مغامراتي البحريه في الكروز MSC للأراضي النروجيه - الصفحة 28

hearty · 27-01-2016, 09:30 AM

اولا اهنيج علي روح المغامره برحله علي السفينه لاول مره روعه يا اختي من تفاصيل دقيقه ومغامرات روعه بس الي ضحكني انج مره قايله اكلتي لحم خنزير بالغلط وبعدها تشكيتي ان كثر الخفايف عندهم واكهم لذيذ تشكيتي من زيادة الوزن ههههههههههههه اذا الخفايف ما شاء الله تاكل قبيله باكملها اكيد بتمتنون ههههههههههههههه عيني بارده والله الله يهنيكم فعلا بداية رحله رائعه جدا يا اختي بس خايف من تمرد النساء ههههههههههه الحين اي وحده يعتذر زوجها بالسفر معاها دايركت وسيدا وعلي طول عالكروزات ههههههههههههه رحله موفقه يا اختي اشكرج علي هذا التقرير المميز

هداوه · 31-01-2016, 11:29 PM

اقتباس : المشاركة الأصلية كتبت بواسطة مجدي

الامواج العالية في وسط المحيط مرعبة
وخصوصا لما تستمر لوقت طويل
الله كان بعونكم

اقتباس : المشاركة الأصلية كتبت بواسطة مجدي

الواحد حتى ما يقدر يقعد او ينام
الترتيب جدا مهم بيوفر عليكم مواقف محرجه
حاسس بشعوركم وانتم تنتظرون التاكسي كل هالوقت، شيء بقرف، متعب جدا وممل، وبعد ما تركبوا يكون السواق مزاجه معكر، والطرق زحمه، وبعدها تنزلوا بعيد عن الفندق وتسحبوا الشنط في الشارع. وضع لا تحسدون عليه

لكن الحمد لله انه بعدها استمتعوا بوقتكم ونسيتوا احداث هذا اليوم المزعجة

يعطيكي العافية على تقريرك الجميل
وان شاء الله يكون معك وقت تقدري تشاركينا احداث باقي الايام

تحياتي لحضرتك

sent from Galaxy Note 5 using Tabatalk

الله يعافيك يارب والف مبروك ع المركز الاول

وسامحني اني ماقريت تقريرك بس ان شاءالله بقراه قريبا

تستاهل كل خير أخوي مجدي

وشكرا ع متابتعك لي وتشجيعك

اقتباس : المشاركة الأصلية كتبت بواسطة q8ya metnaqla

قواج الله يا هداوه على هالتقرير البحري [emoji1376][emoji1376][emoji108][emoji108]
والمعلومات اللي فيه [emoji108][emoji108]
قعدت اتخيل شكل الكروز مع الموي سبحان على ضخامتها بس بس الموي ما خلاها تثبت..
ههههه سالفه العلج بو نص ساعه بدعتي [emoji23][emoji23][emoji23]
اشوه انج ما مابينت خوفج جدام بناتج[emoji1374]
الله عانكم على طناقر الخال [emoji23][emoji23]
الله يعطيج العافيه وسلمت الانامل [emoji1376][emoji1376][emoji253][emoji253][emoji253]

هههههههههههههههههههههههه

ضحكت ع تعليقاتج الحلوه كعادتج

الله يعافيج ويسلمج

شكرا ع متابعتج لي واللي استمتعت فيها بكل مشاركاتج

اقتباس : المشاركة الأصلية كتبت بواسطة q8ya metnaqla

العرب المسافرون

اقتباس : المشاركة الأصلية كتبت بواسطة رعبوب

الله الله الله الله عليك يأختي ام عيسي والله يبارك فيك

اقتباس : المشاركة الأصلية كتبت بواسطة رعبوب

رحلة موفقة جدا وتقرير وافي ورائع كما عودتينا

والله يخليكم لبعض

في رايك هل عندك استعداد تكررين التجربة ام مرة وحدة فقط ؟

ياهلا فيك أخويي رعبوب

اللهم آمين

الصراحه اتمنى اعيدها بس في جهه ثانيه وعالم ثاني

مجديمعجبون بهذا.

هداوه · 07-02-2016, 08:31 PM

يسعدني مساكم

السموحه تأخرت في الرد عليكم

شاريه لاب توب يديد من ماك ومجنني وأحاول اتعود عليه

وغيرت المتفصح ع فاير فوكس وانحلت مشكلتي

نرجع للردود الجميله اللي أسعدتني

اقتباس : المشاركة الأصلية كتبت بواسطة dana99

تسلمين ام عيسى على التقرير المميز و الجميل

الله يسلمج يالغاليه وشكرا ع متابعتج

اقتباس : المشاركة الأصلية كتبت بواسطة Haksa77

اقتباس : المشاركة الأصلية كتبت بواسطة Haksa77

ماشاء الله
تقرير رائع كروعة صاحبته
أستمتعت كثيراً في تقريرك ي مميزتنا
يعطيكـ العافية أم عيسى

الله يعافيك ويسلمك آخويي وشكرا ع متابعتك

اقتباس : المشاركة الأصلية كتبت بواسطة كتكات783

إبداعك فضاااااااااء وتقاريرك نجوم .. تُزينه ..

