السلام عليكم

كيف حالكم يالمسافرون


سفرتي ليلة العيد يوم 23 بالليل والوصول يوم العيد بإذن الله يوم الخميس ، الظاهر بنعيد في الطياره : /
كنا متوقعين الشهر ناقص وبنعيد في ديرتنا ونعين خير بس مازبطت معنا

طبعا اول سفره لي لاوروبا و لي شهر أحوس يابلفيت ابي اعتمد على نفسي بس بالنهايه خفت
حنا 3 ، أنا و أمي و أخوي


بنقعد ان شاء الله 6 ليالي في باريس من 24 الى 30 سبتمبر ؛ حجزت في شقق فريزر في اللاديفانس
و 3 ليالي في ديزني من 30 الي 3

الحين انا حددت وين ابي اروح بس مابي يضيع وقتي بالتنقلات
وبعد بعض الايام احس انها فاضيه يبيلها تعبأه وانتو مو مقصرين



أول يوم
بنريح شوي بالفندق وبعدها بنتمشى في الشانز ونروح قوس النصر و نتسوق ؛ من اولها سوق
برج ايفل ؛ بس للآسف مالقيت حجز على موقعهم طول فترة اقامتي
كفايه كذا حق اول يوم ؟ ولا اضيف شي بعد ؟


ثاني يوم

كمان بنروح برج ايفل اذا ماصعدنا اول يوم
ورحله بنهر السين


ثالث يوم
قصر فرساي
ساحة الكونكورد
جسر الكسندر الثالث


رابع يوم
غاليري لافاييت
الاوبرا
متحف الشمع
الحي اللاتيني
تحسونها واجد ولا عادي ؟


خامس يوم
هضبة مونمارت
قرية بيرسي


باقي اليوم السادس



واليوم السابع بنتمشى بالمنطقه شوي و عقب بنروح ديزني ؛ اوكي كذا ؟



نروح نسوي تشيك ان وبعدها نروح للمول والاوت ليت
واليوم الثاني بيكون كامل حق ديزني لاند
واليوم الثالث نبي نروح حق مزرعه نتمشى فيها و نقطف فراوله و تفاح اجواء ريفيه يعني
فيه شي قريب للمنطقه ؟ وكيف اقدر اروح لها ؟





بس هذا اللي طلع معي
باقي فيه اماكن بس مدري وين احطها
مثل : منطقة سان جيرمان
شارع افنيو مونتان
متحف اللوفر
سوق لي بون مارشيه
غابة بولونيا
حدائق لوكسمبورغ
حديقة دي بوت شومون
وكمان ابي اروح الحديقه اللي فيها معالم باريس مصغره

بالنسبه للمترو ؛ وش اللي يناسبني اي تذكره ؟ لان الاسبوعيه بتبدأ يوم الاثنين وانا بوصل الخميس


ارقامنا بناخذ من ليبارا بناءً على التوصيات هنا

وش بقى ؟

اليوم الرابع يصادف الاحد تأكدي ممكن جاليري يكون مغلق
أحيانا يفتح الأحد

مرحبا اختي

انا كنت مسوي جدول لـــ 6 ايام لباريس لكن ماخلصته
ثبل اشوي خلصته بس باقي له بعض الاضافات والتعديلات
لاني ناويه انزله كموضوع جديد وان شاء الله بنزله هاليومين بعد التعديل
لكن الجدول بالنسبه لج كذا احسه ان شاء الله مناسب
وراح اضيف عليه الاماكن الي طلبتيها بالتحديد في مشاركه ثانيه

اذا عندج اي ملاحظات او توضيح خبريني
وانتي رتبي الايام بالجدول براحتج

يعني عادي اليوم الرابع مكان اليوم الثاني وهكذا

تفضلي





محطات المترو لليوم الاول :

- قوس النصر Charles de Gaulle - Etoile
- الشانزليزيه ( Charles de Gaulle - Etoile و (George V) و (Franklin D. Roosevelt)
- شارع الماركات Franklin D. Roosevelt
- ساحه الكونكورد والمسله المصريه Concorde
- حديقه تويليرس Concorde
- برج ايفل والحديقه (Champ de Mars - Tour Eiffel) و (Bir-Hakeim)







محطات المترو لليوم الثاني :


