تقرير من البداية بطل .. معلومات رائعه ..

ياليت تذكري اكثر عن تجربتكم فالاكل ..

السواق مرافق على طول معكم والا توصيل من والي المطار ..

اسف على كثرة الاسئلة .. الفندق حالم كانك ففرنسا مو بالصين



كل الشكر

هولمز

بداية موفقة .. ملاك ..

هونغ كونغ بلد جميل يستحق الزيارة ..

ديزني لاند .. متعة هونغ كونغ .. أرضٌ تنبض فرحاً وتفيض سعادةً .. صدقوني ( من رأى لا كمن سمع )

الفندق اختيار موفق .. وملاحظتي بالنسبة لجعل أيام ديزني هي ختام الرحلة صحيحة ١٠٠٪١٠٠

استمري .. متعطشين لبقية الإبداع الذي لمسناه تقريرك ..

بارك الله فيك ما قصرتي والله ليت كل الناس مثلك

مع أطيب الأمنيات.......فيصل

الأخت ملاك
تحية طيبة ويا هلا ومرحبا فيك
تقريب جميل في بداياته وان شاء الله يكون القادم أجمل
تجربة تناول طعام الإفطار في مطعم الحديقة الواقع داخل فندق دزني لاند من أفضل التجارب وانا أنصح فيها كثير لزوار دزني لاند بسبب أن شخصيات دزني تجول بين الطاولات ويتسمتعون الزور معهم ويمكنك التصوير معهم وممازحتهم مما يخلق جو من المرح ..
السكن في دزني لاند جميل ولكن بعد أن تغلق مدينة الألعاب يدب السكون داخل الفندق ولا يوجد أي حركة ولكن في تجربتي السابقة كنت أخرج إلى ستي قيت أوت لت مول القريب جدا من دزني لأند حيث المطاعم والمقاهي والسنما والسوبر ماركت .
يعطيك العافية على هذه الأجزاء ومتابعين ما تبقى من ابداعك.

قبل مانتهى من جزء الديزني
زي ماذكرت سابقا الفندق جميل جدا والأجواء مريحة بس كان في عيبين
الاول مافي بقالة او سوبر ماركت قريب
والثاني مافي مكواة وهذا نسيت اذكرة في التقرير
بالنسبة للأسعار
سعر السيارة اللي استأجرناها تأخذنا من المطار الي فندق ديزني نوع السيارة فان 79 دولار أمريكي
بالنسبة لي فندق الديزني 3ليالي 12 الف دولار هونق كونقي للغرفة الواحدة ونحنا اخذنا غرفتين متصلة عاد أنتم اضربوها في 2 طبعا مع الافطار وتذاكر دخول الملاهي لمدة يومين
ونكمل
بعد اجمل يومين قضيناهم في ديزني عملنا تشيك أوت وكان السواق ينتظرنا كلمنا نفس الشركة اللي أخذتنا من المطار ونفس نوع السيارة فان بس هذة المرة السعر اعلى لأن المسافة أطول كان 84دولار أمريكي
وهذة سيارتنا


ووصلنا فندقنا هوليدي ان قولدن مايل
صورة اللوبي

الغرفة



سعر الفندق لمدة 7ليالي وكمان غرفتين متصلة ومع الفطور 11ألف ريال سعودي
الفندق متوفر فيه كل شي عدة الشاي والقهوة والمكواة وفي كمان جوال وتقدر تستخدمه داخل وخارج الفندق وفي خدمة نت وتقدر تكلم فيه 4دول مجانا اعتقد الهند وأستراليا الدولتين الباقية ماذكرهم لكن مافي دولة عربية يعني لاتفرحون ويعطيك معلومات عن الاماكن السياحية وزي ماسمعت هذا الجوال موجود في اغلب فنادق هونق كونق وكمان عجبني في تلفزيون الغرفة يعطيك معلومات عن رحلات كل يوم بيومه وموعد اقلاعها ورقم بوابة كل رحلة وكمان يعرفك بالجو ويعطيك معلومات عن فاتورتك
الفندق موقعه حلو اعتقد على شارع ناثان كل شي قريب منك وبوفية الفطور منوع
عموما الفندق مش سئ بس للأسف كان تقريبا هو الخيار الوحيد للسكن علشان نبغى غرفة متصلة
الشي اللي يضايق بعد ماكنا نشوف هذا المنظر

صرنا نشوف هذا المنظر

بعد ماستلمنا الغرف كنّا جيعانين نزلنا سفن الفن اللي قبال الفندق نمشي نفسنا بي اي شي الين مانلاقي مطعم
سفن الفن له فروع كثيرة في كل مكان يطلعلك حتى في الاماكن السياحية تلاقيه بس نصيحة الفرع اللي قدام الفندق لاتروحو اول شي المحل وسخ ثاني شي في ناس تلاقيهم يوميا جالسين على درج المدخل صراحة اشكالهم مو مريحة أبدا حتى في واحد حاول يكلمنا بس ماعطيناه وجه وخرجنا أنا هذا اللي شفته
في هذ اليوم جلسنا نكتشف المكان ودخلنا المولات القريبة ولقينا سوبر ماركت في مول أسمة k11 في الدور الأرضي
وفي كمان مغسلة للملابس قريبة وجربناها بس الملابس ماتطلع نظيفة ولقينا مطعم عربي ماذكر أسمة أكله جدا لذيذ ورجعنا فندقنا وكملنا يومنا في مسبح الفندق للأسف هذة الصور الوحيدة اللي لقيتها


وانتهى يومنا على كدا
أتمنى هذا الجزء البسيط ينال رضاكم


أرسلت بواسطة iPad بإستخدام Tapatalk

أهلا .. ملاك

الهوليدي إن مايل .. مميز جداً كموقع .. لم أجرب إفطاره لكن الأغلب يُثني عليه ..

بالضبط هذا ماكنت أشاهده عند سفن إلفن .. لم تعجبني الأشكال أبداً ..

فلسفتي في السكن التدرج من الجميل إلى الأجمل .. لإن النفس في حالة تَطَلُّع للغد ..

متابعين معك