تقرير/تركيا أسطنبول .. طرابزون ازنجول .. وش نخلي وش نقول - الصفحة 4

زهرة نيسان · 07-10-2015, 08:00 PM

اللهم صل على سيدنا محمد
ياخسارة ال 10 راحت علي
المواقف هي بهارات الرحلة طبعا بعد ماتنحل هههههه
كويس مانسيت العروس
يعطيك العافية على السرد الممتع والصور الجميلة
ومتابعين معك

الحتمي · 09-10-2015, 09:50 PM

اقتباس : المشاركة الأصلية كتبت بواسطة فيصل

تسلم
الصور حقت الاماكن والخريطه اول ما رحت تركيا كانت معي وكنت امشي بدون جدول

باب بالنجار مخلوع

لا تدقق بالاخطاء الاملائيه

الفندق نفس فندق العضو مكه اللي تكلم عنه

ايش رأيك فيه

هلابك فيصل الله يسلمك

وانشهد الصور تعتبر مرجع لأي مسافر الله يجزى من سواها خير

هههههههه خلاص اتفقنا ما احد يدقق على الثاني

الحتمي · 10-10-2015, 03:09 PM

اقتباس : المشاركة الأصلية كتبت بواسطة احمد الحربي

ماشاء الله الجو كان رائع توفقت في توقيت رحلتك

واصل مازلنا متابعين

هلا وغلا احمد اي الحمد لله كانت ومازالت الاجواء مقبولة نوعا ما

وكان مجرد تلبس جكيت يختفي البرد

اقتباس : المشاركة الأصلية كتبت بواسطة توبليرون

ماشاءالله بالبركة الزواج

اقتباس : المشاركة الأصلية كتبت بواسطة توبليرون

الله يبارك فيك
وحلووة تجهيزات العرس
عليكم وعلى المعازيم بالعافية
الله يعافيك وشاكر لك ذوقك
النسيان ساعات يصير نعمة وساعات نقمة خخخ
المهم مايكون نسيان شي جامد
اي اصلا هو الاكشن حق الرحلة كنا تونا عرسان ويازينها من ذكريات وتطناز

خاصة يوم رجعنا السعودية وطاحت الميانه كلنا يتطنز على الثاني
لأنها حتى هي جابت العيد في شيء كبير في معناه راح تعرفونه في نهاية التقرير

الفندق مفروض انك تعرف ان ممنوع الدخول الا بكرت العايلة
او ورقه عقد الزواج

احنا بالكويت محد يدخل الا بعقد الزواج
وحتى لو كان حاجز لليلة الزواج طلبوا من ولدي عقد الزواج

الشاليهات مايدخلون اي اثنين الا بعقد الزواج
كرت العائلة عندنا كفاية ومايحتاج عقد القران

وانا اعرفهالشيء بس كان سوء تخطيط وترتيب ههههههه
تركيا بعيونك وكلماتك أحلى وأحلى
كلك ذووق معلمتنا
الأسماك اول ما جابوها لك أكيد بيكون شكلها غير نظيف
بعدين بينظفونها لك وانا اشوف المطعم من صورتك وايد نظيف ومرتب
بس غالي والله السمكة ب 400 ريال سعودي
المهم الوناسة مع تقريرك الفرفشي
انا احب الاكلات البحرية بس بعد اللس شفته صار حماسي لها اقل من قبل

والمطعم فيه شوية اهتمام وترتيب بس مو لدرجة المبالغة في السعر

وأجمل مافي المطاعم اللي هناك ككل هو موقعها والجلسة اللي على البحر
اي بالنسبة لكلمة يدفيني صح
بس دفأة ...اعتقد انت تقصد دفأً
تابع وامتعنا بهالتقرير المميز

اي كلامك صح انا غلطت وكتبت يدفئني مع ان كلمة يدفيني تكفي في المعنى

حياك الله وشاكر لك متابعتك ومشاركتك

الحتمي · 10-10-2015, 03:16 PM

اقتباس : المشاركة الأصلية كتبت بواسطة OLGA

يا الله شكثر انت كريم مسفرها ع حسابك وو موكلها ع حسابك لا يكون مسكنها ع حسابك بعد لوول الله يسعدكم ان شاء الله
والله مادري شماكليين السمجه ام 220 ليره بس مو هامور ماعندهم هامور اصلا
الفندق اطلالته حلوه ع البحر اذكر كاتبيين عنه بالمنتدى

