رحلة الأحلام المتوسطيه في الكروز EPIC - الصفحة 7

أم ريمه · 28-09-2015, 03:57 PM

عليك بالعافية لندن و جوها
الله يبارك لك في سفرك و ييسر لك امرك و ترجع لنا بتقرير مميز

قصة حب · 29-09-2015, 09:39 AM

دائما احب ابدأ كلامي بــ
ما شاء الله تبارك الرحمن
وعليكم بألف عافيه انت واكيد المدام وياك

اشهالرحلة الخطيرة
اتهبل وتونس
لكني خوافه من البحر حدي رحلة بالقارب السريع نص يوم وارجع وقلبي يرقع والوجه مخطوف اصفر
لكن انام واقعد بالكروز بنص المحيط ما ادري البحر
لااااااااااااااااا مستحيل الف مرة

فكرنا فيها كثير انا وخواتي لكن لما نعرف ان فيها قمار وسوالف من هالنوع اللي ماتناسببنا كمسلمين
نخاف وايد
ونتخيل ان الله بيسخط فيهم بنص البحر ونروح احنا معاهم بشربة ميه
هههههههههههههه اشرايكم بخيالي الواسع وافلامي الهندية ؟!!!!

انا مع بو اشرف
ما ادري ليش حسيت بضيق بالممرات يمكن من الخوف !!

ما شاء الله تتهنون يارب

وربي يوسع لك في رزقك وتتحفنا برحلات جميلة من هالنوع

لما قلت 8500 كويتي
قلبي وقف وسكت من الصدمة
هذه قيمه سيارة

لكن ام حسين يات وانقذت الموقف وطلع السعر هين ومقدور عليه ان شاء الله

الله يسعدكم وين ما كنتوا
والله الدول اللي سطرتها على قائمة الانتظار للسنة القادمة اكثرت
ما ادري وين الله يودينا حزتها ان كنا من العايشين

عيدكم مبارك وكل عام والجميع بخير ،،

تحياتي واشواقي من الكويت
متابعين ومستانسين وايد
تقرير فاخر من الطراز الجميل والراقي

وجهات أوروبية · 07-10-2015, 09:05 AM

اقتباس : المشاركة الأصلية كتبت بواسطة توبليرون

عيل معلمة الرياضيات غلبتك هالمرة يابو سعد

ان شاءالله مافي استفسارات ربي يبارك فيك التقرير كافي ووافي

خل نعزم على الروحة وافتح الاستفسارات بعدين
شكراااا جزيلا يا الوافي

ياهلا ومرحبا ام حسين
وان شاء الله يعجبكم التقرير الى نهايته
الا لازم تعزمين لاتفوتج صدقيني بتغيرين جو صح وبترجعين فرش
وتجربه جديده وحلوه
العفوووووووو يا ام حسين

اقتباس : المشاركة الأصلية كتبت بواسطة ابو عبدالله

بتنور يا ابو سعد ... عاد الجو محلو زود ...

انا اخبر الريال القطري نفس السعودي تقريبا ويوم قلت 8500 دينار كويتي دخلني الماء ... بس قلت اسكت ياولد ...اكيد انها حسبة مدير بنك على مايقولون
موفق ابو سعد

ياهلا ومرحبا مميزنا
رجعت من يومين بس السيستم عندي خربان ومعتفس
اي صح عليك فرق بسيط بين الريال السعودي والقطري
وانا خربطت في الحسبه اشوي
انا اعرف حسبه الدينار من زمان ان تقريبا يساوي 13 ريال قطري
بس جاتني ام الديفان هالمره هههههههه
وياك يا الغالي اسعدني مرورك

