تقريري عن بوكيت الساحره سبتمبر 2015

mustafa_bh · 02-10-2015, 12:13 AM

وصلنا بالسلامه الى بوكيت
واخذنا تاكسي من المكاتب الموجوده في المطار
كان تقريبا سعر التاكسي 1000 بات الى شاطئنا كارون بيج

طبعا اول يوم وصلنا تقريبا الساعه 6 ونصف مساءاً الفندق وبعد ترانزيتين ودوخه وتعب
فكان اليوم ضايع ضايع فقط ذهبنا للسوبر ماركت بجنب الفندق

ويوم ثاني استيقضنا كلنا شغف بإستكشاف الفندق

طبعا كان اختياري للفنادق المهم فيهم إنهم مواجهين للشاطئ مباشره
لأن الرحله كانت استجمام بعد تعب العمل ومشاغل الحياه
فـ كان يهمني إن الفنادق مو أي كلام ويكونون مواجهين للشاطئ مباشره
وماكان يهمني إنهم لازم يكونون في الباتونج بيج
وحتى لو اضطرينا ندفع للتاكسي ذهاب وإياب للباتونج
طبعا الباتونج بيج اهم شاطئ في بوكيت لأن توجد فيه كل النشاطات وأهم الاسواق والفعاليات

كانت الرحله 6 ليالي حجزت كل 3 ليالي في فندق من باب التغيير

الفندق الأول
Beyond Resort Karon
**** اربع نجووم
سعر ال3 ليالي 317 دولار من موقع اجودا

ترحيب الفندق

حجزنا كان غرفه ديلوكس مطله على المحيط

اطلاله الغرفه كانت خيااااليه روعه كفايه الجلسه في البلكونه
وتخيلووا معي تناموون وتصحوون على صوت الامواج ياسلااام

البحر الي بجانب الفندق

جلسات مطعم الفندق للفطور المطل للبحر

وهذي جلسات مطعم الفندق الارضي المقابل للبحر

بركـ الفندق المقابلين للبحر

بعد مافطرنا واخذنا جوله في الفندق ذهبنا الى الباتونج بيج

وهذي صوره من اشهر موول في بوكيت ويوجد فيه ماركات عالميه ومطاعم كثيره

ذهابنا للباتونج بيج للتسوق ولنحجز للرحلات السياحيه
الحجز كان من مكتب بووم والرحلات تتفاوت بين 1000 بات الى 1600 بات
طبعا الرحلات عندهم دائما تبدأ من الصباح الباكر فـ هذا اليوم طافت علينا رحلات الصباح الباكر
فعوضناها وحجزنا للفنتازيا سي طبعا عرض ممتع ومميز
ويكون في الليل عشان مايطوف اليوم في التسوق فقط ونستغله اكبر استغلال
استمتعنا فيه صراحه عرض محترف مو أي كلام
انصح فيه للي رايح اول مره وماشاهده من قبل

نشوووفكم في اليووم الثاني في رحله جزيره جيمس بووند

الايمان و أم ريمه معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يومياتي في استراليا سبتمبر 2015	آخـــرفـــرصـــة	بوابة استراليا ونيوزلندا	149	15-09-2018 07:30 AM
تقريري عن مهرجان ليوا للرطب 2015	الإماراتي	بوابة الامارات	30	17-11-2015 03:38 AM
بوكيت الان ... وسعر الصرف .. 7 / 9 / 2015	aMego	بوابة تايلند	21	02-11-2015 04:07 AM
تقريري عن ماليزيا - شهر أبريل 2015	mustafa_bh	ماليزيا	87	19-10-2015 11:35 PM
رحلتي القادمة الى تركيا سبتمبر 2015	mahmood	تركيا	9	28-07-2015 10:47 AM