لاشكر على واجب

كذا تحرجوني وانا أشوفه اقل من عادي اسفرها على حسابي

ههههههههه لا عاد قوية اسكنها على حسابي

اكيد هي دفعت نص سعر السكن

وبالنسبة للسمكة يا أم لسان وشو له التدقيق والاحراج

انا قلت لك مو متأكد وش نوعها بس اللي انا متأكد منه انها سمكة ماتطير

اي الفندق كموقع وخدمة جدا رائع بس العوازل مافيه واثاثة ومساحة الغرف اقل من متوسط

يعطيك العافية على متابعتك

اقتباس : المشاركة الأصلية كتبت بواسطة troy19

من الرائع ان تبدا تقريرك بالصلاة على سيد الخلق سيدنا محمد
ولكن عزيز سيدنا محمد يأمرنا ان لا نصلي عليه الصلاة البتراء
قل اخي (قولوا : اللّهمّ صلّ على محمّد وآل محمّد كما صلّيت على إبراهيم وآل إبراهيم إنّك حميد مجيد ، وبارك على محمّد وعلى آل محمّد كما باركت على إبراهيم وعلى آل إبراهيم إنّك حميد مجيد » .
في صحيح مسلم وسنن أبي داود والترمذي والنسائي وموطأ مالك ومسند أحمد وسنن الدارمي

تقرير مميز -- وطريف احياننا
متابع لك باذن الله
مع فائق الود

جزاك الله خير نعم الأفضل والأجمل هو الصلاة كلمة على نبينا

لكن لابأس بقول اللهم صل على نبينا محمد ةعلى اله الطيبين الطاهرين

فأحيانا تقال هذه الصلاة في بداية الكلام والاختصار للمعنى

شاكر لك من الاعماق بيانك للمعنى وأٍسأل الله ان يجعلها في ميزاان حسناتك

حياك الله

troy19 · 11-10-2015, 01:21 PM

جزاك الله خير نعم الأفضل والأجمل هو الصلاة كلمة على نبينا [/CENTER]

لكن لابأس بقول اللهم صل على نبينا محمد ةعلى اله الطيبين الطاهرين

فأحيانا تقال هذه الصلاة في بداية الكلام والاختصار للمعنى

شاكر لك من الاعماق بيانك للمعنى وأٍسأل الله ان يجعلها في ميزاان حسناتك

حياك الله
[/QUOTE]

بارك الله فيك اخي العزيز
شاكر لطفك واخلاقك العاليين
مع فائق الود
لا تتأخر علينا في باقي التقرير

الحتمي · 12-10-2015, 07:53 PM

اقتباس : المشاركة الأصلية كتبت بواسطة زهرة نيسان

اللهم صل على سيدنا محمد
ياخسارة ال 10 راحت علي
المواقف هي بهارات الرحلة طبعا بعد ماتنحل هههههه
كويس مانسيت العروس
يعطيك العافية على السرد الممتع والصور الجميلة
ومتابعين معك

ابشري بالعوض وشاركيني تقرير النمسا بعد سنتين

هههههههه لا لا كل شيء انساه الا العروس

حياك الله وشاكر لك مشاركتك معي

ماجد القطري · 13-10-2015, 09:54 AM

مبروك ياعريس الله يهنيك
وموضوع شيق واسلوب رائع في انتظار المزيد من الحكاية و الاجواء الرائعه

الحتمي · 15-10-2015, 12:35 PM

اقتباس : المشاركة الأصلية كتبت بواسطة ماجد القطري

مبروك ياعريس الله يهنيك
وموضوع شيق واسلوب رائع في انتظار المزيد من الحكاية و الاجواء الرائعه

ارحب ياماجد والله يبارك فيك

وان شاء الله عقبال احبابك

كلك ذوووق وانتظر متابعتك

الحتمي · 15-10-2015, 12:40 PM

مساء الخير أو صباحه وأعتذر على الـتأخير ولازم تعذروني
ونبدأ بمقتطفات من قصيدة الأمير الراحل محمد السديري

