السلام عليكم
ياخوان رحلتي الى باريس انا وزوجتي ومحتاج برنامج بارك الله فيكم
1 اسواق ينصح زيارتها
2 مطاعم ومعالم ينصح بزيارتها
3 مواقع تستحق الزيارة
4 ايش ترشحون لي علما ان مدة الرحلة 5 ايام

وعليكم السلام

كل شي يعتمد على ذوق الفرد، أماكن سياحية تسوق مطاعم...
الي يعجب غيرك ممكن ما يعجبك

خذ لك جوله في البوابة وراح تلاقي كل الي تحتاجه
هذي المواضيع ممكن تساعدك

اهم معالم باريس اختار الي يعجبك واحنا نساعدك في الترتيب
http://www.arabtrvl.com/vb/t752.html

جدول ٧ ايام ممكن تختار الأيام الي تعجبك
http://www.arabtrvl.com/vb/t8570.html

شوف هالموضيعين بعد
http://www.arabtrvl.com/vb/t1043.html

http://www.arabtrvl.com/vb/t9921.html

اختار الي يعجبك واحنا نرتب معاك


* ينقل للاستفسارات *

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

مرحبا اخوي المسافر

متى موعد السفر ان شاء الله

اليوم الأحد موعد الرحلة من اسطنبول الى باريس

اها السموحه اخوي
على العموم ماقصرت مشرفتنا ام ريم عطتك الروابط المهمه

وخلك على تواصل معانا من هناك
وتابع هذا الموضوع ان شاء الله راح انزل لك الاشياء المهم والضروريه وانت اختار بينها الي يناسبك

حاليا خذ هذا الجدول وان شاء الله ينفعك بشي لأهم الاماكن في باريس
مع محطات المترو الي تحتاجها


اذا عندك اي ملاحظات او توضيح خبرني
وانت رتب الجدول براحتك

يعني عادي اليوم الرابع مكان اليوم الثاني وهكذا

تفضل اخوي الجدول





محطات المترو لليوم الاول :

- قوس النصر Charles de Gaulle - Etoile
- الشانزليزيه ( Charles de Gaulle - Etoile و (George V) و (Franklin D. Roosevelt)
- شارع الماركات Franklin D. Roosevelt
- ساحه الكونكورد والمسله المصريه Concorde
- حديقه تويليرس Concorde
- برج ايفل والحديقه (Champ de Mars - Tour Eiffel) و (Bir-Hakeim)







محطات المترو لليوم الثاني :


# متحف اللوفر Louvre - Rivoli
# كنيسه روتردام (Saint-Michel) و (Saint-Michel - Notre-Dame)
# حديقه لوكسمبورغ Luxembourg
# مجمع لي بون Sèvres - Babylone






محطات المترو لليوم الثالث :


# ساحه الاوبرا Opéra
# متحف العطور Opéra
# غاليري لافاييت (Opéra) و (Chaussée d'Antin - La Fayette)
# متحف الشمع Richelieu - Drouot
# هضبه مونمارت Anvers







محطات المترو لليوم الرابع :

# غابه بولونيا
للدخول من جهه الالعاب و وحديقه الحيوانات المنزليه Porte Maillot
للدخول من جهه الغابه والبحيره Porte Dauphine
للدوخول من جهه البحيره C رير Avenue Henri Martin

# temps مجمع الفصول الاربعه La Défense

# قصر فرساي
الذهاب من ايفل من محطه Champ de Mars - Tour Eiffel على الرير C الوصول قصر فرساي محطه Versailles - Château - Rive-Gauche

الذهاب من اللاديفانس من محطه la Defense على الخط رقم 2
والنزول في محطه lssy-val de seine
والصعود بالرير الاصفر C المتجهه الى قصر فرساي محطه Versailles - Château - Rive-Gauche







محطات المترو لليوم الخامس :

# دزني لاند : Marne-la-Vallée - Chessy
# اوت لت la Vallée ومجمع فال دي يوروب : Val d'Europe






محطات المترو لليوم السادس :

# قريه بيرسي : Cour Saint-Emilion
# مجمع Creteil - Prefecture : Creteil Soleil

رابط مجمع Creteil Soleil
وبالرابط نفسه تحت اسماء المحلات الموجوده فيه
من ضمنها :
بريمارك - C&A - كارفور - H&M وغيرها

http://www.club-onlyou.com/Creteil-Soleil/Shopping

اخوي بالنسبه للمطاعم :

1- مطعم نوره لبناني
له فرعين الي اعرفهم
واحد قريب اشوي من الشانز
والثاني في منطقه الاوبرا

مطعم نوره فرع الاول
لما تكون بالشانز بتحصل محل لويس فوتون وجنبه مقهى وفندق فوكيتس
وبينهم في شارع
تمشي على هالشارع تقريبا 500 متر بتشوف على يمينك فندقين واحد منهم فندق فور سيزون
تاخذ يمين بعد الفندق وتمشي اشوي لين التقاطع بتشوف مطعم نورا قدامك

الثاني قريب جدا من ساحه الاوبرا


2- مطعم ايراني في الشانز
تمشي من جنب الماريوت تخليه يمناك وبعد الماريوت بتشوف يمينك محل H&M وبعد المحل في لفه يمين ومع هالفه بتشوف محل مذركير وبعد تمشي سيده
اول لفه يمين بعد محل مذركير تلف يمين
يعني بالضبط المحل الي تلف منه يمين اسمه swatch
وبعد ماتلف يمين تمشي تقريبا 50 متر بتشوف المطعم يمينك

3- مطعم هندي في الشانز

من فندق الماريوت تخليه يسارك وتمشي تقريبا 20 متر بس
بتحصل من بين المحلات مدخل مكتوف فوقه رقم 66
ادخل منه المطعم الهندي بتحصله داخل
ومرات بتشوف واحد لابس ملابس هنديه وفي يده لوحه دعايه للمطعم


4- بيتزا بينو
مطعم ايطالي اشهر من نار على علم
للبيتزا والباستا وغيرها
ماقابل فندق الماريوت على الشارع الثاني


بالنسبه لمطاعم الحي اللاتيني متوفره المطاعم الحلال هناك بكثره مافيها مشكله

بالتوفيق اخوي

الله يعطيكم العافية ماقصترو والحمدلله انا الان في باريس