ونكمل باقي التقرير
كنّا مخططين على زيارة مكاو بما انها قريبة ونقدر نروح ونرجع في نفس اليوم
لكن لمن جينا نحجز لغينا الفكرة
اول شي الاماكن اللي المفروض نزورها في مكاو ماعجبتنا ماكان في شي مناسب للأطفال يعني راح يكونو متمللين
ثاني شي لازم نكون جاهزين ومستعدين الساعة 7ونص صباحا في لوبي الفندق وهذا كان صعب على العيال
فقررنا في اليومين اللي باقية لنا نقضيه في التسوق نتجول في المحلات الموجودة حول الفندق
ونزور الهاربور بما انه قريب من الفندق
وراح اجمع اليومين هذة في جزء واحد
هذة بعض الصور للمنطقة والمحلات اللي حول الفندق

وهذا المسجد



وهذا يشحت بطريقته

ياكثركم



هذة الصور في اليوم الثاني وكان الجو ممطر



لمن كنّا في جولة الباص السياحي شفنا
العجلة الدوارة وقررنا نطلعها في يوم ثاني
The Hong Kong Observation wheel
تفتح يوميا الساعة11صباحا حتى 11مساء


في هذا اليوم كان الجو ممطر توجهناالي محطة الفيري علشان ننتقل الي جزيرة هونق كونق مكان وجود العجلة والمحطة قريبة من الفندق صور الفيري هذة من يوم اخر كنّا مع مرشد سياحي علشان رحلة جولة المدينة


صور من النت للفيري

وهذا الجهاز اللي تأخذ منه التذاكر وكل شي واضح عليه باللغة الانجليزية
وسعر التذكرة 2دولار هونج كونجي والتذاكر علي شكل افياش مو ورق وتحت 3سنوات مجانا


مدخل الفيري

داخل الفيري



اول ماتخرجوا من المحطة تلاقو العجلة في وجهكم







في جزيرة هونق كونق حسّيت براحة نفسية الجزيرة هادية وراقية وفيها مول كبير مادري شسمة بس شوفنا لوحة كبيرة لي شركة أبل موجود داخل المول وكان في ذاك اليوم نزول الآي فون الجديد والمحل كان جدا زحمة ماطولنا في المول كان خاطري أتمشى اكثر في شوارع المدينة بس خوفنا نضييع ورجعنا محطتنا واتغدينا في صب وأي وبعدين لقينا مطعم هندي حلال داخل المحطة ورجعنا جزيرتنا كولون
شكل المحطة من الخارج



وفي الليل تمشينا في الهاربور وشفنا شارع النجوم وعرض الليزر










راجعين الفندق



بالنسبة للتسوق نحنا اتقضينا من المحلات اللي حول الفندق
وأكثر شي عجبني عندهم الله يكرمكم الجزم ماركات واسعارهم حلوه
والشنط الكبيرة حق السفر
وفيه محل عجبني بضاعته محل ملابس أطفال صناعة كورية موديلاته كثير حلوة والأسعار ممتازة واللي تشتغل في المحل جدا كانت حبوبة وبس تضحك وتنزلنا الملابس وتقيس على العيال جدا تعاملها كان حلو وهذا هو البائع الشاطر وطلبت منها كرت المحل
وهذا هو


(Granville Rd, )
هذا الشارع اللي اسمه فوق اكثر شارع تقضينا منه وفي محل يبيع كريمات وعطورات ومكياج وماسكات وادوية أشياء كثيرة ماذكرها كلها بس محل عجيب والأسعار رخيصة ودايم عنده زحمه واصلا راح تعرفوه من الزحمة اللي عليه هو على نفس الصف اللي فيه محل(cotton)
وكمان محل في الدور الأرضي لي فندق الهوليدي ان يبيع شنط ماركات اصلية وإكسسوارات
كان عندة تخفيضات والأسعار جدا مناسبة
هذا اللي اذكرة من تسوقنا
طبعا نصيحة للي ناوي يتسوق يأخذ معاه شنطة صغيرة ليييه
لأن الأكياس البلاستيك عندهم بفلوس سواء في السوبر ماركت او في المحلات الثانية (ودام عزك ياوطني)اذا اشتريتو شي حطوه داخل الشنطة وخلو أكياسهم لهم يمكن بفلوس من مبداء حماية البيئة
وكدا انتهت رحلتنا في هذا البلد الجميل اللي أكيد في سلبيات وإيجابيات زي اي مكان في العالم لكن المهم وفي النهاية كل أفراد العائلة استمتعت في الرحلة والحمدللة
وان شاء الله راح نكرر زيارتنا لي هذة المدينة
اشكر كل اللي تابعني وكل اللي قراء تقريري وكل اللي علق وكل اللي ضغط لايك
كُنتُم دعم وحافز لي
ان شاء الله بحاول انزل جزء اخير عن المعلومات اللي جمعتها عن البلد أتمنى تستفيدون منها








أرسلت بواسطة iPad بإستخدام Tapatalk