( هداوة ) مَدْرسةٌ تعلمنا بصفوفها السفر والترحال على هذه الأرض ..

وهانحن .. نتلقى منهجنا الجديد ( السفر والترحال وسط البحار ) ..

قِلةٌ من خاض هذه المتعة وهذه الثقافة ( رحلات الكروز )

أول تقرير قرأته وكان مميزاً جداً كان لأحد الأحبة ولحظنا السيء أُغلق المنتدى قبل إكماله ..

وأقولها صادقاً .. عوضنا رب العالمين خيراً بهذا التقرير الرااااااائع بقلمك ..

من الأشياء الجميلة التي لفتت انتباهي ..

طريقة السداد بكرت الغرفة .. البهو الرئيسي هاااائل .. دقة المواعيد وانضباطيتهم ..

احترافيتهم وسرعة التجاوب لبعض المواقف الطارئة .. وكذلك مدينة بيرجن ومزاراتها ..

وتلك البحيرة الحااااالمة .. ومناظر الغروب التقاطاتك لها جميلة جداً ..

أقدِّر لك يا أم عيسى كل هذا الجهد وكل هذا العمل بتفصيلاته وسرده وصوره ..

أكاد أجزم بأنه سيكون مرجعاً طويل الأجل لرحلات الكروز ..

حفظك الله وحفظ لك أحبابك ..

الله يحفظك ويحفظلك كل من تحب

وأشكر من كل قلبي ع كلماتك الجميله اللي أسعدتني صراحه

والحمدالله اني أنجزت شي جميل في حياتي وهي افادة الناس اتمنى من الله انه تكون في ميزان حسناتي

اقتباس : المشاركة الأصلية كتبت بواسطة hearty

اولا اهنيج علي روح المغامره برحله علي السفينه لاول مره روعه يا اختي من تفاصيل دقيقه ومغامرات روعه بس الي ضحكني انج مره قايله اكلتي لحم خنزير بالغلط وبعدها تشكيتي ان كثر الخفايف عندهم واكهم لذيذ تشكيتي من زيادة الوزن ههههههههههههه اذا الخفايف ما شاء الله تاكل قبيله باكملها اكيد بتمتنون ههههههههههههههه عيني بارده والله الله يهنيكم فعلا بداية رحله رائعه جدا يا اختي بس خايف من تمرد النساء ههههههههههه الحين اي وحده يعتذر زوجها بالسفر معاها دايركت وسيدا وعلي طول عالكروزات ههههههههههههه رحله موفقه يا اختي اشكرج علي هذا التقرير المميز

العفو

فعلا اعتبرها مغامره هاي الرحله وخصوصا اني بروحي مع بناتي

لكن بعد تجربتي أقول انه الدنيا تغيرت وايد والسفر صار سهل وايد بس يباله تخطيط سليم

صح نحن مانستغنى عن الرياييل بس ممكن نسافر بدونهم

طبعا أقصد في العموم ولا اسعى لتمرد الزوجات ههههههه

مب كل الرياييل واحد ولاكل الزوجات واحد

ممكن زوجه مايمانع زوجها تسافر بدونه بس هي تخاف وتحس ماتقدر

وممكن فيه أزواج مايقبلون زوجاتهم يسافرون بدونهم وهكذا

كل واحد بظروفه

قصة حب و hearty معجبون بهذا.

cash2000 · 08-02-2016, 10:27 AM

تابعت بكل شغف تقرير الاخ القطري ابو سعد والاخت هداوة .... ماشاءالله درتين في عقد من المعلومات المفيدة والصور الرائعة .. بارك الله فيكما وجزاكما عنا كل خير

