السلام عليكم
للحين ماردو علي وش أسوي والموقع للحين كاتبين ننتظر معلومات رفعتها على موقعهم وارسلت لهم ولا في رد
و رحنا السفارة بالرياض قالو كل شي بالنت ماعندنا شي
سفرتنا قربت بديت اخاف انها ماتطلع كيف أتواصل معهم ما يردون على الايميل

لا تخافين بتطلع إن شاء الله لأنهم كاتبين تاخذ اقصى حد شهر
و أنتوا قدمتوا عليها قبل شهر فما عليكم خوف إن شاء الله

احنا قدمنا لأولادي قبل السفرة باسبوعين و باقي على
رحلتنا اسبوع بس!!

فاحتمال انها تتأخر و ما تطلع كبير جداً عشان كذا خايفة


الله يسهل علينا و عليكم والله يكتب اللي فيه الخير ❤

أنا خفت لأنهم مو كاتبين المعلومات وصلتهم ولا انهم يعالجون الطلب يعني شكلهم لسه
الله يسسهل وتطلع لنا كلنا ياارب الله يسعدك

مادام سويتوا اللي عليكم خلاص ننتظر قرارهم

و عادةً هم يحطون تاريخ السفر في البال

راح نرسل لهم ايميل اخير قبل يومين من موعد السفر

يعني لو سفركم 20 جولاي نرسل لهم 18 جولاي كتذكير

لذا اذا قرب موعد سفرك و هم ماردوا ذكريني

قواك الله أبو غسان إذا تقدر تساعدنا احنا موعد سفرنا 7 جولاي
يعني ثاني العيد و للحين ما ردوا !
هل ممكن تطلع قبل موعد السفرة ما بقى غير اسبوع!

و مشكور مقدما على تجاوبك معنا

ما تقصر يا أبو غسان مشكور على سعة بالك معانا

ألف الحمد لله و الشكر ابشركم طلعت الفيزا اليوم لأولادي بعد 9 أيام
من التقديم عقبالك يا Leen تبشرينا

شكرا لكم و للأخ أبو غسان لولا الله ثم أنتم و مساعدتكم لفقدنا الأمل


ألف شكر لله ثم لكم و بالتوفيق لأعضاء المنتدى

تسلم يا بو غسان ما تقصر بسعة بالك معانا

بإذن الله رايحين على خطوط الاتحاد إلى سيدني و جولد كوست
و إن شاء الله اكتب تجربتي خصوصا للي معاهم أطفال مضافين في جوازهم و حالات القلق اللي مرينا بها