تسلمين يا العسل
ههههه اي والله ما نام مخي

تسلم ايديك أبو عبدالله على الموضوع الخفيف على القلب والروح


موتوني ضحك الله يرضى عليكم كلكم


بس كله كوم وموقف أبو عبدالاله كوم

شكرا للاخوة و الاخوات على كتابة هذه المواقف الظريفة و اللطيفة و قد تكون المحرجة لهم فى مناسبات و ظروف السفر

اتمنى اقرأ المزيد من المواقف او المطبات ... مو المطبات الهوائية ... !!!

فى انتظاركم

( الاسفار )

حمدا لله على السلامه

مواقف روووعه والله ضحكت من قلبي

المواقف كثيرة لكن في موقفين صاروا لي في شهر العسل في ماليزيا لين اليوم اذكرهم
والغريب ان الموقفين صاروا في يوم واحد سبحان الله كان يوم الاحراج العالمي
وانت بشهر عسل وبعدك ما اخذت علي المدام واقل شي يحرجك جدامها

المهم الموقف الاول كنا في سنتر في كوالالمبور علي ما اذكر انة برجيا تايم سكوير
وكنا في محل كبير فية ملابس واكسسوارات والعاب نفس السنتر بوينت قلت للمدام ثواني وبرجع لك
رحت جبت غرض بسرعة وما تأخرت رجعت لنفس الموقع الى كانت فية
شفت المدام تسحب عربة التسوق ممزورة اغراض قبل شوي كانت فيها اغراض قليلة !!
ما حبيت اعلق تقول عني بخيل قلت بسوي نفسي ظريف
حطيت الغرض الي في ايدي في العربة وقلت لها اجيب عربة ثانية
هذه شكلها ما بتكفي (خف علينا ياحاتم الطائي )
اشوفها اطالعني وتسحب العربة وما تتكلم
قلت بسوي فيها اتكيت قلت لها خلي عنك انا بسحب العربة
ما طاعت تعطينى واطالعني وما تتكلم !!
وانا مستغرب ومو عارف السالفة الا اشوف وحدة منقبة ثانية تسحبني من ايدي
تقول لى تعال تعال
عرفت انى مخربط مو هذه حرمتي زين ما طب علي زوجها
كنت بشوف انواع البوكوس في ويهي

المهم خلصنا الموقف وخذيناه بروح رياضية وضحك وسوالف وصلنا الفندق
وانا شكلي بعدني مرتبك من الموقف الي استوي
نحن ساكنين في الطابق 21 وانا بالغلط ضغط 20
فتح باب المصعد وطلعنا طبعا ممرات الطوابق كلها تتشابة
وقفت عند باب غرفتي و جيت أفتح الباب بالبطاقه ما طاع يفتح
قلت يمكن البطاقه يحتاجلها أعادة برمجه،
قلت للمدام أنتظريني عند باب الغرفه وخل الاغراض وياج
ونزلت الاستقبال وقاموا بأعادة برمجه للبطاقة ورجعت الى الغرفه
ولكن.!!!!! وين المدام ؟؟؟ ما في احد !!!

قلت يمكن عامل النظافة مر من هنا وفتح لها الباب
فتحت الباب البطاقة شغالة وكل شي تمام لكن مافي احد في الغرفة
الحين شو السالفة دور يمين يسار مافي
قمت أدور مثل المجنون في الفندق رحت الاستقبال قالوا لي ما شفنها
قلت لهم هاتوا لي مدير الامن ومدير الفندق ابا زوجتي
في هاللحظة كنت أشوف صورة عمي أبو المدام لما أرجع وأقوله أني ضيعت بنتك
صار حالة أستنفار وجابوا لي مسؤل الامن ومسؤول العلاقات العامة
ومر يمكن ساعة وبعدين قالوا لي تعال
ركبنا المصعد ورحنا الطابق 20 حصلت المدام واقفة مع اغراضها مكان ما خليتها
ما عرفت شو اقول جان اقولها انتي وين رحتي هههههههههههههههههههههه
احلي شي الموظفين في الفندق لما يشوفوني كانوا يقولوا لي أها أنتبيه علي المدام .... والله تفشلت

ههههههه العقرب مالك حل !!!

فطست من الضحك هههههههه

اضحك الله سنك

المدام كل الحالتين ما عرفت ايش الدعوة !!!!

[QUOTEحن ساكنين في الطابق 21 وانا بالغلط ضغط 20
فتح باب المصعد وطلعنا طبعا ممرات الطوابق كلها تتشابة
وقفت عند باب غرفتي و جيت أفتح الباب بالبطاقه ما طاع يفتح
قلت يمكن البطاقه يحتاجلها أعادة برمجه،
قلت للمدام أنتظريني عند باب الغرفه وخل الاغراض وياج
ونزلت الاستقبال وقاموا بأعادة برمجه للبطاقة ورجعت الى الغرفه ] [/QUOTE]