الطيب دمعه والردى ضحكة حجاج
ونفسك قبل لا تلوم الأيام لـمهـا

لو المراجل طالها كل هراج
رخصة فعايلها وقلة شيمها

والضيق سجن البال والسجة إفراج
وأن ضامتك خطوى المقاريد ضمها

لو الرجال تقاس بالبشت والتاج
مانفرق شيوخ العرب من خدمها

من جرب الحاجة عذر كل محتاج
ناسٍ عطاها الله وناسٍ حرمها

نكمل الرحلة عن ثاني ايام الرحلة ويعتبر ثالث يوم من بعد الوصول بحيث اول يوم كان
يوم الوصول ويوم الراحة في الفندق
وهذي الرحلة ان شاء الله راح تكون رحلة خفيفة ويوم خفيف
فبما اني مسافر شهر عسل لم أبحث عن كثرة التنقلات او كثرة الرحلات
وكنت ابحث عن الإنسجام أكثر من غيره

صحيت الساعة 6 الصباح صليت الفجر
وبعدها القيت نظرة على الجو من خلال الشباك وكان الجو يفتح النفس كالعادة
وكانت لي الشباك مثل برج المراقبة من خلالها اراقب كل شيء حول الفندق وخاصة الحديقة
كانت الحديقة تفتح النفس وأتمنى اروح اجلس فيها
بس المشكلة حولها كلاب والعروسة خافت نروح هناك

اي نسيت اعلمكم الكلاب في اسطنبول موجودة في كل مكان
يعني لاتستغرب وانت جالس تتقهوى يجيك كلب ويقول كيف حالك يالأخو

.......................

.......................

بعد ماخايلت الجو مع الدريشة
اللحين تعالو قبل نبدأ خلونا نتفق ان الدريشة اسمها شباك
والدريشة والشباك يعني النافذة لازم نشوف حل لإختلاف اللهجات

هذا للتوضيح عشان لا احد يسأل يقول وش الدريشة

المهم بعدها طلعت فوق للمطعم حق الفندق لن مطعمهم في الدور الاخير
كانت عندي صور للفطور وترتيبهم لكن لإسف راحت قبل اكتب هالتقرير
وللمعلومية وللأمانة انا يوم كنت بتركيا لم اصور واجهز اي شيء لكتابة تقرير
لأني كنت اعلم بخلاف منتدانا مع موقع ياهو وكنت فاقد الأمل في عودة هذا المنتدى
وبصراحة تفاجأت بعد فترة بعودة هذا المنتدى ورجاله القائمين عليه

فشكرا لهم من الأعماق فمازال الكثير يتنفس أكسجين فضلهم

على كثير من المسافرين العرب

المهم خلوني اكمل لكم السالفة وأقولكم بعد ماخلصت فطور وين رحت
خلصنا فطور وطلعت من الفندق بودون اي خطة وبدون اي جدول
رغم اني قريت من الصور اللي كانت معي

لكن انا بعد وصولي هناك تغيرت خطتي كلياً

وان افر حول الفندق وحول بحر امنينو
وصلت هنا

وانا كنت هنا مع المدام جانا واحد عراقي وعرض علينا رحلة البسفور
وعلى طول بدون تردد قلت له تم
وأخترت رحلة مدتها ساعة
خذيت منه تذكرتين ودفعت له فلوسهم بعدها طلب مني اجلس في الباص
عشان يكتمل العدد وينقلنا مكان تحرك الرحلات
دخلت الباص لكن تأخر وبعدها طلعت من الباص وعطيته رقمي قلت اذا اكتمل العدد كلمني
بصراحة حسيت اني مطلوب أمنياً وانا جالس داخل الباص
طلعت وكملت فرة حول البحر وبعد مايقارب ربع ساعة كلمني ورجعت لهم
وانتقلنا الى السفينة

وصلنا السفينة وطلعنا وكنت افكر انه خلاص بنمشي على طول
لكن الصدمة الأخرى انه لازم ننتظر اكتمال العدد
لكن ماعليه هنا في السفينة وداخل البحر ارحم من الإنتظار داخل الباص
واخذيت كم صورة وحنا ننتظر

...................

وحنا في السفينة لاحظت المبنى هذا ويوم قريت اسمه كأنه مكتوب جامعة
لأنه مكتوب باللغة التركية لكن اللي استشفيته بخبرتي انه جامعة
تدرون انا خبير في تركيا واعرف كل شيء فيها<< والله امزح ماعمري سافرتها

المهم اكتمل العدد وبدينا تحرك وقريت في داخلي دعاء السفر

...................................

.............................................

...................................

....................................