اقتباس : المشاركة الأصلية كتبت بواسطة MOBARKI

تقرير جبار من العيار الثقيل

صدق الكروز مدينه متنقله

مدري وش اقول وايش اخلي

بصراحة كل شي تحفة شارع الرامبلا

والكروز

خذ راحتك على الاخر ناطرينك يابو سعد

ياهلا ومرحبا الغالي
حياالله مباركي منووور
مرورك يزيد التقرير حلاوته
اي والله شارع الرامبلا وحتى الشوارع الداخليه له روعه حق التمشي
والي عجبني اكثر ان محلات كثيره ماتشوفها بمكان ثاني يعني غريبه وغير مكرره
وعجبني محل الهنود الحمر وبعض المحلات الثانيه
تابعني وفالك طيب يا غالي

اقتباس : المشاركة الأصلية كتبت بواسطة هداوه

ماشاءالله تبارك الله شو هالزين يابوسعد

ماشاءالله عليك طلعت أحسن عني انا سافرت قبلك وانته نزل تقريرك قبلي

والصدفه انه أنا وانته خططنا نغامر ونجرب رحلات الكروز

والفضل لك في مساعدتك لي لما كنت أدور معلومات وحايسه

ماقصرت ويايي جزاك الله الف خير

تصدق وانا أقرأ تقريرك سبحان الله في وايد أشياء قلتها نفس رأيي

أو نفس تعليقاتي اللي أقولها يوم أخبر أهلي عن الكروز

يعني أنا وانته تقريبا اتفقنا ع رأي واحد وهذا بيعزز كلامنا وبيعطي الثقه للناس انها تجرب الكروز

متابعين معاك

ننتظر التكمله والله يردك بألف سلامه

وأنا عندي سفره قصيره شراتك

ومن أرجع ببدأ في التقرير ان شاءالله

ياهلا ومرحبا ام عيسى ملكه التقارير
اي احسن انزل التقرير قبلك ههههههه
لان لو نزلتي التقرير قبلي ماقدر انزله من بعدج بكون محروق من البدايه
وانتي معروفه بتقاريرج المميزه

ومنتظرين تقريرج و اكيد راح يكون جميل نفس تقاريرج السابقه

تحياتي

اقتباس : المشاركة الأصلية كتبت بواسطة أم ريمه

لا تلخبط يا بو سعد
ركز ترى كلنا معتمدين على معلوماتك

شجعنا

بالتوفيق في بقية التقرير

ياهلا ومرحبا ام ريمه
ابشري والله تامرين امر
ماراح الخبط ان شاء الله
وراح اوضح كلشي بققدر المستطاع
وباقي التفاصيل الدقيقه راح انزلها بالموضوع الاخر والمعلومات كلها موجوده بمخي محتفط فيها ههههه
واي معلومه تبغينها ان شاء الله راح افيدج بها
حتى لو عزمتي ان شاء الله
وقت الحجز بكون معاج اول بأول واساعدج فيه

تحياتي

وجهات أوروبية · 07-10-2015, 09:28 AM

اقتباس : المشاركة الأصلية كتبت بواسطة توبليرون

ناطرينك يابو سعد
وأكيد ما راح نلاقي أفضل من تفاصيلك عن الكروز
استمتع بوقتك بلندن وبعدين ارجع هني

اقتباس : المشاركة الأصلية كتبت بواسطة أم ريمه

عليك بالعافية لندن و جوها
الله يبارك لك في سفرك و ييسر لك امرك و ترجع لنا بتقرير مميز

ياهلا ومرحبا ام حسين وام ريمه
الله يسلمكم من الشر ان شاء الله
الحمدلله من يومين رجعت من لندن واستمتعت وايد
وانا في لندن اكلم الشباب الي اعرفهم هناك اقول لهم مليت خلاص بتكون اخر سفره لي هالسنه ابي استقر اشوي
من شعر 4 ماجلست مكان
رجعت من يومين والحين خاطري اسافر هههههههههههه
الحمدلله استمتعت في لندن والاجواء كانت رهيبه

اقتباس : المشاركة الأصلية كتبت بواسطة قصة حب

دائما احب ابدأ كلامي بــ
ما شاء الله تبارك الرحمن
وعليكم بألف عافيه انت واكيد المدام وياك

