![]() |
| LinkBack ![]() | أدوات الموضوع ![]() | انواع عرض الموضوع ![]() |
![]() | #1 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
العرب المسافرون الصين السلام عليكم و رحمة الله و بركاته احبتي رواد و اعضاء و قراء منتدانا الحبيب " شبكة و منتديات العرب المسافرون " حياكم الله دائماً و ابداً معنا تقريرنا اليوم عن واحد من اجمل مولات التسوق في جوانزو سوق الحقائب سوق الحقائب يحتوي على أكثر من مبنى , كلها قريبه من بعض و الاشهر و الاكبر و الاجمل , هو اللي راح يكون عنه تقريرنا باذن الله هذا هو المبنى الرئيسي من الخارج و نلاحظ في الصوره : تحت محلات , و فوق شقق او مكاتب تجاريه من اول ما تقرب للمبنى , تعرف ان تخصصه حقائب , لوجود مجسمات الحقائب اشكال و الوان ![]() . . . هذا هو المدخل الرئيسي , و يتميز بوجود مجسم الاسد الاسود على يمين و شمال المدخل ![]() ![]() ![]()
|
![]() | ![]() |
![]() | #2 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
في هذا السوق تقابل جميع الجنسيات اللي ممكن تخطر على بالك و ممكن تلاقي بياعات يتكلمون انجليزي . ![]() هذا المبنى يحتوي على أكثر من 5 طوابق تسوق المحلات صغيره نوعاً ما , يمكن 4X 4 متر و احياناً المحل يكون مقسوم لشخصين اثنين مرتبه محلاتهم بطريقه عجيبه , تندهش كيف هذا المحل الصغير موجود فيه آلة الكاشير – البضاعه – برادة ماء – كراسي – أكياس تغليف + البياعه ![]() ![]() لكن لصغر المحلات و كثرتها , ممكن تدفع مقدم لاي قطعه , و صعب ترجع تاخذها من المحل مره ثانيه فالافضل تصوير رقم و اسم المحل صوره لاسم احد المحلات : رقم المحل : فيه رمز الممر و الطابق . . نظراً لكثرة المحلات , ممكن تاخذون معاكم صور القطع اللي نفسكم تشترونها , و تسألون البياعات عنها علماً , انكم غالباً راح تلاقونها و تلاقون الاجمل ![]() ![]()
|
![]() | ![]() |
![]() | #3 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
الطابق الارضي – اللي اول ما ندخل المول – يوجد فيه محلات شنط تقليد ماركات درجه اولى و درجه ثانيه , و محلات سكارفات و ايشاربات , محلات اكسسوارات , محلات نظارات , محلات ملابس انا ارى ان جودة الشنط هنا عاديه الى جيده , و المفاصله على الاسعار مممكنه . . ملاحظه : الشنط اللي تقليد ماركات , لا تعرض باللوقو على الارفف تكون موجوده في المستودع و تجيبها لكم الموظفه و تعاقب الشرطه اي محل يكون عارض اللوقو بشكل صريح ( ما تدري هم صادقين او يلعبون على انفسهم او شسالفه بالضبط !!!! ) ![]()
|
![]() | ![]() |
![]() | #4 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
في الطابق الارضي ساحه كبيره عادة يقابلونك فيها بياعين بالهبل يرددون : (كوبي باق كوبي ووتش / copy bags copy watches ) و معاهم بطاقات محلات و ياخذونكم الى الاوفس على قولهم و هو عباره عن شقق يبيعون فيها شنط تقليد ماركات , بجوده ممتازه و موجود عليها اللوقو و اسعارهم قابله للمفاصله للنصف و هذي المكاتب بعيده عن اعين الشرطه , اللي تصادر أي شنطه موجود عليها لوقو الماركه آخر مره رحنا لهذا المول , كانت الشرطه موجوده , و كانو صافين طابور و السوبرفايزور يعطيهم تعليمات و هذي صوره لهم قبل ما يبدأون بمباشرة عملهم و البحث عن الماركات المقلده ![]()
|
![]() | ![]() |
![]() | #5 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
تحت الطابق الارضي طابقين ممكن تنزل لهم بدرج جانبي او بالمصعد .اول طابق منها , لا تفوت فرصة زيارته من الخلف - أي المول من الخلف - يوجد فيها محلات تبيع جميع ما يتعلق بتغليف الشنط , اكياس ورق – اكياس بلاستيك تاق – ربطات – كرتون الماركه , مثل كرتون هيرمز - فالنتينو – شانيل و اكثر . عموماً هذي الطابقين الارضيه – كما يسمونها المترجمات – اسعارها ارخص , و بضاعتها عاديه او اقل من عاديه نصيحه لا تضيعون فيها وقتكم .. ![]()