عاشقة مسقط · 10-02-2016, 12:34 PM

اقتباس : المشاركة الأصلية كتبت بواسطة هداوه

العرب المسافرون
الرحلات البريه والبحرية

بسم الله الرحمن الرحيم

يسعدني صباحكم ومساكم

وبالحب نلتقي وياكم في رحلة يديد ومغامره يديده

والسموحه اني تأخرت في التقرير

واليوم قلت بنزل لو مقدمه صغيره عشان أحط عمري في الامرالواقع

وابدأ التقرير

الجزء الأول

مقدمه

رحلتي هاي لاكانت ع البال ولا ع الخاطر

من قبل شهور وانا أستعد واجهز لرحلة الصيف واللي كانت بتكون ولاول مره الى أمريكا

بدينا بحجوزات التذاكر والسكن والسياره وجهزت المعلومات المطلوبه ... الخ

وفي شهر 6 صدمنا بوعيسى وقال سفرة الصيف بتتكنسل نهائي بسبب ظروف عمله

وبعد تفكير ومناقشات قررنا انه انا والبنات نسافر أي بلد لو حتى 10 أيام

وبوعيسى والاولاد يظلون في البيت

ورغم انه البنات كانوا متضايقين انه حلمهم في أمريكا مابيتحقق

الا انه فكره انه نحن بروحنا هاي أسعدتهم

الحين عاد هداوه دخلت في حوسه ، مب عارفه وين نسافر

ودي ببلد يديده وفي نفس الوقت أقدر أدبر حالي فيها مع البنات

وانا أبحث وأفكر

تذكرت رغبتي في زيارة النرويج وفكرت نسافر النرويج ولكن اذا سرنا بروحنا بتكون صعبه

لازم نسير عن طريق شركه سياحيه لأنه الاماكن المعروفه عندهم تبعد عن اوسلو بالساعات

وعقب تذكرت سالفة الكروز

ويلست أبحث وأدور عن كروز يودينا للاماكن اللي ابا أشوفها من النرويج ..

يلست أدور تقارير تساعدني بس ماحصلت

ولقيت مره رد من الردود لمشرفنا qa6ar911 وفيه كان يتكلم عن الكروز

فحسيت انه عنده فكره عن الكروزات

وع طول راسلته وبفضله عرفت ارتب اموري

فكل الشكر والعرفان لخويي ومشرفنا القدير

أبو سعد

والصدفه انه هو كان في نفس الوقت يفكر برحله بالكروز

والحين عندكم تقريرين دسمين مني ومن بوسعد

وكل واحد منا أختبر شركه مختلفه من شركات الكروز

وكل واحد منا جرب بلدان مختلفه

فالفايده ان شاءالله بتكون كبيره لكم

وهذا تقرير مشرفنا القدير بوسعد...

http://www.arabtrvl.com/vb/t10755.html

يلا اترياكم تتجمعون عشان نبدأ التقرير

شكلي جيت متأخره كثير ...

و ما قرأت الا المقدمة لأتأكد أن هداوة بالفعل راحت رحلة كروز

إلي أعرفه ان هداوة راعيت بر ،،،ما راعيت بحر

ان شاء الله أكمل باقي التقرير
و كلي ثقة أنه رائع كروعتك دائما

أبن السلطنةمعجبون بهذا.

هاوية الاسفار · 11-02-2016, 11:54 PM

وصلت الصفحة 20 في يوم واحد و مب قادره اكمل تعبت
ما شاء الله رحله فنانه و من زمان خاطري في الكروز بس متخوفة
و احس ما تناسبنا احنا العرب
و الموظفة من شفت صورتها توقعت انها عربيه

مغامراتج عجيبه
اما سالفة المدير ضحكت من خاطري
و الله يالسه بروحي اقرأ التقرير و اضحك اخاف حد يشوفني و يقول خبله
و من قلتي تبانتج عورتج ذكرتيني و حسّيت فيج كانت آتيني هالحاله تخيلي و انا راقده يوم كنت حامل
و تدمع عيني من الالم
سلامتج و الله يعينج
بكمل بأجر

هاوية الاسفار · 15-02-2016, 01:12 PM

استمتعت وياج بكل جزء
الرحلات و المغامرات كلها حلوه
عاد انا من زمان خاطري اجرب الكروز
و يفز قلبي كل ما اشوف الكروزات واقفه في ميناء راشد
صوب الشندغه و اليوم صدفه فتحت تيلفوني و اشوف دناتا مطرشين إيميل
عندهم عروض لرحلات الكروز أظن حسوا فيني
عاد يلست اسولف حق ابو عيالي و تحمس اخاف الحين يسير بروحه و يخليني
مشكوره وايد على ذكر تجربتج و ان شاء الله بيكون التقرير مرجع لمحبين الكروز
تسلمين

رئيف · 19-02-2016, 07:34 PM

رحلة جميلة وتقرير رائع

عندي سؤال يجب الالمام باللغة الانجليزية تحدثا وكتابه واستماعا وقراءة في مثل هذا النوع من السفر والا ممكن الواحد يتكلم عربي وهناك مترجمين

رعبوب · 22-02-2016, 04:09 PM

العب العب تقرير بأسمك اكيد راح يكون فخم

روعة وتجربة جيدة

هداوه · 23-02-2016, 01:43 PM

اقتباس : المشاركة الأصلية كتبت بواسطة cash2000

تابعت بكل شغف تقرير الاخ القطري ابو سعد والاخت هداوة .... ماشاءالله درتين في عقد من المعلومات المفيدة والصور الرائعة .. بارك الله فيكما وجزاكما عنا كل خير

ياهلا وسهلا فيك

وان شاءالله عقب مايكمل بوسعد تقريره بيكتمل العقد وبيصير أجمل

اقتباس : المشاركة الأصلية كتبت بواسطة عاشقة مسقط

شكلي جيت متأخره كثير ...