ياهلا ومرحبا اختي قصه حبه منوره التقرير

الله يعافيج يااارب اي معاي ههههههه

اشهالرحلة الخطيرة
اتهبل وتونس
لكني خوافه من البحر حدي رحلة بالقارب السريع نص يوم وارجع وقلبي يرقع والوجه مخطوف اصفر
لكن انام واقعد بالكروز بنص المحيط ما ادري البحر
لااااااااااااااااا مستحيل الف مرة

لا تخافين من الكروز الرحله جدا ممتعه وماتخوف وماخذين كل وسائل الامان والراحه
واصلا ماتحسين انج بالبحر
وبعد لو انتي بغرفتج ماتحسين انها بدت تتحرك الا لما تشوفين برع من الدريشه
والقارب السريع والطراريد والمراكب الثانيه لاتقارنينها بالكروز
بتحسين براحه وبدون خوف ولا هزات وودي اكررها مرتين وثلاث ولا اشبع منها

فكرنا فيها كثير انا وخواتي لكن لما نعرف ان فيها قمار وسوالف من هالنوع اللي ماتناسببنا كمسلمين
نخاف وايد
ونتخيل ان الله بيسخط فيهم بنص البحر ونروح احنا معاهم بشربة ميه
هههههههههههههه اشرايكم بخيالي الواسع وافلامي الهندية ؟!!!!

ههههههههههههههه خوش فلم
اختي بالنسبه للقمار والبارات وباقي الاشياء المحرمه موجوده بكل مكان الحين
الطياره وهي بالسما وبنفس المكان او جنبكم ناس تشرب خمر
والفنادق ننام ونصلي فيها وجنبنا في كازينوهات وديسكوهات وبارات
وامس واحد من ربعي راجع من المالديف على القطريه ويمدددددح فيها انها جديده وكلشي فيها رووووووووووعه يقول شي خيال
والقطريه هي الوحيده الي عندها هالنوع من الطيارات بالمنطقه
لكن يقول اسمها الطبعه هههههههههههههههههه
والطبعه كلنا نعرفها وهي سنه الطبعه الي اغرقت فيها مراكب الصيد واللؤلؤ قديما
يقول يعني طياره بالسما وهذا اسم يختارونه هههههههه
الحين روحي حق خواتج واقعدي معاهم ورتبي على الكروز وانا بساعدكم وبعطيكم كل المعلومات

انا مع بو اشرف
ما ادري ليش حسيت بضيق بالممرات يمكن من الخوف !!

مهما كانت هذي سفينه ومهما كان حجمها فهي تختلف عن الفنادق
لكن ماعليكم من التصوير الممرات حلوه وواسعه او سع من الي شوفتوها
والاماكن الثانيه كلها مفتوحه وشرحه وواسعه
ابعدي الخوف عنج وعزمي واحجزي وتوكلي على الله
وصدقيني ماراح تندمين على هالتجربه

ما شاء الله تتهنون يارب

وربي يوسع لك في رزقك وتتحفنا برحلات جميلة من هالنوع

لما قلت 8500 كويتي
قلبي وقف وسكت من الصدمة
هذه قيمه سيارة

لكن ام حسين يات وانقذت الموقف وطلع السعر هين ومقدور عليه ان شاء الله

ههههههههههه اي انا ضيعت بالحسبه اشوي
بس ماقصرت ام حسين عدلتها لي وصححت لي
ام حسين محد يغلبها في الفلوس ههههههههه

اللهم اميييين ورزقج ان شاء الله جزاج الله خير

الله يسعدكم وين ما كنتوا
والله الدول اللي سطرتها على قائمة الانتظار للسنة القادمة اكثرت
ما ادري وين الله يودينا حزتها ان كنا من العايشين

اللهم اميييين ويسعدج ان شاء الله ويحفظكم من كل شر
ربي يعطيكم طوله العمر ان شاء الله وتزورين كل الدول الي بخاطرج
وحطي رحله الكروز في القائمه وادمجي فيها كم دول معاها قريبه
يعني رحله الكروز اسبوع واسبوع ثاني في دولتين مثلا
والكروز في الاسبوع الي بتروحون فيها بعد بتنزلكم في كذا دوله
يعني في هالرحله ممكن تزورون خمس دول او اكثر بدون تعب وبتكونون مرتاحين جدا