|
![]() | ![]() |
![]() | #6 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
|
![]() | ![]() |
![]() | #7 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
الطابق الثالث محلات شنط معظمها تبيع ماركات صينيه و بجوده عاليه و السعر رخيص مقابل الماركات المقلده , قابلين للمفاصله في السعر . و يوجد فيه محلات شنط مغلقه من الداخل بستاير , و هذي المحلات اللي عليها ستاير تدل على ان تخصصها فقط البيع بالجمله و عموماً الحركه قليله في هذا الدور ![]()
|
![]() | ![]() |
![]() | #8 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
امام هذا المبنى شارع عام كبير و يوجد جسر مشاه للمباني اللي في الاتجاه الاخر , و هي مباني تبيع ايضاً حقائب : ماركات صينيه , و ابواك , شنط سفر و هذا هو الجسر اللي يصلك بالمباني الاخرى ![]()
|
![]() | ![]() |
![]() | #9 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
اول ما تطلع من المبنى الرئيسي , يوجد عاليمين مواقف لانتظار التاكسي و الدور فيها يمشي بسرعه و ممكن يجيكم شخص يوصل بسيارته , و طبعاً اغلى من التاكسي لكن مع التعب غالباً راح توافق ![]() . و يوجد عربات و اكشاك في الخارج تبيع فواكه و كستناء و لوز : . . ![]()
|
![]() | ![]() |
![]() | #10 |
عضو قدير ![]() ![]() ![]() ![]() تاريخ التسجيل : Dec 2014 رقم العضوية : 128 المشاركات : 965 | ![]()
توصيات عامه تفتح المحلات في المول من الساعه 9:30 تقريباً الى الساعه 7 مساءً , احرص على الذهاب للتسوق مع بداية ساعات العمل , لان معظم بضاعتهم للعرض , وقد تضطر الموظفه للذهاب للمستودع عشان تجيب لك القطع اللي اخترتها , بكذا راح توفر وقت أكبر للتسوق . ![]() لم ارى محلات تغيير عمله في هذا المول – احسب حسابك بمبلغ كافي للتسوق ![]() ممكن تلاقي في سوق الشنط موديل بـ 50 ريممبي , و نفسه بـ 2000 ريممبي , لا شك ان الجوده و الاخراج تختلف اولاً : لا تستعجل في الشراء , خذ فكره عن السوق و عن السلعه في اكثر من محل ثانياً : احرص على شراء جوده عاليه , و باذن الله بتلاقيها بسعر مرضي ![]() الافضل ان تكتب الاسعار و التفاصيل , و كم دفعت و كم باقي على الفاتوره – حتى لا تتعرض للغش او الخداع خاصةً ان فواتيرهم باللغه الصينيه ![]() اذا طلبت شنطه , و قالت البياعه هذي ستوك , اروح اجيب لك نفسها من المستودع , الافضل صور الشنطه ممكن تجيب لك شنطه فيها اختلاف بسيط , و بنفس السعر اللي انت دفعته , لكن اذا شافتك صورت القطعه بتضطر تلتزم بها بالضبط ![]() التسوق في سوق الحقائب , ممتع و قد يمتد الى 3 – 4 ساعات , خاصةً اذا حبيت تروح لاكثر من مبنى ينصح بأخذ سناك بسيط : شوكولاته – سنكيرز ......... الخ , علماً ان الكوفي شوب يبيع ماء و كوفي , و لكن طبعاً السناكس اللي عندهم غير حلال . ![]() عربة التسوق مفيده جداً في هذا المول , لا تفوتها , و الافضل لا تشتريها من الكشكات المقابله لهذا المول لانها تبيعها بـ 70 ريممبي , بينما في الخارج ما تتجاوز 35 ريممبي اتمنى اكون وفقت في طرح بعض المعلومات و الصور و الملاحظات عن سوق الحقائب و قرأه ممتعه ![]() ![]() ![]() ![]()
|
![]() | ![]() |
![]() |
| |
![]() | ||||
الموضوع | كاتب الموضوع | المنتدى | مشاركات | آخر مشاركة |
نهر اللؤلؤ جوانزو - رحله مسائيه ... حياكم | ام عزيـــز | بوابة الصين وهونج كونج | 48 | 22-07-2019 01:15 PM |
مطعم شنجاني قصر شاه - جوانزو | ام عزيـــز | بوابة الصين وهونج كونج | 32 | 13-02-2019 09:07 PM |
رحلتي ( جوانزو ــــــــ شينزن ) | كتكات783 | بوابة الصين وهونج كونج | 151 | 05-12-2017 12:59 PM |
تقرير عن اوزان الحقائب والمواد المحظورة والممنوعة في الطائرة | himzmz | البوابة السياحية | 18 | 25-04-2015 11:49 AM |