اسعد الله اوقاتكم بكل خير

طبعا هالمنتدى مرجعنا الاول والاخير بكل سفرة ومانستغني عن خبرتكم اللي تفيدنا

احنا 3 سيدات رايحين جنيف
نهاية اوكتوبر بنكون جايين من باريس طيران عالخطوط الفرنسية

هل راح اواجه تساؤلات في المطار لأن فيزتي مصدرة من السفارة الفرنسية وهل فيه تشديد على هالموضوع والا سهالات ؟!

راح نسكن في سويت نوفتيل اللي جنب المطار مدة اقامتنا في جنيف 4 او 3 ايام بيتخللها زيارة آنسي Annecy وأتمنى أزور لوزان بس مع الاسف مافي أي تفاصيل لطريقة زيارة لوزان وتعرفوا احنا سيدات ماراح تنفعنا احداثيات وهالكلام ...
طبعا اللي عرفته ان المواصلات العامة مجانية هناك بكرت من الفندق

لكن صدق انا تعبت كثير وانا ادور تقرير شامل لجنيف عجزت القى محد معطي جنيف حقها بالتفاصيل
صحيح هي صغيرة على حسب ماقرأت وفهمت
لكن نبي تفاصيل اسماء الشوارع ارقام الباصات اللي تودي لهذي الشوارع والاماكن السياحية بحيث مانسأل كثير
انا احب اكون عارفة كل التفاصيل قبل اروح اي بلد جديدة علي
مع الاسف بعد بحثي المطول لمدة اسبوعين عجزت القى اجوبة

عشان كذا اناشد تفاعلكم الان انكم تساعدوني ياخبراء جنيف بهذي التساؤلات

أول سؤال أو طلب بمعنى اصح والأهم :-

نبدا بجنيف يومين أبي أزور هالاماكن طبعا ابي منكم ترتبولي اياها حسب الاقرب وأبي ارقام الباصات وأسماء الشوارع لأني ساكنه بعيد عن هالمنطقة وترتيب المناطق حسب القرب لبعضها :-

1- شارع مون بلان Quai du Mont-Blanc بحيرة جنيف او بحيرة ليمان Lac Léman والنافورة Jet d'Eau
وهل فيه رحلات بحرية تودي للوزان وترجع بنفس اليوم ؟!
2- شارع رو دو مارشيه Rue du marché وشارع دو رون rue de rhone وساحه دو مولارد Place du Molard
( اللي اعرفه ان كل هذول جنب بعض )
3- ساحه دو بورغ دي فور Place du Bourg-de-Four
4- مركز المانور Manor
5- مركز التسوق بلاكسيرت Balexert بيكون مقابل فندقنا
6- ساعة جنيف والحديقة الانجليزية English Garden ( قريبين من بعض )
7- مطل كولوني Cologny
8- متحف التاريخ الطبيعي Museum d'Histoire naturelle (ممكن الذهاب له مشيا على الاقدام من شارع رو دومارشيه ) هل تنصحوني بزيارته !!
9- مبنى الامم المتحدة ومتحف اريانا جنب بعض هل تنصحوني بزيارتهم !!
10- بين منتزه parc de grange وحديقة و منتزه Parc de La Perle du Lac أيهم أفضل للزيارة !!
11- بكتب لكم اسماء محلات شوكلاته وأبي منكم الافضل وأسماء الانواع الزينة بكل محل
Jean paul zogg , Rohr , Merkur
12- كاتردائية القديس بطرس - كاتدرائية سانت بيير دير SAINT-PIERRE DARE
13- هل منطقة بيل اير Bel- Air ومنطقة الرايف Rive هم نفسهم احد الشوارع 1و 2 و 3 اللي كتبتها فوق او هي مناطق أخرى بجنيف !!
يعني أشوف اني مجمعة معلومات كثيرة بس في حلقة مفقودة في هذي المعلومات هي اسماء المناطق
اذا في أماكن جميلة فوتتها تنصحوني بزيارتها في جنيف لاتبخلوا باضافتها

ثاني سؤال :-

أبي أزور آنسي Annecy الفرنسية من جنيف بالباص ذهاب واياب بنفس اليوم
بحجز من بدري من موقع الباص ذهاب واياب
Frossard | Annecy Genأ¨ve Thonon Genأ¨ve
بس السؤال هل الباص يوصلني لوسط انسي والا محطه قريبة من انسي

ثالث سؤال :-
اذا ابغا ازور لوزان روحه ورجعة بنفس اليوم
هل يوجد رحلات بحرية لها ؟
وكم تستغرق ؟
ومن وين يتم حجزها ؟


اتمنى ماتطولوا علي لأن سفري قريب
بانتظار تفاعلكم

مرحبا نوف

مادامكم جايين من باريس فما راح توجهون أي مسائلات او تعقيدات بالنسبة للفيزا

بالنسبة للمواصلات دخل جنيف فأغلب الفنادق تعطيكم كروت مجانية للتنقل بالباصات مع خارطة للباصات
توضح اهم الأماكن في جنيف واللي تقدرون تروحون لها بالباص وأرقام الباصات أيضا

هذي خريطة لجنيف بتفيدكم عن مكان اهم الأماكن



وهذا تقرير ممكن يفيدكم أيضا خصوصا الجزء الأول منه

جنيف اين تذهب فيها واين تذهب منها ..

موقع فندقكم هو مقابل مركز التسوق بلاكسيرت واغلب الباصات تمر بجنبه والأفضل من وجهة نظري انكم تسكنون في قريب
من شوارع التسوق في جنيف

- النقاط اللي وضعتيها من 1 الى 6 كلها قريبه من بعض وممكن تزورونها في نفس اليوم

- مطل كولوني اسم اقرب محطة عليه Cologny, mairie واسم الباص اللي يوصلها NFB A
وطريقة الوصول له من وسط جنيف هي من محطة Genève, Mont-Blanc للي مقابل فندق بريستول تاخذون الباص رقم NFB 25 ثم تغيرون باص في محطة Genève, Place des Eaux-Vives باص رقم NFB A

ثم مشي مسافة 300 متر في شارع Chemin de Ruth وبيكون المطل على ايدكم اليسار

- النقاط 8 و9 عدد ايامكم قليل وممكن تزورون مبنى الأمم الكتحدة اذا كان عندكم وقت ولازم تحجزون له من قبل اذا اردتوا زيارته

- 10 المنتزهين حلوين وممكن تتمشون فيهم اذا عندكم وقت خصوصا parc de grange

- محلات الشوكلاته جربت روهر ممتاز وهو في ساحة Place Du Molard

13 - بيل اير هي في نهاية شارع رو دو مارشيه من الغرب و rive ما عندي معلومات عنها


انسي ممكن تزرونها بالباص روحة ورجعه نفس اليوم والباص يوصلكم قرب محطة القطار وهي قريبة من وسط انسي


ولوزان الأفضل زيارتها بالقطار اسرع وممكن تزورونها هي ومونترو في نفس اليوم
ويوجد رحلات بحرية للوزان وتجزونها من مرفا الرحلات البحرية

مقدام الف الف الف شكرا وجزاك الله خير
والله ونعم اسم على مسمى

من جد اجابات شافيه