تقرير/تركيا أسطنبول .. طرابزون ازنجول .. وش نخلي وش نقول - الصفحة 3

فيصل · 05-10-2015, 08:34 AM

تسلم
الصور حقت الاماكن والخريطه اول ما رحت تركيا كانت معي وكنت امشي بدون جدول

باب بالنجار مخلوع

لا تدقق بالاخطاء الاملائيه

الفندق نفس فندق العضو مكه اللي تكلم عنه

ايش رأيك فيه

hazim b · 05-10-2015, 08:43 PM

حياك الله يا بطل
فندق المانيسول اللي اخترته رائع جداً وموقعه مناسب جدا وقريب منه كل شيء.
شو سالفة النسيان عندك. مرة العطر والثانية الجوال الله يستر من الجايات.
مستمتعين معك وبانتظار التكملة.

احمد الحربي · 06-10-2015, 11:59 AM

ماشاء الله الجو كان رائع توفقت في توقيت رحلتك

واصل مازلنا متابعين

توبليرون · 06-10-2015, 04:18 PM

ماشاءالله بالبركة الزواج
وحلووة تجهيزات العرس
عليكم وعلى المعازيم بالعافية

النسيان ساعات يصير نعمة وساعات نقمة خخخ
المهم مايكون نسيان شي جامد

الفندق مفروض انك تعرف ان ممنوع الدخول الا بكرت العايلة
او ورقه عقد الزواج

احنا بالكويت محد يدخل الا بعقد الزواج
وحتى لو كان حاجز لليلة الزواج طلبوا من ولدي عقد الزواج

الشاليهات مايدخلون اي اثنين الا بعقد الزواج

تركيا بعيونك وكلماتك أحلى وأحلى

الأسماك اول ما جابوها لك أكيد بيكون شكلها غير نظيف
بعدين بينظفونها لك وانا اشوف المطعم من صورتك وايد نظيف ومرتب
بس غالي والله السمكة ب 400 ريال سعودي

المهم الوناسة مع تقريرك الفرفشي

اي بالنسبة لكلمة يدفيني صح
بس دفأة ...اعتقد انت تقصد دفأً
تابع وامتعنا بهالتقرير المميز

OLGA · 06-10-2015, 08:37 PM

يا الله شكثر انت كريم مسفرها ع حسابك وو موكلها ع حسابك لا يكون مسكنها ع حسابك بعد لوول الله يسعدكم ان شاء الله
والله مادري شماكليين السمجه ام 220 ليره بس مو هامور ماعندهم هامور اصلا
الفندق اطلالته حلوه ع البحر اذكر كاتبيين عنه بالمنتدى

troy19 · 07-10-2015, 12:18 PM

من الرائع ان تبدا تقريرك بالصلاة على سيد الخلق سيدنا محمد
ولكن عزيز سيدنا محمد يأمرنا ان لا نصلي عليه الصلاة البتراء
قل اخي (قولوا : اللّهمّ صلّ على محمّد وآل محمّد كما صلّيت على إبراهيم وآل إبراهيم إنّك حميد مجيد ، وبارك على محمّد وعلى آل محمّد كما باركت على إبراهيم وعلى آل إبراهيم إنّك حميد مجيد » .
في صحيح مسلم وسنن أبي داود والترمذي والنسائي وموطأ مالك ومسند أحمد وسنن الدارمي

تقرير مميز -- وطريف احياننا
متابع لك باذن الله
مع فائق الود

الحتمي · 07-10-2015, 04:02 PM

تم ارسال الهدية لأول مشاركيني هذا التقرير

وان شاء الله باقي الكثير من الهدايا حتى النهاية

اقتباس : المشاركة الأصلية كتبت بواسطة طارق عنايات

تقريرك لذيذ و فيه تفاصيل حلوة

يسلم ايدك وننتظر التفاصيل

حياك الله وشاكر لك متابعتك

اقتباس : المشاركة الأصلية كتبت بواسطة الحاتمي

ألف مبروووك الزواج
بارك الله لكما وبارك عليكما وجمع بينكما في خير..

في انتظار باقي التقرير

الله يبارك فيك وعقبالك
وشاكر لك متابعتك وكن معي هنا

اقتباس : المشاركة الأصلية كتبت بواسطة العقرب

واضح اننا مقبلين علي تقرير رائع

كمل يا بطل ونحن متابعين معك

هذا من ذوقك
وشاكر لك متابعتك كن بالقرب

اقتباس : المشاركة الأصلية كتبت بواسطة OLGA

اللهم صلِ وسلم ع محمد وو آله اجمعين
مبرووك ع الزواج اقولها للمره الثانيه
الله يسعدكم ان شاء الله وو يرزقكم بر عيالكم
زين معاك الشقرديه ولا جان ضعتو بتركيا في شي ما نسيته بعد لوول
ناطرين باجي المغامرات

الله يبارك فيك للمرة العاشرة << حياك وهذا من ذوقك
ههههههه الشقردية زين اني معها
حياك وان شاء الله تكمل باقي الاحداث على خير

اقتباس : المشاركة الأصلية كتبت بواسطة Gunner10

مبين عليك رايق وراح نشوف منك تقرير روعه

كل الود

حياك الله وهذا من ذوقك
وشاكر لك متابعتك

اقتباس : المشاركة الأصلية كتبت بواسطة الدوسي

بارك الله لكما وبارك عليكما وجمع بينكما في خير

اعجبني الموقف في فندق هلتون بجدة..
هنا الفرق بيننا وبينهم وبينن فنادقنا وفنادقهم!!