عيدكم مبارك وكل عام والجميع بخير ،،

وانتي بخير وبصحه وسلامه اللهم اميييين

تحياتي واشواقي من الكويت
متابعين ومستانسين وايد
تقرير فاخر من الطراز الجميل والراقي

والف تحيه وتقدير مني لج ولأهل الكويت كلهم حبايبنا والله
وان شاء الله دوم مستانسين في حلكم وترحالكم
وردج وتعليقج على الموضوع من النوع الفاخر وزاد التقرير جمالا

الرد فوق با الاحمر

تحياتي وتقديري

أبو مهاب · 07-10-2015, 09:29 AM

حي الله أبو سعد
طولت علينا شوي لازلنا في انتظارك

صراحة دخلت فكرة الكروز في راسي لكن ما ادري احس انها بتكون متعبة وربما مملة للأطفال

كمان أغلب كابينات الكروز لحد أعلى شخصين كبار وطفلين واحنا 2 كبار + 3 صغار يعني لازم كابينتين ومافي خيارات كباين متصلة رغم وجودها وبيعطيك السعر على الشخص الواحد

جربت النرويجية والكاريبيان وكوستا

الأسعار لرحلة اوروبية لمدة 7 ليالي لكابينتين ارخص شي طلعت تقريبا 20000 ريال سعودي

وجهات أوروبية · 07-10-2015, 09:30 AM

بعد مارجعت من لندن بحفظ الله

ان شاء الله اليوم بنزل لكم جزء جديد

وهو يوم بالبحر وبعدها الوصول الى نابولي الايطاليه

تابعوني وفالكم طيب ان شاء الله

طارق عنايات · 07-10-2015, 11:25 AM

معاك يا ابو سعد

ننتظر اليوم النابولي

الايمان · 07-10-2015, 11:55 AM

ناطرين ابداعاتك يابوسعد
والله شوقتنا على الكروز

هداوه · 07-10-2015, 01:27 PM

اقتباس : المشاركة الأصلية كتبت بواسطة qa6ar911

ياهلا ومرحبا ام عيسى ملكه التقارير
اي احسن انزل التقرير قبلك ههههههه
لان لو نزلتي التقرير قبلي ماقدر انزله من بعدج بكون محروق من البدايه
وانتي معروفه بتقاريرج المميزه

ومنتظرين تقريرج و اكيد راح يكون جميل نفس تقاريرج السابقه

تحياتي

ياهلا بمشرفنا الغالي
الف الحمدالله ع السلامه
اشكرك والله ع كلامك الجميل وهذا من ذوقك
وماشاءالله عليك تقريرك 5 نجوم بدون مجامله ووايد فيه تفاصيل مفيده
وانا ناويه ع هالجانب وتجربتك وايد بتفيدني ان شاءالله
وحاليا انا في بانكوك ودايما اشوف اذا نزلت يديد
تقريرك وايد يشوق وروعه ماشاءالله
الله يعطيك الف عافيه ومنتظرين جديدك

namareq · 07-10-2015, 01:43 PM

مازلنا بانتظار باقي التقرير

ودي أروح كروز كل التقارير تشوق وتونس

بس لما افكر انه ما يتناسب مع مبادئي وحجابي أهون

فاكتفي بمتابعة تقاريركم الجميله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلات الكروز cruise Tasik فى بحيرة بوتراجايا الرائعة	أبوعبدالله (الاسفار )	ماليزيا	16	07-12-2017 05:40 PM
[ تقرير ] مرسى الأحلام .. عُرس في شاطئ جازان .	عاشق الخالد	بوابة السعودية	16	14-04-2015 03:18 PM
اريد قائمة لاسماء شركات الكروز من تقوم برحلات على المضايق النرويجية وجزيرة ايسلندا	غرام الامل	بوابة اسكندنافيا	3	25-02-2015 03:00 PM