واعتذر ماصورت صور استعدادا للتقرير
فأكتفي بهذه الصور والبعض منها كانت صور خاصة
وبعض الصور حلوة وكان ودي اقصها وانزلها هنا
بس للأسف معلوماتي الفتوشوبيه طالعة تدرس برى<< يعني ماحولكم احد

طبعا لاتنسون اني محترف في التصوير وعندي بعض اللقطات الإحترافية العالمية

المهم بعد ماخلصنا الرحلة رجعنا تقريبا على وقت صلاة الظهر

وانا في طريقي
شفت هذا المسجد والتقطت له بعض الصور الإحترافية العالمية

ياشباب وياصبايا قولوا ماشاء الله

اخاف تعطوني عين وماعاد اعرف التقط صور إحترافية

وعلى فكرة هذي الصورة مطلوبة مني بـ مليون ليرة

عشان يحطونها على غلاف أحد المجلات التركية << اللي مايصدق الله يسامحه

المهم انا اسمي هذا المسجد المسجد السلماني
استنادا لتقارير قديمة قريتها قبل سفري
فهل هذا هو المسجد السلماني او انا ملخبط؟؟

المهم وحنا نفر حول المسجد لاحظت درج ينزلون منه العالم
وكأنهم يدخلون تحت الأرض
قلت في خاطري ياولد لاتكون هذي هي ارم ذات العماد
اللي تكلم الله عنها القران
لأن كما هو معروف ان ذات العماد مدفونه تحت الأرض
بعد ان ارسل الله على قوم عاد ريح صرصراً عاتية

وانا اللي اشمر وأعض ثوبي
وأروح ركض الى هذا القبو اللي يدخلونه الناس تحت الأرض << نسيت المدام وانا اركض

تعالوا والله امزززززح
طيب خلو اعلمكم الصدق
أنا يوم لاحظت االناس كلها تحدر تحت << تحدر كلمة كويتية توي سارقها

وتحدر يعني تنزل << ماشاء الله على تقرير يجيب لكم كل المعلومات

المهم يوم شفتهم نيزلون مع الدرج قلت يالله خلوني الحقهم وأشوف وش السالفة

يوم نزلنا مع الدرج طلع سوق

السوق هذا بصراحة صغير وحلو
يعني لقيت فيه هدايا حلوة خاصة للإطفال وخذيت فيه مايقارب الساعة

بعدها طلعنا عشان نصلي الظهر في المسجد اللي اعجبني شكله

بعد ماطلعنا من السوق وتوجهنا لدورة المياة الله يعزكم
لاحظت حاجة عندهم عكس اللي عندنا تماماً
اول حاجة دورات المياة عندهم نظيفة جداً
والدخول لها بليرة فقط مقابل هذه النظافة ومقابل الخدمة
واتمنى من اعماق قلبي ان دخول كل دورات المياة العامة اللي عندنا بريال
لكن نحصل نفس هذه النظافة والخدمة
وهذي صورة لأحد العمال اللي يهتم بنظافة دورة المياة

ياعم حتى العامل لبسه كشخة
بنطلون وجاكيت وشكل مرتب
مو نفسنا أشكال عمالنا كأنه محكوم عليهم اعدام

وأخيراً وليس اخر
ما اطول عليكم
صلينا الظهر وافتريت في الحديقة اللي حول المسجد
وبعدها دورت اقرب مطعم كنت جوعان حدي
والوقت اللحين 2 الظهر
مع انه خلاص قرب الليل لأنه يأذن المغرب 5 وربع
ولازم ارجع الفندق عشان اسوي تشك اوت

فإلى هنا اكتفي معكم بهذا الكلام وهذه الصور من هذا التقرير البسيط
و الحلقة القادمة من التقرير ان شاء الله
راح نتكلم لكم عن السلطان أحمد والأجواء والراحة اللي فيها

ماجد القطري · 15-10-2015, 01:44 PM

خيالك واسع وصورك جميله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تنبيه : سأئقي التكسي في أسطنبول	النمسا	تركيا	30	29-08-2015 08:39 PM
مطاعم أدبس أبابا مطعم أسطنبول التركي	فيصل	بوابة اثيوبيا	30	27-08-2015 08:09 PM
ميزانيتي للشمال التركي و ربما ,, نقول ( ربما ) تنضم لها إسطنبول	أبو عبدالملك	تركيا	10	05-03-2015 05:36 PM