و ما قرأت الا المقدمة لأتأكد أن هداوة بالفعل راحت رحلة كروز

إلي أعرفه ان هداوة راعيت بر ،،،ما راعيت بحر

ان شاء الله أكمل باقي التقرير
و كلي ثقة أنه رائع كروعتك دائما

هيه والله صح كلامج انا راعيت بر بس هاي الرحله خلتني أحب البحر

وأغير نظرتي فيه بس اظل ما أتحمله خصوصا في القوارب الصغيره لاني أهدم يعني يصيبني غثيان

اقتباس : المشاركة الأصلية كتبت بواسطة هاوية الاسفار

وصلت الصفحة 20 في يوم واحد و مب قادره اكمل تعبت
ما شاء الله رحله فنانه و من زمان خاطري في الكروز بس متخوفة
و احس ما تناسبنا احنا العرب
و الموظفة من شفت صورتها توقعت انها عربيه

مغامراتج عجيبه
اما سالفة المدير ضحكت من خاطري
و الله يالسه بروحي اقرأ التقرير و اضحك اخاف حد يشوفني و يقول خبله
و من قلتي تبانتج عورتج ذكرتيني و حسّيت فيج كانت آتيني هالحاله تخيلي و انا راقده يوم كنت حامل
و تدمع عيني من الالم
سلامتج و الله يعينج
بكمل بأجر

اتمني الحين تكونين خلصتيه كله

بالعكس وايد تناسبنا ومافيها أي شي مب مناسب لنا الا صالة القمار وهالشي عادي في اوروبا

ونحن كنا بدون ريال وكانت ممتازه أمان ووناسه واسترخاء

شو أسوي دوم سفراتي فيها اكشنات ومواقف

انا شراتج يوم كنت حامل كان يصير هالشي فجأه أقوم من النوم أصرخ بس كان يستويلي في جدم ريولي

وحليله بوعيسى تخبل من كثر ما أنقزه من النوم هههههههههههه

الله يسلمج حبيبتي

اقتباس : المشاركة الأصلية كتبت بواسطة هاوية الاسفار

استمتعت وياج بكل جزء
الرحلات و المغامرات كلها حلوه
عاد انا من زمان خاطري اجرب الكروز
و يفز قلبي كل ما اشوف الكروزات واقفه في ميناء راشد
صوب الشندغه و اليوم صدفه فتحت تيلفوني و اشوف دناتا مطرشين إيميل
عندهم عروض لرحلات الكروز أظن حسوا فيني
عاد يلست اسولف حق ابو عيالي و تحمس اخاف الحين يسير بروحه و يخليني
مشكوره وايد على ذكر تجربتج و ان شاء الله بيكون التقرير مرجع لمحبين الكروز
تسلمين

كشخه والله مطرشيلج عروضهم

انزين شو كانت عروضهم ؟

الود ودي أعيد التجربه بس هاي المره اباها مع بوعيسى

اقتباس : المشاركة الأصلية كتبت بواسطة رئيف

رحلة جميلة وتقرير رائع

عندي سؤال يجب الالمام باللغة الانجليزية تحدثا وكتابه واستماعا وقراءة في مثل هذا النوع من السفر والا ممكن الواحد يتكلم عربي وهناك مترجمين

ياهلا ومرحبا

للاسف ماشي مترجمين ولازم تكونون ملمين باللغه الانجليزيه

اقتباس : المشاركة الأصلية كتبت بواسطة رعبوب

العب العب تقرير بأسمك اكيد راح يكون فخم

روعة وتجربة جيدة

ههههههههههههههههههه

حبيتها العب العب

شكرا خيوو

هاوية الاسفارمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة الأحلام المتوسطيه في الكروز EPIC	وجهات أوروبية	رحلات الجزر والكروز	157	05-08-2019 04:10 PM
رحلات الكروز cruise Tasik فى بحيرة بوتراجايا الرائعة	أبوعبدالله (الاسفار )	ماليزيا	16	07-12-2017 05:40 PM
رحلة فردية للأراضي الامريكية ...	Tamem	بوابة امريكا	108	20-11-2015 08:37 AM
اريد قائمة لاسماء شركات الكروز من تقوم برحلات على المضايق النرويجية وجزيرة ايسلندا	غرام الامل	بوابة اسكندنافيا	3	25-02-2015 03:00 PM