# متحف اللوفر Louvre - Rivoli
# كنيسه روتردام (Saint-Michel) و (Saint-Michel - Notre-Dame)
# حديقه لوكسمبورغ Luxembourg
# مجمع لي بون Sèvres - Babylone






محطات المترو لليوم الثالث :


# ساحه الاوبرا Opéra
# متحف العطور Opéra
# غاليري لافاييت (Opéra) و (Chaussée d'Antin - La Fayette)
# متحف الشمع Richelieu - Drouot
# هضبه مونمارت Anvers







محطات المترو لليوم الرابع :

# غابه بولونيا
للدخول من جهه الالعاب و وحديقه الحيوانات المنزليه Porte Maillot
للدخول من جهه الغابه والبحيره Porte Dauphine
للدوخول من جهه البحيره C رير Avenue Henri Martin

# temps مجمع الفصول الاربعه La Défense

# قصر فرساي
الذهاب من ايفل من محطه Champ de Mars - Tour Eiffel على الرير C الوصول قصر فرساي محطه Versailles - Château - Rive-Gauche

الذهاب من اللاديفانس من محطه la Defense على الخط رقم 2
والنزول في محطه lssy-val de seine
والصعود بالرير الاصفر C المتجهه الى قصر فرساي محطه Versailles - Château - Rive-Gauche







محطات المترو لليوم الخامس :

# دزني لاند : Marne-la-Vallée - Chessy
# اوت لت la Vallée ومجمع فال دي يوروب : Val d'Europe






محطات المترو لليوم السادس :

# قريه بيرسي : Cour Saint-Emilion
# مجمع Creteil - Prefecture : Creteil Soleil

رابط مجمع Creteil Soleil
وبالرابط نفسه تحت اسماء المحلات الموجوده فيه
من ضمنها :
بريمارك - C&A - كارفور - H&M وغيرها

http://www.club-onlyou.com/Creteil-Soleil/Shopping


تحياتي

ملاحظات على الجدول :

1- شارع أفينيو مونتين AVENUE MONTAIGNE
هو نفسه شارع الماركات باليوم الاول

2- حديقة دي بوت شومون Parc des buttes_chaumont
اذا بخاطرج تروحين لها ممكن تخلينها مع اليوم الثالث
لان الحديقه بنفس اتجاه الاماكن في هذا اليوم بالضبط موقعها يمين هضبه مونمارت

محطات المترو للحديقه :

Parc des buttes_chaumont
أو
Botzaris


3- بالنسبه لمنطقه سان جيرمان
اتوقع تقصدين منطقة "سان جيرمان دي بري" Saint Germain des Près
الي هي قريبه من الحي اللاتيني مب بمنطقه نادي باريس سان جيرمان
اذا هي المنطقه صح

ممكن تخلينها مع اليوم الثاني

محطه المترو هي Saint-Germain-des-Pres


4- جسر الكسندر الثالث
هذا الجسر جميل وروعه وخاصه التماثيل المذهبه
معلومات شخصيه للأفاده فقط يعني اعرفها
التماثيل المذهبه هي مذهبه من زمان باللون الذهبي فقط
لكن في عهد ميتران امر بصبها بماء الذهب الخالص

اقرب محطه لها هي Invalides

تقدرين تروحين للجسر مشي

من الشانز بأتجاه ساحه الكونكورد الى نهايه محلات الشانز
بتكون اول لفه يمين هي شارع الماركات
طبعا ماتلفون لشارع الماركات تكملون سيده بأتجاه الكونكورد
ثاني لفه يمين بكون مبنى متحف القصر الكبير الي فوقه قبه كبيره زجاج من الخلف
ماتلفونها تكملون سيده ثالث لفه يمين بكون من امام متحف القصر الكبير مباشره بتشوفين قدامج الجسر المذهب


تحياتي

الله يعطيك العافيه ويجزيك خير
ماقصرت والله تعبناك معنا

وعليكم السلام
ما قصر ابو سعد بالرد

بخصوص المزرعه في وحده قريب ديزني حوالي ١٥-٢٠ دقيقة بالسياره
تكون نزرعه قسم تقطفون وقسم الثاني نفس المخزن يبيعون منتجات من المزرعه
تقدرون تتاكدون تفاصيل اكثر من الفندق الي بتسكنونه في ديزني وهذا اسمها
ferme de rutel

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم