحداثيات ولا ادري وين اروح هناك غير الفندق وسمعت بالسويس باس يمدحوها او الشورت باس طبعاً ودنا اكيد نروح اعلى قمة في اوربا واخر يومين بنذهب الى زيورخ وبنفس اليوم الي نوصل فيه زيورخ بنطلع من الصباح الى يورب بارك باللمانيا وبس نخلص بنرجع يعني بنفس اليوم وسمعت ان في اوتلت قريب من يورب بارك اسمه متزيغن ودنا نروحة وبعدها نرجع زيورخ عشان رجعتنا بتكون من مطار زيورخ يوم 30 سبتمبر الساعه 7 الصباح وسكنا قريب من المطار تقريبا خمس دقايق

طبعاً فندقنا في انترلكن Hotel Berghof Amaranth من تاريخ 25 - 28

وفندقنا في زيورخ Apart Hotel operated by Hilton من تاريخ 28 - 30

اتمنى ترتيب جدول لها لاني ماسويت فيها شي غير حجز السيارة والفنادق ولا اعرف فيها شي من احداثيات واماكن قريبة

ولكم جزيل الشكر

وعليكم السلام ورحمة الله وبركاته

جميع الاحداثيات في سويسرا بالاضافة الى اليورب بارك بتلقاها في هذا التقرير واختار مايناسبكم من اماكن سياحية

احداثيات ومواقع الاماكن السياحية في سويسرا وما حولها

بالنسبة لاحداثيات الفنادق

فندق انترلاكن Hotel Berghof Amaranth
N 46° 39.886 E 007° 51.382

وفندق زيورخ Apart Hotel operated by Hilton
N 47° 26.303 E 008° 34.418

بالنسبة لليورب بارك ممكن تزرونها من زيورخ وتبعد حوالي 180 كم تقريبا ساعه و 50 دقيقة

اما اوت لت ميتزيجين فما اعتقد عندكم وقت لزيارته
ويبعد عن زيورخ حوالي ساعتين واربعين دقيقة وما عتدكم سوى يومين في زيورخ اليوم الاول للوصول والثاني
لليورب بارك

وعليكم السلام ورحكة الله وبركاته

غمض عينك واسمع كلام أبو أحمد ولا يهون أخويا الخبير الرائع القطري وباقي اخواننا

من خبرتي المتواضعة

الأفضل تخرج من انترلاكن الصبح (7-8) ومباشرة الى يوروبا بارك 3 ساعات تقريبا ولما تخلص (رغم ان يوم واحد ما يكفي في نظري) ترجع زيورخ (ساعتين) ولا تنسى تبلغ الفندق بوقت وصولك لأنك ممكن توصل بعد 9 مساء

ثاني يوم من زيورخ روح شلالات الراين من الصباح الى الظهر والمسا خليك في مركز المدينة القديم اضافة الى شارع الباهنهوف ستراسه

انا خليت يوروبا بارك اول عشان ممكن لما توصل زيورخ تكسل شوي وما يصير عندك وقت وتاني يوم قبل السفر بتكون مشغول نوعا ما بالترتيب والتجهيز

بالنسبة لانترلاكن شوف هذا الموضوع انا استفدت منه
http://www.arabtrvl.com/vb/t1580.html

مرحبا اخوي MRK

ماقدر ازيد على الاخوان جزاهم الله خير كلهم كفو و وفو

انا فقط برتب لك الاماكن وبعطيك بعض الشرح وطرق الوصول
بحيث تروح الاماكن القريبه من بعض

اليوم الاول يوم الوصول : 25-9-2015
طبعا اكيد بترتاح اشوي بالفندق وماعرف وقت الوصول
حسب الوقت المتوفر عندك
ممكن تروح سنتر انتر لاكن

احداثيه السنتر
n 46° 41.100 e 007° 51.258

احداثيه المواقف للسنتر
n 46° 41.045 e 007° 51.451

مجمع صغير اسمه MIGROS فيه جمعيه ومحلات تجاريه
الاحداثيه
n 46° 40.920 e 007° 51.117

مطل هوم فلو Heimwehfluh
قريب من المجمع MIGROS

تقدر تصعد له بالسياره او التلفريك الارضي

1- بالسياره احداثيه المطل
n 46° 40.529 e 007° 51.012

2- بالتلفريك
n 46° 40.642 e 007° 51.071

وممكن تنزل بالزحليقه الصيفيه لتحت

ملاحظه:
في حاله ذهابك بالتلفريك
ممكن تشوف شباك التذاكر مغلق لكن بتشوف تلفريك لاصق بالجبل خشبي اركب فيه وسكر الباب واجلس فقط
راح يصعد من حاله وتدفع قيمه التذكره لما توصل فوق
لان يتحكمون بالتلفريك من فوق ويشوفونك بالكاميرا لما تصعد


اليوم الثاني :26-9-2015

الذهاب الى قمه Jungfraujoch الثلجيه
طبعا تصعد لها بالقطار
وبعطيك طريقتين

الطريقه الاولى :
الذهاب الى محطه قطارات Interlaken Ost
احداثيه مواقف المحطه
n 46° 41.398 e 007° 52.002

وتاخذ تذكره الى محطه Jungfraujoch
المده للوصول الى القمه 2:17
التوقف في محطتين :
المحطه الاولى Lauterbrunnen وهي اخر محطه تنزل منها
وبنفس التكره تركب بالقطار الثاني في الخط رقم 3 الي رايح للقمه
عقب هالمحطه بتوصل للمحطه الثانيه Kleine Scheidegg
ونفس القطار يتحرك ويروح للقمه

اوقات القطار :
كل نص ساعه يتحرك قطار

جدول الرحلات



الطريقه الثانيه :
اشوفها افضل لكسب الوقت
تطلع بالسياره الى قريه لوتيربرونين Lauterbrunnen
وهي نفس المحطه الاولى الي المفروض تغير القطار الى الخط رقم 3
وبعدها تكمل للقمه ومده الرحله 1:45

يوجد قطار يتحرك للقمه كل 45 دقيقه


جدول الرحلات





افضل هالطريقه بسبب ان سيارتك بتكون في مواقف قريه لوتيربرونين
وجنب هالقريه توجد شلال ستوخ باخ Staubbach waterfall
و شلالات تروميل باخ Truemmelbach

يعني بعد ماتنزل من القمه تاخذ سيارتك ومن قريب تروح للشلالات ويفضل تروح للقمه بدري عشان تلحق للشلالات


احداثيه مواقف محطه قطارات لوتيربرونين
n 46° 35.917 e 007° 54.517

شلال ستوخ باخ
n 46° 35.382 e 007° 54.344

شلال تروميل باخ
n 46° 34.334 e 007° 54.710


اليوم الثالث : 27-9-2015

الذهاب صباحا الى البحيره الزرقاء Blausee لصيد السمك
الاحداثيه
n 46° 32.044 e 007° 40.059

وبعدها العوده جهه انترلاكن الى قريه Brienz
وهي على نفس اسم بحيره انتر لاكن Brienzersee

احداثيه مواقف القريه
n 46° 45.259 e 008° 02.276

والباخره بنفس الاحداثيه الي فوق

احداثيه مواقف تأجير القوارب
N 46° 45.297 E 008° 02.402

او اذا تبغي توقف مره وحده ممكن تروح لها من مواقف الباخره مشي

القطار البخاري
نفس احداثيه مواقف تأجير القوارب

شلالات جس باخ Giessbach
الاحداثيه
n 46° 44.117 e 008° 01.457

اليوم الرابع : 28-9-2015

اعتقد هذا اليوم بتروح زيوريخ !!!!!!

لكن ممكن صباحا تزور قريه جرينوايلد Grindelwald

احداثيه المدينه
n 46° 37.465 e 008° 02.035
وبعدها التوجه لزيوريخ

توجد اماكن كثيره جميله غيرها في انترلاكن
وايضا بحيره وتلفريك جنب بحيره الزرقاء Blausee
لكن مدتك قليله في انتر لاكن
واذا عندك اماكن تفضلها اذكرها وانا راح اضيفها بالجدول

من بعد اخونا ومشرفنا الكبير أبو احمد الي استفدت من موضوعه الكثير لعمل الجدول
ولأني وعدت الاخ المساعده بترتيب رحلته في لندن وباريس وانترلاكن


تحياتي للجميع

الحمدلله على سلامتك

ياريت تخبرنا بتفاصيل رحلتك للاستفادة