هلا بك الله يجزاك خير ويبارك فيك

وان شاء الله عقبال احبابك

موقف جدة شيء طبيعي عندنا والغلط كان مني انا

اقتباس : المشاركة الأصلية كتبت بواسطة قصة حب

ألف مبروووك الزواج
بارك الله لكما وبارك عليكما وجمع بينكما في خير..

ما شاء الله بداية خطيرة وموفقة

تجذب القارئ بشدة وتخليه غصب يكمل التقرير

والله اني سعيدة واضحك وانا أقرأ تقريرك

دمك خفيف ما شاء الله

وخووووووووش ورطة في الهيلتون

زين الله سخر لك هالبني آدم والا كان تفشلت جدام العروس وانت كاشخ

واضح تقريرك بيكون ناري وزي الاشطة

كمل متابعينك شوقتني اعرف باقي تفاصيل رحلتكم اكيد فيها اكشنات كثير

اختكم - قصة حب

هلابك قصة والله يبارك فيك ويجزاك خير

حياك ربي وهذا من ذوقك

وعاد تشوفين تقرير هذا انا طارحه بلاش تصدقين ماخذيت من فيصل فلوس

اما الكشخة خيها على ربك خرب ابو البرستيج

لأني تخيلت نفسي عريس ونايم عند باب الفندق

مرحبا وشاكر لك متابعتك

اقتباس : المشاركة الأصلية كتبت بواسطة محب طيبة

بارك الله لكما وبارك عليكما وجمع بينكما في خير

متابعين بشوق وفقك الباري ورعاك

حياك الله محب

والله يجزاك خير وتسعدني متابعتك

اقتباس : المشاركة الأصلية كتبت بواسطة احمد الحربي

منتظرين تكملة التقرير

اسلوبك ياخي فيه جذب للمتابعين

هلا ابو حماده

وانا شاكر لك متابعتك

وان شاء الله يكتمل التقرير برضاكم

اقتباس : المشاركة الأصلية كتبت بواسطة hazim b

البداية رائعة والأحداث شيقة
موعودين بتقرير من العيار الثقيل
واصل والكل بانتظارك.

حياك الله حازم

وتسعدني متابعتك وعذب كلماتك

وماعليه دامها جات البداية ان شاء الله اقدر اواصل للنهاية

الحتمي · 07-10-2015, 04:32 PM

فيصل

اولغا

رحت احوس تقارير فنادق تركيا
ماشفت تقرير عن الفندق
ياليت ترسلون لي الرابط على الخاص

hazim b · 07-10-2015, 06:20 PM

اقتباس : المشاركة الأصلية كتبت بواسطة الحتمي

فيصل

اولغا

رحت احوس تقارير فنادق تركيا
ماشفت تقرير عن الفندق
ياليت ترسلون لي الرابط على الخاص

الفندق موجود بصفحة فنادق تركيا
أول موضوع حالياً بأول صفحة لأخينا العضو ( مكه )
وكتب بعنوان التقرير ميناسول بدل مانيسول.

الحتمي · 07-10-2015, 07:19 PM

يعطيك العافية حازم
انا فريت وللأسف الموضوع ماانتبهت له
مع اني دورت في اكثر من موضوع للعضو مكة

اي هذا هو وبعد اذن العضو مكة بأستخدم صورته هذي
واضح ان مكة مسافر بعد وقت سفري
لأني يوم سافرت كانت البناية اللي بالخلف اللي كأنها لوحة بنك الراجحي
انا يوم سافرت كانت باقي تحت الترميم وكانت مغطاه بطربال ازرق كاملة
لكن الفندق اتفق مع مكة من حيث موقعة واطلالته
لكن للأسف في بوكنق ذاكرين ان هناك عازل صوت
لكن مافيه اي عوازل
وانا كنت حاجز غرفة كبيرة ولها اطلالة وتفاجأت بغرفة صغيرة
ولافيه اطلاله مباشرة على البحر اللين طلبت تغير غرفة وطلبتهم كبيرة
لكن كما ذكرت لكم كانت فل واكتفيت بالغرفة اللي عطوها لي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تنبيه : سأئقي التكسي في أسطنبول	النمسا	تركيا	30	29-08-2015 08:39 PM
مطاعم أدبس أبابا مطعم أسطنبول التركي	فيصل	بوابة اثيوبيا	30	27-08-2015 08:09 PM
ميزانيتي للشمال التركي و ربما ,, نقول ( ربما ) تنضم لها إسطنبول	أبو عبدالملك	تركيا	10	05-03-2015 05:36 PM